تمايل زولك

تمايل زولك قبالي, وتخيلي أثر طيفك
وثار الفرح في قلبي وفي عيني الوله طافي

وشفتك قلت يا ربي, عجيبه كل تواصيفك
غريب بزينك وحسنك ومثلك في البشر مافي

ويامحلاك لا سولفت أعشقها سواليفك
أعشق مزحك وجدك أعشق طيبك ا لوافي

مدام انك ملكت الروح تامرني على كيفك
ولوحتى تجرحني أحسه جرحك الشافي

ترى زهرك نبت فيني في عز شتاك وفي صيفك
وأحلى شعور بالدنيا لقيته بصدرك الدافي

تمايل زولك قبالي وتخيلي أثر طيفك
أثاري زولك الغالي لفاني يوم انا غافي

بشــاير الشيباني