June 10, 2001

(Nutfah) Sura 23:13 (Calaqah) Sura 23:14 (Mudghah) Sura 23:14 Sura 23:14 Sura 23:14 Sura 32:9 | Sura 22:5 | Sura 22:5 Aayaadaha kore waxay tilmaamayaan Heererka Ilmuhu maro marka uu uurka kujiro.

Kitaabkeena Quraanka ah ma aha kitaab saynis ah oo ay ku qoran yihiin aragtiyo saynis ah sida (Newton theory or Einstain Relativity) Balse waxa weeye kitaab uu Allaah u soo dejiyey in lagu hannuusho Bani,aadamka oo looga saaro mugdiyada Jaahiliinta loona saaro Iftiinka Islaamka sida uu Allaah quraankiisa ku yiri:

( waa kitaab aan u soo dejinay si aad dadka kaga saarto mugdiyada oo aad u saarto nuurka...). 14:1

(A book which we have revealed unto thee, in order that thou mightest lead mankind out of the depths of the darkness into light- by the leave...)14:1

Inkasta oo uusan Quraanku kitaab Saynis aheyn haddana kama reebna in ay ku jiraan Afkaar muran ma doonta ah oo waayahan danbe uu Saynisku cadeeyey, Taas oo Dadka mu'miniinta ah iimaankooda u siyaadineysa xoog in uu kitaabkani Allaah xaggiisa ka yimid, sida uu Aabaheeen Nabi Ibraahiim uu allaah uga dalbaday in uu tusiyo sida uu Maydka u nooleeyo,markaas ayaa Allaah SWT ku yiri:(oo miyaadan rumaynin? Ibraahiim wuxuu ku jawaabay in aan rumeeyey iska daaye waan rumeeyey oo ah erey ka xeeldheer haa!!! Laakiin waxaan rabaa ayuu yiri Nabi Ibraahiim NNKH in uu qalbigeygu ku dago!!! sida ay carabtu ugu maahmaahdo (wax sheegu arragtida oo kale ma ahan).

Sidoo kale gaaladana waxay u caddeynaysaa in uusan Nabi Muxamed oo la yaqaan waqtiga uu joogay iyo meesha uu joogay in uu Aragtiyadan Saynis ka ah uu u soo waxyooday Allaah kaliya ee uusan asagu la iman. Sida uu qirtay Dhakhtarka weyn ee cilmiga Ilmaha(Embrology) Keith Moore ee kanadiyaanka ah oo macallin ka ah Jaamacadda Toronto oo leh Buugga u caansan cilmigaas oo 8 luqo lagu turjumay oo la yiraahdo:(The Human embrology).

Dr. keith waxaa loo geeyey Aaydaha quraanka ah ee ka hadlaaya marxaladaha uu Bani-aadamku ku maro uurka hooyadiis uu yaabay wuxuuna yiri in ay sax yihiin iska daaye sida aan ardeyda u barno habka quraanka ayaaba ka fudud. waxaa taas ka sii daran marxaladda uu quraanku ku tilmaayey (mudqa)wax la calaalshay ayuu sawiray markaas ayada ah waxayba u egtahay xanjo la calaalshay oo ilkihii ka muuqdaan.

Waxaa la weydiiyey DR.Keith Moore maxaa u maleynesaa in uu Muxamed cilmigaan ka helay 15 qarni ka hor,wuxuu yiri cilmiga casriga ah ee (ultrasound) iyo (X-rays) dad'diisu ma dhaafsana 30-40 sano marka waxaan leeyahay Muxamed cilmigaa Allaah ayaa u soo waxyooday ee meel kale kama keeni karo, waxaa la yiri ma adiga oo Masiixi ah oo Ciise rumaysan ayaa sidaa oranaaya, wuxuu ku jawaabay waxaan aaminsanahay Ciise iyo Muxamedba in hal ilaah u soo wada waxyooday. waxaa kaloo laga codsaday in uu Buugiisa ku daro Aayadahan Quraanka ah ,wuuna ogolaaday oo waxaa la daabacay waxaana la yiraahdaa;( the human embrology with the verses of Koran)!!!!!.

Akhristoow taas waxaa ka sii daran labo war bixin oo dhawaantan ay soo saareen la hay'adood oo cilmi Baaris ah oo mareykan ah midda hore waxaa soo saartay Jaamicadda weyn ee (Harvard university researchers) oo 15,000 oo dhallinyaro ah oo lagu soo koriyey caanaha( formula) ooysan Hooyooyinkood nuujinin in Boqolkiiba 22 ay ka buurnaadaan ilmaha kale ee hooyooyinkood nuujiyaan marka ay gaaraan da'da 9 ilaa 14.sidoo kale warbixintu waxay ku sii dartay in inta badan ee ay carruurtu naaska hooyadood nuugaan in ay ka cayil yar yihiin ilmaha aan wax badan la jaqsiin naaska hooyadood.

Isla Baaritaankaas oo kale waxaa ayaduna sameysay Machadka qaranka ee caafimaadka mareykanka(NIH ) kadib markuu baaritaan ku sameyey 2,685 carruur yar yar oo da'doodu u dhaxayso3 ila 5 sano waxay ayaguna heleen in naas nuujintu ay yareyso khatarta uu cunugu Buurni xad dhaaf ah ku buuran karo marka uu weynaado.

Warbixintu waxay intaas ku dartay ayadoo waligeedba dhakhaatiirta iyo xarumaha caafimaadku u doodaayeen in Naas nuujintu faa'ido u leedahay caafimaadka carruurta iyo hooyadaba ayey Baaritaankaan danbi ku soo kordhisay xiisad hor leh faa'dooyinka ilmuhu ka helayaan naas nuujinta oo aad iyo aad ugu yar Dawladaha reer galbeedka ee aan u naqaan in ay horay u mareen se hantaqa ka sii shalwanaaya!!.

