1月1日 (星 期 一)
新 年 快 樂.....唔 知 係 咪 d 人 尋 晚 出 晒 去 玩 既 關 係，今 晚 條 街 靜 好 多，夜 晚 起 元 綠 食 壽 司，佢 新 出 果 個 御 膳 刺 身 幾 特 別，起 呢 度 推 介 一 下。
1月2日 (星 期 二)
假 後 開 工，一 如 以 往，月 頭 好 忙 而 且 之 前 玩 得 太 多，喉 嚨 有 少 少 痛，要 好 好 抖 下。
1月3日 (星 期 三)
睇 報 紙 見 到 星 期 6 急 凍，我 件 6 舊 腹 肌 羽 絨 終 於 可 以 出 動。
1月4日 (星 期 四)
中 午 公 司 飲 茶，原 來 重 有 一 個 月 我 就 做 完，而 且 相 信 會 係 咁 多 個 入 面 最 快 離 開 果 個，2 月 要 搵 工 喇~~
1月6日 (星 期 六)
中 午 去 左 荃 灣 大 會 堂 幫 中 心 做 一 個關 於 讀 寫 障 礙 既 講 座 義 工，冇 乜 難 度，行 行 企 企 又 一 日，不 過 魯 芬 起 度 就會 攪 到 場 面 嘈 d，因 為 成 日 同 佢 玩，佢 正 癲 婆。夜 晚 去 睇 滿 城 盡 帶 黃 金 甲，成 套 戲 主 角 集 中 起 鞏 俐 飾 演 既 皇 后 入 面，反 而 周 潤 發 同 周 杰 倫 就 冇 想 象 中 咁 多 戲 份，頭 一 個 鐘 幾 乎 全 部 文 戲，最 後 果 30 分 鐘 就 係 動 件 場 面，都 幾 好 睇，周 潤 發 真 係 cool 得 黎 又 幾 有 型，不 過 佢 都 係 講 多 個 做，唔 駛 佢 點 郁。
1月7日 (星 期 日)
下 午 入 屯 門 幫 miko 整 機，之 後 行 屯 門 巿 中 心，由 於 時間 充 裕，行 左 兩 個 圈 咁 滯，其 實 屯 門 都 唔 係 好 多 野 睇，最 多 人 都 係 吉 之 島。
1月8日 (星 期 一)
又 收 到 紅 色 炸 彈，今 次 係 鄰 居，唔 通 真 係 要 俾 人 炸 到 過 年 先 停。
1月9日 (星 期 二)
夜 晚 睇 新 聞 見 到 自 己 公 司 果 棟 大 廈 火 警 有 人 燒 死，心 諗 唔 知 個 貨 倉 有 冇 俾 水 淋 濕 呢....
1月10日 (星 期 三)
呢 兩 日 都 有 d 牙 痛，今 日 直 頭 食 野 都 有 問 題，咁 橋 大 fanny 又 約 食 飯，順 便 搵 佢 家 姐 個 partner 幫 我 睇 下 發 生 乜 事，聽 講 佢 係 全 系 考 第 一 果 個，而 家 只 係 兼 職 做 牙 醫 另 外 讀 其 他 野，好 叻 女，佢 果 然 好 詳 細 解 釋 我 究 竟 發 生 乜 事，原 來 只 係 大 牙 同 智 慧 牙 之 間 發 炎，照 過 x 光 睇 我 隻 智 慧 牙 打 橫 訓 左 起 度 生，所 以 好 易 積 左 d 污 漕 野 起 度 刷 唔 到，長 遠 黎 講 佢 都 建 議 我 剝 左 佢，連 埋 上 面 果 隻 剝，1500 蚊，等 我 諗 下 先，開 左 d 消 炎 藥 同 俾 左 左 d 水 我 消 炎，好 彩 有 fanny 介紹，只 收 110，平 左 唔 少。
1月11日 (星 期 四)
睇 完 醫 生 後 今 日 果 然 好 返 好 多，雖 然 重 有 少 少 痛 但 食 野 方 面 大 致 上 冇 問 題，雖 然 只 係 一 日 冇 啖 好 食，但 今 晚 都 即 刻 食 羊 腩 煲 同 魚 香 茄 子 煲，好 好 味 呀~~~~
1月12日 (星 期 五)
