4月2日 (星 期 一)
今 日 返 到 公 司 先 知 做 採 購 既 同 事 原 來 已 經 辭 職，聽 呀 head 講 而 家 請 左 人，但 唔 知 佢 幾 時 先 返 工。
4月3日 (星 期 二)
今 晚 肥 健 老 豆 大 壽 請 食 飯，有 幸 出 席，好 豐 富 既 食 物，一 見 到 壽 包 就 諗 起 肥 健 既 笑 話，未 講 出 黎 已 經 笑 到 碌 地。
4月4日 (星 期 三)
今 晚 fanny約 食 飯，佢 介 紹 左 荃 灣 一 間 日 式 餐 廳 俾 我 地，雖 然 成 日 都 經 過，但 自 己 都 真 係 第 一 次 食，又 唔 錯 喎，重 有 d 特 色 食 物，唔 怪 得 7 點 後 排 晒 隊。
4月5日 (星 期 四)
清 明 節，朝 早 訓 醒 拜 神，想 去 拜 山 但 又 唔 想 迫，押 後 兩 星 期 先 攪。
4月6日 (星 期 五)
人 地 復 活 節 5 天 假，而 家 呢 份 新 工 就 放 勞 工 假，要 返 工，成 層 樓 得 我 地 開 工，電 梯 大 堂 都 冇 開，要 搭 載 貨 電 梯 先 得，好 靜。
4月7日 (星 期 六)
今 日 買 左 部 nds，用 支 筆 篤 下 篤 下 又 真 係 幾 得 意，又 可 以 對 住 個 咪 講 野 同 吹 玩 遊 戲，唔 怪 得 D 女 仔 咁 鐘 意 玩，夜 晚 就 同 肥 健 佢 地 去 神 燈 酒 家 食 飯，唔 記 得 試 佢 地 個 魚 肚 焗 蛋 同 埋 炒 蜆，失 策，去 餐 廳 途 中 見 到 一 個 尋 人 睇 示，張 相 果 個 睇 落 好 似 FRANK，今 晚 一 共 行 左 三 次 返 去 睇，笑 到 肚 痛。
4月8日 (星 期 日)
今 日 去 剪 髮，而 家 份 工 晏 放 工 都 懶 得 去，唯 有 揀 星 期 日 去 整，好 彩 又 唔 多 人，但 做 乜 幫 襯 開 果 間 又 加 左 價 既....??
4月9日 (星 期 一)
復 活 節 最 後 一 日 假 (對 我 冇 影 響)，咁 多 位 抖 夠 好 俾 心 機 返 工 喇.............
4月10日 (星 期 二)
今 日 有 3 個 朋 友 生 日，一 次 過 祝 晒 你 地 生 日 快 樂....禮 物 後 補。
4月11日 (星 期 三)
今 日 有 新 同 事 返 工，但 感 覺 真 係 有 D 失 望........夜 晚 幫 SHRLEY 整 機，佢 地 一 家 人 好 客 氣，又 送 左 件 衫 俾 我，攪 到 我 都 唔 好 意 思。
4月13日 (星 期 五)
今 晚 起 元 綠 食 壽 司，食 食 下 同 個 朋 友 講 電 話 佢 話 元 綠 咁 多 間，質 素 最 差 既 應 該 係 荃 灣 果 兩 間，不 過 諗 深 一 層，起 出 面 就 一 定 唔 會 揀 佢，次 次 食 親 都 係 起 荃 灣，都 唔 知 出 面 係 乜 野 味 道。
4月14日 (星 期 六)
行 開 新 都 會，三 聯 有 個 特 賣 場，書 刊 一 律 85 折，諗 下 都 好 似 好 耐 冇 買 過 書 睇....
4月15日 (星 期 日)
jennifer 又 返 左 黎 hk，佢 話 佢 呀 哥 個 空 中 少 爺 買 機 票 只 係 一 折，所 以 返 黎 比 較 果 邊 既 駛 費 更 抵，今 晚 約 左 班 朋 友 同 佢 食 飯，起 等 齊 人 期 間 撞 到 好 多 人，旺 角 雅 蘭 估 唔 到 咁 旺，今 晚 食 雲 南 菜，間 野 味 道 一 般，而 且 份 量 偏 細，麻 麻 地，之 後 落 樓 下 食 埋 糖 水 先 走，唔 知 jennifer 下 次 又 幾 時 返。
4月17日 (星 期 二)
夜 晚 無 端 端 狂 大 雨，好 似 打 風 咁 ，嚇 死 人，幫 人 整 完 電 腦 起 mtr 見 到 bonnie 同 simson 佢 地 兩 個，見 親 佢 地 都 係 一 pair 出 現，真 恩 愛，佢 地 話 好 懷 念 澳 門 之 旅，雖 然 只 係 掛 住 食，但 又 真 係 好 開 心，遲 d 有 時 間 一 定 會 再 攪。起 葵 芳 地 鐵 站 見 到 個 後 生 仔 跌 左 廿 蚊 出 黎，要 叫 停 佢 先 睇 到，都 叫 做 左 件 好 事，希 望 星 期 5 隻 碧 桂 園 上 巿 會 有 好 表 現。
4月18日 (星 期 三)
今 日 6 點 3 收 工，叫 做 早，可 以 拿 拿 臨 返 屋 企 休 息。
4月19日 (星 期 四)
今 晚 幫 欣 整 電 腦，做 乜 感 覺 佢 屋 企 隻 兔 仔 肥 咁 多，佢 個 h d 就 爆，都 係 買 個 一 個 超 大 既 俾 佢 好 d。
4 月20日 (星 期 五)
今 日 個 新 同 事 冇 返 工，唔 係 咁 快 頂 唔 順 嘛....
