Tell mi bout the livity

(Some poems on the Rastafari Message Board)

Posted By: kamau
Date: Wednesday, 18 June 2003, at 4:29 p.m.

rasta man nuh reason bout the livity nuh more?
rastaman nuh reason bout haile selassie no more?

is wah???? rasta stop deal wit meditation an smoke out di chalice?
come in like is bere malice
bere cuss cuss an fuss fuss

bere ego id an superego
sugmund frued pikney dem

full a dem self an dem knowledge fi drown di utes
den come a tell we is di truth

kamau

* * *

Posted By: rasifree
Date: Wednesday, 18 June 2003, at 10:42 p.m.

In Response To: Tell mi bout the livity (kamau)

nyabinghi lion roar
zion bound echoes
soar
foriver more
iani explore
the inner meaning
of the third i
divine theocratic rastafari
i am what i am
yes i am
that i am
natty nazarite
warrior
in the area
consumed with uplifting the masses
with
truth
humilty
compassion.
iani journey
on narrow roads
gettin weary
but im lasting
fasting
pure thoughts and prayer
essential
for the essence
of the living jah
is within
the chest cavity
and between the temples.
positive
vibration
got to spread it to the youth
must be real. rastafari sons and dawtas
come to heal
how i feel
anotha day in babylon
beats and rhymes
food not bombs
sit
still.
in idiation
but
here comes
danja
anotha day of
danja in amerika
u know mi nah identify
iani claim the truth and right
of jah rastafari
guided and inspired by the holy
spirit
i hear it
mystic evolution
enlightening mankind
a people without knowledge of self
shall nevah find
oneness with
i
spiritual iration
puttin hearts and minds together
iani can build a nation
in any situation
selassie foundation
do dem feel what im saying
or better yet.
do dem feel the prescence of the camoflauged angels in the mist?
raise dem fist i the air if u plan to change the current state of affairs.
who really cares
each one teach one
knowledge must be shared.
so
tell mi bout Jah livity.

Trod di hills

Posted By: kamau
Date: Wednesday, 18 June 2003, at 11:28 p.m.

In Response To: Tell mi bout the livity (kamau)

.. beautiful as mi watch di butterfly perch, an di bees a do dem work
wake up dis mornin an say YESS JAH.. is time we trod the earth
reach for di chalwa, bible in hand, no special plan,
but jus couple i brethren seh mek we trod jah land
we trod di hills, buk up ras joe, an seh Isis Iyah mek we bun a likkle fyah
first mek we go chek Bongo Nyah outta Ocho Ria
Bongo NyAH!!! frwd we go bun a fiyah, mek we search a likle higher, an trod di hills

Yess, ini frwd mek we reason, this have no subject this have no reason it manifest wit the time an it pass as the season..
them say them have a problem.. dem say the rasta is fool, tru him have no education, cah dem tell ini bout dem simultaneous equation full up ini head wit frustration...
so we frustrate,
and get di brain impregnate wit babylon misconception of Haile Selassie education..

education teach man fi love inna unity, this unity u study it wit purity, u practice it wit maturity, and ensure di future generation conscious security.
the treasure of the mind is to each man his own pleasure,
for him to get satisfaction, him depend on a nex man reaction,
not to know him tellin the truth, but jus to know him shoot
the information down the mind of the youth,
so man tell the truth, dem no concern wit the youth,
Dem get high pon knowledge, to keep the youths inna bondage
an tell them fi have courage..

hold on rasta u talkin nonsence.. cas Selassie a di minister of Education, so di youths fi educate,
so yeah dem muss educate, but man a man take the knowledge an a mental masturbate an wont shed no love an for them pleasure a promote hate.

But Ises, i man sit in the breeze, an feel the kiss of nature, the kiss of Zion,
An hail the conquering lion, how dem tell ini i nuh educate when Jah manifest tru everyting him create...
him create the mind and the mind create sin, ism an schism white and black imperialism,
but i man cant sight that cus ini a trod di hill, outside a babylon patiently watchin
so i man turn .. an an look pon the butterfly an the busy bee at work, an ini seh Jah know.. look pon wah dem do to Jah earth.. ini touchin zion gate,
dem still a tell mi ini never educate, how i dont know I story, i dont know His-story.is pure CON-troversy.
so wah happen To MY story.. wah happen to My livity dont Jah Jah judge inna my own self glory,?

Turn to the brethren, too raas the brethren dem gone!!!..
is me alone, an time Goes ONN

BEAUTIFUL!!! Beautiful reasonings......

Posted By: Makeda Blake Hannah
Date: Thursday, 19 June 2003, at 9:00 a.m.

In Response To: Trod di hills (kamau)

Blessed Mona yute Kamau, and Blessed Ras Ifree!

What BEAUTIFUL poetry from 2 righteous Priests!!! What beautiful words and reasonings with which to start I day! These messages are truly a JAH inspIration. Truly words straight from di Irits of Righteous Livity.

Emperor Selassie I reign! Come, mek wi trod inna di mental hills forIva!!! See the Love of JAH in the beauty of nature. I-ditate on the Divine all around and within.

Bless JAH for revealing this high I-ditation of RASTAFARI to I simple wom(b)man, and embracing I in the Hola spiritual arms of His Imperial Majesty EMPEROR HAILE SELASSIE I.

JAH Bless you both for taking I to such Higher Heights!
ONE LOVE
Makeda

What a nice post!

Posted By: Bulls-I
Date: Thursday, 19 June 2003, at 9:21 a.m.

In Response To: Tell mi bout the livity (kamau)

Hail,

I think sometimes that this place needs to chill A LOT. You all have the right vibe for sure. Keep up the good work. Stand confidently in your faith. And I will see you there;)

Bulls-I