KINABUKASAN
SOCIETY
Towards Unity and Service
MGA TIGSIK.
Ni Renato Jardin Guijalo, Caramoan
"tiksik
ko ining bunot pang iwang sa lubot pag dae naigpot
segunda ang kamot. "
"tigsik ko
ining mga taga centro, mga taga guijalo minsan pirming
piginsulto dahil sa mga bagiro pero kung mayong
taga guijalo daeng maalsa saindo."
Ni Edgar F. Nunez, Abu-Dhabi,UAE,
"Tigsik ko ining
Kinabukasan Society; KSeans an apod sa mga miembro
kaaini; Magka-sararo kita gabos, ini sana an paagi; Sa
banwaan tang Caramoan kita magserbi."
"Tigsik ko ining
tinampo; Haling Bikal abot sa Guijalo; Pi-paril man o
pi-spalto; Ralabot-labot man giraray garong dai
trinabaho".
"Tigsik ko ining
malasugi; Paksiw o inasal an luto kaiining simpli;
Gunawan mo an langka asin ibangot mo ini; Lingaw an
kataning mo, sa kakan mong puerti."
"Tigsik ko ining
surahan; Binadi sa puro, madahom an paka-alang; Duwang
book na niyog asin natong an kalaban; Napupung-aw na ako
sa lutong Caramoan."
"Tigsik ko ining
matabang pandawan; Nabanwit sa may Bitaogan; Sarong
politikong bakong taga Caramoan; Hinigop-higop su sabaw
ta malang nasiraman; Dai naghaloy lana na an saiyang
natukawan."
"Tigsik ko ining
masiram na hingmay; Sa tapayan linaag asin linubong para
matumay; Hali sa Oroc-osoc an masasabi mong tunay; Lingaw
an 'high blood' bastang makanamit giraray".
"Tigsik ko ining
linta sa sapa; Dugo mo su-supsopon pagnabasog minarata;
alagad an ibang politiko dai nin kaya-kaya; dai nin
kabasogan sa pagkurakot man o sa pandaya".
"Tigsik ko ining
Caramoanon na uminasenso; Na yaon sa Pilipinas, sa ibang
lugar man o sa daga nin Amerikano; Nagtirios na
Caramoanon nagmamaw-ot saindo; Tabang man 'in-kind' o
'wholehearted' na serbisyo".
"Tigsik ko ining
daragang hali sa Manila; Sa crossing kan Salvacion sa
jeep buminaba; Lata nin biscuit an dara, gikan sa saiyang
t'yaga; Pagka-banggi an harana madangog lamang an madahom
niyang kanta".
"Tigsik ko ining
Batangueño; Nakalakop-lakop maski saen na barrio; Sa
tinda niyang tamong asin muskitiro; Lipot asin namok
naka-libre kamo".
"Tigsik ko ining
para rigaton; Hali sa Paniman sa aga man o sa hapon;
Bog-ong n'ya an duwang alat sa tabang nin botong; Ngunyan
biseklita na, motorsiklo sa maabot na panahon?"
"Tigsik ko ining
Contractor na dai tol-tol; Tinampong ginibo n'ya, hawak
mo sa awto mina-untol; Mga bagong kaakian saiya gabos an
basol; Hoy!! mga contractors panahon para mag
sol-sol".
"Tigsik ko ining
Bagiro sa Guijalo; Nag andar pa an motor sarabat nang
intero; Dakula man o sadit, abaga daa garantisado; Pag
dinimalas ka sa dagat an lagapak mo".
"Tigsik ko ining
bulod na Pagtan-awan; Tan-awan kan girilya sa Hapon na
kalaban; Mapreskong paros sa itaas manamitan; Tan-aw an
gayon kan banwang Caramoan".
"Tigsik ko ining
Camote; Paborito ni Caramoanon may-kaya man o dai;
Sapnaon, og-ogon o pritoson mo ini; Pag nanganaan ka,
ma-atot kang gulpi".
Ni Felixberto Baluyot, California, USA
"Tigsik ko ining Caramoan; Digde nag
gikan an mga Kseans; Pagtabang an saindang naisipan; Para
umasenso ining satong banwaan"
"Tigsik ko ining
burak na magayon; kaya palan dai nagluluyos ta
plaaastik".
"Tigsik ko ining politiko;
Puro pangako para siya iboto; Pag nakaluwas na lingaw na
sa tawo; Daing naginibo kundi magpayaman nin todo".
"Tigsik ko
ining makusog na bagyo; Banwang caramoan pirming
narogado; Pero an mga tawo maski naperwisyo; Dai
nagmatrero, dagos an trabaho".
"Tigsik ko ining si Erong na
barbero; Manlaen laen na opaw saiya nang ginibo; kalwag
na istorya saiya nang bisyo; hatod kaogmahan, panlinga sa
tawo".
Ni Simeon Sueno, Salvacion, Caramoan,
"Tigsik ko ining
tuwoy, dai man pig tutugbok nagliliwoy".Kadakol
pa ini si Imeon nin mga tigsik alagad dai ko mailaag ta
medyo "green".
Do you have any tigsik?
Please send them to me, kun bakong "green" I will
publish them..CLICK
HERE