今日計劃到靜岡御殿場既Premium Outlets及箱根小王子博物館, 本應想依照大雄既建議打東海道本線到國府津再轉車, 但因為想快D, 加上今日開始可以用JR Pass, 所以我們先坐新幹線到小田原, 再搭東海道本線回國府津, 然後搭御殿場線到御殿場站, 再轉坐免費巴士。 到 Gotema Premium Outlets 時已差唔多下晝二點。
Premium Outlets既位置都幾偏遠, 加上那裡又大又多舖頭, 所以我們去到就決定放棄到小王子博物館, 而選擇盡情Shopping。 Premium Outlets裡有很多大家熟悉既品牌, 如Adidas, Nike, 無印良品, GAP和Benetton, 價錢及貨品都OK, 有些貨品仲係市價既一半, 加上該處可望到富士山, 風景不錯, 又有很多食肆選擇, 所以有好多日本人趁週末到那裡購物。
我們兩人行到六時多, 就到Outlets既Food Bazaar, 打算吃完晚飯就回新宿, 點知去到御殿場車站月台時架車剛好開走左, 最慘既係下一班車要等一個鐘, 我們就咁浪費了一個小時。 不過期間我們發現原來新宿有JR線直接來回御殿場, 車程大約兩小時, 而且只係早上及傍晚有車。 點都好, 如果我地事先check好時刻表就唔會攪到咁慘, 成十一點先返到新宿。 |
