LAWİKA CIRÊ VACİ by Memê Koêkorta |
|
LAWİKA CIR VACİ
koêbingoli koê ma o
çê ma o koê ma koê mıradan o koê ziyar u ewliyan o koê bav u khalkan o warê ma o estê hezar goli
boya gul u sosınanê koêbingoli
andalê kafıri
awxa serdına ke vecina
mı şenık astori u heri vaznayi
koê mıno delal
vınde bıra vınde
koêbingoli zano halê mıletê ma
koêbingoli caê eşqı bi
|
wayirê koêbingoli pilo
koêbingoli umıdê mılati o
germê amnani de umıdê feqıra o
|
amnani
germê amnani zê adır vêşene çala
waxtê wara
amnani biyêne şen.
astora heskerdêne serbestiye ra
amnani biyêne şen
|
kaykerdêne domana wertê wele de
domana heri vaznêne domani şiyêne selxi ver domana do berdêne dewe domana çêkeki kaykerdêne xo vêra kerdêne mıleti derdê xo jüvinde leqi kerdêne amnani biyêne zê suke
to vatê veyvo amnani
cirit kaykerdêne xorta
azeba fistanê xuyê
vınde bıra vınde
koê mınê delali ra vacê
koê mıno delal
|
XERİBİYE
xeribiye zora
bêkesiye zora xeribiye de cirani düri yê hevali düri yê dewe düri ya welat düri o welat xerib o |
xeribiye de
isan nêhün o teyna ro xo keno vindi ebe xo cere no xo nêvêneno |
dayike qêrena
hevali waayi cirani qêrenê: memê maa memê maa! lilika çımê maa vereka ma bê lewê ma mevınde teyna mevınde bêma |
REQASA
reqasa
dewa mı domantina mı xortina mı yara mı reqasa da mı can kerda pil ez kerda wayirê çê kerda sermiyan reqasa her çiyê mına hesreta mına ahxa mina |
reqasa
ana mı vêri domatina mı ana mı vêri xortbina mı ana mı vêri dayika mı ana mı vêri hevalanê mı reqasa
|
vezena ra
her roc ebe namê reqasa kuna ra her roc ebe namê reqasa mı vêri de ra phonc waxtı reqasa phonc waxtı nıvisnen computer de reqasa |
çinıtêne mergi
kerdêne şımêli kerdêne dırmıxe kerdêne gırze kerdêne lodi araqê pala
|
vaşi biyêne çeqer
veciyêne ancia gewetine gewetine xo kerdêne çeqer hegayi reştêne biyêne çeqer amnan xelesiyne
|
şuvade bi rıskê zımıstani
şuvi umudê zımıstani bi asêne şuvi rındek vatêne belki şuvi niyê xaliyê nêro wertê merga u dormê merga de araqê pala
|
TEWLO
zaf bi derdê mıletê ma
ma va şenık keme derdê mıletê ma bıvênime cı rê derman derman nêdi ma derd daina kerd zêde |
BİYÊNE DEWE DE
ma sebiyêne
ez nıka dalasure de gaanê cuna verde biyêne bıvraştêne wela sure ra cuni kaykerdêne zê domananê qıjkeka kaykerdêne çêke ki yaki kaykerdêne
ma sebiyêne
yaki selxi verde biyêne
yaki kolıkvan biyêne
|
ma sebiyêne
ez nıka cerdane koêkorta de biyêne mı corde xo cerda ra war kerdêne biyamêne korta mı buwerdêne serê şıtı dızdêniya maa xo yaki seri kemerê qertali
yaki nıka pêbonade biyêne
|
ma sebiyêne
ez nıka dewa made dormê mı de bıyêne ciranê ma qesê bıkerdêne ma xorê bıkerdêne haşi leqi xeberdêne cêniyanê dewa mara mucul biyêne marê ap hasenê xalıti marê xalıka xo bırnêne yaki meselê de bine
aaaxh!
|
WAXTÊ VERİ
xezulbe waxtê veri
verde feqır bi mılet derdê xo bi ancia leqi bi ancia hüyayiş bi maa kotime
ma nıka ...
|
verd ra waxtê hüyayişi
xezulbe waxtê veri
|
heqa merdi biye
heqa cêniye biye heqa ciran biye heqa maa u pi biye ma nıka .... verd ra waxtê hüyayişi
|
MEKE TELEFON
tı ancia bena hers mıra
tı mı ra vana: qey tı niya muruzuna ma ez mebi muruzun kam beno muruzun tı ancia telefon de vana:
vanê eskeri eşto
|
vanê amo kıştene lacê xalê mı
biyo vindi derezayê mı tewr kes nêzano sebiyo tewr wayirê xo çino ki şoro estenbol de roca şemi de resmê de bıcêro vındo wertê wayirê vınbiyanade ancia mı kerd ewro telefon
to va lacê
|
ancia mı di emşo hewnê de xırab
ancia çımanê mı verde ra waa mı şıma waa mı berde doxtor va: zêde nêweşa doxtori va çı? ancia mı di emşo hewnê de xırab
indi beso
|
MA NO ÇIKO
qey marê bi niya
qey ma feqırme niya qey ma xeribiyê derime qey ma niya bıme vıla ma no çıko bao bao no çıko bepug marê buwano qey marê niya bi qey ma niya feqır me qey kuli derd marê qey pêro xeribiyê marê ma no çıko bao bao no çıko bepug marê buwano |
BÊVENGÊ
welatê ma zê itayi niyo
kemeri estê dari estê teli estê teli şonê bêçika ra şonê linga ra goni êna linga ra jandanê lingi kesi ra veng nêvecino ze lalanê, zê geranê isanê ma zê isani itayi niyo
rojê ma zê rojê itayi niyo
|
non u awxa ma zê itayi niya koso genımo lazuto korego weşanê nêwazenê non têşanê nêwazenê awxe kesi vengê xo nekerd zê lalanê, zê geranê nêweşê ma zê nêweşanê itayi niyê
|
cêniyê ma zê cêniyanê itayi niyê cuanıkê sermiyanê qesê nêkenê kenê çewt sere oncenê we herme merde nêdano qesê kerdene zê lalanê, zê geranê domanê ma zê domananê itayi niyê qêrenê zibenê berbenê non wazenê şıt wazenê kes non nêdanocı kes şıt nedanocı pêro qayt kene kesi ra veng nêvecino zê lalanê, zê geranê |