4月1日 (星期二)

繁 忙 的 一 天，好 耐 都 未 試 過，d 時 間 過 得 特 別 快。

4月2日 (星期三)

自 從 上 次 行 完 山 之 後 發 覺 自 己 體 能 的 確 差 左，於 是 今 晚 約 埋 呀 榮 佢 地 一 齊 去 跑 步，雖 然 今 日 有 少 少 雨 但 都 冇 乜 大 影 響，反 而 都 幾 舒 服，今 次 跑 左 10-12 個 圈 左 右，唔 算 好 多，慢 慢 先 再 追 返 上 去，可 能 太 耐 冇 跑，加 上 對 鞋 又 唔 係 跑 鞋，跑 完 隻 腳 有 D痛。

4月3日 (星 期 四)

下 午 開 始 隻 腳 開 始 痛，行 路 都 出 門 題，可 能 整 傷 左。

4月4日 (星 期 五)

清 明 節，原 本 好 好 既 一 日 假 因 為 腳 痛 冇 得 出 街，唯 有 起 屋 企 打 機。

4月5日 (星 期 六)

今 晚 約 左 阿 LO 去 食 MOS BURGER，開 頭 諗 住 要 成 4-50 蚊 一 個 餐，原 來 都 唔 駛，一 般 都 係 30 幾 蚊 有 交 易，雖 然 只 係 食 第 一 次，但 感 覺 唔 錯，好 食 過 麥 記。之 後 聽 佢 講 匯 豐 最 近 做 緊 信 用 卡 PROMOTE，D 迎 新 禮 品 好 吸 引，又 有 電 視 又 有 相 機 送，於 是 同 潘 每 人 申 請 左 兩 張，快 D 批 出 黎 就 好。

4月6日 (星期日)

隻 腳 都 重 係 痛，不 過 都 出 左 荃 灣 一 陣，買 支 正 骨 水 返 屋 企 捽 下，睇 下 會 唔 會 好 D。

4月7日 (星期一)

因 傷 關 係 今 晚 打 唔 到 羽 毛 球，又 要 等 一 個 月。

4月8日 (星期三)

原 本 諗 住 好 d 既 隻 腳 今 日 又 痛 返，夜 晚 睇 左 三 國 之 見 龍 卸 甲，劉 德 華 做 趙 雲，睇 落 佢 有 d 似 打 機 果 個 人 物 咁，其 餘 d 配 角 反 而 係 出 一 出 場 亮 下 相 就 算，劉 松 仁 做 曹 操 都 幾 攪 鬼，反 而 以 為 呢 套 戲 最 好 大 既 洪 金 寶 竟 然 係 唔 識 功 夫 果 個，maggie Q 做 曹 操 孫 女 有 d 9 唔 搭 8，成 套 戲 真 係 有 少 少 出 人 意 表，但 個 內 容 都 叫 ok，打 得 亦 都 精 彩 ，睇 完 有 個 歷 史 問 題 想 問，點 解 魏 蜀 吳 三 國 最 後 意 然 係 晉 一 統 天 下........?

4月11日 (星 期 六)

隻 腳 唔 聲 唔 聲 咁 好 返 左，今 日 行 左 成 日 旺 角 都 冇 事。

4月12日 (星 期 日)

今 朝 睇 rambo 早 場，之 前 未 睇 過 早 場，要 早 起 身 睇 好 難 集 中 到 精 神，成 套 戲 其 實 冇 乜 劇 情 可 言，主 要 血 腥 暴 力 掛 帥，將 d 人 斬 甩 頭 炸 到 散 晒 都 係 好 平 常，但 亦 都 好 耐 冇 睇 過 d 咁 官 能 刺 激 既 戲，

4月13日 (星 期 一 至 五)

全 個 星 期 都 冇 出 街，亦 都 冇 乜 特 別 事。

4月19日 (星 期 六)

