Costituzion Uropeya
	ISPIRANDO-SE en l'erenzio cultural, relitxioso e umanistico d'Uropa, con o cualo s'an desembolicaus as balors unibersals d'os dreitos inbiolables e inalienables d'a presona umana, a democrazia, a igualdat, a libertat e l'Estau de Dreito, CONBENZIUS de que Uropa, agora arregunita zaga dolorosas esperienzias, se propone abanzar por l'endrezera d'a zebilizazion, o porgreso e a prosperidat por o bien de toz os suyos abitans, sin xublidar a os mas debils e desfaborezius; de que quier continar seyendo un continen ubierto a ra cultura, a o saper e a o porgreso sozial; de que deseya afondar en o carauter democratico e trasparen d'a suya bida publica e ubrar en pro d'a paz, a chustizia e a solidaridat en o mundo, CONBENZIUS de queos pueblos d'Uropa, sin dixar de creyer-se orguellosos d'a suya identidat e d'a suya istoria nazional, sen dezidius a superar as suyas biellas dibisions e, cada begata mas estreitamen atxuntaus, a forxar un destino comun, SEGURS de que, "Arregunita en a dibersidat", Uropa lis brinda as millors posibilidaz de porsegir, respetando os dreitos de toz e cosziens d'a suya responsabilidat ta con as chenerazions esbenideras e a Tierra, a gran abentura que fa d'era un espazio pribiletxiau ta l'esperanza umana, DEZIDIUS a continar l'obra reyalizata en o marco d'os Trataus costitutibos d'as Comunidaz Uropeyas e d'o Tratau d'Aunion Uropeya, garantizando a continuidat de l'azerbo comunitario, AGRADEZIUS a os miembros d'a Conbenzion Uropeya por aber elaborau o proyeuto d'ista Costituzion en nome d'os ziudadanos e d'os Estaus d'Uropa, se creya ista ra Primera Costituzion uropeya. (2005)