|
aLison o既私日記
~有可能係月記甚至係年記~
21-6-2001
haha~ 終於整o左一個網上日記.
幾好丫~ 不過呢... 我未必會成日refresh 架... 所以... er... 係啦...
仲有呀, 你千祈唔好寄望呢度可以八倒我o的乜o野... 寫得o係度o既,
都唔慌會係乜o野大秘密~ 呵呵呵~
好開心呀~~ 考晒試好興奮呀~ ^.^ 唔知一陣去邊度好呢~
而家勁得閒呀~ 仲有o的悶... 有乜好做呢? 有無人有乜好o既建議?
呀.... 想行街街呀, 唔知邊個可以陪我呢? 你睇, 無 boy-friend
就係o甘樣o架喇... 唉~~~ 算o拉, boy-friend只係靚女o既專利...
22-6-2001
好悶呀.... 無野好做...
悶死我喇... 今日先係星期五, 下個禮拜二先返學, 淨低o個三日真係唔知點過o羅...
我家姐仲想話要用部電腦玩ICQ o忝呀... 無喇, 我無喇, 玩完喇,
悶死喇, 無得ONLINE呀~~~~~~~ 我唔制啊!!!!!!!!!!! >_<
23-6-2001
今日, 有件好悲哀o既事發生o係我身上.
無得去玩... 咦?! 唔人道呀~ >.< aRRRRRRRRRRR~ 有無搞錯喎....
我真係好想去o個個旅行呀..... 難得有人叫我出去玩.....
我一定要同我阿媽堅持到底!!!!!!!!!!!!!!!!!!!!!!!! 睇住o黎啦...
我一定要拗過拒...
28-6-2001
考晒試,
返學就係為左對試卷... 有見及此, 我就決定, 每日都隨身攜帶
gameboy 乙部上學!!!! 呵呵~ 堂堂都o係度打機! @-@ 唔錯唔錯...
好彩, 我地o既英文老師 Mrs. Lim 為左提高3E學生o既英語聽寫能力,
竟然每堂都有新搆作~
先有考我地講英文能力的
"話劇", o係10分鐘內根據10件 "無乜關係"
的物品作一個劇本, 然後o係全班同學面前做o個個話劇... 我o個組o既
"傑作" 竟然因為所佔o既時間太長, 而俾人中途cut鬼左~
失敗~
29-6-2001
第二日, 即係今日,
就考我地聽英文o既能力. Mrs Lim 俾左一張被剪成52份o既紙我地.
果張紙有D英文歌的歌詞. Mrs Lim 竟然狠心到
叫我地一路聽住播放o既歌, 一路拼返晒所有歌詞! 天呀~~~~~~~
好難呀.... 不過D歌詞好正~ 哈哈! 頭兩句係 "Man, it's a hot
one. Like seven inches from the mid-day sun" 擺到明係講緊而家o既情況~
^^" 之後Mrs Lim 同我地解釋歌詞. 其中一句有個字"melt".
佢為左令我地明白, 於是就用左個比喻o黎解釋. 佢話,
"Well, when you get on a bus and see a handsome boy in St. Paul's College,
you'll said, 'ohhh~ I'm going to MELT~'..." 天呀! 乜佢咁講我地架~
講到我地好似成班都發姣咁... 佢係落左好重語氣o係"St.
Paul's College" o個度架囉... 無奈~ 唉唉~~~~ 我無野好講.
7-7-2001
都話左架啦,
我唔係日日都refresh架啦! 你又唔信... 今個暑假,
一定會過得好有意義, 皆因我會o係呢個暑假一口氣做兩個義工...
先有教小學生數學, 後有教老人家電腦... 真是"精彩"...
你都咪話唔戔~~~
7月9日有interclass singing contest,
我班入左final~ so far so good! 希望３Ｅ可以獲獎~ Ｓｔａｎｄ ｂｙ ｙｏｕ!
我支持你地呀, Vivian, 何明, 阿Miu, Step. Law, 汪汪, Q. Man, Sam!
22-7-2001
尋日發生左一件好唔開心o既事......
呢件事對我的影響好大好大....... 我遲o的可能無得再上網玩ICQ......
無得再refresh 呢個homepage...... 我因為呢件事捱了兩巴掌.......
好似好難以置信gam...... 但好有可能變成事實ga......
而家我都唔係o係屋企 edit homepage o既......
喂! Interclass sinaing contest仲有下文ga...
