8月1日 (星 期 二)
葵 涌 廣 場 出 名 多 平 野 食，剩 係 雪 糕 店 都 見 到 幾 間，位 於 樓 上 頂 樓 有 一 間 而 家 做 優 惠，10 蚊 有 3 球，味 道 都 唔 錯，重 可 以 儲 印 花，都 幾 抵。
8月2日 (星 期 三)
天 文 台 掛 3 號 波，但 個 風 吹 唔 正，應 該 冇 影 響。
8月3日 (星 期 四)
3 號 波，但 有 8 號 威 力，吹 到 樹 又 斷，連 傘 都 反 埋。
8月4日 (星 期 五)
約 左 alicen 食 飯，每 次 見 到 佢 都 話 準 備 轉 工，黎 緊 佢 又 轉 去 屯 門 返，變 得 真 係 快。
8月5日 (星 期 六)
今 日 睇 左 叮 噹，原 來 今 年 係 佢 第 25 週 年 電 影，套 戲 唔 長，可 能 講 貓 狗 有 關，覺 得 有 少 少 感 動 位。夜 晚 去 田 中 食 飯，呢 間 野 出 名 多 人，排 左 成 個 鐘 先 有 得 入，而 且 每 抬 只 可 以 食 45 分 鐘，都 幾 趕，但 除 左 佢 d 野 大 份 之 外，其 他 都 冇 乜 特 別，唔 係 咁 覺 值 得 咁 多 人 試。
8月6日 (星 期 日)
今 日 同 班 小 朋 友 去 天 水 圍 濕 地 公 園 玩，冇 我 預 期 中 咁 大，但 都 有 唔 少 野 睇，個 水 族 館 都 幾 靚，亦 都 有 好 多 互 動 既 遊 戲，0岩 晒 小 朋 友 玩，室 外 反 而 冇 乜 特 別，有 個 觀 鳥 屋，但 入 面 好 焗，企 唔 得 耐，重 有 朝 潮 蟹 同 彈 塗 魚，數 目 好 多，一 定 睇 到，但 條 鱷 魚 貝 貝 就 未 有，好 想 見 到 佢，不 過 今 日 可 能 要 睇 實 班 小 朋 友，自 己 都 冇 乜 時 間 睇 其 他 野，遲 d 等 貝 貝 黎 左 再 去 睇。
8月7日 (星 期 一)
睇 左 vcd 黑 社 會 2 以 和 為 貴，冇 第 一 集 咁 好 睇，但 睇 黎 會 有 第 3 集 既 機 會 都 幾 大。
8月8日 (星 期 二)
今 集 東 touch 小 黑 果 個 題 目 好 感 人，講 佢 屋 企 養 左 20 年 既 貓 離 開 左 佢，睇 住 自 己 養 咁 耐 既 寵 物 慢 慢 離 開 自 己 真 係 令 人 好 心 痛，自 己 屋 企 果 隻 年 紀 都 唔 細，睇 黎 我 隨 時 都 要 有 呢 個 心 理 準 備。
8月9日 (星 期 三)
又 掛 1 號 風，唔 好 好 似 上 次 咁 個 風 勁 到 吹 跌 人 但 又 唔 掛 8 號。
8月10日 (星 期 四)
部 電 腦 中 左 毒，又 要 剷 機。
8月12日 (星 期 六)
睇 左 魔 盜 王 2，有 好 多 第 一 集 既 野 都 冇 晒 引 象，尊 尼 特 普 依 然 係 全 套 戲 魅 力 所 在，而 且 今 集 都 好 多 笑 料，d 奸 角 變 晒 海 鮮，又 核 突 但 又 幾 攪 鬼，但 慘 在 要 追 第 3 集，聽 講 周 潤 發 會 做 其 中 一 個 角 色，唔 知 要 等 幾 時 先 上 畫。
8月13日 (星 期 日)
夜 晚 入 左 沙 田 食 野，新 城 巿 廣 場 終 於 裝 修 完，好 大 好 光 猛，7 樓 有 幾 間 餐 廳，入 左 間 日 式 fusion 菜，只 可 以 用 貴 夾 唔 飽 黎 形 容，d 食 物 真 係 幾 特 別 既，但 又 太 細 份，跟 本 食 唔 飽。之 後走 過 隔 離 幾 間 舖，有 間 食 西 餐 同 埋 甜 品 既 舖 頭，呢 間 正 常 得 多，但 食 左 少 少 野 之 後 就 食 唔 落 主 菜，改 食 甜 品，都 幾 好 味，9 點 半 後 重 有 甜 品 buffet，有 機 會 一 定 再 試。
8月15日 (星 期 二)
今 晚 落 旺 角 旅 行 社 睇 日 本 團 資 料，個 個 都 話 東 瀛 遊 好，睇 過 又 真 係 佢 地 有 好 多 特 色 團，價 錢 又 唔 貴，最 後 決 定 報 佢，9 月 22 號 出 發 喇...
