 |
 |
 |
 |
| MESANDEL V. ARGUELLES |
| Estranghero ni Baudelaire |
| THE AUTHOR HOLDS THE COPYRIGHT TO THIS POEM. THIS IS POSTED WITH PERMISSION FROM THE AUTHOR. |
| THIS IS PART OF THE LITERATURA READING SERIES | CLICK HERE TO GO BACK TO LITERATURA |
| Kung ang mga patak ng ulan ay mga linya ng tula at mistikal na bumababa mula sa mga ulap, ako ang estranghero ni Baudelaire na umiibig sa mga ulap. Lumalakad nang payapa at marahan ang kagampang mga ulap at humihimpil sandali sa tapat ng aking tahanan upang ibuhos ang kanilang masaganang galak. Kahit inaasahan, nagugulat pa rin ako pagkatok nila sa aking bubungan. Mataman kong pinakikinggan ang kanilang ritmong bagama’t paulit-ulit ay waring palaging iba sa huli. Paano ko isusulat ang mga linya ng tulang mga patak ng ulan? Maiksi ang kanilang pag-iral, liban kung siyam- siyam, at bago ako matauhan ay pahagikhik na silang lumilisan sa mga kanal at daluyan patungong ilog, patungong dagat. Kung may ilan akong tula, sinahod ko ito sa ilang nagdaang unang ulan ng Mayo at ipinanggagamot sa malubha kong kalungkutan. This poem is part of the collection that won Third Prize for Tula in the 2005 Palanca Awards |