2月1日 (星 期 三)
年 初 四，上 左 姑 媽 度 拜 年，聽 佢 講 左 好 多 以 前 既 事，亦 都 知 道 自 己 爸 爸 好 多 冇 講 既 野，由 以 前 天 台 屋 講 到 而 家 公 屋，再 由 小 販 檔 到 有 自 己 事 業，以 前 雖 然 環 境 唔 好，但 起 碼 個 個 都 有 份 工，自 力 更 新，生 活 雖 然 辛 苦 但 就 好 開 心，同 而 家 物 質 主 義 既 生 活 好 唔 同。
2月2日 (星 期 四)
今 日 抖 返 日，訓 覺、打 機、訓 覺~~~~
2月3日 (星 期 五)
今 日 睇 左 霍 元 甲，故 仔 有 d 似 講 霍 元 甲 既 一 生，唔 似 以 前 王 飛 鴻 果 種 一 場 打 到 尾，故 仔 都 幾 好 睇，但 中 段 既 文 戲 都 幾 長，尾 段 亦 都 好 簡 單，冇 預 期 果 種 咁 轟 烈，反 而 多 種 一 種 哀 傷，睇 到 人 眼 濕 濕。之 後 去 左 買 老 翻 軟 件，而 家 買 老 翻 好 有 步 驟，先 去 揀 碟 mark 低 號 碼，再 去 另 一 間 舖 俾 錢，一 個 鐘 後 再 返 去 拎 碟，拎 碟 果 陣 又 排 晒 隊，幾 有 秩 序，真 係 撈 偏 都 要 講 規 矩。
2月4日 (星 期 六)
唔 知 係 咪 尋 日 食 左 d 辣 野 關 係，個 喉 嚨 有 d 唔 舒 服，今 日 睇 左 春 田 花 花 同 學 會，麥 嘜 既 故 仔 多 數 都 有 d 寓 意，睇 完 要 俾 人 諗 下 d 野 先 安 樂，如 果 我 冇 估 錯 既 話 今 次 想 帶 出 初 出 茅 盧 既 年 青 人，由 畢 業 搵 工 到 做 野 再 遍 及 唔 同 既 工 作 佢 都 有 提 及，但 d 小 朋 友 睇 完 可 能 一 頭 霧 水，因 為 真 係 太 覆 雜，撇 除 左 呢 d 元 素，笑 料 只 係 一 般，睇 下 少 林 足 球 可 能 重 開 心 d。
2月5日 (星 期 日)
今 日 去 左 澳 門 玩，順 便 探 下 果 邊 朋 友，由 於 以 前 黎 過，基 本 上 d 境 點 都 去 過，未 去 過 既 只 有 漁 人 碼 頭，唔 去 尤 自 可，一 去 真 係 講 返 句 (把 鬼)，得 個 大 字，附 近 都 係 d 舖 頭，d 機 動 遊 戲 就 剩 係 0 岩 d 小 朋 友 玩，完 全 唔 掂，跟 住 就 去 左 葡 京 睇 下，雖 然 黎 過 澳 門 幾 次，但 今 次 都 係 自 己 第 一 次 入 黎，都 冇 想 像 中 咁 污 煙 瘴 氣，拉 下 老 虎 機，放 低 80 蚊.....走 得，再 玩 左 一 個 鐘 按 摩 去 食 晚 飯，搵 到 間 西 餐 廳，d 侍 應 個 個 好 似 鬼 上 身 咁 冇 神 冇 氣，但 好 彩 d 野 食 好 味 補 救 返，食 飽 無 聊 返 酒 店 睇 電 視 訓 覺~~~
2月6日 (星 期 一)
訓 醒 又 諗 去 邊 玩，毫 無 頭 緒 關 係，都 唔 知 去 邊 好，出 返 新 馬 路 果 邊 買 左 d 手 信，neptune 就 帶 我 地 去 金 沙 食 lunch buffet，呢 間 賭 場 乾 淨 同 大 得 多，buffet d 野 食 都 好多 款 可 以 選 擇，冇 見 neptune 佢 幾 年 幾 本 上 冇 乜 點 變，但 就 好 似 發 福 左 少 少，講 野 都 係 好 豪 爽，句 句 頂 到 應，呢 個 係 我 同 佢 既 交 談 方 式，食 飽 冇 野 做 就 提 早 搭 船 返 HK，聽 日 要 返 工 喇 ，10 日 假 就 咁 完。
2月7日 (星 期 二)
訓 醒 發 覺 喉 嚨 痛，今 日 正 式 開 工，下 午 同 老 闆 娘 食 開 年 飯，又 叫 左 一 大 堆 食 物，唔 知 係 咪 整 定，樣 樣 野 都 係 熱 氣，夜 晚 自 己 又 忍 唔 到 口..... 傷 上 加 傷。
2月8日 (星 期 三)
喉 嚨 痛 情 況 惡 化，成 把 聲 變 晒，重 開 始 有 D 咳，應 該 係 感 冒.......
