12月1日 (星 期 五)
今 晚 表 哥 結 婚，係 12 月 婚 宴 三 重 奏 第 一 擊，7 點 去 到，同 d 唔 熟 既 親 戚 傾 偈，雖 然 無 聊 但 都 好 過 無 聊 咁 渡 過，今 晚 算 夜 先 開 席，9 點 都 未 有 得 食，最 混 亂 既 時 間 相 信 係 影 相 果 一 part，成 班 人 企 埋 一 堆，拿 拿 臨 影 完 就 閃 開，晏 d 黎 既 人 都 未 必 影 得 到。可 能 而 家 去 飲 飲 得 多，雖 然 有 好 多 好 味 既 食 物，但 好 似 冇 乜 胃 口 咁，食 幾 啖 就 放 低，今 晚 唯 一 有 既 台 上 遊 戲 就 係 抽 錢，捐 20 蚊 就 有 抽 獎 既 機 會，全 晚 最 高 獎 金 果 個 有 成 千 蚊 落 袋，佢 就 真 開 心，散 席 果 陣 已 經 成 1 1 點 幾，都 算 夜，表 哥 今 晚 都 真 係 幾 開 心，每 到 講 感 想 既 環 節 每 個 人 相 信 都 好 感 觸，佢 都 唔 例 外，睇 到 我 都 有 d 眼 濕 濕。
12月2日 (星 期 六)
今 日 行 經 尖 沙 咀，諗 住 買 幾 件 冬 裝 過 冬，行 經 美 麗 華 it shop，見 到 佢 有 d 貨 品 7 折，但 可 惜 冇 it 咭，唯 有 遲 d 先 再 黎 睇。之 後 個 friend 有 事 走 左，自 己 就 一 個 人 行，行 左 去 LCX 果 邊，發 現 自 己 鐘 意 既 牌 子 竟 然 起 度 做 減 價，6 折，即 刻 買 件 送 俾 自 己，雖 然 今 日 得 一 件 戰 利 品，但 總 比 白 行 好 既~~~
12月3日(星 期 日)
休 息 一 天，訓 覺 日。
12月4日 (星 期 一)
同 事 呢 個 星 期 結 婚，偏 偏 就 有 好 多 野 做，唔 想 煩 到 佢，等 我 地 黎 解 決 啦~~~
12月5日 (星 期 二)
今 晚 肥 健 終 於 派 貼 喇，佢 為 左 結 婚 既 事 都 相 當 煩 惱，我 地 唯 有 盡 量 幫 佢 手 啦。
12月6日 (星 期 三)
今 晚 行 尖 沙 咀，順 便 去 IT 睇 下 自 己 鐘 意 既 衫 有 冇 平 到，原 來佢 7 折 果 d 款 唔 係 件 件 有，要 睇 佢 既 牌 仔 先 知，計 返 又 變 得 唔 係 好 捨 得 買，而 且 同 女 朋 友 出 街 通 常 都 係 買 唔 到 野 多.........
12月7日 (星 期 四)
今 晚 同 事 結 婚 要 去 飲，同 佢 都 做 左 9 年 幾 同 事，入 職 果 陣 大 家 都 係 後 生 仔，轉 下佢 都 已 經 過 左 30， 今 晚 睇 得 出 佢 好 開 心，新 娘 又 靚，同 抬 既 重 有 幾 個 客 同 埋 茌 舊 同 事，大 家 傾 下 偈 咁 又 過 得 好 快，睇 見 佢 d 兄 弟 係 咁 起 度 隊 酒，真 係 都 幾 辛 苦，肥 健 遲 d 果 餐 我 都 唔 知 頂 唔 頂 得 順。
12月8日 (星 期 五)
同 事 放 假 未 返，咁 橋 又 要 送 貨 出 去 俾 人，叫 左 架 街 車，由 荃 灣 去 粉 嶺 都 係 120 蚊，重 平 過 公 司 渣 車 去，但 就 麻 煩 d，夜 晚 上 may 度 整 機，都 冇 乜 點 攪 過 乜，係 將 d 線 抆 左 再 插 返 就 ok，may 佢 對 上 次 大 陸 之 旅 俾 佢 d friend 攪 到 去 唔 成 仍 然 好 勞 氣，雖 然 我 都 想 去，但 唯 有 下 次 再 去 啦....唔 駛 咁 勞 氣。
12月9日 (星 期 六)
