We want to know what you
think of this article
Roco man Giraray an
Nangengenotan sa Survey
Ni Perry M. Calara
Sa
pangaduwang beses ngonian na taon, si Raul Roco an nangengenotan
sa survey kan IBON Foundation.
Pighapot sa survey na, "kun ginibo ang presidential eleksyon ngonian,
siisay an saindong iboboto?" Panduwa sa third quarter survey na ini
si Fernando Poe Jr. asin Pantolo lang si Gloria Arroyo.
Nakua ni Roco an 35.49% kan boto. Sinundan siya kan 21.50% botong
nakua ni Fernando Poe Jr., suminonod an 9.9% boto ni Arroyo. Sa mga
pighapot, 29% pa an mayong desisyon kun siisay an saindang iboboto.
Ginibo an survey sa Metro Manila kan September 30 hanggang Oktubre
singko. Pigsimbagan ini kan 415 na respondents na hali sa iba-ibang
sector—trabahador, propesyunal, housewives, estudyante, mayong
trabaho, asin small business owners.
Pigkukwestyon kan Malakanyang an resulta kan survey. Sinasabi ninda
na may nahiling sindang mga survey kan ibang organisasyon na iba an
resulta--ni mayo si Roco sa mga iboboto kan tao. Nagngangalas man an mga
political observers kun tano pigpa-imbistigaran si Roco kan Malakanyang
kan luminuwas an inot na second quarter nationwide survey (July
11-28)kan IBON. Nangenotan man sa second quarter IBON survey si Roco.
An third quarter survey kan IBON igwang margin of error na +/-3%. Kan
pighapot kan Kaiba News and Features an IBON kun ano an sampling
teknik na ginagamit ninda, "Random Sampling" an sinimbag ni Antonio
Tujan, Research Director kan nasabing Foundation.
Si Joseph Estrada na nagpanduwa sa nationwide IBON survey kan second
quarter nagi na sanang pang-apat sa ranking sa third
quarter survey. Nakakua siya nin 8.53% boto sa pinakahuring survey.
Sinasabi kan IBON na maski "Pighahaboan" ngonian si Arroyo kan mga
botante, dai man giraray nagbabalik ki Estrada an sentimyento kan
tao.
An non-commissioned survey kan IBON Foundation, sarong independent
think tank, regular na ginigibo para maaraman an persepsyon kan tao
sa ekonomiya, saindang income sagkod livelihood, gobyerno,
performance kan gobyerno, asin iba pang importanteng isyu(KNF).
_________________________
Bukas naman an Christmas hardcopy isyu kan Kaiba News and Features para
sa saindong mga Christmas greetings/advertisements. Libre tang
naipapanao an hardcopy huli sa mga sponsors. Kun gustong maging sponsor
kan KNF paki contact man tabi an editor sa pcalara@edsamail.com.ph.
________________________
Kung igwa kamong opinyon, comments sa article sa itaas maglaog man tabi
sa Kaibaforum, hanapon sa
http://www.kaiba.cjb.net/.
end
|