8月1日 (星 期 日)
今 日 幫 中 心 帶 小 朋 友 去 樹 屋 玩，兩 年 前 去 過，今 次 去 到 見 到 佢 多 左 個 攀 石 場，其 他 玩 既 野 就 冇 乜 點 變，有 橫 水 渡 同 一 間 樹 屋，今 次 班 小 朋 友 都 好 大 膽，全 部 可 以 上 晒 屋 上 面 順 利 落 返 黎，玩 橫 水 渡 都 冇 乜 大 問 題，不 過 有 一 兩 個 特 別 (標 青)，要 睇 住 佢 地 都 幾 勞 氣，中 途 有 人 鬧 情 緒，唔 參 與 活 動，勸 又 唔 聽 唯 有 等 佢 坐 埋 一 邊，俾 左 錢 但 自 己 又 要 攪 到 唔 開 心，唔 係 咁 值。
8月2日 (星 期 一)
上 大 陸，真 係 熱 死 人，深 圳 個 地 鐵 快 d 整 好 啦。
8月3日 (星 期 二)
今 晚 睇 左 智 能 叛 變，套 戲 都 ok，有 懸 疑 推 理 成 份，好 似 睇 未 來 報 告 一 樣，但 佢 所 謂 既 未 來 都 唔 係 好 先 進，可 能 佢 本 身 唔 係 用 呢 個 做 賣 點，我 期 待 睇 9 月 份 套 異 形 戰 爭。
8月4日 (星 期 三)
再 起 yahoo 成 功 賣 左 部 水 機，部 機 係 屈 臣 氏 送，同 事 唔 要 俾 左 我，賣 左 一 百 蚊，yeah~~~而 且 今 次 個 賣 家 好 nice，雖 然 未 交 貨，不 過 相 信 一 切 順 利。起 屋 企 睇 左 野 蠻 師 姐 vcd，感 覺 上 呢 套 冇 咁 慘 情，開 心 得 多，最 後 果 5 分 鐘 一 定 要 睇，好 有 驚 喜。
8月5日 (星 期 四)
今 次 俾 人 一 鑊 繞 起，吹 漲。
8月6日 (星 期 五)
幫 菠 蘿 補 電 腦，教 人 又 可 以 幫 自 己 溫 故 知 新，重 學 到 好 多 自 己 唔 知 既 野。
8月7日 (星 期 六)
karen下 星 期 走，原 本 同 佢 食 飯，但 佢 實 在 太 忙，剩 係 可 以 同 佢 飲 野，一 年 之 後 佢 就 返，祝 佢 順 順 利 利 啦。
8月8日 (星 期 日)
今 晚 去 大 fanny 屋 企 bbq，之 前 去 已 經 係 3 年 前，之 前 同 佢 買 左 好 多 零 食 同 汽 水，都 預 左 食 唔 晒，今 次 除 左 我 地 果 班 佢重 有 自 己 既 朋 友，有 兩 個 教 琴 既 中 學 生，好 攪 鬼，玩 熟 左 就 成 日 話 我 老，豈 有 此 理 丫，重 有 一 對 情 侶 係 中 學 教 師，睇 佢 都 同 我 差 唔 多 大，份 人 幾 nice 唔 錯，不 過 第 二 朝 個 個 要 返 工 唔 玩 得 好 夜，10 點 幾 就 執 野 走，下 次 有 機 會 再 玩 過。
8月9日 (星 期 一)
近 排 老 細 心 情 唔 多 好，都 唔 敢 得 罪 佢，因 此 今 日 加 班 加 到 6 點 幾 都 算，唔 同 佢 計。
8月10日 (星 期 二)
哎~~~~睇 黎 投 資 呢 方 面 我 都 唔 係 咁 在 行，次 次 都 俾 佢 嚇 餐 飽。
8月11日 (星 期 三)
今 日 會 考 放 磅，身 邊 都 冇 乜 friend 會 考，同 我 冇 乜 關 係，karen 今 晚 飛 去 英 國 讀 書，俾 心 機 啦，一 年 之 後 我 地 又 可 以 見 返。
8月12日 (星 期 四)
今 晚 打 羽 毛 球，小 吉 同 基 下 星 期 就 出 發 去 旅 行 要 10 月 先 返，呢 場 羽 毛 球 真 係 臨 別 抽 波，最 近 都 聽 到 唔 少 關 於 中國 旅 行 既 意 外，希 望 佢 地 萬 事 小 心，一 定 要 平 安 返 黎。
