|
Ang bag-o nga
farm-to-market road
nga naga angot sang
Brgy. Cabugao Sur
kag Balibagan Sur
nga kabahin sang P1M
DA-LGU
counterparting project. |
|
Ang pag-inagura
sang bag-o nga
farm-to-market
road. |
ISA ka daku bulig sa mga
pumuluyo sang Santa Barbara, Iloilo ang farm-to-market
road nga naga-angot sa kabarabgayan sabg Cabugao sur kag
BalibaganEste.Asng 2.5 kms. Nga karsada ang gingastusan
sang P800,000.00 nagikan sa isa ka milyon ka pesos nga
grant sang Department of Agriculture bilang kabahin sang
poverty alleviation program ni Pangulong Gloria Macapagal
Arroyo.
Sa
presensiya ni Dir. Ricardo Oblena sang Department of
Agriculture, Region VI, pormal nga gin-inagurahan ang amo
nga proyekto sang nagligad nga Mayo 3,2002. Kadungan diri
ginpasalig ni Dir. Oblenanga handa ang ila opisina sa
paghatag sang kasubong sa gihapon nga suporta sa mga taga-Santa
Barbara. Magluwas diri, iya man ginpasalamatan ang
kooperasyon nga ginapalab-ot sang mga pumuluyosang banwa.
“Ang ini nga proyekto
ginsuportahan gid sang Department of Agriculture because
ang mga tawo diri are very cooperative”, siling ni
Oblena.”The project of the government under the leadership
of President Gloria Macapagal-Arroyo aims to compete with
other nations because the tune of the time now is
competition.
Nagpabutyag
man sang iya kalipay si Mayor Isabelo J. Maquino nga
maka-agum pa gid sang kasubong nga mga proyekto mag-mangin
madamu na sa mga taga-Santa Barbara nga nagatener sa
kaumhan nga magdala sang ila produkto sa banwa.
Ginhatagan
man sang daku nga importansiya sang alkalde ang mga
pilantroponga nag donar sang duta agud matigayon nga
mahuman ang karsada.
“Ini natigayon baangud sang
aton pangamuyo kag pagbinuligaysang tanan ilabi na sang
aton mga lot donors”, ang siling ni Mayor Maquino.
Nahibalu-an
nga 25 tanan ka mga lot owners ang nagikan sa nasambit nga
mga kabarangayan ang nagsugot nga magamit ang portion sang
ila duta agud agyan sang farm-to-market road.
Samtang
P150,000.00 naman sa kabug-usan nga isa ka P1M ang
ginagamit sang munisipyo sang Sta. Barbara agud makaayo
ang karsada nga naga-angot sa Bgry. Lacadon kag Tugas.
Magluwas
diri, beinte ka mga miyembro sang 4-H Club nagikan sa apat
ka mga kabarangayan sang Santa Barbara ang nangin
recipientsang swine dispersal project.Ang biente ka mga
baboy ang gingastuhan sanhg P50,000.00 nga gikan man sa
nasambit nga fund.
Santa Barbara No.1 sa Tax
Collection
Pina-agi
sa pahayag sang Provincial Treasurer sa idalum sang
panguluhan ni Acting Provincial Treasurer Melba Sullivan
ginapabutyag nga ang banwa sang Sta. Barbara ang nanguna
sa tax collection drive sa bug-os nga probinsya.
Suno
sa natungdan nga opisina ang Sta. Barbara nakakolekta sang
P3,199,172.56 nga buwis humalin sang bulan sang Enero
tubtubMarso, 2001. Tungod sini, ang Sta. Barbara nag-sobra
sa ila nga target nga P1,814,784.37 kag ang panguluhan ni
mayor Isabelo J. maquino nagapabugal guid sa kooperasyon
sang mga negosyante kag pumuluyo sang Sta. Barbara.
Ang
revenue nga ginkita nagsobra sang kapin sa P1,384,388.19
ukon 154.96% sa gin targetnga koleksyon.
Ang
Tubungan ang naga-dason nga banwa kag ini nakakolekta sing
P922,548.01 ukon 54.24% sang ila ginlauman nga kita-on.
Si
Sullivan nagakalipay guid sang 100% nga pagpatuman sang
18ka mga banwa sang kapin sa 42 ka mga kabanwahanan sang
probinsiya sang Iloilo. Iya guid ginpaginbulahan ang mga
tresurero sang 18 ka mga banwa sa ila maid-id nga
pagpatuman sa deriktiba sang aton panguluhan.
|
|
TOURISM FAIR. Si
Gob. Niel D. Tupas ang dinapit nga bisita sa 2nd
Iloilo IAD 1st
Tourism Fair; kag
ang mga ginabaligya nga pesticide-free nga mga
prutas kag utanon. |
Santa
Barbara, naghost
sang 2nd Iloilo IAD 1st Tourism Fair
Ang
banwa sang Santa Barbara amo ang nag host sa una nga
Tourism Fair sang 2nd Iloilo Integrated Area
Development sang Abril 10, 2002.
Ginsakupan
sang lima ka munisipalidad nga amo ang Santa Barbara, New
Lucena, Alimodian, Leon kag San Miguel, ang ini nga
activity nagatuyo nga pasanyugon ang tourism industry sa
amo nga cluster municipalities, ilabi na gid ang
eco-heritage tourism.
Sa una nga tuig sang sining
Tourism Fair, ang mga activities nga gin undertake amo ang
pag showcase sang mga nagkalain-lain nga cultural
festivals sa tagsa ka miyembro nga banwa. Ang Santa
Barbara nagapromote sang ila nga Kahilwayan Festival paagi
sa pagperform sang Tribu Kahilwayan, ang New Lucena,
nagdala sang ila Hugyaw Festival, ang Leon nagpromote sang
Jota Kamandu, nga amo ang ila Municipal Dance kag ang
Alimodian nagdala sang ila Sumalayhaw Dance Troupe.
Gin promote man ang
nagkalain-lain nga mga tourist destinations sa 2nd
Iloilo IAD paagi sa isa ka Photo Exhibit kag Garden Show,
subong man ang mga produkto nga pesticide free nga gina-finance
sang IAD fund katulad sang mga high-value crops sa Leon
kag Alimodian nga mga carrots, broccoli, sayote, cabbage
kag cauliflower, mga vegetables, rootcrops, hito kag
tilapia gikan sa Santa barbarra, new Lucena kag san
Miguel.
Ini
nga Tourism Fair indi lamang nagatuyo nga mapa-uswag pa
gid ang turismo sa 2nd IAD kundi nagatuyo man
nga makilala ang ining clustering scheme kag cluster
municipalities indi lamang sa probinsiya sang Iloilo kundi
sa bug-os nga Pilipinas.
Ang
2nd Iloilo Integrated Area Development
ginapangunahan sang Chairman of the Board nga si Mayor
Isabelo J. Maquino sang Santa Barbara kag ang iya mga
miyembro amo sanday: Mayor June Mondejar, New Lucena;
Mayor Gregorio Villarico, San Miguel; Mayor Lorenzo
Cabardo, Leon kag Mayor Bernardo Ambot, Alimodian.
|