Arn_7.html

ARNOBII
ADVERSVS NATIONES LIBER SEPTIMVS


LIBER SEPTIMVS (1-51)

VII.1.1. ''Quid ergo, dixerit quispiam, sacrificia censetis nulla esse omnino facienda?''. - Ut vobis non nostra, sed Varronis vestri sententia respondeamus: ''Nulla''. ''Quid ita?''.
''Quia, inquit, dii veri neque desiderant ea neque deposcunt, ex aere autem facti, testa, gypso vel marmore multo minus haec curant: carent enim sensu;
neque ulla contrahitur, si ea non feceris, culpa, neque ulla, si feceris, gratia''.
2. - Sententia repperiri nulla potest integrior, verior et quam quivis possit, quamvis ille sit scaevus et difficillimus, occupare.
Quis est enim pectoris tam optunsi, qui aut rebus nullum habentibus sensum hostias caedat et victimas aut eis existimet dandas qui sunt ab his longe natura et beatitudine disiugati?

1. uel uel P | an gypsove vel? M
2. scaevus Her: caeuus P saevus Ur Gel | cedat P | ab his] abhinc Cas | diisugati P

VII.2.1. ''Qui sunt, inquitis, di veri?'' - Ut | f. 135 | communi vobis et simplici respondeamus verbo, non scimus. Quos enim vidimus numquam, qui sint scire quemadmodum possumus?
2. Ex vobis audire consuevimus deos esse quam plurimos et numinum in serie conputari:
qui si sunt, ut dicitis, uspiam verique, ut Terentius credit, eos esse consequitur sui consimiles nominis,
id est tales quales eos universi debere esse conspicimus et nominis huius appellatione dicendos,
quinimmo ut breviter finiam qualis dominus rerum est atque omnipotens ipse, quem dicere nos omnes deum scimus atque intellegimus verum, cum ad eius nominis accessimus mentionem.
3. Deus enim ab altero in eo quo deus est nulla in re differt, nec quod unum est genere, suis esse in partibus minus aut plus potest qualitatis propriae uniformitate servata.
Quod cum dubium non sit, sequitur ut geniti numquam perpetuique ut debeant esse, extrinsecus adpetentes nihil nec carpentes aliquas terrenas ex materiae opibus voluptates.

1. numinum S
2. concipimus Rig, Rei, conspicere = «intellegere» Mar | scimus] suevimus C; an sciscimus vel scivimus? M
3. terrenae Ur Rei (= fort. recte M)

VII.3.1. Ergo si haec ita sunt, primum illud a vobis expetimus noscere, quae sit causa, quae ratio, sacrificia ut ista faciatis, quid deinde ea hoc lucri ad deos ipsos perveniat
atque in eorum commoditate subsidat.
2. Quicquid enim geritur, debet habere causam sui neque ita esse ab ratione seiunctum, ut in operibus geratur cassis et in vacuis ludat inanitatis erroribus.
3. Numquid forte dii caelestes aluntur his sacris et ad eorum conpaginem retinendam nonnullius opus est suffectione materiae?
4. Et quis ita est hominum deus prorsus qui sit ignorans, ut eos | f. 135b | existimet contineri alicuius alimonii genere et cibi esse munus quod eos faciat vivere et inmensa in perpetuitate durare?
5. Quicquid enim causis et rebus fulcitur extraneis, necesse est esse mortale et habere ad periculum viam pronam, ubi aliquid coeperit deesse quo vivitur.
6. Tum quod ex his rebus quae admoventur altaribus nihil videmus accedere atque ad numinum substantias pervenire.
7. Aut enim thus datur et liquefactum carbonibus disperit, aut animalis est hostia et ab canibus abligurritur sanguis, aut si aliquod viscus aris fuerit traditum,
ratione ardescit pari et dissolutum in cinerem labitur.
8. Nisi forte hostiarum deus animas devorat aut ex aris ardentibus nidorem consectatur et fumos, pasciturque de cnisis, quas evomunt ardentia viscera adhuc uda de sanguine
et prioribus umecta de sucis.
9. Sed si deus ut dicitur nullius est corporis omnique est incontiguus tactu, qui fieri potis est, ut corporalibus rebus nutriatur incorporeum, quod mortale est ut inmortale sustineat
subdatque salutem rei quam contingere nequeat et motus subministrare vitalis?
Cessat ergo ut apparet sacrorum hic ratio, neque dici a quopiam potis est ea causa sacrificia celebrari, quod alantur his numina et eorum sustineantur e pastu.

1. sacrificia Ur sacrificii P | commoditates St Rei | geratur Rei: feratur P teratur Hil
2. inmensam in perpetuitatem Rei | post tum lac. Rei | an tum quidem? M
8. uda Gel : suda P | prioribus] cruoris dub. Meu, propriis suspic. Rei, plenioribus vel pinguioribus Kir, interioribus Bastgen
10. hic] haec Sab edd.

VII.4.1. Numquid, si forte hoc non est, voluptatis alicuius animi que ut dicitur causa caeduntur diis hostiae et succensis adiciuntur altaribus?
2. Et quisquam est hominum qui deos sibi persuadeat voluptatum diffusione mollescere, gestire in libidinis gaudium et velut animal | f. 136 | vile blandis sensibus affici
et dulcedinis labilis volucri titillatione mulceri?
3. Quod enim voluptate dissolvitur, id contraria necesse est tristitia contrahatur, nec immune existere ab anxietate maeroris quod laetitia trepidat et levitatibus extollitur gaudiorum.
4. Utroque autem affectu debent esse dii liberi, si eos esse perpetuos et mortalium volumus fragilitate privatos.
5. Quid quod omnis voluptas quasi quaedam est adulatio corporis notisque illis sensibus adsumitur quinque: quam si superi sentiunt,
et eorum necesse est sint participes corporum, per quae via est sensibus et accipiendis voluptatibus ianua.
6. Postremo quod gaudium est innoxiorum animantium mactatione laetari, miserabilis saepe exaudire mugitus, rivos sanguinis cernere,
animas cum cruore fugientes patefactisque secretis provolvier intestina cum stercore et ex residuo spiritu exultantia adhuc corda tremibundis que palpitantes in visceribus venas?
7. Semiferi nos homines, quinimmo, apertius ut pronuntiemus quod est verius atque aptius dictu, feri, quos infelix necessitas et malus usus edocuit cibos ea his carpere,
miseratione interdum commovemur illorum, arguimus nos ipsi penitusque re visa atque inspecta damnamus, quod humanitatis iure deposito naturalis initii consortia ruperimus.
8. Deos aliquis credet pios beneficos mites caede pecorum delectari diffundique laetitia, si quando sub his concidunt et spiritum miserabiliter ponunt?
Et voluptatis ergo ut cernimus nulla est in sacrificiis causa nec cur fiant ratio est, quoniam nec est ulla,
ac si forte est aliqua, in deos eam cadere nulla | f. 136b | posse ratione monstratum est.

1. adiciuntur] adiguntur Kr
2. dulcedinis vulgo: dulcedines P | labilis Sab: labili P
3. <est> existere Cas | anxietate <potest> Rei | meroris P
4. affectu Sab: effectu P
5. eorum] eos Rei et eorum] terrenorum Kr | sint participes Lf: inparticipes P, esse participes Sab edd
6. miserabiles P* | provolvier Hil: prouolui et P, provolvi Ur | exultantia P tremibundisque Ur
7. Qui immo P | apertius] prius Ur potius Sal, [potius] Meu | aptius Rei: apertius P certius Ki | initii] vincli Rei | ruperimus Gel | credit S
8. his] aris Cas | uoluptates P* | ratio ea est Rei | nec <voluptas> G ulla <voluptas> M

VII.5.1. Sequitur ut illam quoque inspiciamus partem, quam iactari audimus vulgo et populari in persuasione versari: sacrificia superis ea fieri diis causa,
ut iras atque animos ponant reddanturque mites et placidi fervidorum pectorum indignatione sedata.
2. At si definitionem teneamus illam, quam pertinaciter meminisse convenit nos semper, universos animorum adfectus ignotos diis esse, consectaneum est credere numquam deos irasci,
quinimmo nullum adfectum magis esse ab his longe quam qui feris et beluis proximus turbat tempestatibus patientes et ad periculum interitionis inducit.
3. Quicquid enim vexatur rei alicuius e motu, passibile esse constat et fragile: quod passioni fragilitatique subiectum est, id necesse est esse mortale:
ira autem vexat et patientes se solvit: ergo esse mortale dicendum est quod passionibus subiectum est irae.
4. Atquin deos scimus esse oportere perpetuos et naturam inmortalitatis tenere: quod si constat et liquidum est, ira ab his longe et ab eorum condicione disiuncta est.
Nullis ergo rationibus convenit id in superis velle placare quod posse non videas in eorum beatitudinem convenire.

1. iactari Sab: lactari P
2. at Gel: et P
3. fragile Sab: flagile P

VII.6.1. Sed concedamus, ut vultis, perturbationem huiusmodi familiarem diis esse placandique eius causa res divinas fieri et sacrorum sollemnia celebrari:
quando ergo conveniat adhiberi haec munia vel in tempore quo dari?
2. Antequam sunt irati et perciti an cum fuerint moti ipsisque in indignationibus constituti?
Si ne sumant animos, occurrendum est his ante, feras nobis proponitis, non deos, | f. 137 | quibus,
ne saeviant concitatae et cavearum discutiant claustra, obiectari moris est escas in quas rabide saeviant et cupidinem vexationis inclinent.
3. Sin autem iam fervidis atque indignatione flagrantibus satisfactio ista sacrificiorum oggeritur, non inquiro, non exigo,
an illa laeta et sublimis magnanimitas numinum homunculorum offensione moveatur habeatque pro vulnere,
si quid animal caecum atque in nubibus semper ignorationis incedens dissignaverit, dixerit quo illorum minueretur auctoritas.

1. plcandique eos alii, placandaeque Meu | divinas Sab: diuina P
2. concitatae Sab P**: concitati P | rabidae S
3. laeta] lauta Ur Rei elata Her

VII.7.1. Sed neque illud dici aut audire deposco, quas irarum in homines habeant dii causas, ut sacrificiis debeant contracta offensione mulceri:
numquid aliquas leges sanxere aliquando mortalibus constitutum que est ab his umquam, quid eos agere conveniret vel quid non,
quid consectari, quid fugere, vel coli se saltem quibus rationibus cuperent,
ut aliter quam imperaverant gesta ultionibus persequerentur irarum contemptique se vellent de audacibus et transgressoribus vindicare?
2. Ut opinor, ab his numquam neque constitutum est aliquid neque sancitum, quoniam nec visi aliquando, neque si sunt ulli, apertissima potuit cognitione dinosci.
Quaenam est ergo iustitia, ut eis ob aliquas causas irascantur dii caelites quibus neque se ease monstrare aliquando dignati sunt neque ullas dederint aut imposuerint leges
quas coli ab his vellent et inviolabili obsecutione servari?

1. quas irarum Gel P**: quasi parum P | homines P
2. sanctum Sab | se esse] sese S

VII.8.1. Sed hoc ut dixi praetereo et silentio patior abire donatum.
Unum illud prae omnibus quaero: quae causa est, ut si ego poreum occidero, deus mutet | f. 137b | adfectum animosque et rabiem ponat,
si gallinulam, vitulum sub illius oculis atque altaribus concremaro, oblivionem inducat, iniuriae et ab sensu penitus offensionis abscedat?
2. Quid ad eius dolorem ex opere hoc migrat, aut remedii cuius est anser, caper aut pavus, ut ea eius cruore medicina adhibeatur irato?
3. Ergone iniurias suas dii vendunt atque ut parvuli pusiones, <ut> animos parcant abstineantque ploratibus, passerculos pupulos eculeos panes accipiunt, quibus avocare se possint,
ita di inmortales placamenta ista sumunt, quibus iras atque animos ponant et in gratiam suis cum offensoribus redeant?
4. Atquin ego rebar deos, si modo rectum est credere quod motibus exagitentur irarum, sine ullis praemiis nullisque mercedibus iras atque animos ponere et peccatoribus delicta donare.
5. Hoc est enim proprium numinum, liberales venias et concessiones habere gratuitas.
Quod si fieri non potest, sapientius multo est pertinaciter eos in offensione durare quam munerum corruptione mitescere.
Crescit enim multitudo peccantium cum redimendi peccati spes datur, et facile itur ad culpas ubi est venalis ignoscentium gratia.

1. abire Gel : obire P
3. <ut> Her, <quo> Gel | si animos ponant Mei, ut animosis (animosis ut W) parcant... accipiunt Sal |
animis Gel pascant Colvias Rei, ut parvuli... animos ponant... panes <si> accipiant Sch, animos <ut com> pescant Cas (= fort. verius M) |
Panes Her, canes Zi | accipiunt Sab: accipiant P | di inmortales M: dii mortales P, dii immortales (di immortales R) Can Ur

VII.9.1. Ecce si bos aliquis aut quodlibet ex his animal, quod ad placandas caeditur mitigandasque ad numinum furias, vocem hominis sumat eloquaturque his verbis:
''Ergone o Iuppiter, aut quis<quis> alius deus es, humanum est istud et rectum aut aequitatis alicuius in aestimatione ponendum,
ut cum alius peccaverit, ego occidar et de meo sanguine fieri tibi patiaris satis, | f. 138 | qui numquam te laeserim, numquam sciens aut nesciens tuum numen maiestatemque violarim,
animal ut scis mutum, naturae meae simplicitatem sequens nec multiformium morum varietatibus lubricum?
2. Numquid aliquando tuos ludos minus sancte diligenterque perfecta numquid aliquem praesulem, tuum numen qui offenderet, ante traduxi? numquid iuravi per te falso?
numquid sacrilegis furtis tua rapui spoliavique donaria? numquid erui sacratissimos lucos aut religiosa quaedam loca substructionibus pollui profanavique privatis?
3. Quaenam est ergo causa ut alienum crimen meo luatur e sanguine et in nefas extraneum mea vita et innocentia producatur?
An quod animal vile sum nae rationis nec consilii particeps,
quemadmodum pronuntiant isti qui se homines nominant et ferocitate transiliunt beluasa nonne primordiis isdem eadem et me genuit informavitque natura
nonne spiritus unus est qui et illos et me regit? non consimili ratione respiro et video et ceteris adfiecor sensibus?
4. Habent iecora pulmones corda intestina ventriculos: et mihi membrorum non idem est numerus attributus?
Amant suos fetus et gignendis conveniunt liberis: non et mihi prolis et subrogandae est cura et dulcedo cum fuerit procreata?
5. Sed rationales illi sunt et articulatas exprimunt voces.
Et unde illis notnm est an et ego quod facio meis rationibus faciam et vos ista quam promo mei generis verba sint | f. 138b | et solis intellegantur a nobis?
6. Interroga Pietatem, utrumne sit aequius me occidi, me confici, hominem venia et commissorum inpunitate donari? Quis in gladium formavit ferruma non homo?
quis cladem gentibus, quis nationibus imposuit servitutema non homo? quis parentibus, fratribus, quis uxoribus, quis amicis mortiferas subdidit commiscuitque potiones? non homo?
7. quis maleficia repperit aut commentatus est tanta, quanta via explicari decem milibus nequeant vel annalium vel dierum? non homo?
ita istud non ferum, non inmane, non saevum est, non tibi, o Iuppiter, iniustum videtur et barbarum, me occidi, me caedi, ut fias tu placidus et ut scelerosis contingat inpunitas?''.
8. Ergo ob hanc causam, id est numina ut placentur irata, inaniter fieri sacrificia constitit, cum docuerit nos ratio neque deos irasci aliquando neque alterum velle pro altero confici,
caedi nec innoxii sanguine abolitionem dissignationibus comparari.