行 葵 芳，買 左 件 衫，竟 然 起 度 買 到 野，自 己 都 唔 信。夜 晚 歡 樂 滿 東 華 yumiko 俾 人 整 甩 左 條 褲，香 港 人 做 野 出 名 快，眨 下 眼 已 經 俾 人 放 晒 上 網 睇，正 經 野 又 唔 見 佢 地 咁 快 手~~
12月10日 (星 期 日)
訓 覺-->起 身-->落 街 食 炸 醬 麵-->返 屋 企 玩 電 腦-->同 貓 訓 覺-->起 身-->食 野-->玩 電 腦-->訓 覺
12月11日 (星 期 一)
女 朋 友 作 壓 力 好 大，今 晚 佢 忍 唔 住 喊 左 出 黎，我 乜 都 做 唔 到，只 係 叫 佢 早 d 休 息，下 個 月佢 就 轉 工，我 諗 佢 到 時 會 舒 服 d。
12月12日 (星 期 二)
今 晚 上 健 度 傾 肥 健 婚 宴 安 排，由 於 重 要 女 仔 果 邊 既 配 合，今 晚 只 係 單 方 面 傾 兄 弟 同 司 儀 既 分 工，今 晚 先 知 自 己 當 日 原 來 咁 多 野 做，有 少 少 壓 力 添。今 晚 除 左 傾 野，kc 同 yawn 兩 個 重 大 顯 廚 藝，d 食 物 都 幾 好 食 喎，加 埋 肥 健 屋 企 既 老 火 例 湯 同 埋 dryers 雪 糕，超 飽，每 人 都 係 30 蚊，超 值。
12月13日 (星 期 三)
無 端 端 涼 左，又 落 雨，今 晚 食 煲 仔 粥 暖 肚。
12月14日 (星 期 四)
朝 早 落 大 雨，加 上 天 氣 又 凍，行 路 縮 下 縮 下 咁，放 工 後 去 洗 牙，遲 d 牙 醫 搬 前 幾 間 舖，舊 果 間 補 習 社 就 咁 冇 左。
12月16日 (星 期 六)
今 晚 返 中 心 幫 手 攪 聖 誕 活 動，自 己 就 同 一 班 義 工 起 房 入 面 教 小 朋 友 讀 英 文，時 間 唔 長，短 短 一 個 鐘 好 快 就 過 去，同 中 心 班 職 員 食 野 其 間，佢 地 對 於 肥 健 既 婚 禮 好 似 好 興 奮 咁，好 似 佢 地 結 婚 一 樣。
12月17日 (星 期 日)
今 日 下 午 去 教 會 為 肥 健 婚 禮 綵 排，時 間 比 我 預 期 中 既 短，幾 乎 全 程 都 係 企 起 度，冇 乜 壓 力。聽 到 個 朋 友 講 佢 懷 孕，原 來 一 直 都 冇 做 安 全 措 施，佢 地 拍 左 拖 咁 耐 而 家 先 出 事，真 係 配 服 個 男 仔 可 以 咁 犀 利。
12月18日 (星 期 一)
肥 健 個 friend 送 左 兩 張 林 海 峰 是 但 嗡 既 飛 俾 佢，夜 晚 去 左 會 展 睇，雖 然 係 星 期 一 但 都 幾 多 人 睇，開 頭 雖 然 知 係 貴 飛，但 都 冇 諗 過 原 來 係 正 前 排 第 三 行，起 我 前 面 既 係 房 祖 名，再 前 面 係 薜 凱 琪，附 近 有 許 志 安、林 夕、何 韻 詩 等 等 ...其 實。個 show 其 實 都 唔 差，有 幾 part 都 幾 攪 笑，隔 離 有 個 呀 嬏 就 笑 得 好 誇 張，少 少 野 就 笑 到 大 大 聲 ，可 能 佢 積 左 好 多 壓 力，10 點 半 完 show，比 我 預 期 中 短。
12月19日 (星 期 二)
天 氣 維 持 起 13 度 左 右，但 唔 知 點 解 好 似 一 日 凍 過 一 日 咁，隻 手 凍 冰 冰，又 赤，以 前 買 果 個 電 熱 袋 又 壞 左，唔 知 邊 度 重 有。
12月20日 (星 期 三)
今 晚 入 左 元 朗 食 飯...........