8月16日 (星 期 三)
明 天 大 陸 同 事 落 黎，公 司 最 後 既 定 向 聽 日 就 知。
8月17日 (星 期 四)
今 日 有 最 後 共 識，做 到 3 月 結 業，大 陸 果 邊 會 自 立 門 戶，有 個 同 事 想 同 另 一 個 老 闆 夾 份 做，我 同 另 一 個 同 事 會 走，就 係 咁........
8月18日 (星 期 五)
零 晨 時 份 係 咁 行 雷 閃 電，玩 玩 下 電 腦 都 俾 個 雷 打 到 熄 機，好 彩 冇 壞。
8月19日 (星 期 六)
今 日 睇 左 死 亡 筆 記，冇 睇 過 原 著，但 個 故 仔 都 幾 吸 引，都 冇 乜 悶 場，始 終 鬥 智 既 戲 都 係 有 令 人 估 唔 到 既 結 局，好 想 快 d 睇 埋 佢 11 月 既 下 集。
8月20日 (星 期 日)
幫 miko 整 機，身 為 老 師 既 佢 竟 然 成 日 叫 窮，雖 然 明 知 佢 講 大 話，但 佢 既 表 情 同 語 氣 真 係 好 攪 笑，佢 d 學 生 未 必 睇 到。夜 晚 再 同 人 睇 notebook，同 人 部 機 既 價 錢 起 旺 角 電 腦 中 心 有 唔 同 既 價，有 d 舖 頭 又 真 係 講 解 得 好 詳 細，唔 會 為 左 要 你 買 部 機 就 係 咁 落 咀 頭，重 叫 人 諗 清 楚 先 決 定，有 friend 買 既 話 我 都 會 叫 佢 幫 襯。
8月21日 (星 期 一)
麻 甩 佬 聚 會，地 點 係 深 水 步 一 間 叫 強 記 既 大 牌 檔，報 紙 介 紹 話 好 食 所 以 去 試 下，感 覺 上 其 實 同 打 冷 好 相 似，但 就 有 幾 款 佢 地 既 招 牌 菜，出 面 未 試 過，味 道 的 確 係 唔 錯，叫 左 8 個 食 物，除 左 菜 外全 部 係 熱 氣 野，自 然 要 叫 返 咁 上 下 啤 酒 解 熱 氣，飲 到 有 少 少 暈 暈 地 添。
8月22日 (星 期 二)
尋 晚 食 左 熱 氣 野，今 日 喉 嚨 有 d 唔 舒 服。
8月23日 (星 期 三)
又 一 號 風 球，今 年 都 幾 多 風 打。
8月24日 (星 期 四)
今 年 香 港 颱 風 特 色，吹 得 近 就 唔 勁，勁 既 就 唔 會 吹 埋 黎。
8月25日 (星 期 五)
夜 晚 幫 中 心 手 做 暑 期 托 管 班 畢 業 典 禮 既 義 工，雖 然 已 經 有 好 多 人 幫 手，但 現 場 都 的 確 幾 亂，下 年 要 檢 討 下 應 唔 應 該 咁 攪。
8月26日 (星 期 六)
好 耐 冇 食 過 哈 蜜 瓜，買 左 一 個 返 屋 企 消 暑，唔 知 你 地 有 冇 試 過 食 完 之 後 飲 水，係 好 苦，唔 知 點 解。
8月27日 (星 期 日)
神 雕 俠 侶 大 結 局，終 於 唔 駛 追 佢 喇，但 好 似 cut 左 好 多 咁，好 馬 虎。
8月28日 (星 期 一)
收 到 個 壞 消 息，都 唔 知 點 樣 安 慰 人 好。
8月29日 (星 期 二)
ALISON 又 約 食 飯，又 食 元 氣。
8月30日 (星 期 三)
半 夜 收 到 朋 友 電 話，講 佢 工 作 煩 惱，加 上 公 司 栽 員，對 於 自 己 份 工 佢 表 示 都 唔 樂 觀。
8月31日 (星 期 四)
尋 日 先 話 工 作 唔 如 意 既 朋 友，今 日 重 俾 人 炒 埋，相 信 呢 點 佢 自 己 都 估 唔 到，希 望 佢 盡 快 搵 到 工。