4月21日 (星 期 六)
今 晚 睇 攪 乜 鬼 大 雜 作，一 套 西 式 王 晶 既 片，將 屎 尿 屁 全 部 撈 埋 就 攪 掂，但 d 化 粧 又 真 係 幾 似。
4月22日 (星 期 日)
最 近 發 現 左 兩 種 年 青 人 特 別 鐘 意 既 玩 意，零 食 同 扭 蛋，自 己 都 鐘 意 行 d 零 食 店 買 唔 同 款 既 野，食 得 最 多 既 係 挑 哈 多 粟 米 條，味 道 同 細 個 食 果 d 都 冇 乜 分 別，扭 蛋 就 真 係 層 出 不 窮，睇 睇 下 而 家 屋 企 都 擺 左 10 幾 款 唔 同 既 野。
4月23日 (星 期 一)
今 日 知 道 連 公 司 個 會 計 都 係 做 埋 呢 個 月 唔 做，無 端 端 變 成 起 公 司 做 左 最 耐 既 人，攪 乜 架~~
4月24日 (星 期 二)
今 日 落 好 大 雨，放 工 果 陣 最 犀 利，整 到 條 褲 濕 晒，夜 晚 落 左 荃 灣 食 日 本 野，去 左 上 次fanny 介 紹 既 舖 頭 幫 襯，d 三 文 魚 大 塊 到 好 似 煲 湯 大 舊 豬 肉 咁，好 誇 張，不 過 下 次 真 係 唔 好 叫 飯，都 一 樣 大 舊 攪 到 好 快 飽。
4月25日 (星 期 三)
中 心 d 新 電 腦 終 放 返 左 黎，今 晚 返 去 裝 機，預 計 整 兩 次 應 該 整 好 喇 掛。
4月26日 (星 期 四)
股 巿 咁 旺，錢 變 得 好 易 搵，中 國 巿 場 更 加 誇 張，睇 返 報 道 話 連 小 學 生 都 有 參 與，唔 怪 得 個 個 都 走 去 玩，但 亦 令 人 擔 心 究 竟 係 咪 爆 煲 前 既 先 兆。
4月28日 (星 期 六)
今 日 去 東 龍 島 camp，諗 返 對 上 一 次 去 都 已 經 係 幾 年 前 既 事，完 全 冇 晒 印 象，入 到 去 已 經 5 點 幾，今 晚 打 算 bbq，由 碼 頭 拎 d 野 去 營 區 大 約 行 半 個 鐘，話 遠 唔 遠，但 拎 住 d 野 食 都 幾 甘，搵 好 位 置 s e t 埋 營 就 去 bbq，有 現 成 既 燒 烤 爐，附 近 又 有 水 源，論 方 便 程 度 比 搭 門 更 好，雖 然 今 晚 話 bbq，但 用 錫 紙 包 既 野 就 更 多，其 中 烤 魚 同 埋 金 菇 肥 牛 就 最 好 食，加 埋 華 鹽 就 更 加 一 流 ，今 晚 見 到 好 多 蛇 虫 鼠 蟻，有 條 大 蜈 蚣 經 過，我 地 想 用 炭 燒 死 佢，點 知 俾 佢 走 甩 左，之 後 見 到 螳 螂 起 營 燈 前 面 表 演 螳 螂 拳，玩 左 好 耐，最 後 俾 佢 跳 左 上 呀 榮 後 面，佢 只 係 講 左 兩 句.....起 我 後 面....唔 係....起 我 條 頸，笑 到 我 地 死。之 後 返 營 玩 uno，傾 陣 計 就 訓。
4月29日 (星 期 日)
朝 早 8 點 幾 起 身，由 於 要 趕 住 出 去，食 埋 早 餐 就 執 野 走，12 點 幾 出 返 觀 塘 食 麥 記，原 來 而 家 麥 記 有 免 費 上 網，不 過 每 日 只 限 20 分 鐘，好 似 少 左 d。返 到 屋 企 訓 陣 夜 晚 出 黎，台 山 商 會 又 請 食 飯，今 次 起 中 環 大 會 堂，又 係 食 果 d 野，又 有 抽 獎，又 係 有 壽 桃 牌 同 埋 李 錦 記 贈 品，今 次 我 重 拎 左 3 袋 走。
4月30日 (星 期 一)
約 左 肥 健 同 家 康 佢 地 起 水 車 屋 食 飯，第 一 次 黎，任 食 buffet，款 式 唔 多，有 呀 榮 起 度 又 係 以 1 0 咁 既 倍 數 去 叫 食 物，食 左 佢 超 過 100 件 刺 身 都 有。