Helsinki, 3.04. 2007

Në lokalet e WSOY-së në një atmosferë solemne dhe në prezencën e shumë figurave të shquara finlandeze dhe të diaspores shqiptare u bë promovimi i librit të Arto Paasilinës në gjuhën shqipe nga përkthyesja e re Rudina Verdha-studente në Universitetin e Helsinkit.

Libri është shtypur në shtëpinë botuese ´Ora´ në Shqipëri nga viti që lam pas.

`Ky roman paraqet një rast historik në lëminë e përkthimeve letrare nga gjuha finlandeze në atë shqipe për vetë faktin se romani në fjalë është vepra e parë e përkthyer nga finlandishtja drejtpërdrejt në shqip d.m.th. pa ndërmjetësimin e ndonjë gjuhe të tretë´-shprehet z. Liljana Verdha studiuse dhe Konsulle Nderi e Shqipërisë e cila po ashtu është pothuajse në përfundim të përkthimit të eposit kombtar finlandez `Kalevala` në gjuhën shqipe.

´Ky roman në gjuhën shqipe do të na ndihmojë të kuptojmë më shumë dhe më për së afërmi rreth kulturës finlandeze`tha nder të tjera në fjalën e tij veprimtari nga Kosova z. Ramadan Miftari.

Vepra e autorit mjaft të njohur jo vetëm në Finlandë por edhe më gjerë është e përkthyer në rreth 40 gjuhë të ndryshme. Përkthimi i romanit ´´Elämä lyhyt, Rytkönen pitkä´´ (Jeta e shkurtër, Rytkënen i gjatë) nga Rudina Verdha në gjuhën shqipe mban titullin `Truthari nga Tapiola`. Libri flet për Taveti Rytkënen 68 vjeç i cili pasi që tërhjek disa para goxha të majme nga Banka Kombëtare e Tapiolës largohet pa ditur se nga kishte ardhur dhe nga do shkojë, nën këtë ndjenjë përhumbjeje ai harron portofolin dhe dokumentat e indentifikimit, dhe për më tepër atij nuk i kujtohet se për se kishte tërhequr gjithë ato para, por për të kuptuar se ´ç ndodh me tutje libri duhet lexuar në tërësi, i cili mbase në duart e lexuesve shqiptarë në Finlandë do të sigurohet nga Shqipëria nëpërmjet distribuesve-shoqatave shqiptare që veprojnë në Finlandë.

Sh.M.Hoxha