1. bos Gel: uos P | [ad] numinum Gel | quisquis Zi: quis P, qui Cas
2. numen Gel | aut te Gel , an te Meu, ante te St
3. perducatur Sab prodigatur vel prodatur Kr
4. et <conscrvandac> dulcedo C; an et <alendae> dulcedo? M
5. expromunt Oud
6. interrogata B, interrogate con Liv | Pietatem Rei | an hominem P* edd., an om. P
7. via secl. Rei | millibus vulgo | queant Ur | diariorum Ur diurnorum Graevius Rei

VII.10.1. Sed fortasse aliquis dicet: ''Idcirco dis hostias et cetera, inpendimus munera, ut familiares quodammodo nostris supplicationibus facti res tribuant prosperas
avertantque a nobis mala, cum gaudiis faciant agere nos semper, tristitias vero propellant <et> ex casibus inminentia fortuitis''.
2. - Non exiguam curam locus iste desiderat nec quod dicitur facile tam consuetum est vel audiri vel credi. Advolabit enim continuo universus ille doctissimorum chorus,
qui adseverans et conprobans | f. 139 | fato fieri quaecumque fiunt eripiat nobis e manibus opinionem istam et inanibus nos arguat persuasionibus fidere.
3. ''Quicquid in mundo, inquiet, gestum est, geritur et geretur, olim definitum et fixum est habetque immobiles causas,
per quas <sint> sibi res nexae et inexpugnabilem conserant praeteritorum cum imminentibus necessitatem''.
- Si definitum et fixum est, quid optingere singulis mali debeat bonive iam certum est.
4. Quod si certum est et fixum, vacant omnia deorum auailia, vacant odia, vacant benignitates.
Tam enim praestare non possunt id quod non potest fieri quam prohibere ne fiat id quod necesse est evenire;
nisi quod validius premere opinionem istam, si voluerint, quibunt, ut etiam ipsos deos frustra dicant a vobis coli et supervacaneis supplicationibus adorari.
Cum enim ordinem vertere et fatalia nequeant constituta mutare, quid rei, quid causae est fatigare et obtundere eorum aures velle quorum auailiis nequeas supremis in necessitatibus fidere?

1. et ex S
2. advolabit Sab aduolauit P | vobis Can | nos] vos Can
3. sint sibi Rei: sibi P, sibi sint Hil, per quas sibi res nexae <invictam> et Cas et om. Gel | <quod> si definitum Mei
4. nisi quod] graviter perturbatum Rei quid? quod validius Mei | praemere P | noluerint Sab

VII.11.1. Postremo si tristia atque inportuna dii pellunt, si ea quae sunt laeta atque amica largiuntur:
unde sunt mundo tanti tamque innumerabiles miseri, unde tot infelices lacrimabilem vitam in extrema sorte ducentes?
2. Cur immunes a calamitatibus non sunt qui momenta per singula, qui per puncta sacrificiis onerant atque adcumulant aras?
3. ''Nonne alios, inquiunt, videmus ex illis domicilia esse morborum, eatinctis luminibus atque auribus obseratis, pedum carere processu, truncos sine manibus degere, incendiis, naufragiis et ruinis
mergi obrui confici, patrimoniis | f. 139b | ab ingentibus evolutos mercennario sese labore fulcire, stipes emendicare supremas, exterminari, proscribi, semper esse in luctibus,
liberorum orbitatibus fractos, vexari per infortunia cetera quorum species et formas nulla potest enumeratio definire?''.
4. - Quod utique non fieret, si propulsare, si flectere mala ista dii possent sacrorum meritis obligati.
Nunc vero quia casibus nullus est in his locus sed ineluctabili omnia necessitate confiunt, agit sese ordo praescriptus et quod semel decretum est perficit.

3. obrui mergi St | mercennario sese S
4. confiunt Can: conficiunt P praescriptus Gel : perscriptus P | perficitur Rei

VII.12.1. Aut ingrati esse dicendi sunt caelites, si cum habeant iura prohibendi, patiuntur infelix genus tot poenis et calamitatibus implicari.
2. Set fortasse aliquid dicant magnum nec quod auribus debeat frustratoriis, levibus et contemnentibus sumi.
3. Quas tamen nos partes, quia res nimiam longi est multique sermonis, inexplicatas transcurrimus atque intactas, solum illud posuisse contenti, inhonestas vos famas adiungere diis vestris,
si eos aliter negatis praestare quae bona sunt atque inimica transvertere, nisi prius empti capellarum fuerint atque ovium sanguine et ceteris quae admoventur altaribus.
4. Indignum enim primum est, ut illa vis numinum sublimitasque caelestium beneficia credatur sua habere venalia, prius sumere atque ita praestare; tum quod foedius multo est, nisi acceperint,
prodesse nulli perpetique miserrimos discriminum subire fortunas, cum prohibere possint ac subvenire.
5. Si ex duobus facientibus res sacras nocens unus et locuples, alter angusto lare sed innocentia fuerit et probitate laudabilis,
centum ille | f. 140 | caedat boves totidemque cum agniculis suis matres, thus pauper exiguum et odoris alicuius unam concremet glebulam: nonne erit consequens ut debeat credi,
si modo nihil numina nisi praemiis antecedentibus praestant, ut favorem suum commodent locupleti, avertant a pauperculo lumina,
quem restrictum non animus sed familiaris rei necessitas fecit?
6. Ubi enim venalis et mercennarius dator est, ibi necesse est gratiam pro magnitudine muneris tribui
et eo inclinare suffragium, unde ad eum qui praestat mercedis plus multo et indecorae corruptionis adfluxerit.
7. ''Quid?''. - Si populi rursus duo hostilibus dissidentes armis sacrificiis paribus superorum locupletalo verint aras alterque in alterum postulent vires sibi atque auxilium commodari:
nonne iterum necesse est credi, si praemiis sollicitantur ut prosint, eos partes inter utrasque debere haesitare, defigi nec repperire quid faciant,
cum suas intellegant gratias sacrorum acceptionibus obligatas?
8. Aut enim auxilia hinc et inde praestabunt, id quod fieri non potest; pugnabunt enim contra ipsos se ipsi, contra suas gratias voluntatesque nitentur:
aut ambobus populis opem subministrare cessabunt;
id quod sceleris magni est post inpensam acceptamque mercedem.
9. Itaque ergo ab diis longe infamia est ista tota pellenda neque est omnino dicendum praemiis eos ac mercedibus allici, bonas ut res conferant dimoveantque contrarias,
si modo dii veri sunt atque in nominis huius exceptione ponendi. | f. 140b |
10. Aut enim fato fiunt quaecumque fiunt, et ambitionis et gratiae nullus locus in diis est:
aut si excluditur et eicitur fatum, non est superae dignitatis boni operis favores et conlatas munificentias venditare.

1. implicari . set Rei: implicaris . et P, implicari . Et S
2. nec Sab: ne P
3. tranuertere P
4. miserrimos edd L miserrimas Cas | fortunas Sab P**
5. nocens Hauptius: hoc est P, honestus Sab scelestus Oe | unus sed Oe | debet Mei | suum et auxilium S
6. indecorae Sab: indecore P
10. favores et Hil sed P, favorem et Sab, ad (sc. secundum) conlatas munificantias Wi

VII.13.1. Satis ut opinor ostendimus frustra diis immortalibus hostias rebus cum consequentibus admoveri, quod neque alantur his neque ullam percipiant voluptatem
neque iras aut animos ponant, neque ut res tribuant faustas neque ut abigant averruncentque contrarias.
2. Sequitur ut illam quoque inspiciamus partem quae ab nonnullis consueta est adseri et causis caerimonialibus adplicari.
3. Aiunt enim sacra haec honorandis esse instituta caelestibus, et ea quod faciant, honoris ergo facere et his numinum potentias auctitare.
4. - Quid? si similiter dicant evigilare sese atque dormire, deambulare subsistere, conscribere aliquid et lectitare, ut honorem dis habeant et dignitatibus eos faciant ampliores?
5. Quid enim cruore de pecorum, quid sacrorum confectione de cetera superadditur his rei, quid adponitur atque adicitur potestatis?
6. Etenim honos omnis qui haberi ab aliquo dicitur et reverentiae potioris adtribui relativi est ad alterum generis et constans partibus duabus, ex concessione tribuentis et amplificatione sumentis.
7. Ut si quispiam viso potentissimi nominis atque auctoritatis viro via decedat, adgurgat, caput revelet vehiculoque desiliat,
tum deinde salutet adclinis, ancillatum servuli pavibundis trepidationibus imitatus; video | f. 141 | quid agatur in huiusmodi honorationis officio:
summissione alterius datur alteri plurimum efficiturque ut videatur magnus quem suspectio minoris eatulerit et suis anteposuerit rebus.

1. <ut> iras Rei: iras P McK | aberruncentque P
2.que P
4. evigilare sese S
6. est <et> Rei
7. acclivis Sab | ancillatum Hemsterhusius: ancillarum Sab ancillatrum Sal | pavibundae trepidationes Sab | suspectio Ur.

VII.14.1. Sed concessio haec omnis et honoris de qua loquimur attributio solis habet in hominibus sedem,
quos naturalis infirmitas et amor in altioribus standi docet gaudere de fastibus et aliorum comparationibus anteponi.
2. At, quaero, in superis ubi est honoris locus, vel quas eis eminentias addier sacrorum ea confectionibus invenitur?
3. Augustiores, potentiores mactatis pecudibus fiunt, additur illis ea hoc quicquam, aut esse dii magis divinitate occipiunt ampliat?
4. Atqui ego contumeliae proximum, quinimmo esse plenam contumeliam iudico, cum honorari ab homine deus dicitur et muneris alicuius oblatione mactari.
5. Etenim si honos auget eiusque adcumulat dignitatem cui fuerit attributus, sequitur ut auctior deus fiat ab homine, a quo fuerit munere et honoris conlatione donatus:
atque ita perducitur res eo ut inferior deus sit qui honoribus mactatur humanis, homo vero sublimiar qui auget potentiam numinis.

1. fastibua] fastigiis Rei, fascibus? M
2. addier Hil: addere P, accedere Ur | confectionibus Meu: coniectionibus P
3. occipiunt Hil: concipiunt P, incipiunt Gel | atquin P**.

VII.15.1. ''Quid ergo, inquiet aliquis, honorem diis dandum nullum esse omnino censetis?''.
- Si deos nobis proponitis tales, quales, si sunt, debent esse, quosque dicere nos omnes in istius nominis praedicatione sentimus:
quemadmodum possumus honorem his non habere vel maximum, cum etiam homines colere potentioribus | f. 141b | acceperimus imperiis, cuiuscumque ordinis fuerint, cuiuscumque fortunae?
2. ''Quisnam iste est maximus?''. - Officiosior multo quam habetur a vobis et potentiore in genere constitutus.
3. ''Dicite, inquitis, quae sit opinio de dis [primum] digna, recta et honesta nec turpitudinis alicuius deformitate culpabilis''.
- <Primum> ut neque illos credas quicquam hominis habere consimile nec quicquam expectare quod sit ab se foris atque eatrinsecus veniens, tunc quod saepius dictum est, non ardescere irarum flammis,
non gestire corporea voluptate, non exambiri ut prosint praemiis, non ut noceant proritari, benignitatem et gratiam non habere venalem,
non gaudere honore conlato, non indignari et adfici non dato, sed quod rei divinae est proprium, sua se vi nosse nec se alienis adulationibus aestimare.
4. Et tamen, ut videamus istud quod dicitur quale sit, quod est istud honoris genus, vervecem arietem taurum dei sub ore conectere conspectuque in eius occidere?
Quod est honoris genus, deum invitare ad sanguinem, quem cum canibus videas eum sumere atque habere communem?
Quod est honoris genus, lignorum structibus incensis caelum fumo subtexere et effigies numinum nigrore oiauscare ferali?
5. Quod si ea quae fiunt propria vi pendere, non ante sumptis placet opinionibus aestimari, arae istae quas dicitis altariaque haec pulchra infelicissimi animalium generis ustrinae,
rogi sunt et busticeta in opus structa foedissimum atque in sedem fabricata faetorum.

