DI MISAYIBI SONÊ CEM
Nıka cem u cemati biyê zaf. Sarê ma Ewroba de ki şono cemat. Çığa çiye de rınd.
 Rocê Xızır de jü mısayip bızıka xo poceno tev (be) cêniya xo şono suka Elemani Köln çê musayibe xo.
Eke êno çe musayibe xo kelê xo jüvinra bırnenê. Hal xatırê jüvini perskenê. Nonê xo ke wenê; çayê xo ke şımenê.
Mısayib mısayibanê xo ra vano:
-Bıra şıma rınd ke amê ewro ita cemato ma pêro pia şıme cem.
Ê ki vanê:
-Zaf çiyê de rınd.
Neyse beno şan çarmina musayibi miyazê xo pocenê şonê cem.
Cem biyo pırê isana u Pir ke deyşa vano, mıleti vano:
-Hala hala...
Sewe zaf şona pir hona venga Heqi dano.
Pir Vano:
-Heqo tı şımşêrê dewleta ma tüjkerê. Heqo tı kemasiyê mede Dewleta ma. Seke pir vano: "Heqo tı şımşêrê dewlete tüjkerê." Musayibo jü veng xo bırneno. Qaytê musayibê xo keno musayibi çımê xo guerte serê xo ano beno hini zero can ra vanoke "Hala hala..." handê vacê.
No qaytê musayibê xo keno u cıra vano:
 -Nênê tı niya wana hala hala, tı zana waxto ke şımşêrê dewlete bi tüj kami bırneno?
Musayip hini çayê xo vınet u qaytê musayibe xo kerd. Va:
-Nê.
-Nê nê qa ke şımşêrê dewlete ke bi tüj, ma bırneno.
  Rocê mordemê zere çêno. Cêniya dê nê bena doxtor. Doxtor nê muane keno. Doxtor vano şo miza xo biya. No şono miza xo keno u dano çêniya xo wa a bero bıdo doxtori. Cênıke sekena bardax dest ra gıneno wara, mizi rışinade. Na hermete zaf merdê xo ra tersena, ayera şona u miza xo kena bena dana doxtori.

Zamanê wereno ra, nê şonê lewê doxtori.
Doxtor cıra vano:
-Çımê şıma roşt bê, tı bı domana nêweşa (dıaskana).
Mêrık çênıka xo ra beno hers u cıra vano:
-Mı to ra, nêva meveciyê mıser.
Cênike vana:
-Nê nê meterse miza to nêbiye, miza mı biye.
 

Golıka Mısayibi
Rocê jü mısayip şono çê mısayibê xo. Jüvini pers kenê; tenê qesê kenê eke xelê ke nıştro. Mısayibe non ana, nê ke dormê sırfi de nişenê ro non wenê. Qaftla veng qunore mısayibi. Seke veng qunore mısayibi, mısayip vezeno ra u tewr mısayibanê xo ra xatır nêwazeno u şono çê xo.
Zamanê ke quno werte mısayip ancia tekneno şono çê mısayibê xo. Ancia jüvini ze her waxt pers kenê. Ancia ke werdene amê werte. Mısayip sırfi sera ke nıştro qayt kerd ke heto binde jü qote naro u serê dae tahê pışto. No mordemek mısayibê xora pers keno:
-Nênê bra na qote çıka?
Qonax sayibi ki sanki qe çiyê nebiyo hama cewab da:
-Bra par golıko ke to ita ca verda aw a.
Seke niya vano mısayip tewr veng nêkeno u vezeno ra ancia şono.
SILO TIRING
Mezra Aliyê Alê Seyidi ra, Aliyê Alê Seyidi zaf leqçi bi. Aliyê Alê Seyidi şono lewê Sılê Tırıngi u cıra vano:
-Ero Sılo mılet to ra vano Sılo Tırıng, mı ra vano Alo Seqet. No niya nêbeno. Ma gereke xore cıdime
Sıl bı vengê qalınd ebe mereq va:
-Se?
-Bê ma şıme, caê de teyna qe kes uja çino. Tı mı ra vace seqet. Ezi ki to ra vana Sılo Tırıng. Ma indi xo danime re cı.
Sıl vano, hêya nê şonê serê dewe uja telpê de bırr estê, Alê Seyidi Sılê Tırıng ra vano:
- Tı şo a hetê telpi ezi ki na hetê telp de vındena. Tı mı ra vace Alo Seqet ezi ki to ra vana Sılo Tırıng. Ebe na qeyde ma xo danimera cı. Wa indi şar wa vano çı wa vaco.
Sıl şono hetê telpê bini. Al Sıl ra vano verde tı vace. Neyse Sıl Ali ra vano:
-Alo seqet, seqet, seqet...
Dore êna Ali:
-Sılo Tırıng, Sılo Tırıng, tırıng...
Niya ke jüvinra çen defê vanê pêniye deke Al qayt keno ke Sıl qarino no keno derg:
-Sılo Tırııngg, tıırıııgggg.....
 Eke Al niya keno derg, Sıl beno hêrs eke Sıl beno hêrs Al daina keno derg. Sıl zede qarino Ali ra xeberda no ebe kemera, hetan dewe jü fetelneno.
 
 
Heri Elman de çinê?

Reqasa ra mordemê Elman de xebetino eke şono welat cirani êne dorme hal xatır perskenê. Dewe de çênike esta namê xo Mobeta. Na ki êna çê almanci hal xatırê dê ke pers kena cıra tenê pera wazena. Almanci hesap keno çıra vano ez pera dana ita; niya xerc kena. Pêniye de vano:
-Ez poncaz mark ki dana cêniyanê Elmani. Eke niya vano. Mobete bena şaş u almanci  ra vana:
-Nê nê bra tı raşt vana. Qey heri Elman de çinê?
 

Miya ma xuya miyanê çê Esxani guretê
Mobete şona ke miyanê xuya lenga bıdoşo. Sekena miya dae nêverdanake a bıdoşo. Na ki bena hers u vana:
-Nê miye ma şiyê lewê miyanê çê Esxani xüyê dina guretê.
Tıfengi se xo dowe
Rocê Eskerê tırka erzeno dewe ser. Mobeteki tıfengê domananê xo kena sepet,  tenê waş u sımer kena ser u verba loda şona u xo xode vana: "To piya kiştêne, piya kiştene senêna, debê piya bıkışe. Nıka ki se xo eşto pê qena mı. Ca çino ke cukio."
Tırki biti
Esker erzeno dewe ser. Dı eskeri çênekê de qıjke ke benê oda bine u cıra pers kenê. "Tıfengê şıma esto ya çino, apê to kotiro." Eke niya vanê çêneke qe nê tersena u vana: " Tıfegımız yoğtır, amca bilmirem nede, türkçe biti" vana u remena şona oda bine.
so pela seri