2月9日 (星 期 四)
病 緊，連 野 都 唔 想 講，成 身 都 好 似 好 累 咁，下 午 公 司 叫 我 早 D 返 屋 企 休 息，返 到 屋 企 又 倒 頭 大 睡.....呢 幾 日 都 食 左 唔 同 既 野 希 望 好 D，中 西 合 壁.....但 功 效 唔 大。
2月10日 (星 期 五)
差 唔 多 好 返，喉 嚨 重 係 有 少 少 唔 舒 服，原 本 晚 飯 都 唔 想 食 d 咁 熱 氣 既 野，點 知 間 餐 廳 樣 樣 野 都 係 燥，兩 日 冇 食 過 飯 今 日 終 於 有 得 食，但 64 蚊 有 4 個 小 菜，又 真 係 好 抵 食，可 以 多 d 黎 試。今 晚 先 知 原 來 有 d 野 真 係 好 奇 妙，大 家 認 為 當 初 冇 可 能 發 生 既 事 竟 然 會 出 現 大 家 身 上，講 返 出 黎 覺 得 幾 奇 妙，遠 在 天 邊 近 在 眼 前 既 野 就 係 咁 解。
2月11日 (星 期 六)
今 日 返 中 心 幫 手 攪 年 宵 攤 位，負 責 會 場 佈 置，拉 繩，掛 燈，整 燈 迷，其 實 今 晚 重 有 好 多 義 工 仔 幫 手，所 以 要 負 責 既 野 唔 多。今 晚 準 備 左 100 個 燈 迷 俾 d 人 玩，有 d 其 實 都 真 係 幾 深，唔 知 係 咪 海 濱 d 居 民 smart 得 滯，一 個 鐘 左 右 就 俾 佢 地 全 部 答 晒，犀 利，完 左 活 動 執 埋 野 都 係 10 點 唔 夠，俾 我 地 預 計 時 間 早 左，有 進 步。
2月12日 (星 期 日)
本 來 識 左 咁 多 年 一 直 都 唔 會 問 對 方 感 情 事，但 最 近 的 確 令 人 有 少 少 擔 心，當 然 希 望 萬 事 皆 安 啦。
2月13日 (星 期 一)
返 屋 企 途 中 遇 到 小 學 老 師，佢 係 教 我 個 妹 果 班 既 班 主 任，但 佢 竟 然 認 得 我 重 拍 左 我 一 下，但 我 已 經 連 佢 姓 乜 野 都 唔 知，諗 返 起 畢 業 到 而 家 都 有 成 15 年，時 間 真 係 過 得 快，冇 同 佢 打 返 招 呼 覺 得 有 少 少 唔 好 意 思。
2月14日 (星 期 二)
情 人 節 快 樂 ~~
2月15日 (星 期 三)
睇 左 段 洪 潮 豐 大 鬧 急 症 室 既 片，佢 睇 黎 真 係 痴 左 線。
http://www.youtube.com/watch?v=eCo_t8avyT4
2月16日 (星 期 四)
過 左 去 就 算，我 都 唔 介 意，但 你 竟 然 可 以 咁 坦 白，我 都 好 高 興。
2月17日 (星 期 五)
今 晚 約 左 呀 may 果 班 食 飯，亦 都 plan埋 下 星 期 成 班 去 中 山 玩 既 野，基 本 上 都 唔 駛 點plan，買 套 票 到 時 準 時 出 發 就 ok，但 原 本 想 去 果 間 新 溫 泉 渡 假 村 就 full 左，退 而 求 其 次 揀 左 另 一 間，佢 地 重 話 要 玩 返 去 camp 既 經 典 遊 戲，內 容 太 不 雅，但 真 係 好 記 憶 猶 生，諗 返 起 都 好 好 笑。
2月18日 (星 期 六)