12月21日 (星 期 四)
今 晚 返 中 心 傾 肥 健 既 婚 禮 安 排，一 傾 又 去 到 12 點 幾 先 走 得，夜 晚 肥 健 起 icq 講 左 好 多 感 激 既 說 話，佢 為 左 呢 個 婚 禮 真 係 攪 得 相 當 煩 惱，重 有 兩 日，點 都 會 幫 你 攪 掂 埋 先..........
12月22日 (星 期 五)
今 晚 做 冬，唔 知 係 咪 件 冷 衫 攪 到 敏 感，塊 面 有 生 左 一 粒 粒 野 又 猛 流 鼻 水，好 唔 舒 服。今 日 收 工 放 4 點，行 左 陣 街 就 入 poon 屋 企 食 飯，今 晚 全燒 味 宴，斬 雞 斬 燒 鵝，晚 飯 又 係 成 班 女 人 既 聲 音，男 人 冇 乜 權 力，亦 係 呢 個 家既 特 色。
12月23日 (星 期 六)
今 晚 係 萬 眾 期 待，12 月 既 大 件 事 之 一，肥 健 婚 禮，有 幸 今 日 擔 當 伴 郎 角 色，亦 都 有 相 當 多 既 任 務，朝 早 7 點 幾 就 起 身，第 一 次 穿 西 裝 既 感 覺 都 唔 錯，都 唔 算 好 難 睇 姐，但 打 呔 既 方 法 就 忘 記 左，拿 拿 臨 上 網 搵，但 都 係 打 得 唔 好 睇，去 到 象 山 村 先 搵 何 伯 幫 我 攪。今 日 兄 弟 團 既 有 何 伯、呀 榮、frank 同 小 炳，呀 炳 既 裝 束 最 正，牛 仔 褲 加 條 校 呔，做 設 計 既 確 係 有 另 一 套，9 點 落 樓 下 佈 置 花 車，之 後 出 返 入 元 朗 接 新 娘，玩 既 遊 戲 都 唔 算 太 難，體 力 勞 動 我 地 最 拿 手，敬 茶 後 就 返 男 家 食 飯，何 伯 就 帶 領 其 他 兄 弟 姐 妹 去 酒 樓 食 飯，我 就 同 伴 娘 留 低 主 家 食，時 間 唔 多，求 其 食 幾 啖 就 走。之 後 就 返 教 會 準 備，有 一 段 時 間 先 夠 鐘 行 禮，大 家 起 度 等 其 他 人 黎，2 點 半 儀 式 開 始，某 d 場 面 都 幾 感 人，第 一 次 參 與 教 堂 行 禮，都 冇 想 象 中 咁 悶。完 左 後 執 野 出 發 去 酒 家，k c 佢 地 果 d 已 經 起 度 準 備，6 點 後 d 人 客 開 始 入 黎，帶 住 新 郎 同 新 娘 周 圍 敬 茶 同 影 相，時 間 唔 係 好 夠，正 到 真 係 要 開 席 先 拿 拿 臨 影 埋 佢。酒 席 開 始 .... 先 睇 佢 地 既 童 年 vcd，兩 位 主 人 家 入 場，致 謝 詞 完 後 開 始 食 野，翅 後 敬 酒，frank 佢 好 high 周 圍 搵 人 隊 酒，最 後 俾 人 攪 掂 左 返 黎，婚 禮 11 點 幾 完 結，幫 手 善 後 到 12 點 幾，最 後 搭 的 士 走，FRANK 飲 到 貓 晒，都 唔 知 佢 做 乜 咁 搏，好 似 佢 結 婚 咁...........
