第 四 天 行 程
朝 早 起 身 食 早 餐 後 就 搭 車 落 去 附 近 既 一 個 大 湖 度 影 富 士 山，今 日 天 氣 好 好，如 果 冬 天 黎 就 見 到 個 山 頂 有 陣 白 色 雪 遮 住，呢 度 有 好 多 人 釣 魚，重 間 唔 中 見 到 d 車 隊 成 班 起 度 玩，之 後 就 到 附 近 一 個 出 名 賣 花 制 成 品 既 店 舖，入 面 包 羅 萬 有，香 水、臘 燭、潤 膚 露 等 等。
中 午 行 程 出 發 去 富 士 急 遊 樂 場，呢 度 有 全 世 界 最 長 既 過 山 車，又 有 最 快 同 最 激 既 過 山 車，但 每 個 都 要 排 成 兩 個 鐘 以 上，都 唔 知 點 排 好，最 後 去 排 隊 玩 鬼 屋，呢 間 鬼 屋 模 擬 一 間 醫 院，入 去 前 要 聽 個 女 護 士 講 解，講 日 文 完 全 唔 明 佢 講 乜，呢 間 鬼 屋 有 3 層 高，我 都 唔 算 大 膽 既 人，嚇 到 我 鬼 殺 咁 嘈，真 係 嚇 死 人，想 俾 人 嚇 下 可 以 去 玩。今 餐 起 呢 度 解 決，有 飯 票，唔 駛 自 己 俾，食 完 行 埋 附 近 既 thomas land，呢 度 適 合 小 朋 友 多 d，有 d 好 簡 單 既 機 動 遊 戲，不 過 地 方 唔 大，好 快 行 完。
之 後 就 出 發 去 新 宿，如 果 銀 座 似 銅 鑼 灣，咁 新 宿 就 似 旺 角，乜 都 有 得 買，價 錢 亦 都 相 唔 算 太 貴，起 呢 度 我 就 大 出 血，算 買 得 最 多 野 既 一 日，觀 察 所 得，買 錶、名 牌、化 粧 品 都 係 好 受 歡 迎，重 有 間 賣 鞋 既，起 正 路 中 心，日 本 人 賣 野 真 係 好 勤 力，可 以 成 晚 不 停 咁 叫 都 唔 累。晚 餐 食 燒 烤，有 d 人 訂 左 神 戶 牛 柳，唔 知 味 道 如 何，但 食 其 他 野 已 經 好 飽，飯 店 後 面 就 係 歌 舞 妓 町，有 d 似 香 港 砵 蘭 街，附 近 都 有 色 情 碟 買，同 埋 好 多 夾 公 仔 機，200 yen 一 局，玩 過 幾 舖，空 手 而 回。
今 晚 入 住 既 係 迪 士 尼 附 近 既 希 爾 頓 酒 店，好 靚 好 大 間，等 拎 房 匙 其 間 發 現 佢 後 面 又 有 夾 福 袋 機，試 下 運 氣，頭 幾 次 都 唔 中，個 職 員 見 到 咁 竟 然 幫 我 將 個 袋 推 前 d，就 係 咁 就 連 續 夾 中 兩 次，超 好 彩，真 係 好 多 謝 佢。