8月13日 (星 期 五)
呢 幾 日 都 頭 痛 加 喉 嚨 痛，放 工 起 屋 企 訓 覺，今 晚 做 香 港 小 姐 就 起 度 睇 左 陣，今 次 佢 地 將 準 決 賽 同 決 賽 合 而 為 一，但 都 唔 覺 好 睇 左，始 終 都 係 鐘 意 睇 佢 問 答 個 環 節，連 冠 軍 係 邊 個 都 冇 留 意。
8月14日 (星 期 六)
放 工 後 同 班 小 朋 友 去 海 下 玩，由 於 架 旅 遊 車 冇 禁 區 紙，直 達 唔 到，唯 有 起 西 貢 轉 小 巴 入 去，雖 然 係 環 境 保 護 區，但 都 唔 係 特 別 靚，佢 地 首 先 就 起 度 玩 羅 馬 炮 架 同 掟 水 彈 數 字 球，不 過 要 小 朋 友 用 竹 同 繩 整 一 個 炮 架 射 水 彈 過 對 面 都 有 一 d 難 度，呢 度 佢 地 用 左 好 多 時 間，而 且 都 唔 算 好 成 功，水 彈 數 字 球 就 簡 單 得 多，玩 完 再 俾 佢 地 落 水 玩，上 返 黎 全 身 濕 晒。之 後 去 西 貢 戶 外 康 樂 中 心 bbq，但 出 返 黎 等 車 果 度 好 耐，差 唔 多 成 個 鐘 先 上 到 兩 架 車 出 去，有 一 個 鐘 頭 就 咁 浪 費 左，呢 個 camp site 都 幾 大 幾 靚，我 都 係 第 一 次 黎，有 人 開 埋 爐，食 物 都 唔 差，不 過 衰 在 燒 燒 下 落 雨，有 d 狼 狽，得 兩 個 鐘 頭 唔 係 好 夠，又 要 顧 住 班 小 朋 友，都 冇 乜 點 食 過 野，出 返 荃 灣 都 要 食 返 少 少 野。
8月15日 (星 期 日)
今 日 同 欣 加 埋 佢 班 童 軍 仔 去 白 普 里 宿 營，以 前 黎 過 一 次，算 係 一 個 唔 錯 既 地 方。可 能 同 佢 地 越 黎 越 熟 既 關 係，成 日 俾 佢 地 纏 住，stven 佢 成 隻 貓 咁 起 我 張 床 度 碌 黎 碌 去 好 攪 笑，去 到 第 一 件 事 佢 地 先 要 用 竹 整 一 個 鞋 架，主 要 用 兩 種 繩 結 法，我 自 己 都 唔 識 可 以 順 便 學 下。整 完 都 食 晚 飯，今 次 又 係 bbq，計 埋 呢 個 星 期 係 第 三 次，佢 地 重 要 學 原 野 烹 任，有 蕃 茄 蛋、薯 仔 蛋 同 棷 青 飯，不 過 棷 青 飯 煮 得 唔 夠 耐，全 部 食 唔 到，其 他 兩 個 都 ok，之 後 同 佢 地 玩 定 向，上 次 黎 只 係 見 到 佢 有 一 種 歷 奇，今 次 多 左 一 款，難 度 都 高 左，好 難 搵 到 d point ，而 且 夜 晚 玩，難 度 又 高 左 d，我 果 組 20 個 point 搵 到 3 個，有 一 組 搵 到 12 個，好 犀 利。之 後 返 房，俾 佢 地 自 由 活 動，買 左 個 西 瓜 入 黎，睇 佢 地 食 得 好 開 心。我 地 買 左 幾 個 美 極 杯 原 本 諗 住 當 宵 夜 食，點 知 原 來 佢 入 面 冇 叉，於 是 就 舉 行 第 一 次 錫 紙 做 餐 具 比 賽，班 小 朋 友 見 到 又 圍 住 晒 起 度 議 論 紛 紛，最 後 由 呀 欣 勝 出，不 過 經 試 驗 5 個 作 品 都 唔 可 以 順 利 食 晒 成 杯 野，去 到 尾 已 經 好 難 用。2 點 鐘 要 佢 地 全部 熄 燈 上 床，又 好 聽 話 咁 好 快 訓 著，4 點 鐘 發 生 件 奇 怪 事，訓 訓 下 有 個 小 朋 友 爬 左 我 張 床，開 頭 以 為 佢 怕 次 走 埋 黎，我 冇 理 佢 兩 個 人 一 齊 訓，訓 訓 下 佢 坐 左 起 身，問 佢 乜 野 事 先 知 佢 原 來 去 完 廁 所 出 黎 上 錯 床，笑 死 我...咁 都 得。