放 工 幫 人 整 電 腦，今 日 凍 左 好 多，而 且 又 有 雨，入 到 屯 門 間 屋 重 陰 陰 凍，之 後 約 左 肥 健 食 飯，旺 角 間 家 鄉 雞 唔 知 係 咪 設 計 有 問 題，成 日 都 有 人 拎 住 盤 野 果 陣 都 倒 瀉，難 為 呀 姐 係 咁 起 度 抹，今 日 亦 都 同 肥 健 講 左 d 野，身 為 兄 弟 都 係 早 d 講 好 d，唔 駛 佢 成 日 亂 諗。
2月19日 (星 期 日)
今 日 同 中 心 帶 家 庭 活 動 行 山，出 門 口 果 陣 有 雨，天 氣 又 凍，情 況 唔 係 好 樂 觀，都 有 少 少 擔 心 去 唔 成，好 彩 最 後 只 有 一 個 家 庭 唔 去，入 到 南 丫 島 果 陣 竟 然 好 天，重 見 到 有 太 陽，出 乎 意 料，自 己 都 唔 記 得 係 第 幾 次 黎 南 丫 島，今 日 島 上 面 有 天 后 誕，好 多 公 公 婆 婆 坐 起 度，好 似 遲 d 有 慶 祝 活 動 睇，上 呢 段 山 路 的 確 唔 長，好 快 行 完，之 後 去 食 呀 婆 豆 腐 花，有 個 家 長 好 好 人 請 左 我 地 食，另 一 對 公 公 婆 婆 就 請 我 地 食 鴕 鳥 肉 乾，感 覺 同 牛 肉 乾 差 唔 多，多 謝 晒 佢 地。食 完 之 後 就 出 發 行 去 風 車 發 電 站，條 路 唔 算 長 但 就 要 一 路 上，行 完 有 d 索 氣，個 風 車 真 係 好 大，聽 講 佢 既 發 電 量 可 以 提 供 250 個 家 庭 使 用，亦 可 以 話 係 呢 度 既 地 標 之 一。睇 完 風 車 就 俾 佢 地 自 由 活 動，eva 帶 左 我 去 一 間 西 式 露 天 茶 座，環 境 好 好，望 到 海 感 覺 好 舒 服，另 外 佢 d 食 物 好 大，叫 左 個 巨 型 三 文 治，面 積 大 得 好 誇 張，味 道 又 好，下 次 一 定 再 黎 試。
2月20日 (星 期 一)
尋 日 行 完，今 日 腳 累。
2月21日 (星 期 二)
老 闆 娘 為 左 可 以 俾 個 仔 專 心 溫 書，竟 然 起 屋 企 附 近 租 個 單 位 俾 佢 一 個 人 住，有 錢 人 d 生 活 真 係 零 舍 唔 同。今 晚 食 飯 人 地 話 我 好 似 唔 同 左，雖 然 講 唔 出 究 竟 有 乜 唔 同，但 我 其 實 自 己 都 知 係 有 d 分 別，唔 好 諗 咁 多 啦，而 家 應 該 享 受 下 現 有 生 活。
2月22日 (星 期 三)
今 日 公 司 多 左 野 做，比 平 時 早 左。
2月23日 (星 期 四)
荃 灣 發 生 工 業 意 外，一 名 中 國 藉 男 子 被 硬 物 擊 傷 腳 部，情 況 嚴 重。瘀 晒 呀 腳 指 公~~~~
2月24日 (星 期 五)
隻 腳 指 公 腫 晒，行 路 窒 窒 下，起 公 司 門 口 見 到 倒 垃 圾 個 呀 姐 起 度 虐 殺 隻 老 鼠，好 殘 忍，但 同 事 話 我 睇 得 好 開 心。
2月25日 (星 期 六)
