Os mons que ban bier naxer Aragón tenen una istoria mitolotxica. Ista ye a istorieta d'a ninfa e a bestia.

Pirene, polita ninfa d'os auguamanals, ba estar desinnata por o dios Zeus ta rodiar as puras auguas, garonas e rius d'una d'as millors bals d'a terra. Allá, inmensas selbas d'árbols de toz as espezies conbibiban con animals plegaus de toz os laus d'o mundo. Sempre yera estiu e bi-eban flors de toz os colors que inpliban o paisatxe d'una ulor espezial. En as altas tucas amanatas a ra bal, bibiba Cherión, fierismo mostro de tres capezas que xorrontaba a ras chens e animals d'a bal. O mostro d´os tozuels s'enzerrinié en poseder a Pirene pero, sempre que prebaba d'amanar-se a ra dulze ninfa, yera repusau por a betxetazión d'a selba que crexeba rodián-lo e esgarritxán as suyas tres fatxas. Aborreziu por no satisfer o suyo deseyo, Cherión atxuntié una e atra boira d'o zielo dica enzetar un oratxe que ba cremar tot a bal. Zeus, encalabrinau por os quefers d'o mostro, adrezié a Érculs ta carranyar-le. Érculs, namorau de Pirene, puyié a os mons e luitié con Cherión dica amoratar-lo. Allora, ba porposar a Pirene que ise a bibir a l'Olimpo con er e os dioses. A ninfa d´os auguamals refusó por que cosiraba a bal e izié de tornar-ie. Cuan i-plegié alufrié l'esferra causata por o fuego. Pirene, zaga sospirar, ba chemecar e amortié de pena. Dentonzes, ba estar Érculs mesmo qui debantó con as suyas mans una ripa de pueyos, tozals, mons e montanyas ta que estasen una cantada eterna a ra ninfa apedecata, e lis metié ixe nome que remeraremos perenmén: Perineu.

LISTAU D'OS DIOSES EN A MITOLOTXIYA CLASICA

Nome griego

Nome romano

Influyenzia

Atributos

cuerno paloma aspo, laurel armas pardo, luna olibera, babieca corona laurels, bite espiga, tozin d'oro enclusa pabo reyal alas, piez, calzero totxo fusta forca rayada, alica

ADES AFRODITA APOLO ARES ARTEMIS ATENEYA BACO DEMÉTER EFESTO ERA ERMES ESTIA POSEIDÓN ZEUS

PLUTÓN BENUS APOLO MARTE DIANA MINERBA LIBER PÁTER ZERES BULCANO CHUNO MERCURIO BESTA NEUTUNO CHUPITER

dios d'os infiernos diosa d'a polideza e l'aimor dios d'a mosica e a puesiya dios d'a gerra diosa d'a cazera e as selbas diosa d'a sapenzia e a razón dios d'o bino e os plazers dios d'as labranzas e as fruitas dios d'o fuego raina de l'Olimpo, diosa d'as mullers dios d'as mercanzas e os furtadors diosa d'o fogar dios d'os rius e os mars rai de l'Olimpo, dios d'o zielo

Afrodita, diosa d'o deseyo

Apolo, fillo de Zeus

Tornar entazaga