Lögreglan í Mexíkó hefur handtekið skurðlækni sem fyrir slysni fjarlægði getnaðarlim af sjúklingi sínum sem hugðist láta umskera sig. Dr. Francisco Javier Valentin y Ortiz verður væntanlega kærður fyrir læknamistök, ófagleg vinnubrögð og framkvæma aðgerð án tilskilinna leyfa. Valentin y Ortiz hafði ekki leyfi til að umskera fólk.
 

Rúmenskur maður hringdi í fjölskyldu sína og bað um að láta sækja sig á spítala á sama tíma og hún var að undirbúa jarðarför hans. Læknar á spítalanum hringdu í fjölskyldu mannsins til að láta vita að hann væri látinn. Þeir fóru hinsvegar línu villt og hringdu í vitlausa fjölskyldu. Þegar hinn sprell lifandi maður var útskrifaður hringdi hann heim og fékk þá að vita af eigin jarðarför
 

Kona í Bandaríkjunum er að reyna hætta reykja til að losa hundinn sinn við níkótínfíknina. Yvonne Stubbs hefur ekki fengið sér smók í 20 daga þar sem hundurinn hennar át alltaf sígarettustubbana hennar. Hún segist jafnvel hafa íhugað að gefa hundinum níkótínplástra, slík eru eftirköstin. "Mig langar til að prófa plásturinn en hann klórar hann bara af sér," sagði Yvonne. 
 

 Maður í New Jersey í Bandaríkjunum hefur étið pizzu og drukkið diet-kók á hverjum einasta degi síðastliðinn 5 ár en samkvæmt útreikningum frá Dominos Pizza veitingastaðnum í smábænum Ramsey hefur Mike Ulris hringt á pizzu á hverjum degi án þess að missa einn dag úr. Mike hefur hinsvegar aldrei stigið fæti inn á pizzastaðinn þar sem hann hefur alltaf pantað úr síma og fengið pizzuna heimsenda. Samkvæmt útreikningum hefur maðurinn étið yfir 2.000 sneiðar en hann hefur haft það sem vana að borða sex sneiðar á morgnanna með tveimur flöskum af diet-kóki og síðan restina af pizzunum í kringum 6-leytið og klukkan 11 á kvöldin. Mike Ulris segist ekki eiga örbylgjuofn til að hita pizzusneiðarnar upp þegar líða tekur á daginn né eldavél til að búa til hefðbundin heimatilbúinn mat. Hann segir einnig að hann hafi fengið mikið dálæti á pizzum fyrir 5 árum og hafi síðan pantað þær á hverjum degi - þökk sé Dominos Pizza.
 

Hundinum Forgea, sem rekið hefur um Kyrrahaf í nærri þrjár vikur matar- og vatnslítinn, var í gær bjargað um borð í fiskiskip undan ströndum Hawaii. Forgea var um borð í yfirgefnu tankskipi en mikil leit hefur staðið yfir að skipinu og hundinum að undanförnu. Áhöfn taívanska flutningaskipsins Insiko 1907 var bjargað um borð í skemmtiferðaskip 2. apríl. Eldur kom upp um borð í flutningaskipinu 13. mars og við það fór rafmagn af því og það varð sambandslaust við umheiminn. Hundurinn varð hins vegar eftir um borð og þegar af því fréttist skipulögðu bandarísk dýraverndunarsamtök björgunaraðgerðir. Lengi vel sást ekkert til skipsins og var um tíma talið að það hefði sokkið. En á laugardag sá áhöfn bandarískrar strandgæsluflugvélar skipið og hundinn hlaupandi á þilfarinu. Kassa með pítsu, súkkulaði og appelsínum var varpað til hundsins í skipinu og í gær kom fiskibátur á staðinn og bjargaði hundinum um borð. Von er á bátnum og Forgea til Honolulu í vikunni. 

Slökkviliðsmenn í Finnlandi komu innbrotsþjófi til hjálpar sem hafði fest sig í loftræstikerfi matvöruveslunnar sem hann hugðist ræna. Þjófurinn sem er tvítugur hafði brotist inn í stórmarkað í bænum Joensuu og hafði hann ætlað að láta þar til greypar sópa en gekk ekki betur en það að festa sig í loftræstikerfinu. Íbúar og gangandi vegfarendur tilkynntu lögreglu að þeir heyrðu hróp á hjálp koma frá versluninni. Lögregla handtók þjófinn og við blásturspróf kom í ljós að hann var ölvaður og hafði drukkið fjórum sinnum meira en leyfileg mörk leyfa en þjófurinn var á bíl. 
 

 Maður í Winnipeg í Kanada vann rúmmlega 50 milljónir íslenskra króna í lóttói, einum degi eftir að honum hafði dreymt ís svefni að hann hefði unnið í lottói. Maðurinn Harry Maertins sem er fertugur, segir að honum hafi oft dreymt að hann hafi unnið þann stóra og hafði hann ákveðið að freista gæfunnar þegar einn mánuður var í fertugsafmælið hans. Harry keypti nokkra miða á þremur mismunandi stöðum og gáfu fyrstu tveir miðarnir engan vinning en þegar kom að þeim þriðja sá hann að hann hefði unnið um eina milljón kanadadollar. 
 