1. inperiis P
3. diis Sal: his P | primum digna P, <primum> ut neque transp. Sal Mar Mc | praemiis, non Rei: non praemiis P (= fort. recte M) | ut] ne Can | rei] naturae Ur
4. conectere] convertere Meu, coronis conectere con. Rei, mactare Mei | struibus Sab struicibus Meu
5. aestimare Sab | faetorum P: foetorum vulgo, fetorum Rei

VII.16.1. Quid dicitis, o isti? Ergone ille putor qui ex coriis tollitur atque expirat ardentibus, | f. 142 | qui ex ossibus, qui ex saetis, ex agnorum lanitiis gallinarumque de plumis, dei munus et honor est,
mactanturque hoc illi quorum templa cum adire disponitis, ab omni vos labe puros, lautos castissimosque praestatis?
2. Et quid esse his potest coinquinatius infelicius spurcius, quam si ita facti sunt sensus sui natura, ut in amoribus habeant tam saeva sintque illis in voluptate putores,
quos neque ipsi sacrificantes ferre nec ingenuae sustinere tractos valeant per spiritum nares?
3. Quodsi animantium cruore honorari et adfici superorum animos existimatis, cur non eis et mulos et elephantos mactatis et asinosa cur non et canes, ursos et vulpes, camellos et belbas et leones?
4. Et quoniam volucres hostiarum quoque in numeris ponitis, cur non vulturios aquilas ciconias inmussilos buteones corvos accipitres noctuas cumque illis salamandras natrices viperas solifugas?
5. Nempe subest et his sanguis et consimili ratione vitali agitantur spiritu. Quid in illis maioris est operis aut sollertiae in his minus, ut ista non augeant, superorum illa amplificent dignitatem?
6. ''Quia rebus ex his, inquit, deos par est honorare caelestes, quibus ipsi alimur, sustentamur et vivimus et quas nobis ad victum sui numinis tribuere benignitate dignati sunt''.
7. - Sed et cuminum nasturcium rapa bulbos apium carduos radices cucurbitas rutam mentam ocimum puleium porrumque sectivum
idem tribuere dii vobis esseque in usibus vestris alimoniarum in parte iusserunt.
Quid ergo cessatis altaribus et haec dare rebusque his omnibus conilam superspergere bubulam et acrimonias intermiscere ceparum?

1. mactaturque Sab | illi Sal: illis P | castissimosquae P
2. infelicius P Mar fetidius Meu R; infelicius (= peioris ominis) Her | tam foeda ?
3. elefantos P | camelos vulgo | belbas Sal: beluas P
4. buteones P
5. <e> spiritu Wi
7. conilam Hil cunilam Gel, gr. koni/lh M

VII.17.1. Ecce, | f. 142b | si vos canes - necesse est enim quaedam fingi, perspici ut liquidius res possint - si, inquam, canes et asini, si motacillae cum his simul,
si hirundines garrulae pariterque cum his porci sensu aliquo humanitatis accepto deos putarent atque existimarent vos esse sacraque vobis intenderent honoris ergo facere,
non ex materiis aliis aliisque de rebus sedquibus ali moris est illis et naturali adpetitione fulciri audire a vobis exposcimus,
utrumne hunc honorem an contumeliam potius esse iudicaretis amplissimam, cum hirundines vobis muscas, motacillae caederent consecrarentque formiculas,
cum altaribus vestris darent asini faenum paleasque libarent, cum inponerent canes ossa et humani stercoris proluviem concremarent,
cum ad ultimum porculi caenum vobis profunderent ex volutabris horrentibus, lutosis et voraginibus sumptum?
Ita ergo non despui vestras inflammaremini dignitates stercoribus que vos accipi inter atroces conputaretis iniurias?
2. ''Sed taurorum corporibus honoratis vos deos et aliorum animantium caedibus''.
- Et quid hoc ab illo differt, cum et ipsa si nondum, mota tamen futura sint stercora et exigui temporis contracta interiectione putescant?
3. Denique desinite supponere aris ignem:
iam profecto cernitis viscera illa taurorum sacra, quibus honor a vobis auctificatur deorum, fervescere vermibus et fluctuare, vitiare et corrumpere statum caeli
et ea odoribus morbidis regiones consauciare vicinas; quam si vobis praecipiant dii curam vestram in valetudinem vertere,
prandia inde | f. 143 | vel cenas sollemni ea more conficere, longe fugiatis execratique odoris genus veniam poscatis a superis facturos que vos eis numquam talia sacra iuretis.
4. Ita istud non ludere est, non confiteri, non pandere, quid sit deus nescire nec cui potentiae debeat nominis huius vis subdi appellatio que supponi?
5. Cibis novis auctificatis deos, nidoribus cohonestatis et suci<di>s, et quia vobis iucunda et grata sunt ea quae vos alunt,
deos etiam creditis in eorum adfluere voluptates, latratorum et canum ritu offis saevitias ponere atque adludere porrigentibus saepius?

1. adpetitione Rei appetitione Ur adpositionc P
2. contacta con. Rei
3. cernitis P Mar cernetis Gel Rei | quam si Sab: quasi P, quae si Sal, quod si Kr |
di cariem vestram in aletudinem vertere Wi Mar L curam et valetudinem ironice Mar |
in vestram, in Sal | honoris genus Kir | odores penus Wi | superis S:superiis P
5. novis P McCas nothis Mar vestris Rei L | sucidis Wi: sucis P, fumis Meu | eaque Sab | seuitias P

VII.18.1. Et quoniam nobis in manibus hostiarum sermo versatur, quae causa, quae ratio est, ut cum dii inmortales - sint enim et per nos licet quicumque esse creduntur
- sint unius sententiae vel unius debeant esse naturae, generis et qualitatis unius, non omnibus omnes hostiis sed quibusdam quidam sacrorum mulceantur e legibus?
2. Quae est enim causa, requiram ut eadem rursus, ut ille tauris deus, haedis alius honoretur aut ovibus, hic lactentibus porculis, alter intonsis agnis, hic virginibus bubulis, capris ille cornutis,
hic sterilibus vacculis, at ille incientibus scrofis, hic albentibus, ille taetris, alter feminei generis, alter vero animantibus masculinis?
3. Si enim honoris et reverentiae causa mactantur dis hostiae, quid refert aut interest, cuius animalis e capite luatur hoc debitum, cuius ira offensioque ponatur?
An numquid alterius alteri minus gratior et iucundior sanguis est, alteri vero alterius voluptatem infundit et gaudium?
Aut, ut fieri moris est, observationis alicuius | f. 143b | et religionis metu ille caprina abstinet se carne, porcinum alius execratur attactum, huic ovilla fetulenta sunt viscera,
ac ne stomachum fatiget invalidum, hic bubulam duritiem vitat et lactentium lenitatem, quo digerat expeditius, sumit?

1. sententiae P LeB: essentiae Rei M
2. buculis Gel | incientibus Ur ingentibus P
3. cuius <numinis> Mar T cuius <dei> Kir, cuius <e sanguine numinis> C | minus] animalis Ur muneris Kl munus (gratius et iucundius) Hauptius, animantis Rei, magis Mei, sinus Johnson, secl. Wi alteri vero alterius minus transp. Kis (= fort. rectius M)
4. sthomacum P

VII.19.1. ''Sed erras, inquit, et laberis: nam dis feminis feminas, mares maribus hostias immolare abstrusa et interior ratio est vulgique a cognitione dimota''.
- Non inquiro, non exigo, quid sacrorum praecipiant vel quid contineant leges; sed si vicerit ratio atque obtinuerit veritas, differentiam generum nullam in diis esse
neque ullis sexibus eos esse discretos, nonne solvi necesse est [nonne] rationes has omnes et stultissimis creditas opinationibus comprobari, inveniri?
2.Sapientium virorum non advocabo sententias, qui risum nequeunt continere, cum discrimina sexuum diis audiunt immortalibus attributa: unoquoque ab hominum quaero,
an ipse apud se credat sibique ipse persuadeat, distinctum esse deorum genus, mares ac feminas hos esse et ad generandos fetus convenientium membrorum dispositione formatos?
3. Sed si sexibus sexus pares, id est feminas feminis, mares autem hostias dis maribus immolari sacrificiorum iura praescribunt:
quae in coloribus ratio est, ut merito his albas, illis atras conveniat nigerrimasque mactari?
4. ''Quia superis diis, inquit, atque ominum dexteritate pollentibus color laetus acceptus est ac felix hilaritate candoris,
at vero diis laevis sedesque habitantibus inferas color furvus est gratior et tristibus suffectus e fucis''.
5. - Sed si rursus optinuerit | f. 144 | ratio, inferorum penitus cassum esse nomen et vacuum neque ulla sub terris regna esse domiciliaque Plutonia opinionem
necesse est id quoque frustrari quam super atris pecudibus habetis divisque subterreis.
6. Quodsi inferi nulli sunt, deos etiam Manium necesse est esse nullos. Fieri enim qui potest, ut cum loca sint nulla, eorum quae non sunt ulli perhibeantur esse cultores?

1. nonne del. Sal recte Mar | et] e Sab ex Rei
4. ominum Meu: hominum P | leuis P
5. opinionem Sab opinione P

VII.20.1. Sed adsentiamur, ut vultis, et esse inferos et esse Manes et habitare nescio quos in his deos ominibus minus faustos et tristioribus praepositos rebus.
Et quae causa, quae ratio est, ut atrae his hostiae nigerrimique admoveantur coloris?
2. ''Quia nigra nigris conveniunt et tristia consimilibus grata sunt''.
- Quid ergo? non videtis, ut vobiscum et nos stolide similiter que ludamus, albas esse hostiarum carnes ossa dentes pinguitias omenta cum cerebris mollesque in ossilaus medullas?
3. ''Sed vellera nigra sunt nigraeque animantium saetae''.
- Solas ergo immolate diis lanas vulsasque ex hostiis saetulas, relinquite infelicissimas pecudes spoliatas licet ac tonsas caeli animam ducere et pastibus innocentissimas incubare.
4. Quodsi grata numinibus inferis ea quae sunt nigra furvique existimatis coloris, cur non omnia cetera, quae illorum inferre sacrificiis moris est, sint nigra et fumigata taetreque ut colorata curatis?
5. Inficite thura, si dantur, salsas fruges atque universa libamina; lacti oleo sanguini, hic ponat ut purpureum colorem, illa ab ut sint lurida, fuliginem infundite cum favillis. | f. 144b |
Quod si vobis religio nulla est alba quaedam inferre et suos retinentia candores, ipsi vestras religiones rationesque dissolvitis, cum sacrorum in opere nihil unum perpetuumque servatis.

1. ominibus St: hominibus P | colores P Sab | tristia Sab: tristitia P
2. scurriliterque Oe, verniliterque Mei
3. setae P | ac Sab: at P
4. taetreque Sal: taetraque
5. hic Sab: huic P | fabillis P | ferre S

VII.21.1. Sed et illud hoc loco consentaneum est ex vobis addiscere. Si caper caedatur Iovi, quem patri sollemne est Libero Mercurioque mactari,
aut bos si sterilis Vnxiae, quam Proserpinae tribui Tusco ritu atque observatione praecipitur,
quid facinoris in hoc erit, quid malorum scelerisve contractum, cum nihil intersit obsequii, cuius animalis e capite honorarium istud debitum compleatur?
2. ''Confundi haec, inquit, fas non est nec piaculi parvi est officia rituum procurationemque miscere''. - Causam, oro, edissere.
3. ''Quia generis certi hostias certis ius est consecrare numinibus certaque et supplicamenta praestari''.
- Et quae iterum causa est, ut generis certi hostias certis ius sit consecrare numinibus certaque et supplicamenta praestari?
Et hoc enim ius ipsum debet habere suam causam certisque ab rationibus exoriri, duci.
4. Antiquitatem consuetudinemque dicturus es?
- Hominum mihi scita pronuntias et caeci animalis inventa: ego autem, cum postulo causam mihi depromi, audire desidero aut caelo aliquid lapsum
aut quod magis res poscit, quid adplicitum Iuppiter ad tauri habeat sanguinem, ut ei debeat immolari, non debeat Mercurio, Libero?
5. Aut natura quae capri est, ut his rursus adcommoda, Iovialibus conveniens sacrificiis non sit?
6. Animalium facta est inter deos divisio? transactionis alicuius pactione convenit, ut ille contineret | f. 145 | ab huius se hostia, hic ut usurpare desineret alieni sanguinis iura?
7. An ut zelotypi pusiones communicare gustatum suarum pecudum nolunt, aut ut gentibus fieri moris diversissimi fama est, quae habentur his esui, aliarum eadem reiciuntur a victibus?

1. tribui tusco ritu Kr Wi tribuitis, quo Sab tribuitis, quod Hil R | honorarium Sab: honoralium P
2. procurationumque Meu Rei
3. et Sab: est P, del. Meu | [duci] Oe | certaque eis nonnulli | iteratio in eadem paragr.
4. et Sab: set P | ad tauri Sab: at t. P
5. degineret Gel : desideret P
6. ut z. Sab: ui P
7. communicare Sab: concumunicare P | aliorum Meu Rei

VII.22.1. Ergo si haec cassa sunt nec rationis alicuius habentia firmitatem, sacrificiorum et ipsa inanis est ratio.
Etenim qui potis est habere idoneam id quod sequitur causam, cum ipsum illud primum, a quo defluit secundum, inanissimum esse repperiatur et vacuum et nulla soliditate firmatum?
2. ''Telluri, inquiunt, matri scrofa inciens immolatur et feta, at Minervae virgini virgo caeditur vitula, nullis umquam stimulis <in> nullius operis excitata conatus''.
- Atquin nos arbitramur nec virginem virgini oportuisse mactari, ne virginitas violaretur in pecude, qua dea plurimum pollet, nec Telluri gravidas atque fetas ob honorem fecunditatis ipsius,
quam cuncti expetimus et optamus inextinguibili semper fecunditate procedere.
3. Nam si, quia virgo Tritonia est, idcirco ei convenit virgines hostias immolari, et quod Tellus est mater, consimiliter gravidis accipienda est scrofis, ergo et musicis Apollo,
quod musicus, et quod medicus Aesculapius, medicis, et quod faber Vulcanus est, fabris, et quod Mercurius eloquens, eloquentibus debet disertissimisque mactari.
4. Quodsi dicere istud insanum est aut ut mediocriter pronuntiem brutum, multo illud maioris amentiae est, fetas iugulare Telluri,
quod sit fetibus gravior, Minervae castas et virgines, quia ¡D sit | f. 145b | pura, virginitatis intactae.