放 工 後 搭 船 出 發 去 中 山 御 溫 泉 渡 假 村 玩，中 港 城 出 發，搭 70 分 鐘 船，去 到 再 搭 酒 店 專 車，又 坐 一 個 鐘，入 到 去 已 經 6 點，一 入 到 去 俾 佢 個 日 式 設 計 嚇 親，因 為 未 裝 修 好，外 牆 只 係 用 塊 海 報 配 以 日 式 背 景 代 表，好 好 笑，好 彩 間 酒 店 就 真 係 日 式 設 計，而 且 都 好 靚，入 到 房 間 d 門 又 真 係 日 本 式 既 紙 門，設 備 都 幾 多，枕 頭 都 有 幾 種 揀，冇 床 訓 地 下 塔 塔 米。方 圓 四 周 都 冇 乜 建 築 物，又 唔 想 幫 襯 佢 地 既 餐 廳，最 後 要 搭 返 公 車 出 去 食 飯，去 左 一 間 酒 家 食 飯，d 小 菜 都 ok，但 d 海 鮮 真 係 兩 個 字 形 容，(把 鬼) d蝦 細 隻 到 唔 咬 吞 都 食 到，條 魚 都 叫 正 常，蟹 就 真 係 食 左 想 嘔，6 個 人 食 唔 到 一 半 就 停 晒 手，未 食 過 咁 怪 味 既 蟹，應 該 係 死 左 一 段 日 子，下 次 唔 敢 再 食 呢 度 既 海 鮮。食 飽 就 返 去 酒 店，天 台 有 煙 花 放，每 人 有 支 穿 雲 箭，見 到 有 人 玩 好 大 果 種 煙 花，雖 然 靚，但 就 嘈 到 耳 都 聾，跟 住 就 去 浸 溫 泉，呢 度 冇 分 男 女，個 個 著 住 件 泳 衣 周 圍 行，溫 泉 有 成 十 幾 款，個 個 都 有 唔 同 味，印 象 深 刻 d 既 係 咖 啡 泉 同 酒 泉，而 且 周 圍 都 有 免 費 野 飲，浸 得 累 可 以 坐 低 抖 下，逐 個 試 晒 都 差 唔 多 用 左 兩 個 鐘，最 後 就 去 按 摩，雖 然 價 錢 貴 d 但 一 場 黎 到 唔 做 好 可 惜，同 深 圳 玩 開 果 d 唔 同，呢 度 係 一 人 一 房，又 唔 駛 俾 小 費，我 就 試 左 個 港 式 料 理 套 餐，過 程 100 分 鐘，可 能 太 耐 冇 做，條 頸 俾 佢 下 下 整 到 好 痛，個 套 餐 重 有 個 面 膜 同 香 薰 推 油，面 膜 陣 味 好 似 棷 汁 西 米 露 咁，推 油 就 真 係 全 身 都 滑 晒，做 完 都 成 3 點 幾，我 地 應 該 係 最 後 一 批 客 人 走，返 到 房 拿 拿 臨 去 訓。
2月26日 (星 期 日)
訓 醒 食 完 早 餐，起 酒 店 玩 左 陣 啤 牌 就 再 去 浸 陣 溫 泉，之 後 check out，由 於 返 碼 頭 既 車 要 3 點 半 先 開，就 起 附 近 既 餐 廳 食 飯，原 來 呢 度 d 野 食 都 唔 算 好 貴，而 且 味 道 都 唔 錯，d 侍 應 又 同 我 地 有 傾 有 講，好 nice，早 之 尋 晚 果 餐 都 起 度 食，間 餐 廳 重 有 鋼 管 舞show 同 band show 睇，但 只 限 夜 晚，大 家 見 到 支 柱 好 開 心，係 咁 起 度 扮 鬼 扮 馬，出 返 碼 頭 都 重 早，好 彩 可 以 搭 早 一 班 船 出 去，返 到 尖 沙 咀 重 同 呀 琪 做 埋 生 日，wing 佢 整 左 一 張 好 有 心 思 既 生 日 咭，餐 廳 重 有 蛋 糕 送，呢 兩 日 真 係 飲 飽 食 醉，之 後 繼 續 努 力 搵 錢 再 去 玩。
2月27日 (星 期 一)
喉 嚨 又 痛，唔 係 又 病 呀 嘛~~~
2月28日 (星 期 二)
今 日 又 落 大 雨 天 氣 又 凍 返 好 多，出 街 都 幾 麻 煩。