3 號 風 球 下，朝 早 好 大 風 而 且 都 幾 涼，下 午 放 工 後 開 始 落 雨，唔 想 淋 雨 唯 有 入 沙 田 行 街，唔 知 係 咪 大 雨 得 滯，連 商 場 個 天 花 都 漏 水，夜 晚 7 點 幾 重 掛 埋 黑 色 暴 雨，由 落 車 到 返 屋 企 果 一 小 段 路 都 整 到 隻 腳 濕 晒，真 係 估 唔 到 呢 個 風 咁 大 威 力。

4月20日 (星 期 日)

暴 雨 過 後，今 朝 大 晴 天，同 尋 日 比 真 係 完 全 兩 回 事。

4月21日 (星 期 一)

呢 排 晚 晚 臨 訓 前 食 薯 片，喉 嚨 痛 兼 有 少 少 生 暗 瘡 跡 像。

4月22日 (星 期 二)

回 歸 左 一 年 既 採 購 今 日 遞 信 辭 職，睇 黎 佢 今 次 走 左 點 都 唔 會 再 返 黎，又 唔 知 要 等 幾 耐 先 請 到 個 新 人 返 黎。

4月23日 (星 期 三)

今 日 起 身 又 落 雨，而 且 都 好 涼，長 袖 衫 未 收 得 埋 住。

4月26日 (星 期 六)

放 工 後 入 沙 田 睇 傢 俬，不 嬲 都 知 歐 化 傢 俬 d 野 貴，但 冇 留 意 價 格，今 日 行 經 佢 個 陳 列 室，價 錢 簡 直 嚇 死 人，一 張 普 通 餐 抬 都 要 萬 幾 兩 萬 蚊，餐 椅 一 張 1600，梳 化 更 加 係 要 成 4-5 萬 一 張，真 係 睇 既 人 多，買 既 人 少，跟 住 行 宜 家，又 大 又 多 野 睇，而 且 亦 都 整 左 d 模 擬 既 示 範 單 位 俾 人 參 考，亦 都 睇 中 左 d 心 水 野，但 實 際 都 係 要 度 左 尺 寸 先 可 以 做。

4月27日 (星 期 日)

今 日 大 陸 食 神 黃 pan 帶 左 我 地 上 去 食 buffet，位 於 國 貿 站 附 近 既 美 食 城，入 面 相 當 之 大，有 中 日 泰 各 款 食 物，刺 身 種 類 唔 多，得 4-5 款，反 而 熟 食 既 選 擇 就 幾 好，個 冬 陰 公 湯 好 夠 味，可 能 係 朝 早 既 關 係，唔 係 咁 想 食 甜 野，冇 乜 點 食 我 最 鐘 意 既 甜 品，整 體 黎 講 都 叫 做 OK，午 巿 106 蚊 算 係 幾 抵。之 後 去 華 強 地 鐵 站 附 近 既 保 齡 球 場 打 保 齡，唔 知 點 解 呢 條 賽 道 咁 容 易 落 坑，好 似 斜 埋 一 邊 咁，之 後 行 左 陣 街 就 落 去 田 貝 三 路 食 海 鮮，都 係 叫 返 我 地 鐘 意 食 既 果 幾 款，埋 單 每 人 60 蚊，超 抵，過 關 返 HK 果 陣 好 多 人，好 耐 冇 見 過 咁 大 堆 人 喇，但 今 日 冇 按 摩，係 全 程 最 美 中 不 足 既 地 方。

4月28日 (星 期 一)

夜 晚 入 左 terri 度 整 機，其 實 美 孚 都 好 多 好 野 食，地 點 又 方 便，唔 怪 得 d 樓 咁 舊 都 重 賣 咁 貴。

4月29日 (星 期 二)

今 晚 風 塵 三 俠 加 埋 frank 約 左 食 飯，地 點 係 尖 沙 咀 妹 記，灌 切 我 地 聚 會 既 宗 旨，唔 熱 氣 唔 食 ... 今 晚 重 聽 到 老 野 婚 訊 既 消 息，雖 然 重 有 好 長 時 間，但 都 令 人 好 開 心，畢 竟 佢 地 都 由 中 學 拍 拖 到 而 家，keep 得 咁 耐 真 係 好 好，之 後 行 埋 出 旺 角 老 麥 食 埋 雪 糕 先 解 散。