|
SARS yaon na sa BICOL(?)
Ni Perry Calara
KNF--May mga dai pa kumpirmadong mga bare-bareta na nakukua an Kaiba
News and Features (KNF) na may dinara sa Bicol Medical Center (BMC) sa
Naga City na sarong pasyenteng may sintomas nin Severe Accute
Respiratory Syndrome (SARS).
Dai pa aram kun SARS an helang kan pasyenteng babae pero huli ta
napapabaretang hali siya sa Hong Kong may mga nagtutubod na SARS an
saiyang helang. An sabi man kan iba goiter lang, may nagsasabi na food
poisoning man lang so saiyang kaso.
Inilaog sa nasabing hospital an pasyente na taga Baao, Camarines Sur kan
Abril 24. Huli sa kakulangan sa gamit, nirefer man tolos kan BMC an
pasyente sa San Lazaro Hospital sa Manila.
Kinukumpirma pa man kan KNF an mga datus haling Bicol pero dapat
giromdomon kan publiko na dapat pirming maging maingat asin maging
malinig sa kapalibutan para dai magkahelang. Huli sa baretang SARS sa
bicol nagigi namang istrikto an pulis sa mga paralutab sa tinampo.
Sa KAIBAfreedomwall (sa www.kaiba.cjb.net) may naglaog, na an pangaran
pulis naga, na nagsasabing "Para po sa mga taga Naga, may nadangog na
ako hale sa top officials mi na mahigpit kami sa pagdakop nin spitters (naglulutab
sa bakong tamang lugar). Ini para lang sa satong salud. Dae po magin
dusta!"
Kun igwa man kamong mga impormasyon sa baretang SARS sa Bicol, para
interes kan mga kababayan, paki paabot man tabi sa egroup na ini (Kaiba
News and Features).
_____________________________________________________
If you have articles, press
releases and bicol news that you would want to contribute to KAIBA,
we appreciate if you'd put the text in a diskette and send it
to our P.O. Box. Or you may send it to our email add
below. Articles must be pasted or typed directly into
the email. Please no attachments.
|