Sida ay sheegtay warbixintaasi Boqolkiiba 29 kaliya ayaa mareykanka la nuujiyaa lix bilood oo ah inta ugu yar ay yiraahdeen akadeemiyada mareykanka ee caafimaadka carruurta(American Academy of pediatrics).

Buurnida aan ka hadleyno waa buurnida xad dhaafka ah ee maanta noqotay cudur la iskala dagaalamo,maxaayeelay dadka aadka u buurani waxay halis u yihiin in ay ku dhacaan cuduro halis ah sida Sokorowga, cudurada wadnaha, qalalka maskaxda, iyo dhibaatooyin badan oo ay ka mid yihiin dadka oo ku quursada.

Haatan waxaad is weydiineysaa maxaa Haweenka Soomaaliyeed oo yaraantoodii Sannad iyo ka badan la nuujiyey, Buurnida Haweenka Soomaaliyeed badanaa waxay dhacdaa guurka kadib, waxayna ku timaadaa cayil iska ilaalin la,aan wixii doono la ruugo taasinna wax kaa celin kara majirto adiga oo iska ilaaliya mooyee(Diet), laakiin midda aan ka hadleyno waa mid ku imaaneysa carruurta ayaga laga ilaalinaayo cayilitaanka(Diet).

Sababaha ugu badan oo aysan hooyooyinka reer galbeedku carruurtooda u nuujinin waxa waaye ayagoo laga rabo in ay shaqo dhakhso ugu noqdaan taas ooysan u saamixaynin goobta shaqadu.(1).

DIINTU WAXA AY KATIRI NAAS NUUJINTA

Haatanna aann u soo noqdo waxa ay Diinteena sharafta lihi ay ka tiri naas nuujinta, wuxuu rabi quraankiisa ku faray in Haweenka ay ilmahooda nuujiyaan labo sano, wuxuu allaah ku yiri:

( Hooyoonyinku ha nuujiyeen carruurtooda labo sano oo kaamil ah,waa ruuxii doona in uu nuujitaanka dhameystiro,Nimankana waxaa waajib ku ah in ay quudiyaan iyo in ay dhar u gadaan si macruuf ku jiro...).2:233.

( the mothers shall give.suck to their offsprings.for two whole years for whom who desires to complete the term.but he shall bear the cost of their food and clothing)2:233.

Sidoo kale Nabi NNKH wuxuu celiyey haweeney uur leh oo uu xad ku waajibay in la dilo markay qiratay in ay sineysatay Nabigana ay ka dalabtay in uu dhahiro oo xadka ka oofiyo, wuxuu ku yiri horta kala imaaw oo uurka aad wado soo dhal ,markay dhashay ayey ula timid ayadoo wadata cunug wuxuuna faray in ay labo sano soo nuujiso oo marka ay naaska ka soo gooyso u soo noqoto,kadib ayey sidii yeeshay oo labon sano kadib ayadoo uu cunugii muufo gacanta ku haysto u keenta,markaas ayuu Nabigu NNKH faray in xadka laga oofiyo.

Sidaas muxuu nabigu u yeelay waa faa'idada uu naasku u leeyahay carruurta marka ay yar yihiin. Runtii Kitaabkeena quraanka waxuu nagu hanuuninayaa wax kasta waxa ugu fiican, sida uu allaah yiri:

( Quraankani wuxuu idinku hanuuninayaa wax kasta waxa ugu fiican)17:9

( verily this Qurandoth guide to thatwhich most right or stable)17:9

Allaah wuxuu kaloo yiri asagoo noo sheegaaya wixii Asaga iyo quraankiisa ka soo haray in ay baadil yihiin iyo lumitaan :

(... maxaa xaqa ka danbeeya lumitaan mooyee)10:32

( such is Allah,your true Lord:aprt from the truth,what (remains) but error?!!! 10:32

Maanta waxaan la yaabaa Dadka Muslimiinta ah ee asagoo Rabbi siiyey Kitaabkaas Qayimka ah ee wax kasta iskugu jira: shareeco, akhlaaq, siyaasad, dhaqaale, taariikh, Adaab, hanuun, Saynis, Toosin, iftiin, nabadgalyo, is-ixtiraam, xaq dhowr, caddaalad, Nuur , iftiin, Aakhiro jano, adduunkana aflax!!!! (aan kudhaqmin ama ka faa'iidaysan.)

Kitabkaas dhankii laga eegaba ah midka la xulanaayo oo Allaah noo soo dejiyey in aan ku dhaafsano fikrad bani,aadam oo gaaban taas ayaa ah meel ka dhac iyo habaaw iyo lumis run ah iyo Baadil aan wax ka danbeeyaa jirin!!!!!!!!!

Se siduu rabi yiri Quraanka warkiisa mar danbe ayaan ogaan doonaa, tolow ma marka ay Sanisyahaniintu noo sharxaanbaa sida DR.Keith Moore ama Harvard University,taas oo ayaduba fikrad naga maqan ah,mise waa mid ka sii daran oo ah marka aan dhimano oo nala soo bixiyo ayaan Quraanka warkiisa ogaan doonaa, inta aysan taasi dhicin yaanan Quraanka wax kale ku Doorsanin.

Allaah wuxuu yiri:

( Quraanka warkiisa waxaad ogaan doontaan waqti kadib)38:88

(" and ye shall certainly know the truth of it(all) after a while").38:88.

Akhri qaybta labaad ee qoraalkan

WABILAAHI TAWFIIQ