New Page 1

News & Features

SERVE THE PEOPLE!

We need sponsors and donations for our Bicolano Heroes Project.  Please contact pcalara@edsamail.com.ph

 

Home

About Us

Previous Issues

Suggestions

Guestbook

 

 

KAIBAprofile

 

Jemino L. Balaguiao, Jr.:
Mga Bakas ng Isang Bayani.
ni Ma. Leny E. Felix

May lumang anekdota tungkos sa isang panginoon at kanyang alagad. Isang araw ay lumapit ang alagad sa kanyang panginoon at nasabing: "master, I have come to offer you my service." Ang sagot ng kanyang panginoon ay ganito: "if you drop the 'I'," service would automatically follow."

Ang kwento ng buhay ni Jemino Lesiñana Balaguiao, Jr. ay maihahalintulad sa anekdotang ito. Binitiwan niya ang katagang ako, naglingkod sa masang anak-pawis nang walang kabayaran, at nag-alay ng buhay para sa kalayaan ang sambayanan.

Una kong nakita si jemino noong 1984, panahon ng boycott campaign laban sa eleksyon ng mga 'representatives' para sa Bataang Pambansa. Pareho kaming nanonood ng rally sa Plaza Quezon. Hindi ko alam na full-time guirilla na pala siya noon sa bundok. Huli ko siyang nakita noong 1992, nakaburol sa Ateneo de Naga...

Si Jemino ay 'Jun' kung tawagin ng kanyang mga magulang, kapatid at
kamag-anak. 'Quiawe' naman siya sa kanyang mga kabarkada sa Naga. Sa parliyamento ng lansangan ay 'James' ang pagkakakilala sa kanya - ang mass leader ng mga kabataang estudyante. Siya naman si 'Ho' sa hanay ng mga kasamahan niya sa Kabataang Makabayan, ang kanilang revolutionary folk hero. Nang namundok siya ay tinaglay niyaand nom de guerre na 'Ka Vito,' ang revolutionary artist, at naging 'Ka Al' sa huling bahagi ng kanyang buhay bilang isang rebolusyonaryo.

My son, the Dreamer
"My son was a dreamer," ani Nanay Luz, 73 taong-gulang, retiradong guro. "He used to weave dreams while playing. Magiging doktor daw siya, artista, police, superman, at marami pang iba. Basta lagi siyang bida sa kanyang mga panaginip." Ang napansin niya lang dito ay kahit na ano pa siya sa kanyang panaginip, ay palaging karugtong ang mga katagang tutulungan ko ang mga mahihirap.

Anim na taong gulang palang si Jemino nang mag-grade 1. 'Nung unang mga araw ay laging natutulog si Jun sa klase... inaantok daw siya. Pero makalipas ang tatlong buwan ay napakagaling nang bumasa."

Hindi maiwasan ni Nanay Luz ang mapangiti habang ikunukwento ang kadaldalan at kabibohan ni Jemino n'ung maliit pa ito. "Aliw na aliw talaga ako sa anak kong iyan."

Si Jemino ay nagmula sa isang middle class family. Isinilang siya noong Mayo 31, 1960 sa Bgy. Pagao, Bombon, Camarines Sur. Ang mga magulang niy ay sine Jemino Balaquiao, Sr. at Luz Lesiñana-Balaquiao. Siya ay pang-siyam sa sampung magkakapatid na walo ang lalaki at dalaw ang babae.

Tinapos ni Jemino ang kanyang elementarya ng may karangalan sa Pagao Elementarya School noong 1972. Ani Nanay Luz, halos lahat ng programa sa eskwelahan ay kalahok ito. Nasa elementarya pa lamang ay nagpakita na ito ng kahusayan sa pag-arte at musika kung kaya't lagi itong kalahok sa mga school plays.

Sa Ateneo de Naga nag-aral ng hayskul si Jemino. "My husband and I deeply believed then, and even now that a good education under the Jesuits would ensure him a good future."