1. ratio Sab: datio P St | secundum P
2. inciens Ur ingens P | <in> Cas | excitata ad Rei excita ad Oe conatu Sab | honorem] horrorem Wi | quoniam Ur |
fecunditate] fertilitate vel ubertate vel virtute Zi perpetuitate Br, felicitate Cas + Rei: securitate? M
3. aescolapius P | dissertissimisque P
4. gravida susp. Rei | pura <et> Ur Cas

VII.23.1. Nam quod dici a vobis accipimus, esse quosdam ex diis bonos, alios autem malos et ad nocendi libidinem promptiores, illisque ut prosint,
his vero ne noceant sacrorum sollemnia ministrari, quanam istud ratione dicatur, intellegere confitemur nos non posse.
2. Nam deos benignissimos dicere lenesque habere naturas, et sanctum et religiosum et verum est, malos autem et laevos, nequaquam sumendum est auribus,
ideo quoniam divina illa vis ab nocendi procul est dimota et disiuncta natura.
3. Quicquid autem potis est causam calamitatis inferre, quid sit primum videndum est et ab dei nomine longissima debet differitate seponi.
4. Itaque ut vobis commodemus adsensum, destrarum sinistrarumque rerum deos esse fautores, ulla nec sic ratio est, cur alios alliciatis ad prospera, alios vero ne noceant sacrificiis conmulceatis
et praemiis: primum quod di boni male non queunt facere, etiam si nullo fuerint honore mactati;
quicquid enim mite est placidumque natura, ab nocendi procul est usu et cogitatione discretum:
malus vero conprimere suam ferociam nescit, quamvis gregibus mille et mille alliciatur altaribus.
5. Neque enim in dulcedinem vertere amaritudo se potest aut ariditas in umorem, calor ignis in frigora
aut quod rei cuicumque contrarium est id quod sibi contrarium est in suam sumere atque inmutare naturam.
6. Ut si manu viperam mulceas, venenato blandiaris aut scorpio, petat illa te morsu, hic contractus aculeum figat, nihilque illa prosit adlusio, | f. 146 |
cum ad nocendum res ambae non stimulis exagitentur irarum sed quadam proprietate naturae:
ita nihil prodest promereri velle per hostias deos laevos, cum sive illud feceris sive contra non feceris agant <secundum> suam naturam
et ad ea quae factitant ingenitis legibus et quadam necessitate ducantur.
7. Quid quod isto modo utrique dii desinunt esse suis in viribus et suis in qualitatibus permanere.
8. Nam si bonis ut prosint res divina conficitur, malis autem ne noceant isdem rationibus supplicatur, sequitur ut intellegi debeat, nihil dexteros profuturos nulla si acceperint munera
fierique ex hoc malos, malos autem si acceperint nocendi posituros mentem fierique ea hoc bonos: atque ita perducitur res eo ut neque hi deateri
neque illi sint ]aevi aut, quod fieri non potest, utrique ipsi sint deateri et utrique iterum laevi.

1. <nos> P*, om. S
2. leuos P
6. contractus Sab contactus Gel Rei L (= fort. recte M) | exagitantur Sab | < secundum> Kl | ad ea quae factitant M: ad ea quae facti sunt P, ad ea quae sati sunt Can, ad ea quae facturi sunt K Rei
8. malis] aliis Sab | hisdem P

VII.24.1. Esto, concedatur infelicissimas pecudes non sine aliquo religionis officio divorum apud templa mactari et quod ex usu consuetudinis factum est rationis alicuius causam aliquam continere:
sed si magnificum videtur atque amplum iugulare diis tauros, si inlibata, si solida concremari animantium viscera, quid sibi reliqua haec volunt magorum cohaerentia disciplinis
quae in sacrorum reconditis legibus pontificalia restituere mysteria et rebus inseruere divinis?
2. Quid, inquam, sibi haec volunt: 'apexaones', 'hirciae', 'silicernia', 'longavi'?
Quae sunt nomina et farciminum genera, hirquino alia sanguine, comminutis alia inculcata pulmonibus. | f. 146b |
Quid 'taedae', quid 'neniae', quid 'offae' non vulgi set quibus est nomen appellatioque 'penitae'?
3. Ex quibus quod primum est, in exiguas arvina est miculas catillaminum insecta de more, quod in secundo situm est, intestini est perrectio, per quam proluvies editur sucis pereasiccata vitalibus.
'Offa' autem 'penita' est cum particula visceris cauda pecoris amputata.
Quid 'polimina', quid 'omenta', quid 'palasea' sive ut quidam cognominant 'plasea'?
4. Ex quibus est nomen 'omenti' pars quaedam, quo receptacula ventrium circumretita finiuntur, bovis cauda est 'plasea' siligine et sanguine delibuta, 'polimina' porro sunt ea
quae nos proles verecundius dicimus, a volgaribus autem adsolent cognomine testium nuncupari.
5. Quid 'fitilla', quid 'frumen', quid 'africia', quid 'gratilla', 'catumeum', 'cumspolium', 'cubula'? Ex quibus duo, quae prima, sunt pultium nomina sed genere et qualitate diversa,
series vero quae sequitur liborum significantias continet; et ipsis enim non est una eademque formatio.
6. Non enim placet 'carnem strebulam' nominare, quae taurorum ex coaendicibus demitur, pulpamenta non assa, quae in veribus exta sunt animata prius et torrefacta carbonibus,
non salsamina denique, <quae> sunt una commiatio quadrinis copulata de frugibus;
non similiter 'fendicas', quae et ipsae sunt hirae, quas plebis oratio illas solet cum eloquitur nuncupare,
non ratione eadem et 'rumas', quae sunt prima in gurgulionibus capita, qua et deicere cibos et referre natura est ruminatoribus | f. 147 | saeculis;
non 'magmenta', non 'augmina',
non mille species vel sanguinaminum vel fitillarum, quibus nomina indidistis obscura vulgoque ut essent augustiora fecistis.

1. instituere con. Rei, reposuere Cas | inseruere Sab inseruire P
2. hirciae] P, issicia Sab, isicia Gel, hirae Meu | apexabo Sab apexanes Sal, apexabones Hil |
longavi Sal: longaevi P | farciminum Sab: facinorum P | alia s. S: alias P |
taedae] tuceta Gel , taxiae Sal, codae Meu |
neniae] tacniae Scal Ur | vulgi set Rei: vulgis et P, vulgi sed Sab | penitae S
3. catillaminum Meu at illa minutim Sab | porrectio Sab | prolubies P | pennita P | anputata P| omenta Sab: momenta P | palas ea P |
plasea Gel: plassea P
4. ex om. Ur | nomen omenti] omenti Ur omentum Rei | qua Rei | bovis G : uobis P | delibuta Sab: dilibuta P |
conspolium Sab spolium con. Rei
5. enim del. Ur
6. ex coxendicibus Rei: et condicibus P, e coxendicibus Sab | <non> quae Meu | prius P Mar prunis Rei L | quae add. Gel |
hirae Scriverius: dirae P | illas Scal: illa P, ilia Scriverius, hillas St |
et rumas Balitius: aerumnas P, rumas Can Ur | qua et M, quae P, qua Gel Rei |
vel sanguinaminum Wi: uelamen sanguinum P, vel farciminum Sal + R | fittilarum P

VII.25.1. Si enim quaecumque ab hominibus fiunt maximeque in re sacra debent habere suas causas nec sine ratione est quicquam in negotiis omnibus atque in omni administratione faciendum:
edissertate nobis et dicite, quae sit causa, quae ratio, ut haec etiam diis dentur sacrisque adoleantur altaribus.
2. In hoc enim diutius loco huic causae vel maxime necessario inmoramur insistimus inhaeremus, cupientes addiscere, quid cum pultibus deo sit, quid cum libis, quid diversis cum fartibus,
confectionis iure ex multiplici atque inpensarum varietate conditis.
3. Opiparis numina cenis adficiuntur aut prandiis, ut <in>numeras conveniat excogitare his dapes? aversionibus stomachorum laborant et ad expellenda fastidia saporum varietas quaeritur,
ut modo his assa, modo cruda ponantur, semicocta et modo semicruda?.
4. Quod si omnes has partes quas 'praesicias' dicitis accipere dii amant suntque illis gratae vel voluptatis alicuius vel dulcedinis sensu, quid intercedit, quid prohibet,
ut non semel haec omnia totis cum animantibus inferatis?
5. Quae causa, quae ratio est,
ut 'caro strebula' separatim, ruma, cauda, et 'plasea' separatim,
hirae solae omentumque solum 'augmentorum' adiciantur in causama Pulmentorum varietatibus adficiuntur dii caelites,
ut fieri mos est post cenarum ditium et locupletium saginas, frustilla haec parvula pro suavibus mateolis | f. 147b | sumunt,
non quibus famem sedent sed ut palati admoneant otium seque ipsos pleni <ad> adpetitum voracitatis instigent?
6. O deorum magnitudo mirabilis, o nullis hominum comprehensa, nullis intellecta naturis,
siquidem ut prosint testiculis pecudum redimuntur et rumis neque prius iras atque animos ponunt
nisi sibi adoleri paratas conspexerint 'nenias offasque' reddi 'penitas'.

2. huic Sab: huc P | fartibus Ur fratibus P confectis Rei | ex Oe: et P, del. Gel
3. innumeras Sab: numeras P | stomacorum P | modo et Gel
4. prosicias Turnebus Ur Rei fort. rectius
5. cauda Sab: cada P, cauda postea coda P** |
hirae Meu: irae P | omentumque Sal: nomenquae P,
omentum Gel, omenque (omen pro omentum) meu Rei | magmentorum Ur |
palati Sal: palatia P | pleni P, plenae P* vulgo | ad adpetitum Rei: adpetitum P, adpetitu P*
6. taenias scal Ur | reddi penitas Lor: redemptas P, reddier penitas Zi Rei, penitas Gel

VII.26.1. Sequitur, ut de thure deque mero aliquid sine ulla nimietate dicamus. Copulata enim et mixta sunt caerimoniarum et haec genera cultumque adhibentur in plurimum.
2. Ac primum illud a vobis isto ipso quaerimus percontamurque de thure, unde aut quo tempore nosse illud aut scire potueritis,
ut merito existimetis aut esse diis dandum aut eorum acceptissimum voluntati.
3. Novella enim propemodum res est neque annorum inexplicabilis series, ex quo eius notitia profluait in has partes et delubris meruit interesse divinis.
4. Nam neque temporibus, quemadmodum creditur et perhibetur, heroicis quidnam esset thus scitum est, scriptoribus ut comprobatur a priscis, quorum in libris posita nulla eius mentio repperitur,
neque genetrix et mater superstitionis Etruria opinionem eius novit aut famam, sacellorum ut indicant ritus, neque quadringentis annis quibus Albana res viguit in usum cuiquam venit,
sacra cum res fieret, neque ipse Romulus aut religionibus artifex in comminiscendis Numa aut esse scivit aut nasci, ut pium far monstrat, quo peragi mos fuit sacrificiorum sollemnium munia.
5. Unde igitur coepta est usur| f. 148/patio eius adsumi, aut in antiquam et veterem consuetudinem quaenam inruit novitas,
ut quod tempestatibus tantis necessarium non fuit locum sumeret in caerimoniis primum?
6. Nam <si> sine thure religionis officium claudicat necessariaque vis eius est quae propitios faciat mitesque hominibus caelites, peccatum est ab antiquis,
quinimmo piaculis plena vita omnis illorum fuit,
qui quod maxime conveniens deorum fuerat voluptati per incuriam neclexere libare.
7. Sin autem temporibus priscis neque homines neque dii huius thuris expetivere materiam, conprobatur et hodie frustra illud inaniterque praestari,
quod neque antiquitas necessarium credidit et sine ullis novitas rationibus appetivit.

1. genera vulgo: generi P | cultumque Sab: cultuque P
2. potueritis Ur poteritis P
3. sacrorum susp. Rei
4. si sine Sab: sine P | expetivere Gel : expedivere P

VII.27.1. Denique ut illam semper regulam definitionemque tenebamus, qua demonstratum et fixum est, quicquid fiat ab homine, habere oportere suas causas, et in ista quoque retinebimus parte,
ut requiramus ex vobis quae sit causa, quae ratio, ut ante ipsa numinum signa thura iniciantur altaribus et ea eorum incendio familiaria fieri existimentur et mitia.
2. Quid ex huiusmodi facto adquiritur his rei aut eorum ad animos quid accedit, ut merito iudicemus recte ista dependi et non frustra atque inaniter concremari?
3. Ut enim vos debetis ostendere, cur thura diis detis, sic et deos sequitur ut debeatis expromere habere aliquam causam, cur ea non respuant, quinimmo cur ea tam familiariter concupiscant.
4. ''Honoramus, inquiet aliquis fortasse, his deos''.
- Sed nos non vestrum, sed numinum requirimus sensum, nec quid fiat a vobis, sed pendatur | f. 148b | ab his quanti quod in praemium datur favoris interrogamus.
5. Sed tamen, o pietas! Quantus iste est honor aut qualis, qui ea ligni sudore conficitur et resina ea arboris conparatur?
Nam ne forte ignoretis, quid aut unde sit thus istud: viscum est ea corticibus profluens ita ut ea amygdalo, ceraso, lacrimabili destillatione coalescens.
6. Hocine ergo superas honorat et auctificat dignitates, aut, offensa si aliquando contracta est, thuris vapore dissolvitur et temperata indignatione sopitur?
Quid ergo cessatis cuiuslibet arboris viscum sine ulla passim differitate comburere?
Nam si honorantur hoc numina nec indigne sustinent Panchaicas sibi ardere resinulas, quid interest unde fumus altaribus conficiatur in sanctis vel ea visci quo genere nubes suffitionis exaestuent?

1. debetis Sab: debeatis P
3. familiariter] ferventer vel famelice Or + Rei
5. ligni sudore Wi | odore P | corticibus] corticibus arabicis? Mar <certis> corticibus Mei | ceraso <resina> Rei

VII.28.1. ''An numquid aliquis dicet idcirco superis thus dari, quod odoratus habeat suaves et narium commulceat sensum, reliqua vero sint aspera et ob causam offensionis exclusa?''.
2. - Habent enim dii nares, quibus ducant aerios spiritus, accipiunt auras et remittunt, ut penetrare illos possint nidorum differentium qualitates.
3. Quod si damus ut fiat, mortalitatis eos adiungimus legi et excludimus divinitatis a finibus.
Quicquid enim spirat et reciprocos halitus auris commeabilibus ducit, id necesse est esse mortale, quia caeli sustineatur e pastu.
Quicquid autem caeli sustinetur e pastu, si recursus abstuleris quibus alternatio redditur abstrahiturque vitalis, | f. 149 | oblidi eius necesse est animam et rationem subrui atque interire vivendi.
4. Ergo si et dii spirant odoremque ad se adtrahunt auris comitantibus involutum, non est ab re dicere et alienis eos suffectionibus vivere et interclusis posse spiraminibus interire.
5. Et unde novissime scitis, an si odorum suavitate capiuntur, eadem sint eis iucunda quae vobis et parili sensu vestras mulceant adficiantque naturas?
Nonne fieri potis est, ut quae vobis adferunt voluptatem contra illis aspera videantur et tristi?
6. Cum enim deorum sint sententiae dispares substantiaeque non unae, quibus effici rationibus potest, ut quod qualitate diversum est unum sentiat accipiatque contactum?
7. An non cottidie cernimus et inter animantia terris orta esse aliis eadem vel amara vel dulcia, mortifera. his esse quae illis nata in perniciem non sunt,
ut quae illos mulceant odoribus laetis eadem pestiferos halitus aliorum corporibus spirent?
8. Sed hoc ut fiat et accidat non in rebus est causa, quae simul esse mortiferae, simul salutares, simul dulces nequeunt simulque amarae consistere,
sed ut quisque est factus, ad extrinsecus rei venientis attactum ita afficitur, qualitatem non accipit ea rerum inpulsionibus natam sed ex sui sensus contagiique natura.
9. Verum omnis haec ratio longe est ab diis sita nec exigui limitis interiectione discreta. Nam si verum est, ut ab sapientibus creditur, incorporales hos esse
nec validitatis alicuius eminentia sublevari, inanis apud hos odor est nec sensibiliter commovere aura eos potis est nidoris alicuius, non si mille tu pondera | f. 149b | masculi thuris incendas
caelumque hoc totum redundantium vaporum nebulositate cludatur.
10. Quod enim non habet robur et substantiam corporalem, contrectari ab substantia non potest corporali: odor autem corpus est, tactis sicut naribus indicatur:
ab deo ergo sentiri ratione non potest ulla, qui caret re corporis atque omni sensu et contagione privatus est.

