FITXA TEUNICA Chenero: Aragosaurus Clasificazión: Sauropoda, Titanosauromorfa, Camarasaurida Longaria: 17-18 metros Peso: dica arribar a ras 15-20 toneladas Periodo: Cretazico escomenzipial, fa unas 123-125 milions d'anyadas Trobau en: Aragón
		A penar de que s'eban trobaus repuís de dinosaurios en a peninsula iberica antis d'escubillar a l'Aragosaurus, os chigans uesos d'iste sauropodo repersentón a primera espezie nuebiza de dinosaurio que yera trobata en iste lugar d'o mundo. Ye uno d'os poquéz sauropodos que se conoxen d'o periodo cretazico-inferior. Nomás s'án desenrronaus beluns repuís framentaus, pero s'á manteniu pro parti d'a carcaza ta contrimuestrar que ye intimamén rilazionau con o sauropodo nordamericán Camarasaurus. Igual como ro Camarasaurus, l'Aragosaurus puestar teneba un crapazín curto e compauto e un cuello moderadamén luengo. As diens, grans e amplas, yeran a consonán ta curtar as fuellas e as brancas d'as conniferas grans. As estremidáz anteriors tasamén yeran un poquet más curtas que as zageras e a coda luenga e musclosa. Bi-án claus continentals que contrimuestran que pariens d'amán de l'Aragosaurus bibiban en puestos chunto d'ers, pero tamién en os Estaus Atxuntaus e en l'este d'Africa. L'escubillamén d'istos fósils tan rilazionaus entre ers mesmos pero muito esparzius á aduyau a os zentificos a reconstruyir a posizión d'os continens asinas como yeran muitas milions d'anyadas entazaga. Como que os sauropodos no poderban aber nadau a trabiés d'os ozians, l'Aragosaurus e os suyos pariens d'amán tenión que aber-se botxau por as diferens arias d´a terra en as que s'án trobaus os suyos repuis fosilizaus. Si istos animals adubión ir dende os Estaus Atxuntaus dica Uropa u dica Africa, istos continens abión d'aber estau conneutaus en os periodos churasico luenyán e cretazico escomenzipial.
			Tornar entazaga