Mehfil-e-Ahlul Bayt
URDU SHAAYRI
Naat - Ahle nazar ki aankh ka tara Ali Ali
Ahle nazar ki aankh ka tara Ali Ali,
Ahle wafa ke dil ka sahara Ali Ali.
Rehmat ne le liya mujhe aaghosh-e-noor mein,
Maine kabhi jo roke pukara Ali Ali.
Ek kaif ek suroor sa rehta hai raat din,
Jab se hua hai vird hamara Ali Ali.
Duniya mein sab se aali gharaane ke noor ho,
Is vaaste hai naam tumhara Ali Ali.
Aazam ye maghfirat ki sanad hai hamare paas,
Hum hain Ali ke aur hamara Ali Ali.
~ Aazam