宇見的植物
                                                                     ......................................
                                                                                                                              

                                                              
  
                                                                      


植物趣記!

風雨花開花時必會下雨 -

哈哈!勿欣賞它的花太耐呀,小心天上隨時灑下大雷雨啊,真係講都唔信,我幾次遇到它開花時不久便會下大雷雨,風雨花果然名不虛傳。

21-May-04 西貢蕉坑獅子會自然教育中心

 

野百合的根好吃嗎 -

從手中看到顏色是白色,多汁,有種爽脆手感,但當吃下時感覺會很苦,聞說有潤肺作用,你說好吃嗎?

14-Apr-04 釣魚翁

 

用什麼植物煮茶會更香呢 -

去行山澗有時會煮下茶飲,無他既!貪方便可以就地有山水名茶嘛,不過如果帶來的茶感覺唔夠香,咪又係可以就地取材,什麼材?便是沿澗都可以利用既石昌蒲喇,係用佢的小小根,刮淨後用水煮煮,佢的根香味就會滲透出來,用來侷茶飲好香好正,不過真係用小小根好囉!

09-Apr-04 大城石澗

 

雀梅果好吃嗎 -

以為今天會下雨,想唔到天氣只係天陰陰,草草看落都好乾淨,行到近海邊見到一棵雀梅,佢既果實又熟又黑,唔駛講食下試下先啦,食落味道都好好播,感覺果實中間有粒細核,好多汁,味道是酸酸甜甜,似黑色萄提子般,睇睇呢粒雀梅有無令你有解喝既感覺?

03-Apr-04 三椏涌

 

白花油麻藤的汁液是什麼色 -

漁護處都唔知攪乜鬼?星期日攪到條行山徑好似馬路咁款,因條越野單車徑不適用於星期日及公眾假期,不應準許讓給越野單車亂行亂撞,撞到連郊遊指示牌都甩埋;哈哈!星期一班漁護處老虎又要帶備架生上山做野喇;不過在避單車之際,發現間中在樹與樹之間掛了一撮撮垂下來好美麗的白花,啊!原來係豬牙花 - 白花油麻藤是也,原本我只係遠觀就算,但行到一條水澗附近,好奇往上去又見另一棵白花油麻藤,人講它的汁液流出來是紅色的,唔信!來看看吧!

21-Mar-04 小欖越野單車徑

 

隨處可取的生化武器 -

許多人都知道大嶼山係個草藥庫,不過大嶼山連馬路邊都有多種草藥就真係得意,行不過百步便見有老鼠腹B毛相思子、龍珠果、亞麻草等等,但係有一種生得又大又靚兼滿佈田野的,它就是隨處可取的生化武器-蓖麻,經研究証實,用蓖麻子數粒便可殺死一小孩,而7毫克的蓖麻蛋白或0.16公克的篦麻鹼即可致人於死,每公克蓖麻蛋白的毒性便相當於氰化物毒性的6000倍,到目前蓖麻蛋白的毒性還未有解藥,你敢看看它的真面目嗎?

13-Mar-04 貝澳

 

佢個名改得好貼切 -

有人話呢種草係香港四大毒草之一,你信唔信?我知識有限唔多清楚,但呢種草一試就死我就真係信播!佢個名仲好鬼惡添,可能係前人改來警告後人唔好亂採摘掛?否則無端端痛苦死了就唔好啦!佢叫乜名咪叫斷腸草囉,佢個衰樣係點,開出來睇睇咪知囉!

07-Mar-04 雷打石山

 

合約期滿前做番件小事 -

所謂遠在天邊,近在眼前。行山時都係留意緊呢件毒野,點解......咪就要找到後帶去被遊客參觀下囉,所以有時要到別山區找尋合適的,但找到後唔係太大就太小,莫非無乎?尋下找下我們工作合約都快滿啊!為有到工作常到的地方穿穿山林,但垂頭行了不久就見到一、二、三株......嘩,還有好多大中小棵添,四處睇睇原來係個天然產地埸來,我們興奮之餘又怪自己找呢件毒野原來這麼多在自己工作範圍內都唔清楚,好!帶一株合適的返去就夠喇,呢件毒野叫馬錢是也。

Feb-04 大岩口

 

經常撩起人貪念的行山棍 -

哈哈!唔係體育公司有得賣避震個款行山棍,又唔係縮得好細枝個款,呢款野去行山撘車時會經常聽到,一班行山人互相拿住時就會向朋友吹墟一番既,但有的行山友見到會眼都大晒,即時起貪念,你應該都估到支行山棍係山桔掛?

11-Jan-04 烏洲塘

 

蕨類植物在自然界中作古庭園點綴 -

大埔梧桐寨長瀑對上一帶,生長著很多茂密樹林,由於地形是斜度頗大的一幅崖坡關係,兼且鄰石處處,又受潮濕環境因素影響而成了一幅自然界古庭園,當然單靠大小樹木、石頭、霧氣還欠一些庭園點綴,幸好還有一種蕨類植物自然而美麗地生長在石隙、山坡,甚或大型樹丫上來補賞這些缺陷,看去是一蓮座狀態,很半透的白青綠色,拿上手感覺似朔膠質,估到嗎?是雀巢蕨呀!

04-Jan-04 梧桐寨

 

要行過百步,先知咩叫百[步] -

行了一日,點只行過百步,成萬步都有啦!過了分叉路口便轉入稀有的秀英竹林,突然某君停步後急步落去又滑又斜既叢林到,心想唔駛講佢又係發現到乜乜靈芝之類啦,果然呢個靈芝怪客真係去睇靈芝,慮到我們都要跟埋落去,後來突然唔知點解,條靈芝友眼光光好似撞邪般跪係到望住塊葉,仲話見到寶,我們話見到乜寶?佢話係好難先見到既驅蟲草藥-百部,真係要行過百步,先知咩叫百部[步]呀。

14-Dec-03 橫山腳

 

行山原來好多狗 -

有無發覺有時行山除野狗外,還有另外一種金毛色的狗在山徑兩旁呢,牠們喜歡把身體伏在地下,只靠水為生,但當人行過時並唔會吠,若你懂得利用牠的長處,聞說在意外出血時用牠的金毛可作止血用,牠們叫什麼名字?多利、旺財、狗狗......通通不是,正是叫金毛狗。

02-Nov-03 城門

 

海灘都有人參食 -

行海灘想食人參?開玩笑就可以,但有種海灘植物食落有陣參味就真係有,呢種植物唔係隨處在海灘找到,它並不是稀有的北沙參,而是補血草的根部,下次見到不防只摘小小試試,但切記要刮去根皮食喎。

19-Oct-03 赤徑

 

 

 

 

 

 

 

 

 

 

 

 

 

 

 

 

 

 

 

 

 

1