我地3E o既7人大組o係 "Junior group" 度成功獲得
champion!!!! 呵呵呵呵!!!!!!!!!!!! 3E 係最勁o既!!!!!!!!!!!!!!!!! (痴左線)
點都好啦, 我係永遠都唔會忘記3E o既~~~ 3EtErnity~* 係ssgc3E
(2000-2001年度) o既班徽, 我曾經用過 "3EtErnity~*anniE"
呢個nickname黎玩ICQ ga~ 大家都要記得ssgc曾幾何時都有過一個如此
spiritual 的3E班啊~ anniE在此向各位謝過... ^_^
24-7-2001
今日無乜特別o既事發生,
好悶呀... 一號風球... 唔... 星期日果晚(今日係星期二) 好正,
一家五口, 夜"媽媽"走左去利舞台睇 "少林足球"...
好好笑呀... 周星馳好掂呀... 我笑到差D抖唔到氣呀...
我打算o係呢個homepage 度開個新section,
記錄一D好句或者名言又或者一D好正o既歌詞,
俾人用黎娛樂或作為寫 info的好提材, 希望你地可以email
一D好句俾我啦! 唔該晒! 呢個section 應該好快有得出街架喇!!!
希望可以得到你地o既支持, 多多指教喇! @-@
3-9-2001
嘩...
話咁快又放晒暑假喇... 真係唔捨得...
又要過返呢個朝六晚十一o既生活喇... hehehe~
我呢個暑假睇左好多戲呀... Final fantasy啦, 少林足球啦, Para
Para Sakura啦, 侏羅紀啦, 火拼時速啦, 仲有我等左好耐o既我的野蠻同學呀!
我o係呢個暑假裡面做左好多好有趣o既事... 教暑期班啦, 去camp啦...
我o係其中獲得好多經驗, 仲識左好多好好o既人做friend o忝~
不過... Fiona 要走喇...
佢要去英國讀書喇...... 真係好唔捨得佢呀... 我唔想佢走呀....我記得我o係farewell
party度我送左一個哨子(同埋一個手飾盒)俾佢... 佢仲話, "令我諗起佗槍師姐..."
其實我都係見個哨子咁得意就買黎送俾佢... =P 我下次要送D有意思D
o既野俾人喇...
22-10-2001
嘩~
話咁快又過左暑假, 過埋九月, 連十月都就快過埋喇~
唔好意思~
咁耐都無retrieve 過... 不如... check 我個ICQ info啦~ 我個info即係我o既日記...
=P 但我要戒online喇... 讀書好忙... 好大壓力... er....
都唔知自己up緊乜.... ok啦~ 我唔會放棄呢個homepage o既.
各位大可以放心... 我得閒果陣一定會update o既~
17-1-2002
今日考試..
但我唔駛考.. (講得好廢). 聽日考art.. 好得人驚呀!
竟然唔知要帶d乜去考tim! 我對呢次exam唔係抱好大期望...
皆因我都無乜溫書.. 成個聖誕假都o係度"煲數", 玩...
一個假期踩冰踩左200蚊... 痴左線...
做數又做到有d癲... 做左4間學校夾埋7份A.
Math卷... 但願A. Maths唔好炒啦! ><
12-6-2002
haha~
勢估唔到我隔左成半年先再update呢個page... 差d唔記得左我有呢個homepage
tim... -_-||| 今日都係考試日, 考chem. 但我都係唔駛返~
同上次一樣啦. 今年o既生日已經o係English Oral Exam之中過左lu.
呢半年發生左好多事... 多到唔知o係邊度講起好....
都係唔好講喇. 睇住咁多先啦...
12-6-2002
當我今日無無聊聊咁edit
homepage果陣我發現... aiya~ 我個index page加個 hyperlink去 download
midi果個page度呀! 大滯! 再大鑊d o既係我用唔倒yahoo o既 page
builder黎編輯index page... hahaha.... (苦笑) 唔緊要啦...
俾個網址大家, 如果有興趣o既話可以去 download一d midi files... http://www.oocities.org/i_am_anneeeee/midiz.html
, 我諗我遲d要從頭整過個page喇.
10-7-2002
家長日呀~~~ 但我都無驚過.. 無得留班, 有少少失望tim... 聽緊Twins
o既"沒法做足一百分", 好想笑... 有一百分果個...
勁爆啦, 唔駛讀囉~ -.-|| 暑假黎喇, 無窮無盡o既功課又好似成座山咁"lum"落黎..........
死了.
我屋企個mon懷左, 睇乜都"黃澄澄"... ~_~ 好無奈tim~
又要儲錢喇... 好唔明點解d人咁鐘意LCD mon... LCD有乜咁好喎?
| 你係第 個睇我本"私日記o既人. |
|
|