ZACK TALKS
99-9-8
第一次學人寫胸披，撞著個PAGE BUILDER冇中文，加上我又唔識點UP-LOAD
TEXT FILE，終於就搞到要將字變圖先得
...暫時都係得哩個辦法，但係就真係做到我想死...至於點解要做胸披？都係畀呀維也納引誘，
搞到我又臀部痕咁學人整，加上呀地獄獄貴公子
玩煽風點火，終於我都失守了...
不過搞咁耐都叫學到唔少，最緊要多謝大師兄、貴公子同埋納也納，冇哩班友我都唔會做哩件事...
哩個胸披我冇諗住點講GAME。GAME撩屎就九成都唔會，因為以我咁懶，有乜料我都會十幾年先UP-DATE一次...如果閣下想睇GAME撩屎嘅話就去維也納個西度啦！
不過話時話，就因為近排群得貴公子多，於是對於圖片方面，我係會先RETOUCH過先丟上唻，可以話某程度上大家係未見過唷...當然，我自知哩方面功力就一定唔及大師兄同貴公子，不過我都係貪得意玩玩，而且又學到新事物，咁又何樂而不為呢？
如果閣下睇完個西發現冇乜好睇都係正常，因為我仲未做起。不過就算做起都未必會好睇，原因係我只係諗住做個自慰西唻
滿足一下個人私慾...嘿嘿，冇錯，即係我玩個人趣味！
講咁多都係時候收聲，下次見啦各位！
99-9-29
先前因為個PAGE BUILDER問題，搞到我一直到UP -DATE唔到個西，我用埋啲甚麼"T
FRONT PAGE"（假名）同"T BACK PAGE"（都係假名）都搞唔掂，好彩最後都畀我搞掂，不過就嘔出唔少拔甩...
家陣個披就陸續開放中，大家可以隨便參觀，不過又要講多次，就係哩個西冇乜好睇....
99-9-31
但係家陣我又遇到另一個問題，就係啲圖片嘅擺位問題，哩幾日我會搵辦法解決0架0勒我相信...另外，明日國慶假期我都冇假放，要去採訪人0地個騷...我好想放放大假，充充電。不過就算有得放都冇銀兩去旅行...咬咬咬....
99-10-04
哩幾日都冇乜0野搞，去完人0地個騷之,又去0左個龍神發表會，終於識到邱福龍...以前去佢公司搵我師父（佢係呀龍個助理），都只係見佢坐0係房，家陣終於識到佢，實在太感動呀！
另一方面，個圖片擺位問題仲未解決到，不過我諗我會好快搞掂0既....
最後0個句，我想快D發達呀!!!!!!!
99-10-06
個圖片擺位問題仲未解決到...
加0左個HIT COUNTER，但係仲未WORK到...
大細孖覆0左我，話做訪問冇問題，不過我幾時先可以過日本搵佢0地就係問題...
完成0左「街頭GAME霸王」嘅噏撈0勒終於，睇返D舊稿，諗返起好多事，諗都諗到我眼濕濕...
踼你叫我噏撈返套KING MAN漫畫上唻，不過套稿我都唔知擺0左去邊...就算有都無謂獻醜啦...
反而我就諗，不如遲D將自己D新稿噏撈上唻啦！不過我相信，我都會九年先做起一張...
我諗我師父一定會比我快學曉用電腦做稿的...
99-10-10
圖片擺位問題仲未解決到...
個HIT COUNTER都仲未WORK到...
D自慰文章0既噏撈都完成埋，之後就要搞D「另類趣味」啦...
阿三同福田聽住，快啲畀稿費我！雖然每次見面我都會問你0地，但係你0地都估唔到我會0係哩度周圍同人講哩？
搞完「另類趣味」會搞乜？可能會搞返幾張稿丟上唻，但係都要睇0下D器材同錢財配唔配合到...
同呀貴公子成立0左個「互推深淵會」都差不多成個月，但係近排都冇乜受害人...大師兄你都係快D下海啦！
99-10-12
感激JAY JAFERSON，個圖片擺位問題終於解決0左，但係個HIT
COUNTER仍然未WORK到...咁之後我點學人加留言板呢？
貴公子話我噏撈得快，其實佢都唔知我係靠怨念先至做到...不過放心，之後我就會開始疲同懶，一定會九年都唔噏撈一次的...
99-11-14
貴公子你滿意啦！我到今時今日先至再噏DAY個西，仲要只係搞搞個INDEX就算，都可以話夠懶了...
其實哩段時間入面，我都冇乜點懶的，其實我一直都苦練緊世間絕技，林米高同大師兄都好清楚，遲些點兒就畀大家過過目兼獻獻醜...
除0左個另類趣味之外，跟住我仲會有D稿件丟上來，仲會搞返個「雅典娜與朋友」中譯本畀大家睇。另外，都會有一個古古怪怪SECTION，最後可能有漫畫連載（哩個就真係預定，九成都做唔到）...