今 晚 約 左 carol 食 飯，去 左 旺 角 一 間 叫 越 興 盞 既 越 式 餐 廳 食，呢 間 餐 廳 d 食 物 一 般，但 d 侍 應 d 樣 就 真 係 好 奇 怪，個 個 好 似 未 訓 醒 咁，好 攪 笑。
1月13日 (星 期 六)
今 日 睇 報 紙 見 到 海 濱 花 園 有 學 生 跳 樓 自 殺，個 學 生 個 名 有 d 印 象，唔 知 會 唔 會 係 曾 經 參 加 過 中 心 活 動 既 會 員。
1月14日 (星 期 日)
自 從 禁 煙 條 例 生 效 開 始，好 多 食 肆 都 空 氣 好 左，有 d 餐 廳 重 專 登 翻 新 左 d 座 位，變 晒 卡 位 或 梳 化 位，感 覺 真 係 舒 服，屋 企 樓 下 間 茶 餐 廳 就 係 其 中 之 一，以 後 幫 襯 佢 食 炸 醬 麵 都 開 心 d。
1月15日 (星 期 一)
今 日 潘 唔 多 舒 服，去 左 葵 芳 睇 醫 生，只 係 少 少 傷 風 但 就 開 左 好 多 包 藥 俾 佢，諗 返 好 似 自 己 都 有 好 多 年 冇 睇 西 醫，都 係 食 成 藥 解 決 為 主。
1月16日 (星 期 二)
今 日 老 細 既 呀 二 黎 香 港 去 律 師 樓 同 老 闆 娘 攪 最 後 既 手 尾，起 律 師 見 証 下 終 於 完 成 左 最 後 既 交 易，老 闆 娘 亦 都 可 以 叫 做 放 低 心 頭 大 石。
1月17日 (星 期 三)
今 晚 約 左 terri 同 欣 食 飯，terri 轉 左 工 後 起 石 硤 尾 返 工，服 務 對 象 主 要 係失 明 人 士，聽 佢 講 返 工 作 上 面 既 對 象 都 幾 攪 笑，同 我 想 象 有 d 出 入。
1月18日 (星 期 四)
距 離 失 業 重有 一 個 月，臨 收 工 前 聽 同 事 講 老 闆 娘 又 會 有 驚 喜 俾 我 地.............
1月19日 (星 期 五)
呢 排 迷 上 左 睇 一 套 外國 劇 集，逃.....一 套 好 緊 張 既 連續 劇，重 好 睇 過 迷，聽 講 美 國 做 緊 一 套 叫 hero 既 劇 集，類 似 x-man 情 節，每 個 主 角 都 有 特 異 功 能，佢 地 背 負 著 拯 救 世 界 既 使 命，聽 講 亦 相 當 吸 引。
1月20日 (星 期 六)
今 晚 原 本 要 去 飲，但 後 來 有 鄰 居 陪 佢 去 我 變 左 唔 駛 出 席，轉 移 去 呀 wing 既 生 日 party，佢 地 起 沙 田 新 城 巿 一 間 日 本 料 理 舖 頭 book 左 位，今 晚 有 成 9 個 人，加 上 佢 地 d 食 物 份 量 都 唔 多，有 食 極 都 唔 飽 既 感 覺，不 過 唔緊 要 啦，最 緊 要 開 心，今 次 jacky 佢 地 又 玩 自 制 生 日 咭，同 上 次 呀 may 果 張 比 較，呢 張 簡 直 係 水 準 之 作，真 係 收 果 個 開 心，我 地 睇 果 個 高 興，亦 都 見 証 左 電 腦 科 技 真 係 偉 大。
1月21日 (星 期 日)
潘 既 朋 友 mony 今 日 結 婚，佢 地 起 尖 沙 咀 伊 甸 園 舉 行 婚 禮，聽 講 呢 度 係 為 d 怕 麻 煩 或 者 忙 既 人 提 供 一 條 龍 式 婚 禮 服 務，自 己 都 係 第 一 次 黎，睇 完 又 真 係 覺 得 幾 方 便，又 唔 駛 搵 律 師，又 唔 駛 排 期，出 面 重 有 地 方 俾 你 影 相，但 一 場 既 時 間 相 當 快，大 約 20 分 鐘 就 要 交 場，係 美 中 不 足 既 地 方。
1月22日 (星 期 一)
今 日 喉 嚨 痛，病 既 先 兆......