4. suffitionibus S
5. <ut> vestras deorum Rei
6. deorum del. Ur, post vestras transp. Rei deorum <et hominum> C | sententiae P essentiae Rei
7. ut quae Sab: utque P
8. amarae Sab: inuna re P | afficitur Gel : efficit P
9. sita Sab: ita P | soliditatis Ur oliditatis Gel Rei
10. re] robore Rei, vi Kis, nare Mei | caret re] carcere Wensky contagione Rei: cogitatione P

VII.29.1. Merum thuris est socium, quod explanari consimiliter poscimus cur ei superfundatur incenso.
Nisi enim ratio cur fiat ostenditur nec habebit expositam sui causam, non iam istud errori obiciendum est ludicro sed ut dicatur expressius insaniae dementiae caecitati.
2. Ut enim iam saepius dictum est, debet omne quod geritur causam sui habere perspicuam nec caliginis alicuius obscuritate contectam.
Si ergo fiditis facto, aperite, monstrate, liquor iste cur detur, id est vinum superfundatur altaribus.
3. Numquid enim numinum corpora sitim sentiunt aridam et eorum necesse est siccitates umore aliquo temperaria numquid nobis ut mortalibus moris est cenis intermiscere potiones,
pari etiam more post solidos victus liborum et pultium hostiarum que caesarum, quo putrefiat facilius ac percoquatur cibus, frequentissimo inrigant accipiuntque se vino?
4. Date quaeso immortalibus diis bibant scyphos, brias, pateras simpuviaque depromite, et quoniam tauris pinguibusque se dapibus atque opimis inferciunt escis,
ne quod in stomachi tramite male transvoratum substiterit viscus, succurrite, properate; Iovi optimo maximo merum ne praefocetur date, cupit eructare nec potis est,
ac ni illa labatur et dissolvatur obstructio, | f. 149bis | periculum maximum est ne oblisus interrumpatur spiritus et viduatum remaneat sine suis administratoribus caelum.

1. ei... incenso. Nisi Wensky: ei ... incensioni si P, eius (Mar R) incensioni . nisi Sal Rei | non ostendetur S
3. id est vinum superfundatur del. Zi | ac perc. M: ut p. P, et p. vulgo | perquoquatur P
4. ut bibant Rei | scyfos P | simpubiaque P | tauris: lautis Zi Rei | ac ni Sab: agni P | administratibus St

VII.30.1. ''Sed frustra, inquit, inequitas nobis: non enim nos superis ob eas profundimus merum causas, tamquam illos existimemus aut sitire aut bibere aut suavitatis eius adfectione laetari.
Honoris eis ergo datur; quo fiat illorum elatior, amplior augustiorque sublimitas, altaria super ipsa libamus et venerabiles muscos carbonibus excitamus extinctis''.
2. - Et quae gravior infligi contumelia dis potest, quam si eos credas accepto mero propitios fieri, aut honorem existimes habitum his magnum,
si modo vini exigui rores super vividam ieceris atque instillaveris prunam?
3. Non nobis est sermo cum hominibus rationis expertibus neque quibus non sit communis intellegentiae veritas:
inest et vobis sapientia, inest sensus, verumque nos dicere apud vos ipsi interiore iudicio scitis.
Sed quid facere possumus considerare nolentibus penitus res ipsas secumque ipsos loqui?
4. Facitis enim quod fieri cernitis, non quod fieri oportere confiditis: primum quia apud vos valet nullam habens consuetudo rationem quam rerum inspecta natura veritatis examinatione ponderata.
5. Quid est enim deo cum vino, aut in huius materia vis qualis aut quanta est, quod cum effusum fuerit, sublimitas eius augescat et honorata existimetur auctoritas?
6. Quid, inquam, deo cum vino est, Veneriis re proxima, nervos omnium debilitante virtutum, | f. 149bis b | verecundiae, pudoris et castitatis inimica,
quod in insanias et furores mentes saepius praecipitavit excitas ipsosque illos deos maledictis conpulit exauctorare dementibus?
7. Itane istud non nefas et plenum sacrilegii crimen est, honoris hoc dare, quod si tu id avidius sumpseris, quid facias nescias,
quid loquaris ignores, ad extremum temulenti, luxuriosi et perditi convicium infamiamque merearis?

2. muscos Sal: miscus P, cnissas Gel | extinctis] ex tinctis T | rores Sal: roris P, exiguos rores Mei
3. ipsis Kr
4. primum] nimirum Gel, plurimum Rei | quiapud P | plus valet S
5. huius Cas: eius P

7. honori Sab honoris <ergo> Hil, honori <dis> Rei | id del. Gel | luxoriosi P

VII.31.1. Operae pretium est etiam verba ipsa depromere, quibus cum vinum datur uti ac supplicare consuetudo est: ''Mactus hoc vino inferio esto''.
''Inferio, inquit Trebatius, verbum ea causa est additum eaque ratione profertur, ne vinum omne omnino quod in cellis atque apothecis est conditum,
ex quibus illud quod effunditur promptum est, esse sacrum incipiat et ex usibus eripiatur humanis.
Addito ergo hoc verbo solum erit quod inferetur sacrum nec religione obligabitur ceterum''.
2. - Qualis ergo hic honor est, in quoimponitur quagi lea deo, ne plus quaerat quam datum est?
Aut cuius ipse est aviditatis deus, qui nisi verbi fuerit praescriptione summotus, cupiditatem suam protendat ulterius et apothecis suis supplicem privet?
3. ''Mactus hoc vino inferio esto'': iniuria est ista, non honor.
Quid enim, si divus amplius hoc volet neque erit contentus inlato?
Nonne insigniter dicendus est laedi qui honorem accipere cum condicione cogetur?
Nam si exceptione non addita sacrum necesse est fieri omne omnino quod in cellis est vinum, manifestum est et deo contumeliam fieri, cui modus constituatur invito, | f. 150 |
et vos ipsos in re sacra caerimoniarum officia violare, qui non tantum tribuitis vini quantum deum videtis sibi velle praestari.
4. ''Mactus hoc vino inferio esto'': - quid est aliud quam dicere:
''Tantum esto mactus quantum volo, tantum amplificatus quantum iubeo, tantum honoris adsumito quantum te habere decerno et verborum circumscriptione definio?''.
5. - O deorum sublimitas praepotens, quam venerari, quam colere officiis omnibus caerimonialibus debeas, cui legem venerator inponit, quam cum pactionibus adorat et formulis,
quae per unius formidinem verbi ab inmodicis vini cupiditatibus arceatur.

2. obligabitur. Ceterum P, recte interp. Gel | quasi vulgo: qualis P | suis Sab: sui P
3. dicendum Sab | cogatur Gel
4. arcetur S

VII.32.1. Sed sit ut vultis honor in vino, sit in thure, immolatione et caedibus hostiarum irae numinum offensionesque placentur.
Etiamne di sertis, coronis adficiuntur et floribusa etiamne aeris tinnitibus et quassationibus cymbailoruma etiamne tympanis?
etiamne symphoniis?
Quid? efficiunt crepitus scabillorum ut, cum eos audierint numina, honorifice secum existiment actum et ferventes animos irarum oblivione deponant?
2. an numquid ut parvuli pusiones ab ineptis vagitibus crepitaculis exterrentur auditis, eadem ratione et omnipotentia numina tibiarum stridore mulcentur
et ad numerum cymbalorum mollita indignatione flaccescunt?
3. Quid sibi volunt excitationes illae quas canitis matutini conlatis ad tibiam vocibus? - Obdormiscunt enim superi, remeare ut ad vigilias debeant.
4. Quid dormitiones illae | f. 150b | quibus bene ut valeant auspicabili salutatione mandatis? - somni enim quiete solvuntur occuparique ut hoc possint, lenes audiendae sunt neniae.
5. ''Lavatio, inquit, deum matris est hodie''. - Sordescunt enim divi et ad sordes eluendas laventibus aquis opus atque adiuncta antiqua cineris frictione.
6. ''Iovis epulum cras est''. - Iuppiter enim cenat magnisque implendus est dapibus, iamdudum inedia gestiens et anniversaria interiectione ieiunus.
7. + ''[Esculapii] geritur celebraturque vindemia''. - Colunt enim dii vineas et ad suas usiones contractis exprimunt vindemiatoribus vinum.
8. ''Lectisternium Caereris erit Idibus proximis''. - Habent enim dii lectos atque ut stratis possint mollioribus incubare, pulvinorum tollitur atque excitatur inpressio.
9. ''Telluris natalis est''. - Dii enim ex uteris prodeunt et habent dies laetos quibus eis adscriptum est auram usurpare vitalem.

1. irae P 24 dii P** | tymphanis P | quid efficiunt vulgo, interp Rei | deponant Sab: deponunt P
3. <quatiendaque sunt garrula sistra> remeare Kir | domuitiones Gel dormitionis illae <neniae> Mei | occuparique Sab: occupatique P
4. opus <est> atque Cas | adiuncta] ad uncta Wi | antiqua] aliqua Ur Rei, antiqui vel antiquae St, iniqua Oe | aepulum P |
Esculapi P: Liberi vel Liberi patris Mar ieiunus escae. Liberi Mei, His cel. Priapi Wi Euii patris vel Ecce Euii Cas |
suas usiones Sal: suasionibus P, ad suas libationes Mei, ad suas <eorum a sat>ionibus Wi
5. inpraessio P

VII.33.1. Ludi vero, quos facitis, quibus Floralibus et Megalensiis nomen est ceterique omnes alii quos esse sacros voluistis et religionum inter officia deputari quam rationem habent, quam causam?
ut institui condique debuerint et ex numinum appellatione signari?
2. ''Honorantur, inquit, his dii et si quas ab hominibus continent offensionum memorias inlatarum, abiciunt, excludunt redduntque se nobis redintegrata familiaritate fautores''.
- Et quae causa est rursus, ut tranquilli, placidi efficiantur et mites, ineptae si res fiant et ab hominibus otiosis multitudine | f. 151 | spectante ludatur?
3. Ponit animos Iuppiter si Amphitryon fuerit actus pronuntiatus que Plautinus, aut si Europa, si Leda, Glanymedes <si> fuerit saltatus aut Danae, motum conpescit irarum?
tranquillior, lenior Mater Magna efficitur si Attidis conspexerit priscam refricari ab histrionibus fabulam?
Obliterabit offensam Venus si Adonis in habitu gestum agere viderit saltatoriis in motibus pantomimos?
Indignatio relanguescit Alcidae, si tragoedia Sophoclia cui Trachiniae nomen est, Euripidis aut Hercules actitatur?
Existimatve tractari se honorifice Flora, si suis in ludis flagitiosas conspexerit res agi et migratum ab lupanaribus in theatra?
4. Itane istud non est deorum inminuere dignitatem, dicare et consecrare turpissimas res eis, quas censor animus respuat et quarum actores inhonestos esse ius vestrum
et inter capita conputari iudicavit infamia?
5. - Mimis nimirum dii gaudent, et illa vis praestans neque ullis hominum comprehensa naturis libentissime commodat audiendis his auris,
quorum symplegmatibus plurimis intermiatos se esse derisionis in materiam norunt:
delectantur, ut res est, stupidorum capitibus rasis, salapittarum sonitu atque plausu, factis et dictis turpibus, fascinorum ingentium rubore.
6. Iam vero si viderint in femineas mollitudines enervantes se viros, vociferari hos frustra, sine causa, alios cursitare, amicitiarum fide salva contundere se alios et crudis mutilare de caestibus,
certare hos spiritu, buccas vento distendere votisque inmanibus concrepare: manus ad caelum | f. 151b | tollunt, rebus admirabilibus moti prosiliunt, exclamant, in gratiam cum hominibus redeunt.
7. Haec si dis immortalibus oblivionem adferunt simultatum, si ea comoediis, Atellanis, mimis ducunt laetissimas voluptates, quid moramini, quid cessatis,
quin et ipsos dicatis deos ludere lascivire saltare, obscenas conpingere cantiones et clunibus fluctuare crispatis?
8. Quid enim differt aut interest, faciantne haec ipsi an ab aliis fieri in amoribus atque in deliciis ducant?

1. megalensibus Sab | inter Sab P**: iter P
2. illatarum Ur inlatas P
3. anphytrion P | <si> Cas | obliterabit Sab: obliterauit P | pantomimos Hil: pantomimus P, pantomimum Sab edd. |
relanguescet Sab | traciniae P | Euripidis Sab: euripides P | actitetur Gel |
existimatve Meu: existimatur P Gel, existimabit Her, -<ret>ur alii | tractari se] (existimatur) tractarier St
4. iudicavit Sab: P** iudauit P
5. aures P* symplegmatibus Sab: implegmatibus P, simplegmatibus P** | salpictanum Sab salpictarum Gel, salpittarum P** alapittarum Havet
6. robore Hag | hos Sab hoc P | fide Sab P**: fides P | de] se Sab | cestibus P |
uotisque P: volisque Or Mar cavatisque Sal vocibusque Mar Zi L notisque [sc ventis] W |
inmanibus Mar inanibus Sab Kr, manibus Sal, immanius Wi | concrepare Sab M: concremare P
8. differt Sab: defert P, difert P*.