8月16日 ( 星 期 一)
朝 早 7 點 9 起 身，班 女 仔 一 早 已 經 起 左 身，重 摺 埋 被，唔 駛 提 都 做 左，真 係 好 乖，跟 住 食 早 餐，然 後 自 由 活 動，營 入 面 安 排 左 踩 單 車，射 箭 同 打 波，原 本 重 有 繩 網 同 攀 石，但 要 俾 錢 冇 book 到，stevn 仔 打 乒 乓 波 果 陣 俾 人 地 個 拍 打 中 個 鼻，講 講 下 野 無 端 端 噴 鼻 血，嚇 死，好 彩 冇 乜 事，計 返 佢 呢 個 camp 都 喊 左 3 次。玩 到 11 點 9 就 返 房 執 野，然 後 食 lunch，1 點 半 出 camp，同 佢 地 玩 城 巿 論 壇 ，即 係 (吹 水)，小 朋 友 作 大 都 幾 攪 笑，而 且 發 現 有 d 好 簡 單 既 遊 戲 都 好 開 心，玩 傳 話 聽 到 句，我 其 實 好 想 同 你 做 好 朋 友，聽 完 真 係 成 個 人 飄 起 咁 滯，好 純 真 既 說 話。
8月17日 (星 期 二)
好 累~~~
8月18日 (星 期 三)
麻 甩 佬 聚 會，除 左 原 來 封 塵 三 俠 外，今 次 加 埋 呀 炳 同 申 下 一 共 5 個 人，原 本 諗 住 去 荃 灣 廣 場 果 間 打 冷 舖 幫 襯，點 知 佢 竟 然 執 左，以 後 又 少 左 個 聚 腳 地。一 行 5 人 移 師 去 另 一 間 打 冷 舖，因 為 太 肚 餓，入 到 去 拿 拿 臨 係 咁 叫 野 食，又 飲 啤 酒，用 半 個 鐘 頭 食 晒 全 部 野，証 明 幾 咁 肚 餓，之 後 起 度 吹 水，埋 單 都 係 3 百 幾，以 前 3 個 人 食 又 係 差 唔 多 價 錢。跟 住 落 左 機 舖 打 機，最 後 去 食 甜 品，今 日 撞 到 好 多 人，荃 灣 真 細 少，咁 樣 又 攪 到 成 11 點 幾 先 走，麻 甩 佬 聚 會 d 時 間 過 得 特 別 快。
8月19日 (星 期 四)
今 日 好 開 心，投 資 得 利，yahoo 又 成 功 賣 出 左 野，今 晚 出 左 旺 角，發 現 兆 萬 14-16 樓 變 左 3 層 商 場，但 d 舖 位 好 細，一 百 尺 左 右，賣 既 野 模 型 多，而 且 可 能 冇 乜 人 知 既 關 係，好 少 人 行，重 見 到 d sales 用 d 膠 袋 踢 波，好 攪 笑。返 到 屋 企 又 睇 下 我 放 起 yahoo 既 拍 賣 品 如 何，幫 人 放 既 barbies 公 仔，set 左 底 價 70，竟 然 有 人 bid 到 去 600，唔 通 個 公 仔 係 珍 藏 版，都 唔 知 係 咪 真，快 d 同 個 賣 家 聯 絡 先 得。
8月20日 (星 期 五)
尋 晚 唔 知 係 咪 飲 左 杯 芝 麻 乜 乜 既 關 係，竟 然 失 眠，點 幾 上 床，3 點 都 訓 唔 著，唯 有 起 身，原 本 有 部 電 腦 諗 住 今 日 先 整，見 冇 野 做 就 順 便 攪 攪 佢，又 開 埋 電 視 睇 奧 運，就 咁 樣 就 去 到 4 點，見 個 天 係 咁 行 雷，望 多 兩 望 重 落 埋 雨，有 d 人 竟 然 4 點 鐘 出 黎 晨 運，佢 究 竟 幾 點 訓..? 無 聊 左 一 段 時 間 再 返 上 床，終 於 訓 到，但 今 朝 都 幾 難 頂，成 個 人 好 似 散 左 咁，呢 個 故 事 教 訓 我 地 飲 野 之 前 問 下 入 面 有 乜 成 份，唔 係 就 辛 苦。