1月23日 (星 期 二)
jennifer 起 英 國 返 左 黎，今 晚 成 班 同 佢 食 飯，今 日 先 發 現 荃 灣 廣 場 頂 樓 又 唔 同 晒，變 左 稻 香 超 級 魚 港，原本想食既上海野冇左，今 晚 食 泰 國 野 但 喉 嚨 唔 舒 服 攪 到 唔 食 得 好 多，原 來 jennifer 已 經 21 歲，識 佢 果 陣 重 係 妹 妹 仔 一 個，話 咁 快 又 咁 大。
1月24日 (星 期 三)
今 晚 返 中 心 整 機，佢 地 今 晚 叫 pizza 食，重 未 好 返 既 喉 嚨 痛 又 加 深 左....
1月25日 (星 期 四)
星 期 六 得 返 12 度，下 星 期 一 得 返 10 度，件 羽 絨 真 係 有 排 著。
1月26日 (星 期 五)
今 朝 起 身 把 聲 沙 晒，間 唔 中 重 有 d 咳，快 d 好 返 拉~~
1月27日 (星 期 六)
呀 琪 即 將 上 廣 洲 做 野，雖 然 一 個 月 都 會 返 黎 兩 三 次，但 都 同 佢 攪 左 個 小 小 既 歡 送 會，原 來 jacky 屋 企 有 間 唐 樓 單 位 起 荃 灣，起 麥 當 勞 隔 離，相 當 方 便，而 家 綢 空 左 冇 人 住，可 以 乘 機 上 去 玩。今 晚 打 邊 爐，有 蕃 茄 湯 底，第 一 次 食 感 覺 都 唔 錯，飯 後 開 賭 局，十 足 十 係 警 訊 入 面 編 徒 既 環 節，開 頭 玩 大 細，今 日 唔 利 賭 博，10 舖 有 9 舖 輸，之 後 玩 21 點，又 輸，最 後 玩 話 事 啤，都 輸 埋，好 彩 玩 得 唔 大，都 唔 係 好 肉 痛，今 晚 多 謝 佢 地 同 我 預 足 生 日，thanks everyone~~
1月28日 (星 期 日)
尋 晚 3 點 幾 先 訓 覺，今 朝 有 咁 耐 訓 咁 耐~~~
1月29日 (星 期 一)
朋 友 介 紹 份 工 俾 我，今 日 去 見，得 唔 得 都 係 言 之 尚 早。
網 上 有 段 攪 笑 短 片 可 按 這 裏 收 看。
1月30日 (星 期 二)
今 日 生 日，又 大 一 歲，出 年 見 到 3 字 頭，今 晚 成 班 朋 友 起 旺 角 打 邊 爐，收 到 大 家 既 禮 物，有 實 用 又 有 d 好 攪 鬼，不 枉 我 對 你 地 咁 好，你 地 生 日 我 實 報 答 返 你 地。
1月31日 (星 期 三)
重 有 幾 聲 咳，都 係 怪 自 己 唔 戒 口 亂 食 野......