VII.34.1. ''Unde igitur fluxit vel ex quibus enata est causis opinionum haec pravitas?''. - Ex eo scilicet maxime, quod nequeuntes homines quidnam sit deus scire, quidnam ait vis eius,
natura substantia qualitas, utrumne habeat formam an nulla sit corporis circumscriptione finitus, agat aliquid an non agat, vigiletne perpetuo an aliquando solvatur in somnos,
currat sedeat ambulet an ab huiusmodi motibus et cessatione sit liber, haec omnia ut dixi nequeuntes scire neque ratione aliqua pervidere in eas sunt opinationes lapsi, ut deos ex se fingerent
et qualis sibi natura est et illis talem darent actionum, rerum voluntatumque naturam.
2. Quodsi animal cernerent nullius esse se pretii nec inter formiculam plurimum seseque esse discriminis, profecto desinerent arbitrari quicquam se habere commune cum superis
et intra suos fines humilitatis suae modestiam continerent.
3. Nunc vero quia cernunt ora oculos capita buccas | f. 152 | auriculas nasos ceterasque se alias membrorum gerere ac viscerum portiones,
et deos existimant eadem ratione formatoa habitumque illos suum compagine in corporea continere;
4. et quia gaudere laeta re maestosque se fieri tristioribus conspiciunt causis, arbitrantur et numina ex rebus hilarioribus gaudere et ex minus laetis animorum contractione conduci;
5. adfici se ludis, putant et caelitum mentes ludorum delectatione mulceri; et quia illis se volup [sic!] est lavacrorum refovere caldoribus, et superis ducunt lavationum esse munditias gratas;
6. vindemiamus nos homines, - et deos rentur et credunt suas ducere atque agitare vindemias;
7. dies nobis natalicii sunt, et potentias caelites dies autumant habere natales.
8. Quodsi possent adscribere valetudines a aegritudines et corporales diis morbos, non dubitarent eos lienososi, lippulosi atque enterocelicos dicere, eo quod ipsi et lienosi et lippi fiunt saepe
et ingentium gricenearum magnitudine ponderosi.

1. qualitas] qualis Sal | cessione Sab | liber. Haec vulgo, recte interp Rei | rerum] sensuum Rei L studiorum Mei, morum Ki Br, operum Kr
2. praetii P
3. gerere Sab: genere P | laeta re Meu: laetari P | mestosque P | affici (adfici R) se Sab | volup Rei vulgo | Uindeamiamus P
4. enterocelicos Gel : interocaelicos P | gricenearum Wi Mar : gruenearum P, herniarum Sab Rei Capita 35-37 Mar in finem libri reiecit Or [Or 49-51], eadem putans Arnobianum opus aptius finire, ordinemque ceterorum immutavit.

VII.35[Or 49].1. Age nunc summatim, quoniam sermo prolatus est et perductus in haec loca, singularum partium oppositionibus comparemus, utrumne vos melius rebus de superis sentiatis
an potius nos multo et honoratius opinemur et rectius quodque rei divinae suam praestet atque attribuat dignitatem.
2. Ac primum vos deos, quos in rerum natura vel arbitramini esse vel creditis quorumque in templis omnibus simulacra constituistis et formas,
profitemini esse natos et ea masculorum feminarumque seminibus conventionum progenitos lege.
3. At vero nos contra, si modo dii certi sunt | f. 152b | habent que huius nominis auctoritatem potentiam dignitatem, aut ingenitos esse censemus - hoc enim religiosum est credere -
aut si habent nativitatis exordium, dei summi est scire, quibus eos rationibus fecerit aut saecula quanta sint, ex quo eis adtribuit perpetuitatem sui numinis inchoare.
4. Vos habere sexus deos aliosque ex his marefi, feminini generis alios esse censetis: nos potentias caelites discretas esse sexibus abnegamus,
quoniam discrimen huiusmodi terrenis animantibus datum est, quas coire, quas generare auctor voluit rerum substituendis per libidinem prolibus.
5. Vos hominum similitudinem gerere et mortalium vultibus existimatis esse formatos: nos effigies remur submotas esse ab his longe, quoniam forma mortalis est corporis,
et si forte est ulla, comprehendere neminem posse indubitabili adseveratione iuramus.
6. A vobis artificia singuli opificum more habere perhibentur: ridemus, cum audimus nos ista, quoniam diis artes necessarias ducimus arbitramurque non esse
et eas constat et liquidum est paupertatis ad subsidium conparatas.

1. singularum Or: singulorum P | parium Her
2. natura Sab: naturam P
4. quoire P

VII.36[Or 50].1. Discordias alios ex his vos, alios dicitis qui pestilentias inrogent, alios qui amores, qui furias, alios vero qui praesint bellis et sanguinis effusione laetentur:
- at vero nos contra ab ingeniis numinum <istius modi res> iudicamus esse disiunctas,
aut si sunt qui haec mala miserrimis inferant fiubiciantque mortalibufi, ab deorum contendimus procul esse natura
nec sub huius nominis praedicatione ponendos.
2. Irasci et perturbari vos numina ceterisque animorum adfectibus | f. 153 | mancipata esse atque obnoxia. iudicatis: nos huiusmodi motus alienos existimamus ab hic esse;
sunt enim ferocium generum et mortalitatis obeuntium functiones.
3. Vos pecorum sanguinea vos caedibus et mactationibus hostiarum gaudere, laetari et in gratiam cum hominibus remini offensionibus redire sopitis:
nos amorem sanguinis nullum esse in caelitibus ducimus nec esse tam duros, ut miserorum animantium caede saturatas abiciant iras.
4. Vos mero, vos thure honorem arbitramini diis addi et eorum augescere dignitates: nos monstrum et prodigium iudicamus, quod quisquam hominum credit aut augustiorem fieri deum fumo
aut ea roribus exiguis vini ipsum sibi ab hominibus ducere satis sancte atque honorifice supplicatum.
5. Vos aeris tinnitibus et tibiarum sonis, vos equorum curriculis et theatralibus ludis persuasum habetis deos et delectari et adfici iras que aliquando conceptas eorum satisfactione molliri:
6. nos inconveniens ducimus, quinimmo incredibile iudicamus, eos qui gradibus mille genus omne virtutum perfectionis transierint summitate in voluptatibus habere
atque in deliciis [esse] res eas quas homo sapiens rideat et quae non aliis videantur continere aliquid gratiae quam infantibus parvulis et trivialiter et populariter institutis.

1. discordias Ur discordiarum P, discordiam Meu, discordiarum auctores Or Mei, discordiarum alios instinctores Cas | vero] haec Ur |
istius modi res add. Cas: <res istas cunctas> dis. Br: an nos contra <nocentia> ab ingeniis... disiuncta? Mar | disiuncta can Ur
2. mortalitati Gel obeuntium Ur obeuntib; P, subeuntium Gel
4. roribus P
5. theatralibus Sab P**: thetralibus P | eorum <ista> Rei ludorum vel modorum Cas
6. res Gel : esse res P, iis esse res Hil | trivialiter Sab: tibialiter P

VII.37[Or 51].1. Haec cum ita se habeant cumque sit opinionum tanta nostrarum vestrarumque diversitas, ubi aut nos impii aut vos pii,
cum ex partium sensibus pietatis debeat atque inpietatis | f. 153b | ratio ponderari?
Non enim simulacrum qui sibi aliquod conficit quod pro deo veneretur aut qui pecus trucidat innoxium sacrisque incendit altaribus, is habendus est rebus deditus esse divinis.
2. Opinio religionem facit et recta de diis mens, ut nihil eos existimes contra decus propriae sublimitatis appetere.
Cum enim cuncta quae his dantur sub oculis hic nostris videamus absumi, quid ad eos aliud ab nobis dicendum est pervenire
nisi opiniones diis dignas et eorum convenientissimas nomini?
3. Haec sunt dona certissima, sacrificia haec vera; nam pulticulae, thura cum carnibus rapacium alimenta sunt ignium et parentalibus coniunctissima mortuorum.

1. partium] pectorum Rei | altaribus <thus> Rei
2. propriae Guyetus: promptae P, praesumptae Gel | diis] de iis Mei

VII.38[Or 35].1. ''Sed si dii immortales nequeunt, inquit, irasci neque ullis animorum adfectibus eorum quatitur concutiturque natura, quid historiae sibi volunt, quid annales,
quorum in conscriptionibus legimus nonnullis offensionibus deos motos pestilentias, sterilitates ac frugum inopias aliaque intulisse civitatibus nationibusque discrimina
eosque rursus sacrorum satisfactione placatos indignationum posuisse fervores et in habitum laetiorem statum caeli tempestatumque mutasse?
2. Quid terrarum fremitus, quid motus, quos esse accepimus factos, quod essent acti per indiligentiam ludi nec ad suam formam condicionemque curati, instauratis his tamen
et curiosa observatione repetitis superorum conquievisse terrores et ad hominum curam familiaritatemque revocatos?
3. Quotiens, vatum iussia haruspicumque responsis postquam divina res facta est et ex gentibus | f. 154 | transmarinis acciti dii quidam delubraque his facta et in altioribus columnis signa quaedam
et simulacra sunt constituta, et inminentium aversi sunt periculorum metus et gravissimi hostes pulsi et amplificata res publica est
et victoriarum frequentibus gaudiis et provinciarum possessione conplurium?
4. Quod utique non fieret, si sacrificia, si ludos ceterosque aspernarentur dii cultus neque se honorari eorum procurationibus ducerent.
Si ergo his datis calor omnis numinum indignatioque frigescunt vertunturque in prospera ea quae videbantur adferre terrores: manifestum est haec omnia non sine caelitum fieri voluntate,
et quod ea tribuantur a nobis, inaniter et cum tota inperitia reprehendi''.

1. legimus Sab | motos Sab: motus P
2. superorum Sab: superiorum P
3. transmarinis Sab P**: transmarini P | est [et] Cas

VII.39[Or 36].1. Ventum est ergo, dum loquimur, ad ipsum articulum causae, ventum rei ad cardinem, ventum veram atque ad iunctissimam quaestionem,
in quam convenit ut debeamus inspicere formidine superstitionis amota et gratificatione deposita, utrumne hi dii sint quos saevire adseveratis offensos reddique sacrificiis mites
an sint longe aliud et ab huius vi debeant et nominis et potentiae segregari.
2. Non enim imus infitias, in annalium scriptis contineri haec omnia quae sunt a vobis in oppositione prolata: nam et ipsi pro modulo ingeniique pro captu et legimus et esse positum scimus,
ludis quondam ipsis circensibus, qui Iovi maximo fierent, patremfamilias quendam, antequam inciperent res agi,
servum pessime meritum per circi aream mediam transduxisse caesum virgis | f. 154b | et ea more multasse post patibuli poena.
3. Ludis dein [dein] terminatis profligatisque curriculis non multi post temporis spatium civitatem occepisse pestilentia vastari,
cumque dies adderet malum malo gravius, catervatim et populus interiret, rusticulo cuidam sorte humilitatis obscuro Iovem per insomnium dixisse, uti ad consules vaderet,
praesulem sibi displicuisse monstraret, posse melius fieri civitati, si ludis sua religio redderetur et ea integro rursus curiosa observatione procederent.
4. Quod cum ille facere minime curasset, vel quod esse vanum suspicaretur insomnium nullamque habiturum apud audituros fidem vel quod ingenitae humilitatis memorpotestatis tantae fugeret
et formidaret accessum, cunctatori redditum inimicum Iovem filiorum obitum inrogavisse pro poena.
5. Mox cum et ipsi proprium minaretur interitum, ni praesulis pergeret nuntius inprobati, obeundi formidine territatum, cum iam et ipse contactus pestilentiae flagraret incendio,
de sententia propinquorum perlatum ad curiam patrum insomnique exposita visione flammas evolavisse contagii: ludorum deinde instauratione decreta
et spectaculis adhibitam gravem curam et priorem populo redditam sanitatem.

1. ad iunctissimam Can: ad iustissimam Ur Rei, ad invictissimam Meu | hii P | seuire P | ludis et sacrif- Ur
2. mulcasse P**
3. dein terminatis Kl: deinde interminatis P McCas deinde iam terminatis Sab | vaderet Lipsius: suaderet P | civitati Sab: ciuitatis P | cum et P
5. insomniique S

VII.40[Or 37].1. Sed neque illud aeque nos negabimus scire, temporibus quondam civitatis et reipublicae duris, vel quae lues infesta faciebat continua populum contage conficiens,
vel quae hostes validi et ad periculum libertatis aufcrendae proeliorum prosperitate iam proximi, iussis et monitis | f. 155 | vatum transmarinis ea gentibus quosdam deos accitos
magnificisque honoratos templis et luis sedasse flagrantiam et viribus hostium fractis frequentissime triumphatum
et auctos imperii fines innumerasque provincias sub leges vestri cecidisse dominatus.
2. Sed neque hoc nostram conscientiam fugit lectum et positum, ictum cum esset Capitolium fulmine multaque in hoc alia, Iovis etiam simulacrum, sublimi quod in culmine stabat,
suis esse ab sedibus provolutum.
Responsum deinde ab haruspicibus editum, res scaevas tristissimas que portendi ab incendiis, caedibus, ab legum interitu et ab iuris occasu,
maxime tamen ab domesticis hostibus atque ab impia coniuratorum manu.
3. Sed flecti haec posse, immo aliter publicari scelerata non posse consilia, nisi Ippiter rursus altiore in culmine figeretur orientalem conversus ad cardinem radiisque oppositus solis.
Adfuisse dicto fidem: nam subrecto culmine cónversoque ad solem signo patuisse res abditas et reserata in maleficia vindicatum.