Skemtistaðurinn Tempo opnar nú á föstudag með mögnuðu partýi. Staðurinn er ætlaður ungu fólki en aldurstakmarkið er 13 ár. Opnunar partýið er ekkert slor en þeir Dj Jói og Dj Steini ætla að þeyta skífum og það verður tískusýning frá TopShop og útvarpsstöðin Sterio ætlar að vera á svæðinu og að sjálfsögðu 01.is myndavélin. Eins og áður segir verður staðurinn opnaður á föstudaginn 5. Júlí 2002 og partýið stendur frá 20.00 til 23.30 og það kostar aðeins 950 krónur inn.

Þýska lögreglan er nú með miklar aðgerðir í gangi til að finna dæmdan morðingja sem slapp úr fangelsi nýlega. 27 ára gamall Júgóslavinn sem dæmdur var fyrir hrottalegt morð datt í hug að reyna flótta úr fangelsinu. Hann tók til þess ráðs að skella sér í pappakassa sem hann hafði fengið til samsetningar í fangelsinu, merkja hann og bíða eftir að vera sendur burt. "Hann hafði verið að vinna í kassadeild fangelsisins og svo virðist sem hann hafi komið sér í einn kassann," sagði Christian Pegel, talsmaður fyrir dómsmálaráðuneytið í Mecklenburg. Fanginn komst svo út úr fangelsinu þegar vöruflutningabílstjóri tók kassann, grunlaus um innihaldið, og henti honum inn í vörubílinn sinn. Löggan eru nú að kemba allt svæðið með þyrlum, hestum og hundum.

Stórstjarnan Moby segir í samtali við NME að hann hafi prófað að nota eiturlyf þegar hann var 10 ára. Ásamt skólafélögum sínum segist hann hafa drukkið allt og étið allt sem kom honum í vímu. Þó segist hann hafa hætt þessari iðju þegar hann varð 13 ára vegna hræðslu við að eitthvað af þessum efnum gætu skemmt sig. Nú segist Moby ekki lýta við þesslags efnum og sé feginn að þurfa ekki að nota þetta á hverjum degi eins og alltof margir í þessum iðnaði.

Lögreglan í bænum Bad Segeberg í Þýskalandi leitar nú innbrotsþjófa sem pöntuðu sér pizzu í miðju innbroti. Þjófarnir tæmdu nokkrar skúffur í húsinu og ollu miklum skemmdum með slökkvitæki. Þegar lögreglan kom á vetvang fundu þeir tóma pizzukassa rækilega merkta pizzustaðnum sem þeir pöntuðu frá. Lögreglan hafði samband við veitingastaðinn sem gaf þeim upplýsingar um hvenær ránið var framið. Laganna verðir eru vissir um að þessar upplýsingar komi að góðum notum við að koma upp um glæpinn.

Brittanie Cecil sem hefði orðið fjórtán ára á miðvikudaginn lést á mánudagskvöldið eftir að hafa fengið íshokkí pökk í hausinn. Brittanie fór ásamt foreldrum sínum á leik Blue Jackets og Calgary Flames í bandarísku íshokkídeildinni í Ohio á laugadagskvöldið. Vitni sagði að skot frá sóknarmanninum Espen Knutsen sem leikur fyrir Blue Jackets hefði farið yfir varnargler við áhorfendapallana, strokist við einn áhorfandann og endað loks í hausnum á stúlkunni. Talsmaður NHL deildarinnar, Frank Brown segist ekki muna til þess að áhorfandi hafi látist áður við að fá pökk í sig. Það er þó ekki sannleikanum samkvæmt því árið 2000 lést 21. árs Kanadamaður eftir að pökkur flaug upp í áhorfendapalla á íshokkíleik í Manitoba. Níu ára stúlka lést eftir að hafa fengið pökk í hausinn á leik sem var í Saint-Marie og 10 ára strákur lést eftir að hafa fengið pökk í sig á leik Eagles og Chiefs sem fram fór í Spokane árið 1984. Auk þess eru ótal dæmi um áhorfendur sem hafa slasast alvarlega eftir að hafa orðið fyrir pekki á íshokkíleikjum.
 

Hljómsveitin Tóbíaz var stofuð mánudaginn 18. feb. Það stendur víst til að gera hana að skólahljómsveit Ölduselsskóla og við erum komnir með fasta æfingatíma einu sinni í viku. Í hljómsveitinni eru: Addi, Halldór, Ívar, Hjörtur og ég! Við eigum alveg örugglega eftir að skemmta okkur vel í hljómsveitinni... og við erum komnir með eina tónleika planaða :) Það verður á næstu skemmtun þegar 9. bekkur á að sjá um skemmtiatriðin! Þú getur séð meira á heimasíðu hljómsveitarinnar en hún er: www.here.is/tobiaz
 

Grunnskólakennari þurfti að flýja út úr skólastofu með bekkinn sinn í Bandaríkjunum vegna íkorna sem gerði mikinn usla þar inni. Terry Stanfill, yfirkennari Valley of Enchantment skólans í Kalíforníu segir að íkornin hafi verið alveg kolruglaður. Hann sagði að kennarinn hafi þurft að flýja íkornan með 20 fyrsta árs nema út úr skólastofunni þegar “íkorninn bara valsaði inn.” Íkorninn elti bekkinn út úr stofunni og svo aftur inn á eftir þeim.“Starfsfólk skólans tilkynnti um grimman íkorna sem hafði ráðist inn í skólann svo við sendum mann á staðinn” sagði lögreglufulltrúinn Chuck Stanfill. Lögregluþjónninn var á varðbergi það sem eftir var skóladagsins og tryggði að börnin kæmust öll heim heil á húfi.