9月1日 (星 期 六)

今 晚 睇 變 型 金 剛，呢 套 戲 都 上 左 好 耐，得 返 細 院 有 得 做，但 都 爆 晒 棚，旺 角 百 老 匯 頂 樓 既 細 院 有 一 個 唔 好 既 地 方，就 係 d 座 位 唔 係 由 高 至 低，完 全 係 平 排，前 面 生 得 高 果 d 就 咁 擋 住 晒 後 面 d 人，睇 得 有 d 辛 苦，講 返 套 戲，變 型 金 剛 呢 套 卡 通 真 係 由 細 細 個 開 始 就 有 追，細 個 重 買 左 好 多 佢 既 玩 具，10 幾 年 後 俾 人 拍 成 左 電 影 板，d 機 械 人 既 樣 雖 然 唔 同 晒，但 睇 睇 下 就 好 快 習 慣，套 戲 都 有 好 多 笑 位，尾 段 又 變 得 好 緊 張，拍 得 唔 錯，相 信 過 兩 年 就 會 有 佢 既 續 集 睇。

9月2日 (星 期 日)

今 晚 約 左 lo 食 飯，之 前 佢 去 左 日 本 大 阪 旅 行，聽 佢 講 自 由 行 去 大 阪 其 實 都 冇 乜 問 題，全 部 都 係 搭 JR 就 OK，下 次 可 以 試 試，之 後 同 佢 不 斷 行 電 器 舖 睇 LCD TV，唔 行 由 自 可，一 行 D SHOPPING 癮 又 發 晒 出 黎，但 幾 千 蚊 部 電 視，真 係 要 諗 清 楚 先 好 決 定 買 唔 買。

9月3日 (星 期 一)

最 近 自 己 同 身 邊 朋 友 都 遇 到 類 似 既 街 頭 騙 案，事 件 只 係 一 個 操 國 語 既 女 子 話 黎 H K 工 幹 或 探 親，冇 錢 食 飯 問 你 可 唔 可 以 借 俾 佢，出 沒 既 地 點 暫 時 已 經 確 認 有 荃 灣，元 朗、天 水 圍、連 中 環 IFC 都 有，暫 時 都 未 聽 到有 人 話 俾 佢 地 扼 到，但 都 係 小 心 D。

9月4日 (星 期 二)

屋 企 水 箱 今 日 壞 左，塑 性 換 一 個 新 既，人 工 連 料 500 蚊，但 整 完 後 發 現 另 一 個 問 題，條 咸 水 喉 滲 水 既..???

9月6日 (星 期 四)

K C 老 公 呀 文 返 左 黎，約 左 起 荃 灣 一 間 酒 樓 同 佢 洗 塵，同 佢 上 次 見 面 佢 好 似 瘦 左 D，下 個 星 期 佢 就 會 帶 KC 走 喇，一 路 順 風。

9月8日 (星 期 六)

SIMSON 同 BONNIE 9 月 尾 將 會 去 英 國 牛 津 讀 書，成 班 人 約 埋 去 鯉 魚 門 渡 假 村 玩 返 兩 日，好 耐 都 冇 去 過 呢 度，可 能 因 為 之 前 沙 士 呢 度 曾 經 用 黎 做 個 臨 時 應 急 宿 舍，感 覺 上 乾 淨 左 好 多，呢 度 既 飯 堂 應 該 外 判 左，晚 餐 竟 然可 以 加 野 食，即 時 變 得 豐 富 好 多，去 CAMP 未 試 過 食 得 咁 熱 氣，夜 晚 玩 左 佢 D 射 箭，康 樂 棋 等 等，今 晚 既 特 備 節 目 係 肥 健 幫 你 鬆 一 鬆 按 摩 服 務，除 左 我 所 有 人 都 俾 佢 鍊 過 咁 滯，之 後 壓 軸 既 遊 戲 係 扭 扭 樂，我 地 都 係 第 一 次 玩，真 係 一 隻 好 好 玩 既 GAME，5 個 女 仔 都 可 以 玩 到 好 耐，但 換 來 既 後 果 係，腰 酸 背 痛 ，超 累。

9月9日 (星 期 日)