12月24日 (星 期 日)
今 晚 平 安 夜，朝 早 有 咁 耐 訓 到 咁 耐，夜 晚 入 fanny 度 bbq，乜 野 材 料 都 有 就 係 冇 叉 用，好 彩 最 後 起 街 巿 搵 到 間 舖 頭，雖 然 冇 早 排 咁 凍 但 夜 左 都 確 係 涼 左 d，大 家 都 起 度 傾 返 尋 晚 肥 健 婚 禮 既 花 緒，我 今 晚 好 似 未 回 魂 咁，反 應 慢 半 拍，可 能 都 係未 抖 夠，多 謝 k c 送 既 地 氈，人 人 有 份，永 不 落 空。
12月25日 (星 期 一)
年 尾 一 年 一 度 既 shopping 活 動 又 到，成 日 話 買 話 買 既 牛 仔 褲 今 日 終 於 落 實 去 買，今 年 巿 道 好，個 個 都 好 捨 得 買 野，夜 晚 起 維 苑 餐 廳 食 聖 誕 餐，有 份小 禮 物 送，雖 然 無 聊 但 真 都 幾 過 癮，開 心 派 對 套 裝，重 有 架 玩 具 車 仔，諗 起 細 過 自 己 玩 果 d。
12月26日 (星 期 二)
在 家 休 息，屋 企 電 制 壞 左，搵 左 個 師 父 整，順 便 叫 佢 整 埋 一 路 壞 壞 地 既 水 喉，165 蚊 多 謝 晒。
12月27日 (星 期 三)
今 日 收 到 兩 份 大 禮，呢 兩 份 禮 物 超 滿 意。
12月28日 (星 期 四)
今 晚 睇 007，今 集 麻 麻 地，一 來 個 占 士 邦 換 左 個 半 禿 頭 連 個 名 都 唔 記 得 既 人，二 來 冇 晒 佢 傳 統 既 精 華，例 如 高 科 技 跑 車，同 普 通 私 家 車 冇 分 別，重 要 一 撞 就 散 晒，勁 化 學，個 奸 角 又 唔 型 又 唔 靚 仔，只 係 一 個 穿 櫃 桶 底 既 二 打 六，唯 一 有 讚 既 地 方 係 成 套 戲 要 睇 到 尾 先 知 個 真 正 結 局，都 叫 做 有 少 少 驚 喜.......
12月29日 (星 期 五)
同 事 結 左 婚 後 搬 左 屋，攪 到 佢 成 日 唔 記 得 買 報 紙，今 日 放 工 後 第 一 次 去 荃 灣 中 央 圖 書 館 睇 報 紙，原 來 有 咁 多 呀 叔 起 度，除 左 報 紙 外 重 有 好 多 我 平 時 買 開 既 雜 誌 呢 度 都 有 得 睇，以 後 我 睇 黎 又 會 多 一 個 落 腳 點。
12月30日 (星 期 六)
放 工 去 工 展 會，唔 算 多 人 亦 唔 算 多 野 睇，只 係 幫 襯 左 佢 買 杯 雪 糕。
12月31日 (星 期 日)
元 旦 日 慶 祝 活 動，行 早 山......計 返 都 好 似 有 成 半 年 冇 行 過 山，今 日 起 西 貢 碼 頭 見 到 d 海 鮮 好 吸 引，好 想 食 椒 鹽 賴 尿 蝦 同 蒸 斑，今 次 行 既 路 線 好 短 又 舒 服，3 個 鐘 左 右 就 行 完，唔 知 係 咪 太 耐 冇 行，行 樓 梯 好 快 就 開 始 累，行 完 之 後 落 鑽 石 山 食 家 鄉 雞 醫 肚，夜 晚 上 kc 屋 企 玩 兼 整 野 食，由 佢 親 自 下 廚，今 晚 我 地 玩 左 個 好 好 玩 既 卓 上 遊 戲，猜 猜 畫 畫，類 似 係 畫 圖 估 物 件 人 物 果 種，睇 落 簡 單 原 來 玩 落 好 過 癮，今 晚 最 精 彩 既 作 品 就 係 呀 榮 既 作 品----(英 雄)，每 次 拎 出 黎 睇 都 覺 得 好 好 笑，接 近 12 點 果 陣 望 住 電 視 倒 數，無 線 做 二 打 六 群 星 倒 數，明 珠 台 做 nokia 群 星 倒 數，亞 視 就 係 迪 士 尼 倒 數，國 際 台 做 跑 馬，最 後 明 珠 台 果 個 最 精 彩，nokia 都 幾 捨 得 駛 錢，今 年 倒 數 唔 駛 出 去 迫 但 都 好 開 心.....下 年 希 望 都 係 咁。