睇落好似有好多，但係到尾我都係咁話，哩個西就真係冇乜好睇...
99-12-5
世間絕技仍在修練中，不過好快就會出唻丟人現眼（都應該係今個月內），雖然只係完成八份之一，不過我相信一定夠大家有排丟。係呀，你睇完記緊丟0下我呀，唔丟我就唔會有進步的...
哩排好忙，個人好倦，有點想死...
順便在此謹祝貴公子同佢個「地獄門」（剛剛改，鍾唔鍾意？）一路順風...
又順便祝呀笠睥生核快感...
再順便補祝呀3☆早排生核，雖然都過咗咁耐了...
仲順便預祝呀民生核、出年呀重同我生核、莉碧嘉生核、蜘蛛☆生核、姬斯汀生核、我父皇、我呀娘、師父、大師兄、黃淑芬（假名）同學、天草、陸志剛（真名）督察、我弟弟、小鍵鍵...等人生核。係，我係好無聊，不過你得閒睇晒佢，都算係幾無聊...
下次啦，下次你唻會有多啲0野睇的，信我！！
99-12-12
丟了第一張世間絕技上來，大家慢慢丟，唔丟我就唔會有進步的...
不過好可惜，到現時為止仲未畀我師父過目...
之後當然要鳴謝大師兄同貴公子啦...
至於第二張世間絕技嘛...我相信都要到二千年先有得睇了...
話時話，今日有兩個人生核。其中一個係笠睥，另一個嘛...我希望佢已經死0左，真心話...
99-12-31
丟了第二張世間絕技上來，又有得俾大家慢慢丟了...
而我亦都終於畀到第一張個編歐畀我師父睇，雖然顏色唔準，不過佢都教咗我好多...
明天就二千年了，希望大家都快感啦！
早幾日就同大師兄過0左馬交，點知返到香港就轉運...希望一切順利啦...
有人問我點咁解耐唔寫文？第一就梗係因為我搞緊世間絕技啦！其次，亦都係最主要原因，就係因為我懶...不過話時話，乜原來我D文會有人睇咩？？
01-07-04
經過了一年多沒有更新，實在有點不好意思。
不過反正我都用這個西來自慰，所以搞不搞都沒有太大關係...無可否認，這一年自己的變化都很大，亦都經歷了不少...
嗯...去年因為部腦炒了，所以一切又要重頭來過，這個西我一定會更新的，現在正得閒搞搞，我相信最先會更新的將會是世間絕技...不過是重做的舊東西...因為部腦炒了，所以我自己又抵唔住頸的去重做...當然就有進步啦！
但願一切都會順順利利，同時亦祝大家（如果有人睇的話）心想事成...
02-06-17
去年說會再更新，結果又要隔了差不多一年才再更新，實在...
不再說這一年幹過些甚麼、遇過些甚麼了，反正都是老生常談...
重做的第一張世間絕技已經丟了上來...有興趣的朋友可以去看看，畀畀意見！
其他的世間絕技都在製作中，因為支WACOM死了，所以暫時都要用個老鼠做住先...
任何路，但願大家明天會更好啦~~
02-06-19
這幾天好似好努力咁更新個西，至少令人睇落都好似有料到先（有人睇至算）...
將自己拍的照片丟了上來，有興趣睇我影相成點的朋友可以去看看...
不過最邪門都可以話係今天去影相時，其中一卷菲林原來已經係用過的（菲林由友人鴿子大嘴鳥提供），搞到影完後成筒相都好似心靈寫真咁...有個「鬼影」出現...
02-06-21
因為遇到菲林出現鬼影，於是就走了去「補飛」...結果如何大家可以去看看...
鴿子大嘴鳥提話千祈唔好再提「鬼影」哩件事,但願佢可以安息啦~~
02-07-03
新加了PHOTO WORKS。因為一個笑話，開始了做圖。做得幾張就擺上來給大家睇睇..當中不乏個人趣味同出賣友情，不過自己手上的圖有限，比較麻煩...
02-07-19
新加了COMIC。有興趣可以睇睇...近排做某航空公司的DATA
ENTRY，即是愚公移山遊戲。原諗住睇0下可唔順便ENTRY埋D空姐...怎料....我都係寧願ENTRY
D DATA好D...
02-07-24
新加了幾張數碼相，相機是問呀卡借的（早前就問鴿子大嘴鳥借單鏡機）。無可否認，數碼機是一種很方便的工具，不過會有很多女孩以為你將會偷影佢裙底...用數碼機的感覺及效果與單鏡機當然不同啦~~加上自己近來心情／心態上的轉變，所以影出來的東西會與以往的有少許不同...