玩 得 超 累，第 二 朝 早 餐 都 冇 食，成 班 人 訓 到 成 10 點 幾 先 起 身，打 左 陣 卓 球 之 後 返 房 執 野，之 後 落 飯 堂 食 飯 就 出 camp，跟 住 入 元 朗 行 街，食 埋 晚 飯 返 屋 企，呢 個 時 候 已 經 好 累，起 巴 士 訓 到 可 以 撞 埋 個 窗 度 兩 次，之 後 要 去 CAMP 都 唔 知 係 幾 時 LU。

9月11日 (星 期 二)

幫 eva 做 一 份 POWER POINT 順 便 約 佢 出 黎 食 晚 飯，最 近 身 懷 六 甲 既 佢 同 平 時 個 樣 冇 乜 唔 同，身 體 亦 都 唔 係 肥 左 好 多，但 佢 份 人 比 較 悲 觀，成 日 都 講 埋 晒 D 唔 吉 利 既 野，積 極 D 啦，你 一 定 會 生 個 肥 肥 白 白 又 健 康 既 BB。

9月13日 (星 期 三)

今 晚 幫 欣 整 機，裝 一 個 HD 其 實 好 簡 單，但 唔 知 點 解 一 整 佢 部 機 總 係 問 題 多 多，最 後 雖 然 都 攪 得 掂，但 同 自 己 想 做 既 效 果 有 出 入.......

9月15日 (星 期 六)

今 日 換 左 張 電 腦 椅，舊 果 張 BYE BYE~

9月16日 (星 期 日)

一 路 都 想 換 一 個 電 腦 芒，但 始 終 下 唔 到 決 定，今 日 終 於 買 左，返 到 屋 企 裝 果 陣 先 發 覺 張 抬 唔 夠 高 放 佢，唯 有 拆 左 上 面 放 野 果 層 先 放 得 入，芒 大 左，睇 落 真 係 唔 係 好 慣 。

9月18日 (星 期 二)

封 塵 三 俠 好 耐 冇 出 黎 食 飯，今 日 唔 去 酒 樓 食 野，去 左 意 粉 屋，個 個 都 大 左，成 日 起 度 懷 念 讀 書 時 期 D 野，10 幾 年 前 LU...........

9月19日 (星 期 三)

YEN 結 婚 喇 ，今 日 約 左 出 黎 俾 貼，識 左 佢 都 有 差 唔 多 10 年，由 學 生 變 左 人 地 老 婆，唔 認 老 都 唔 得，佢 個 婚 禮 比 較 簡 單，擺 酒 又 唔 係 請 太 多 人，聽 落 幾 舒 服 又 冇 乜 壓 力，我 都 想 學 佢 咁。

9月22日 (星 期 六)

今 晚 睇 左 超 能 特 工 狗，套 戲 唔 長，只 有 82 分 鐘，論 笑 料 只 可 以 講 係 普 通，用 左 大 量 特 技 起 佢 把 口 度，奸 角 又 係 同 austin power 一 樣 用 一 個 人 頭 豬 儒 身 既 人 擔 當，俾 75 分 佢。

9月23日 (星 期 日)

訓 醒 見 到 1 號 風 球，唔 知 會 唔 會 影 響 中 秋 天 氣.....

9月25日 (星 期 二)

中 秋 節 原 本 打 算 bbq，因 天 氣 唔 穩 定 改 食 日 本 野，發 生 左 一 段 笑 料，原 本 打 算 去 開 佐 敦 既 日 本 餐 廳 銀 菱 竟 然 冇 左，一 路 都 唔 知，重 打 電 話 book 左 位，最 後 起 佢 樓 下 睇 先 發 現，臨 時 改 去 另 一 間 餐 廳 食，今 晚 除 左 約 出 黎 食 飯 外，成 班 男 仔 其 實 有 另 一 個 目 的，就 係 打 psp，一 有 空 檔 4 個 人 就 開 戰，同 d 學 生 一 樣 打 到 唔 停 手，超 攪 笑，大 家 都 好 耐 冇 行 山，重 要 話 征 服 多 次 南 蛇 尖，安 排 下，安 排 下......