Pagkagradweyt ng hayskul noong 1976 ay tumungo si Jemino sa mAynla upang magkolehiyio.Kumuha ito ng kursong Engineering sa Adamson University. Pagkatapos ng dalawang taon sa koleiyo ay umuwi ito sa bikol.

Noong 1980 ay muling bumalik si Jemino sa Ateneo de Naga upang ipagpatuloy ang pag-aaral sa kolehiyo. Sa Ateneo na niya natapos ang kursong Bachelor of Arts in Business Administration noong 1982.

Nang bumalik si Jemino sa Ateneo de Naga ay sabay nitong binuno ang pag-aaral at extra-curricular activities. "Magaling talaga siyang Public speaker at kalog pa kung kaya naging sikat na lider estudyante sa loob at labas ng eskwelahan", ani Elmer, isang matalik na kaibigan at kamag-aral sa Ateneo.

Ipinamalas ni Jemino ang likas na kakayahan nito sa pagsusulat at pagdidirehe ng mga stage plays sa Ateneo. Naging manunulat din ito sa The Pillars, ang student organ ng Ateneo de Naga Student Council noong 1981-1982, ang pinakarurok ng kanyang kasaysayan bilang lider estudyante ng mga Atenista.

"Hindi ko na rin masyadong inurirat ang anak ko kung bakit naisipan niyang bumalik sa Ateneo. Marahil ay nalungkot siya sa Maynila. Basta ako ay tuwang-tuwa n'ung malapit na uli siya sa amin", ani Nanay Luz.

Si James, ang Lider-Estudyante
Taong 1980. Panahon ng Martial Law. Masidhi ang kahirapan pagkat ito ang taon na naranasan ng bansa ang pinakamababang economic growth na 4.7 porsiyento. Sunud-sunod ang mga kilos protesta laban sa pagtaas ng matrikula, militarisasyon, graft and corruption at US intervention. Dumadagundong ang kilusang masa sa hanay ng mga kabataang estudyante.

Sa ganitong sitwasyon nagsimulang mahubog ang bagong Jemino. Mula sa pagiging simpleng lider estudyante ng mga Atenista, siya ay naging mass leader-activist. Nagsimula na siyang magsagawa ng pagsusuri sa lipunan at direktang partisipasyon sa pagkilos ng mga estudyante, manggagawa, at iba pang sektor sa Bikol.

Nang mga panahong ito ay nag-aaral pa ako sa UP, pero nababalitaan ko na rin ang umaalimpuyong kilusan ng kabataan estudyante sa Bikol. Palasak na rin sa pandinig ko ang pangalang Jemino Balaquiao, Jr. na noon ay mas kilala bilang James.

Masasabing ang yugto ng 1980 hanggang 1982 ay panahon ng pagpupundasyon para sa kilusang kabataang estudyante sa Bikol. SA panahong ito ay maraming organisasyon ng mga estudyante ang nabuo sa Bikol upang ipaglaban ang kagalingan at karapatan ng mga estudyante lalo na ang academic freedom. Isa na rito ang Alliance of Nationalist Students Working for Educational Reforms (ANSWERED-Bikol). Kasabay nito ay aktibo ring lumahok sa kilusang protesta laban sa diktadurang Marcos ang mga kabataang estudyante sa Kabikulan.

Ani Cris, na dati ring lider-estudyante at kasamahan ni Jemino, "Malaki ang naging papel ni James sa pag-unlad at paglawak ng kilusang estudyante sa Bikol lalo na sa Camarines Sur."

Paborito ni Jemino ang mga katagang binitiwan ni Antonio Tagamolila, dating editor-in-chief ng Philippine Collegian noong Enero 27, 1971; Every slogan understood and cried by the masses is a weapon/every strike, every rally, every manifesto, drama, song or placard which aims to expose the true... to be continued.

 


 

Sigwa

From Activists viewpoint

Join Kaiba egroup:

Click banner to join

KAKI-LAW

The right libraryonline for law students

KAIBA News & Features, P.O. Box 6126, Naga City 4400.  email: alcalara@edsamail.com.ph  Tel No. 0917 8122107 Copyright © 1999  KAIBA News & Features. All rights reserved.  Revised: August 17, 2002