02-08-13
又加了幾張數碼相。這兩個星期都做了不少有意義的事，例如首次學人玩28D啦~~至少我已達至洗欏柚的境界...早陣子去了睇呀JUN個騷，好睇就預0左的，但順勢我0地成班人就將呀卡推落好多個唔同的深淵，不過佢係笑住碌落去的...近排行緊「撞人運」，係咁不停撞到好多新知舊雨。呀卡話咁係大限將至的先兆，撞晒就可以安心去咁話。不過我就唔驚呀，話晒我都仲有好多朋友未畀我撞見~~
03-02-03
WELL...又好多個月冇理過西了。當然，例牌地又會話哩幾個月發生0左好多事啦。任何路，家陣我仲生存緊，都算係唔錯。早前部腦炒了，令我又失去了唔少青春，大佬，都冇乜幾多剩啦，放過我啦~~最近最開心的係用個WINAMP擔撈返唔少舊歌，令我又再重捨返唔少青春。究竟最後係老虎牙、金牛座、耗子或者係邊個跑出唻呢？哩個就真係天曉得啦~~我知你0地唔明（如果真係有人睇的話），但畀我講０下都得掛∼∼搵份正職都算去年最大成就啦∼∼家陣真係世界難撈呀咁多位。諗住會再執執個西，當然又係搵日先啦∼∼
24-02-03
好簡單地執了個西，沒有甚麼大變化，加了三篇文章。近日最大盛事首推哩個我榮昇做cyber江山聖玉王朝的絕對昏君聖玉王石高飛啦~~仲得呀大俠單乳頭同老鼠愛上卡卿的幫助，加上篤信埋禍國殃民的半塊大師，另加一個不在乎天長地久，只在乎cyber擁有的國舅，真的人材濟濟呀~~至係我哩個朕，仲欠一個皇妃。不過呢，個王朝成立不久，大家都想佢快d滅亡......
另一單咪就係哩單囉~~估唔到最後係呀得意妹彈出，仲要係遙遙領先喎~~真係呢~~朕近排心情唔算靚，因為又再踏入週期性情緒低落啦~~不過就想講多句，因為大俠的幫助，朕在2月22日過得好開心，而我們三人都各自過得好有意義~~
02-03-03
心情忽上忽落，家陣朕變了一個懷春中年，點算？總之，2月27日都係一個值得記念（？）的日子。我會好記得哩個555左手同十十十右手....哈哈哈~~好耐未試過因為一個女仔而咁開心啦，亦都好耐未試過咁掛住一個女仔。家陣我就重回年青時的心情...患得患失、忽上忽落....行為完全失控...自己成日個腦同自己鬥爭...究竟D事情同佢的反應係因為自己多心還是真係好似自己咁諗？究竟我個睇法可唔可以中立中肯D？自己係咪太過敏感？
無可否認我真係中晒毒，達至無得救的地步....成日個腦中不斷閃過哩個人的片段...無論係好久以前的還是近期的....係人都知有咁反應就只得一個原因...但現實係：十劃都未有一撇~~我都知家陣我咁發傻法係同平時的我好唔同，係幾唔正常的...不過在正常人眼中，咁先係正常呢~~ 嘿~估唔到我家陣咁0既狀態會變成大家的巡航影片~~不過唔緊要啦~我明白就算大家係八卦，都係出自關心的...況且我都會話~~
我活該 但ENJOY~~
03-03-03
無念...讓一切順其自然。
13-05-03
哩幾個月...WELL~~我真係唔知點講....成立0左「百無製作」，在無錢無演員無註冊....總之百無的情況下開始學人拍片，之後同新成立的「華安攝影」合作，再加上「英軍軍營（做CASTING的）」，就拍了幾條片咁啦、無啦啦又多0左個女
(個女幾好架，又可愛又靚靚又甚得我歡心∼)
...跟住得意妹又知道佢就係得意妹、多謝呀PAUL令我有難忘的一晚、己過去的又再出現...好煩人。不過咁都好，咁就令高飛學會一D
0野同埋諗通一D 0野。詳列如下：
--不再做鏡也不要做玻璃...我是高飛~
--順其自然不如順住個勢~
--未知結果也可讓自己享受最美好的過程~
--寧被人知莫被人見...畀得佢知就畀埋佢見ㄏ
--就算要死總好過生不如死~
--又唔係橙點解要等人揀？
--上心下心不如返屋企訓~
大俠話十分喜歡「又唔係橙點解要等人揀？」哩句喎~~
又，以下同大家簡單講解一下聖玉王朝的架構~~
CYBER江山
聖玉王朝架構(決定版)絕對昏君聖玉王石高飛...1件
可愛小郡主.........................1個
國舅華安.............................1名
半塊大師魚魚公................1位
老鼠愛上卡(低音)卿.........1隻
大俠單乳頭.........................1粒
歌姬彭C9............................1人
得意妹呀銀(民女).............1丁
註：聖玉王朝無太監及蟻民，故無稅可收，國庫空虛...
註2：因聖玉王一句「不愛江山愛美人」，朝中各人立即希望亡國...
註3：由於生活迫人加上聖玉王一句「只要亡國就會論功行賞（請食飯）」，朝中各人即化身啦啦隊積極獻計，但求早日有餐落肚...