1. negabimus Sab: negauimus P | lues Sab: luis P | triumfatum P
2. scaevas Meu: saeuas P

VII.41[Or 38].1. Habent quidem miraculi speciem - quinimmo habere creduntur - cuncta ista quae dicta sunt, si ita ut sunt prompta humanum veniant ad auditum,
nec diffitemur inesse his quiddam, quod in prima positum quemadmodum dicitur fronte perstringere aures possit et veritatis similitudine circumvenire.
Ceterum si penitus intueri res factas, personas et personarum volueris voluntates, nihil esse repperies diis dignum
et, quod saepe iam dictum est, quod ad huius nominis speciem dignitatemque referatur.
2. Quis est enim primum qui deum illum fuisse credat, qui currentibus frustra delectaretur | f. 155b | eculeis avocarique se genere hoc ludicri iucundissimum duceret?
Immo illum fuisse quis est qui adsentiatur Iovem, quem deum principem dicitis et rerum quaecumque sunt conditorem,
qui spectatum proficisceretur e caelo cantherios de velocitate certantes, replicantes gyros septem,
et quos dissimiles ipse corporum esse in mobilitate voluisset, eos tamen gauderet transire, transiri, pronos et cernuos ruere, cum curribus resupinos verti,
trahi alios cruribus et claudicare praefractis, et ineptias nugis et crudelitatibus mixtas summis in voluptatibus habuisset quas homo quivis lautus
nec ad studium plenae gravitatis ac ponderis eruditus puerilia duceret atque aspernaretur ut ludicra?
3. Quis est, inquam, qui credat, repetamus ut adsidue hanc vocem, generis eum fuisse divini, qui, quoniam ludis actus per circi est spatium meritorum poenas et supplicia redditurus,
ira exacerbatus ardesceret seseque ad vices adcingeret ultionis?
4. Si enim nocens servus atque illa fuerat animadversione puniendus: qui debuit Iuppiter indignatione aliqua commoveri, cum ageretur iniuste nihil,
immo cum nocens caput poenis convenientibus plecteretur?
5. Sin autem inmunis ab scelere neque ulli obnoaius crimini: vitiosi praesulis ipse fuit in causa, cui cum subvenire potuisset, non fecit, immo ipse quaesivit et pati quod inprobabat
et ab aliis poenas suae permissionis exigere.
6. Et cur laesum deinde illo se questus est et pronuntiavit in praesule, quia crucis | f. 156 | ad poenas per circi actus est medium virgis dilaceratus et flagris?

1. veniant Sab P**: ueniat P | voluntates Sab: uoluptates P
2. avocarique Her: euocarique P | replycantes P | gauderet Meu: gaudere P | alios debiles, cruribus Ur |
mixtas Sab P**: mixta P | habuisset Meu: habuisse P | lautus Gel : laetus P | duceret Sab: ducere P
3. <servus> actus Cas McCas | redditurus Sab: reddituros P | exacerbatus Gel : exaceruatus P | vices Huet: uires P
5. illo Sab: illos P | pronuntiavit Gel : praenuntiauit P | praesulae P

VII.42[Or 39].1. Et quid ea hoc facto labis potuit et foeditatis ecfluere, quod aut circum faceret minus purum aut Iovem contaminatum, cum per exigua momenta,
per puncta tot in orbe conspiceret milia mortis in generibus variis et cruciatibus interire diversis?
2. ''Ante, inquit, est actus, ludi quam inciperent confici''.
- Si sacrilego pectore religionisque contemptu, est ut ignoscere debeamus Iovi indignanti se spretum nec circensibus propriis sollicitiorem adhibitam curam.
Sin autem errore vel casu latens illud non est animadversum et cognitum vitium, nonne fuerat rectum Iovique conveniens,
ut humanis ignosceret lapsibus et inprudentiae caecitatem veniali concessione donaret?
3. ''Sed vindicanda res fuit''.
- Et post haec aliquis fuisse illum deum credet, qui puerilis incuriam ludicri civitatis ultus est et persecutus interitu, gravitatis ac ponderis aut ullius habuisse constantiae firmitatem,
qui ut sibi ex integro voluptatis in gaudia curreretur, venenatam in perniciem aeris haustus vertit et pestilentiae morbo stragem mortalitatis indixit?
4. Si ludorum exhibitor magistratus minus curavit ediscere quisnam esset illo die circi actus per medium, contractaque est ea hoc culpa,
quid infelix commeruerat populus ut aliena delicta capitis sui dissolveret poenispestilentibusque contagiis crudeliter expelleretur e vita?
5. Immo quid feminarum genus, quas ab negotiis publicis | f. 156b | condicio fragilitatis excepit, quid adultae ab virgines, quid puerculi fecere pusiones,
quid denique adhuc parvi nutricum sub alimonia constituti, ut in eos inmitteretur par et una saevitia priusque acerbitatem mortis quam dulcedinem aliquam perciperent luminis?

1. effluere vulgo | exigua Sab | puncta Sab: cuncta P | crutiatibus P
2. contemptu Sab: contemptus P
3. errore S
3. ultus Sab P**: ullus P | venenatam Sab: ueneatam P | pestilentiae sal P**: pestilentia P, pestilentiam Sab |
morbos Sab mortalitati Iunius | induxit Ur
5. adultae Gel : adulterae P | acerbitatem Sab: aceruitatem P

VII.43[Or 40].1. <Si> sibi Iuppiter ludos scrupulosius fieri restituique quaerebat, si fideliter reddere suam populo sanitatem nec malum quod fecerat prorogari ulterius et augeri,
nonne rectius fuerat, consulem ut ad ipsum veniret, sacerdotum ad aliquem publicorum, pontificem maximum
aut ad flaminem suum Dialem eique per somnium et praesulis vitium et funesti causam temporis indicaret?
2. Quae fuerat ratio, ut ruri hominem suetum, obscuritate incognitum nominis, urbanarum inscium rerum,
quid sit praesul fortasse nescientem, voluntatis suae deligeret nuntium et expetitae satisfactionis auctorem?
3. Quem si utique sciebat, divinus modo si fuerat, tergiversatorem in obsequio futurum, nonne fuerat pronius et deo conveniens, mentem hominis vertere et parendi subicere voluntatem
quam vias adgredi saeviores et latrocinii ritu sine ulla passim ratione saevire?
4. Si enim rusticus senior inexpeditus in rebus obeundis cunctabatur in re iussa causis superioribus retardatus, quid infelices eius commeruerant liberi,
ut in eos ira et indignatio verteretur offensasque alterius luminis sui spoliatione pensarent?
5. Et quisquam est hominum qui fuisse illum deum credat tam iniustum, tam impium nec mortalium saltem constituta servantem, | f. 157 | apud quos nefas haberetur magnum,
alterum pro altero plecti et aliena delicta aliorum cervicibus vindicare?
6. ''Sed et ipsum fecit pestilitatis saevitia comprehendi''.
- Nonne ergo praestantius, quinimmo aequius fuerat, si hoc esse videbatur faciendum,
ut ab ipso patre terror cohercitionis inciperet, apud quem causa tanti fuerat motus et inoboeda cessatio?
quam in eius dolorem vim liberis facere et innoxias urere atque abolere personas?
7. Quaenam illa saevitia, crudelitas fuit quae tanta, ut extincta subole intestinis periculis post territaret patrem?
Quod iamdudum si facere, id est loco priore, voluisset, nec germanitas conficeretur innoxia et voluntas numinis cognosceretur offensa.
8. ''At enim conpleto adnuntiationis officio statim morbus evanuit et sanitati homo est continuo restitutus''.
- Et quid habet admirationis res ista, si malum quod inspiraverat rettudit seseque in alia ostentatione iactavit?
Quodsi penitus res pendas, magis illa crudelitas quam beneficium salutis fuit, siquidem hominem miserum et interire post filios cupientem non gaudia servavit ad vitae
sed ut suam solitudinem disceret et orbitatis cruciamenta sentiret.

1. <si> Meu | sibi] si Gel | reddere Gel : redderet P
3. probius Meu | subiicere Meu: subicere Rei subigere P Or
5. ceruicibus] crucibus Rei | vicibus Mei | vindicari S
6. inoboeda] in obeundo Sab in oboedientia Meu Rei | facere Sab: faceret P
7. crudelitas Meu: crudelitatis P | id est loco priore del. Zi
8. retudit (rettudit R) Hil: rettulit P, repulit Gel | in alia] inani Gel Rei | in mali Ur in mala Meu

VII.44[Or 41].1. Consimili ratione per alias ire licebit historias et ostendere in his quoque longe aliud quam esse dii debeant de his ipsis dici et earum in expositionibus indicari,
velut in hac ipsa quam deinceps ponam, una ei duabusve coniunctis, fastidium ne inmoderatione pariatur.

2. [a. Non imus infitias in annalium scriptis contineri haec | f. 157b | omnia quae sunt a vobis in oppositione prolata.
b. Nam et ipsi pro modulo ingeniique pro captu et legimus haec eadem et esse posita scimus, sed quae stionis in hoc summa est, utruane hi dii sint,
quos saevire adseveratis offensos reddique ludis et sacrificiis mites, an sint longe aliud et ab huius vi debeant et nominis et potentiae segregari.
c. Quis est enim primum qui eos deos existimet aut esse qui credat, qui motibus et saltationibus scaenicis, qui cantheriis frustra currentibus voluptatum solvuntur in gaudia,
ineptas et frigidas actiones spectatum proficiscuntur e caelo offendique se doleant et suis honoribus derogatum, si paulisper constiterit ludius aut tibicen modice interquieverit fessus,
qui praesulem sibi displicuisse pronuntient, si per circi medium pergat nocens aliquis meritorum poenas et supplicia redditurus?
d. Quae si penitus cuncta et sine ulla gratificatione cernantur, non tantum ab diis esse repperientur aliena, verum ab homine quovis lauto nec ad summos apices gravitatis ac ponderis instituto.
e. Quis est enim primum deos illos qui existimet aut esse qui credat, qui nocendi habeant saeviendique naturas easque abiciant rursus cyatho uno sanguinis et thuris suffitione molliti,
qui motibus scaenicis et saltationibus histrionum festos dies ducant et hilaritatis plenissimas voluptates, qui cantherios frustra et sine ulla ratione currentes spectatum proficiscantur e caelo
gaudeantque ea his alios transire, transiri, pronos et cernuos ruere, cum curribus resupinos verti, trahi alios debiles | f. 158 | et cruribus claudicare praefractis,
qui praesulem sibi displicuisse pronuntient si per circi medium pergat nocens aliquis meritorum poenas et supplicia redditurus, qui offensos se doleant et suis honoribus derogatum,
si paulisper constiterit ludius, interquieverit tibicen fessus, puer ille matrimus decidat fortuito alicuius instabilitate prolapsus?
f. Quae si penitus cuncta et sine ulla partium gratificatione pendantur, non tantum longe longeque ab diis esse repperiuntur aliena,
verum quovis homine sentiente communia nec ad studium veri rationum cognitionibus erudito].

3. ''Post advectos, inquitis, transmarinis ea gentibus deos quosdam postque condita his templa, post cumulatas sacrificiis aras male habens sese recreatus convaluit populus
et pestilentes morbi inducta sinceritate fugerunt'' [Liv. X,47]. - ''Qui, effamini, dii quaeso?''.
4. ''Aesculapius, inquitis, Epidauro, bonis deus valetudinibus praesidens et Tiberina in insula constitutus''.
- Si esset nobis animus scrupulosius ista tractare, vobis ipsis obtineremus auctoribus, minime illum fuisse divum, qui conceptus et natus muliebri alvo esset,
qui annorum gradibus ad eum finem ascendisset aetatis in quo illum vis fulminis, vestris quomadmodum litteris continetur, et vita expulisset et lumine.
5. Sed quaestione ab ista discedimus, Coronidis filius sit, ut vultis, ex immortalium numero et perpetua praeditus sublimitate caelesti.
- Ex Epidauro tamen quid est aliud adlatum nisi magni agminis coluber?
fidem si annalium sequimur et exploratam eis adtribuimus veritatem: nihil, ut conscriptum est, aliud. | f. 158 b |
6. Quid ergo dicemus? Aesculapius iste quem praedicatis, deus praestans, sanctus deus, salutis dator, vale tudinum pessimarum propulsator, prohibitor et eatinctor, serpentis est forma
et circumscriptione finitus, per terram conreptans, caeno natis ut vermiculis mos est, solum mento radit et pectore, tortuosis voluminibus se trahens,
atque ut pergere prorsus possit, partem sui postremam conatibus prioris adducit.

1. uelud P
2. [ Post pariatur sequitur in codice Non imus- erudito (f. 157,27 - 158,10 = 400,3-402,7 Mar = VII.44.2a-f) quod Sab Or omiserunt, Ur Mar secluserunt,
St separatim collocauit, cum sint fragmenta cap. 39 et 41 iisdemque verbis vel parum immutatis].
b. hii P | potentiae Sab: potentia P
c. ineptas<que>? vel <qui> ineptas? | existimet <fuisse> Rei | scenicis P | ludius Ur lydius P | tybicen P

d. paenitus P e. qui Sab: quis P | existimet <fuisse> Rei naturas Br: naturam P | cyato P | scenicis P | transiret om. |
e. offensos se Cas: offensis se P offendi se edd. | | easque] irasque ?
tybicen P | matrimus Sab | <patrimus et>matrimus Mei | alicuius-prolapsus] <tabulati> alicuius instabilitate prolapsu? Rei M
<loci> alicuius Mei repperientur Cas | Sab | nec ad Sab: negat P.
3. Inducta <caeli> Cas
4. aescolapius P
7. augminis Meu
6. Aescolapius P | conreptans Cas: reptans Sab et reptans Lf | conatibus] meatibus Mei

VII.45[Or 42].1. Et quoniam legitur usus cibis etiam, quibus vita in corporibus inmoratur, habet patulas fauces, quibus cibos transvoret oris hiatibus adpetitos, habet receptaculum ventris
[ut] ubi mansa et vorata decoquat viscera, sanguis detur ut corpori et viribus redintegratio subrogetur, habet et eatremos tramites, per quos inmunda faea eat aversabili corpora foeditate deonerans.
2. Si quando mutat loca et ab aliis transgredi in alias regiones parat, non ut deus obscure per caeli evolat sidera punctoque in temporis ubi causa postulaverit sistitur,
sed velut animal brutum vehiculum quo sustineatur petit, undas pelagi vitat atque ut tutus possit incolumisque praestari, cum hominibus navem ascendit
et ille publicae sanitatis deus fragili se ligno et tabularum compagibus credit.
3. Non arbitramur evincere atque obtinere vos posse, Aesculapium illum fuisse serpentem, nisi hunc colorem volueritis inducere, ut in anguem dicatis convertisse se deum,
quo mentiri se posse quisnam esset aut qualis homines intueri.
4. Quod si fuerit a vobis dictum, quam infirmiter invalideque dicatur ipsa rerum inaequalitas indicabit.
Si enim | f. 159 | se deus videri ab hominibus evitabat, nec in forma serpentis velle debuit conspici, cum in qualibet forma non ab ipso se alius, sed ipse esset futurus.
5. Sin autem intenderat cernendum se dare, non [debuit] oculorum negare conspectui, cur non talem videri se praebuit,
qualem sciebat se esse qualemque se noverat sui numinis in potentia contineri?