8月21日 (星 期 六)
無 端 端 落 咁 大 雨.....聽 日 唔 知 好 唔 好 天。呢 排 唔 知 做 乜，咁 多 人 壞 電 腦，下 個 星 期 有 排 忙。
8月22日 (星 期 日)
今 日 發 生 左 好 多 事，原 本 幫 中 心 做 義 工 帶 活 動 去 東 坪 洲，約 左 8 點 集 合，不 過 因 為 之 前 果 晚 夜 訓，8 點 重 訓 緊 覺，佢 地 打 黎 先 知，心 諗 出 事，好 彩 架 旅 遊 巴會 經 過 我 屋 企 樓 下，可 以 接 埋 我，今 次 真 係 老 貓 燒 鬚，下 次 要 小 心 d。今 日 天 氣 麻 麻，而 且 朝 早 又 有 雷 暴，原 本 有 個 漁 農 處 既 導 遊 帶 介 紹 景 點，不 過 因 為 雷 暴 佢 冇 黎，唯 有 自 己 行 自 己 睇，行 左 冇 耐 就 落 大 雨，被 迫 留 起 士 多，等 到 雨 細 d 又 再 出 發，東 坪 洲 雖 然 話 係 環 境 保 護 區，但 都 幾 污 漕，沖 左 好 多 海 上 垃 圾 上 黎，唯 一 見 做 靚 d 既 係 近 碼 頭 既 海 灘，可 以 起 度 玩 下，重 有 間 士 多，d 小 菜 幾 好 食，又 抵，下 次 黎 可 以 再 幫 襯，5 點 鐘 開 始 回 程，返 到 荃 灣 都 成 7 點 幾，之 後 食 飯.....起 酒 樓 睇 左 套 楝 督 神 探 大 結 局，個 結 局 好 慘，同 我 預 期 完 全 兩 回 事。之 後 去 打 機，起 機 舖 竟 然 見 到 好 多 熟 人，今 晚 唔 知 攪 乜。
8月23日 (星 期 一)
近 排 大 家 工 作 唔 多 唔 少 都 辛 苦 左，於 是 攪 左 個 (齊 來 減 壓 力....放 肆 食 餐 飽 ) 既 活 動，地 點 係 荃 景 圍 一 間 日 本 野，呢 度 既 食 物 雖 然多 款，但 普 通 食 開 果 d 佢 又 反 而 冇，因 此 試 左 好 多 新 野，比 較 特 別 既 係 墨 魚 咀，好 似 一 串 串 魚 蛋 一 樣，黎 到 呢 度 一 定 要 食 個 芝 士 火 窩，抵 食 得 黎 又 唔 算 好 貴，其 他 食 物 都 唔 錯，即 叫 即 整，但 相 對 黎 講 較 貴，埋 單 每 位 180。
8月24日 (星 期 二)
再 起 yahoo 成 功 賣 左 3 樣 野，聽 日 交 收，反 而 想 睇 下 個 賣 家 係 乜 野 人，咁 大 手 筆。
8月25日 (星 期 三)
今 日 遇 到 好 多 怪 人，朝 早 搭 電 梯，聽 住 mp3，點 知 個 呀 婆 搭 膊 頭 同 我 講，哥 哥 仔，唔 好 掛 住 聽 收 音 機，小 心 d 過 馬 路 呀.....我 只 係 報 以 一 個 冷 笑。之 後 起 大 陸 架 車 上 面，肚 餓 買 左 個 家 鄉 雞 上 去 食，跟 住 有 個 人 上 車，見 到 又 話 想 食，重 叫 我 唔 好 食 到 咁 大 聲 引 誘 佢，雖 然 佢 係 講 笑，但 都 幾 無 離 頭，再 報 以 一 個 冷 笑。塔 火 車 返 香 港 途 中，有 個 小 朋 友 生 得 好 肥，相 信 過 二 百 磅，一 上 車 就 係 咁 食 野，由 羅 湖 食 到 去 大 埔，之 後 佢 訓 著 左，成 個 身 唉 左 埋 黎，好 肥 呀 佢 隻 手，好 似 頂 住 舊 石 一 樣，去 到 沙 田 先 甩 難，重 乜 今 日 咁 多 怪 事 發 生，唔 通 因 為 鬼 節 臨 近。
8月26日 (星 期 四)
可 能 尋 晚 拎 住 部 電 腦 拎 足 成 日 太 辛 苦，隻 手 同 條 腰 都 痛 痛 地。越 黎 越 鐘 意 起 網 上 面 賣 野，之 前 部 蒸 溜 水 機 個 買 家 甩 底，再 放 上 網 賣 過，今 次 再 貴 左 30 蚊 賣 出，真 開 心。
8月27日 (星 期 五)
最 近 身 邊 既 朋 友 不 斷 有 d 冷 言 冷 語，唔 講 出 黎 就 間 接 用 行 為 表 示，自 問 問 心 無 慚，人 地 亂 咁 諗 亂 講 我 都 阻 止 唔 到，但 唔 好 咁 過 份。
8月28日 (星 期 六)
今 日 同 中 心 班 童 軍 去 大 嶼 山 貝 澳 露 營，出 發 之 前 已 經 見 到 天 陰 陰，去 到 貝 澳 開 始 落 雨，但 都 唔 算 好 大，諗 住 冇 問 題 開 始 起 營 起 風 檔，6 點 幾 7 點 開 始 天 黑，風 更 加 大，連 煮 野 食 都 唔 得，唯 有 出 附 近 餐 廳 買 飯 盒，食 完 起 個 營 坐，諗 住 咁 樣 唯 有 捱 天 光，但 出 面 d 雨 越 黎 越 大，營 都 開 始 入 水，咁 橋 有 個 參 加 者 有 間 渡 假 屋 起 附 近，商 量 後 決 定 棄 營 撤 離，呢 晚 都 keep 住 咁 落 雨，呢 個 決 定 冇 錯，正 因 為 咁 由 露 營 變 宿 營，原 本 要 佢 地 考 章 既 時 間 變 左 閑 談 時 段，重 有 時 間 可 以 睇 埋 奧 運 先 訓..........
8月29日 (星 期 日)
朝 早 9 點 起 身，個 天 一 樣 黑 沉 沉 繼 續 有 雨 落，但 都 要 返 去 海 灘 果 邊 收 返 個 營，經 過 一 晚 既 風 吹 雨 打，佢 地 重 好 彩 都 冇 吹 走，不 過 就 入 左 沙，搵 條 水 喉 沖 下 佢，呢 度 都 用 左 好 耐 時 間，返 到 渡 假 屋，煮 返 尋 晚 原 本 要 整 既 食 物，食 完 諗 住 搭 車 走，呢 個 時 候 個 天 又 開 始 落 大 雨 ， 重 要 行 埋 雷，原 本 可 以 stay 多 晚 先 走，但 佢 地 堅 持 要 走，唯 有 冒 著 大 雨 回 程，出 到 地 鐵 站 又 有 人 唔 見 銀 包，好 彩 有 人 最 後 執 到 俾 返 司 機，唯 有 同 其 中 一 班 先 返 中 心 執 野，terri 同 另 一 個 人 等 司 機 送 返 銀 包 返 黎，返 到 去 執 野 洗 野 都 已 經 成 6 點，呢 個 camp 都 算 係 我 去 咁 多 次 最 驚 險。
8月30日 (星 期 一)
有 一 段 日 子 冇 探 外 公，今 日 見 到 佢 同 上 次 差 唔 多，不 過 精 神 好 似 差 左。
8月31日 (星 期 二)
肥 健 推 介 屯 門 有 間 食 日 本 野 好 正，今 晚 去 左 試，好 近 屯 門 吉 之 島，呢 間 野 除 左 日 本 野 外 重 有 西 餐，地 方 又 大，都 幾 全 面。第 一 次 食 活 魚 刺 身，見 到 條 魚 俾 人 削 晒 d 肉 都 重 識 得 郁 都 幾 恐 佈，但 d 肉 既 份 量 就 比 較 少，唔 係 咁 抵 食，食 剩 既 魚 骨 重 可 以 叫 佢 用 黎 煲 粥，第 一 次 食 唔 識 叫，叫 左 好 多 有 飯 既 食 物，後 段 開 始 飽 到 食 唔 到 咁 滯，都 幾 辛 苦，下 次 叫 刺 身 炸 物 果 d 好 d。