6. Erat enim hoc potius multoque praestantius augustaeque conveniens dignitati quam fieri beluam horrentisque animalis in similitudinem verti et dare ambiguis contradictionibus locum,
essetne verus deus an nescio quid aliud longeque ab supera sublimitate seiunctum.

1. [ut] Cas et Sab ut ibi Oe | dequoquat P | retintegratio P | tramites Sab P**: tramuites P
2. obscure] ocius con. Rei | sistitur Sab: ititur P, sititur P** | fragilis P compagibus Sab P**: compagius P
3. quo mentiri - intueri M: ... quales homines intueri P ... qualis possent homines intueri Ur ... aut qualis hoc minus intueri (passive) Meu quo impediret se posse Oe,
quominus curiose possent quisnam esset aut qualis homines intueri Rei .. aut qualis homines latere Mei ... aut qualis, homines sentiret Wi
4. qualibet Sab P**
5. et non Zi | debuit secl. Zi M: non conspectui del. Or, non enim debuit oculorum negare se conspectui Rei
6. supera] superum susp. Rei

VII.46[Or 43].1. ''Sed si deus, inquit, non erat, cur e navi postquam extulit sese <et> Tiberinam ad insulam repsit, nusquam statim conparuit et viderier ut ante desiit?.
- Possumus enim scire, utrumne aliquod obstaculum fuerit, cuius sese obiectu atque oppositione protexerit, an hiatus aliquis?''.
2. - Vos pronuntiate, vos dicite, quidnam illud fuerit aut cuinam rerum generi debuerit applicari, si personarum officia sunt certa certarum.
Vestra cum res ista sit deque vestro numine vestraque et religione tractetur, vestrum est potius edocere vestrumque monstrare,
quid illa res fuerit, nostras velle quam exaudire sententias nostraque easpectare decreta.
3. Nam nos quidem quid aliud possumus dicere, nisi quod fuit et visum est, quod historiae prodidere omnes et ocularum sensibus est conprehensum?
Hanc tamen scilicet colubram validissimi corporis et prolixitatis inmensae aut, si nomen hoc sordidum est, anguem dicimus, serpentem nominitamus,
aut si quod aliud nobis usus vocamen | f. 159b | obtulerit aut ampliatio sermonis ecfinxerit.
4. Si enim repsit ut coluber non pedibus se ferens neque suas subexplicans itiones sed ventre nisus ac pectore, si ex materia formatus carnis longitudinem porrigebatur in lubricam,
caput si habuit atque caudam, si obsita squamis terga, si macularum <corium> suffectionibus varium, si os dentibus horridum et ad infligendos instructum morsus:
quid aliud possumus quam generis eum dicere fuisse terreni, quamvis fuerit inmanis et nimius, quamvis illum ab Regulo exercitus vi caesum longitudine corporis et robore anteiret?
5. ''Sed aliud nos remur et labefactamus et destruimus veritatem''. - Ergo vestrum est explicare quidnam ille fuerit vel cuius generis, nominis et qualitatis cuius.
Nam deus esse qui potuit, cum haberet ea quae diximus, quae dii habere non debent, si cogitant dii esse et vocaminis huius eminentiam possidere?
6. ''Tiberinam postquam ad insulam repsit, nusquam continuo apparuit: qua ea re numen fuisse monstratur''.
- Possumus enim scire, utrumne istic aliquod rei fuerit alicuius obstaculum, cuius sese obiectu atque oppositione protexerit,
an hiatus aliquis aut ea molibus inaequaliter aggeratis successus quidam et fornices, in quos intulit se raptim circumscripto tuentium visus?
Quid enim, si flumen transilivit? quid, si transnatavits quid, si silvarum densitatibus se dedit?
Argumentatio flaccida est, ea re suspicari deum illum fuisse serpentem,
quod ab oculis sese properata omni festinatione subtrait, eam deum non fuisse eadem rursus possit argumentatione monstrari.

1. <et> Tiberinam Zi | desivit claus. Hag. |
possumus . aliquis del. Zi
2. certarum. Vestra cum Meu: certarum vestra. Cum vulgo | ista Meu: ita P | [et] Meu
3. conpraeh- P | si licet Meu Zi | ampliatio Sab: ampliato P
4. obsita Ur oblita P | corium add. Rei | varia Sab | robore Meu: roboris P roboris <magnitudine> Meu Cas |
anteierit Rei | labefactamus Hil: labefaciamus P, labefacimus Sab P**
6. tras siliuit P | siluarum densitatibus se dedit deum illum P: emend. Gel | omni P | agminis Rei

VII.47[Or 44].1. ''Sed si deus praesens anguis ille non fuit, cur post illius adventum pestilentiae vis fracta est | f. 160 | et populo salus est reddita Romano?''. -
2. Referimus et nos contra: si ex libris fatalibus vatumque responsis invitari ad urbem deus Aesculapius iussus est,
ut ab luis contagio morbisque pestilentibus tutam eam incolumem que praestaret, et venit non aspernatus, ut dicitis, colubrarum in formam conversus:
cur totiens Romana civitas mali huius afflicta est cladibus, totiens aliis aliisque temporibus dilacerata, vexata est et innumeris stragibus civium minor facta est milibus?
3. Cum enim deus adcitus in hoc esse dicatur, ut omnino omnes causas quibus pestilentia conflabatur averteret,
sequebatur ut civitas intacta esse deberet flatuque a noxio inmunis semper innocuaque praestari.
4. Atquin videmus, ut superius dictum est, saepenumero his morbis cursus eam vitae habuisse funestos nec dispendiis levibus esse populi fractas debilitatasque virtutes.
5. Ubi ergo Aesculapius fuit, ubi ille promissus oraculis venerabilibus? Cur templa post condita sibique exaedificata delubra diutius + habere perpessus est bene meritae civitatis luem,
cum in id esset adcitus, ut et malis mederetur instantibus nec sineret in futurum tale aliquid quod metueretur inrepere?

2. Romana Ur roma P | cladibus . facta est om. Sab | millibus vulgo
4. cursus] casus Mei
5. habere P: haberi Sal, Weyman, <aditus> habere Rei, saevire Kr, <ius> habere nunc Wi <imperium> habere Cas;
habere corrupt. Mar | est Sab: et P | meritas civitates Sab

VII.48[Or 45].1. Nisi forte aliquis dicet ''minoribus et consequentibus saeculis idcirco dei talis defuisse custodiam, quod impiis iam moribus et inprobabilibus viveretur,
opem autem contulisse maioribus, quod innoxii fuerint et ab omni scelerum contagione dimoti''.
2. - Quod ratione cum aliqua et audiri forsitam potuisset et dici, si aut in temporibus | f. 160b | priscis omnes essent usque ad unum boni
aut sequentia tempora malos omnes generarent et nulla diversitate discretos.
3. Cum vero res ita sit, ut in magnis populis, nationibus, quinimmo et in civitatibus cunctis mixtum sit humanum genus naturis voluntatibus moribus
tamque potuerint in prioribus saeculis quam in novellis aetatibus boni simul malique existere, stultum satis est dicere, propter malitias posteros auxilia numinum non meruisse mortales.

4. Si enim propter malos sequentium saeculorum boni non sunt protecti temporum novellorum, et propter antiquos malos boni aeque maiores non debuerant mereri benivolentiam numinum:
sin propter bonos priscos mali etiam conservati sunt prisci, et propter bonos minores aetas debuit sequens, quamvis esset inprobabilis, protegi.
5. Aut ergo iam fracta atque inminuta vi morbi anguis ille perlatus famam conservatoris adsumpsit, cum nihil omnino commoditatis attulisset,
aut fatalia dicenda sunt carmina multum veris aberravisse praesagiis, cum remedium ab his datum non deinceps cunctis sed auailio fuisse uni tantum repperiatur aetati.

2. aut in Sal: autem P, aut Sab P** | generarent Sab: generent P | saequentium P
4. merere Sab
5. essent improbabiles suspic. Rei | morbi Sab: urbi P

VII.49[Or 46].1. ''Sed et Magna, inquit, Mater accita ea Phrygio Pessinunte iussis consimiliter vatum salutaris populo et magnarum causa laetitiarum fuit.
2. - Nam et diu potens hostis ab Italiae possessione detrusus est et gloriosis inlustribusque victoriis decus urbis restitutum est pristinum et imperii fines longe lateque porrecti
et innumeris gentibus civitatibus populis libertatis ius raptum est et iugum | f. 161 | servitutis inpositum,
multaeque res aliae foris domique perfectae ineluctabili firmitate gentis nomen maiestatemque fundarunt''.
3. - Si verum locuntur historiae neque ullas inserunt rerum conscriptionibus falsitates, adlatum ex Phrygia nihil quid aliud scribitur missum rege ab Attalo, nisi lapis quidam non magnus,
ferri manu hominis sine ulla inpressione qui posset, coloris furvi atque atri, angellis prominentibus inaequalis,
et quem omnes hodie ipso illo videmus in signo oris loco positum, indolatum et asperum et simulacro faciem minus expressam simulatione praebentem.

2. urbis P: urbi P* Rei
3. frygia P | quidem Sab: quid P, del. Cas

VII.50[Or 47].1. Quid ergo dicemus?
Hannibalem illum Poenum, hostem potentem ac validum, sub quo anceps et dubia res Romana contremuit et magnitudo trepidavit,
lapis ea Italia depulit, lapis fregit, lapis fugacem ac timidum suique esse dissimilem fecit?
2. Et quod rursus exsilivit ad imperii columen et regium principatum, nihil consiliis actum est, nihil hominum viribus, nec ad reditum sublimitatis antiquae tot tantisque ab ducibus
quicquam est scientia militari aut rerum experientia conlatum?
3. Lapis aliis vires, aliis roboris infirmitatem dedit, hos secundis praecipitavit ab rebus, aliorum extulit stratas desperatione fortunas?
Et quis hominum credet terra sumptum lapidem, sensu agitabilem nullo, fuliginei coloris atque atri, <parvi> corporis, deum fuisse matrema aut qui rursus accipiat - hoc enim solum restat -
numinis alicuius habitasse | f. 161b | vim silicis fragmentis <ignis> more subiectam venisque in eius abstrusam?
4. ''Et unde parta victoria est, si Pessinuntio lapidi nullum inerat numen?''.
- ''Sedulitate possumus dicere ac virtute pugnantium, usu tempore consilio ratione, fato etiam possumus et reciproca varietate fortunae''.
5. Sed si auxilio lapidis res facta est melior et felix reciperata victoria est, ubinam Mater Phrygia tempore illo fuit, cum tot tantis que exercitibus caesis inclinata est res summa et ad ultimae labis periculum venit?
Cur non minaci forti se obtulit?
cur impetus tantos belli non prius fregit ac reppulit quam immanes ac * inciderent plagae, quibus omnis effunderetur sanguis et exhaustis rueret vita ipsa paene vitalibus?
6. ''Advecta enim nondum nec favorem fuerat ut comrmodaret rogata''. - Esto: sed bonus auxiliator numquam rogari se poscit spontanea semper opitulatione subveniens.
''Hostem pellere ac fugare non potuit multo adhuc mari terrisque ab Italia discreta''.
- Sed deo, si deus est, longum nihil omnino est, cui punctum terra est et sub nutu omnia constituta.

1. magnitudo lac. Rei (imperii), | trepidavit <civitatis> Br
2. Rursus <urbs> Rei (sub. Res Romana) | columem P
3. post atri lac. Rei parvi interc. Hil M, torpidi oris Meu, corrosi oris Gomperz, triquetrique vel informis suppl. Br, corporis del. Ur |
quis Gel | vim Or: in P, vim in Br, numinis <vim> alicuius. h. in Cas |
<ignis> Rei | more] molem Gel , molem vel maiestatem Ur humorem vel materiam St, mire Or
5. uictotoria P | frygia P | forti] fortiter Sab fortis Oe, portis Zi, hosti Rei Ki, fortem Johnson; fortunae St et Br (sub hosti) |
immanes ac] immanes Sab immanes hae P** immanes hac Souter, lac. Rei, immanes ac gravissimae Br immanes ac <saevae> T,
immanes ac tales (vel vastae) Cas | ac] sic Ki
6. favorem Gel : pavorem P | esto Oe, om. Sab | ab Italia Oe: habitabilia P, habitabilibus S

VII.51[Or 48].1. Sed fuerit praesens, ut exposcitis credi, illo ipso numen in lapide:
- et mortalium quisquam est, quamvis ille sit credulus et facillimas aures quibuslibet fictionibus praebeat, qui eam iudicet fuisse aut tempore illo deam aut hodie dici appellarique debere,
quae modo haec appetat, modo illa deposcat, suos deserat fastidiatque | f. 162 | cultores, provinciis ab humilioribus migret, potentioribus populis ditioribusque se iungat?
2. Verum bellicas res amet interque esse desideret pugnis caedibus mortalitatibus et cruori.
Si deorum est proprium, si modo sunt veri et quos deceat nuncupari vi vocis istius et potentia nominis,
nihil facere malitiose, nihil iniuste hominibusque se cunctis una et parili gratia sine ulla inclinatione praebere,
generis eam fuisse divini quisquamne hominum <credat> aut habuisse aequitatem diis dignam,
quae humanis sese discordiis inserens maiorum opes fregit, aliis se praebuit exhibuitque fautricem,
libertatem his abstulit, alios ad columen dominationis erexit, quae ut una civitas emineret in humani generis perniciem nata, orbem subiugavit innoxium?

1. fictionibus Sab finctionibus P
2. verum] nedum Oe | bellicas Sab: bellica P | amat... desiderat S | mortalitatis Ki | facere Sab: facerent P |
hominibusque Sab | praebere Sab praeberent P, praebere, credet Oe Rei,
nihil <ut> faciant... praebeant Cas | credat add. Gel | columem P | erexit P: evexit Iunius

ARNOUII LIBER. UII. EXPLI(cit) | INCIPIT LIBER.. UIII .FELICITER P.
Liber VIII est Minucii Felicis Octavius, qui septem Arnobii libris ut octavus liber additus est.


LIBER VI

LIBER I

HOME PAGE