08/98
美 少 年 之 戀 戲 告 白 (電 影 雙 周 刊 #505)
訪 問
馮 德 倫 之 前 有 另 一 個 台 灣 歌 手 的 訪 問，那 邊 廂
的 台 灣 工 作 人 員 聽 聞 Stephen 此 名，說 句：「Ah！A good
looking guy！」原 來 Stephen 在 台 的 知 名 度 不 遜 於 本 地。
拍 照 時 候 見 他 安 安 靜 靜 被 攝 影 師 擺 佈 著，微
笑 的 臉 孔 散 著 寧 靜 氣 息，大 概 是 這 樣 被 選 作《 美
少 年 之 戀 》的 男 主 角？
但 唔 講 點 知，原 來 他 首 次 處 女 亮 相 大 銀 幕 是
在 少 年 十 四，客 串 西 片《 Forbidden Night 》。那 次 導 演 需
要 一 個 後 生 仔 角 色，來 到 學 校 尋 人，選 中 了 話 劇
組 的 Stephen，一 切 戲 癮 應 由 少 年 時 分 開 始。
舞 男 之 告 白
《 美 少 年 之 戀
》你
飾 演 是 怎 樣 的 角 色？
我 想 我 的 角 色 算 是 biosexual 的 舞 男。性 格 上 佢
係 一 個 比 較 … 其 實 楊 凡 亦 無 話 要 我 特 別 扮 到 好
gay 咁，同 平 常 人 一 樣。不 過 是 性 取 向 有 分 別 而
已，都 只 係 個 廿 四 歲 的 後 生 仔 吧！
對 同 性 戀 者 有 何
看 法？點 樣 揣 摩 此 角？
我 又 覺 得 佢 o地 喜 歡 男 人 係 佢 o地 o既 事，我 自
己 身 邊 亦 有 很 多 朋 友 是 gay 的。至 於 揣 摩 角 色，我
同 那 些 gay 的 朋 友 傾 多 o的 計，問 o下 有 甚 麼 分 別 ---
因 為 他 們 以 前 也 曾 經 與 女 孩 子 行 埋 一 齊；另 外
咁 我 同 埋 楊 凡 導 演 亦 有 去 那 些 gay bar 睇 o下，因 為
我 識 的 gay 朋 友 並 不 是 時 常 去 蒲，但 我 演 的 舞 男
角 色 則 會 時 常 去 那 些 地 方，去 睇 o下 那 些 人 點 傾
計、點 望 大 家 等 等。
覺 得 楊 凡 導 演 怎
樣？
唔 我 諗 …… 他 在 美 術 方 面 做 得 好 好，故 事 亦
寫 了 很 久，令 到 角 色 有 得 發 揮。好 寫 實，寫 得 好
好。
因 為 我 自 己 也 不 想 路 線 被 框 住，因 為 以 廿 幾
歲 年 紀，可 以 做 o的 好 例 牌 的 角 色，一 係 做 乖 乖
仔、一 係 做 衰 到 貼 地 的 古 惑 仔，我 唔 想 淨 係 做 那
些 角 色，有 乜 挑 戰 性 呢？所 以 好 似 呢 次 我 做 gay 的
舞 男，在《 顧 城 別 戀 》中 做 癲 癲 o地 的 詩 人 咁。
你 認 為 你 屬 於 哪
種 類 型 的 演 員？有 否 嘗 試 為 自 己 定 位？
我 仍 然 係 在 揣 摩 的 階 段 中，所 以 要 作 多 些 嘗
試。即 係 例 如 做 一 個 後 生 仔，讀 緊 大 學 o既，根 本
只 是 做 緊 自 己，做 出 來 就 係 咁 o勒，困 死 o左、無 乜
新 鮮 感，做 其 它 的 角 色 無 人 睇 或 者 相 信 了。但 如
果 你 領 略 過 一 排 演 不 同 的 角 色，人 o地 便 會 發 覺
你 做 哪 些 角 色 好、哪 方 面 強 了，自 然 有 人 找 你 拍
戲 吧。
演 過《 美 少 年 之
戀 》及《 顧 城 別 戀 》後 有 否 對 自 己 的 戲 路 有 所 期 望？
咁 當 然 我 會 希 望 有 人 覺 得 我 做 得 好，比 較 人
o地 話「係 o丫，影 得 你 好 靚 仔、好 charming 呀」我 寧 願
人 o地 會 覺 得 我 有 用 心 想 過 個 角 色 或 者 做 得 好
了。
《 美 少 年 之 戀
》裡 有 甚
麼 場 面 較 為 深 刻？
我 覺 得 這 個 故 事 並 不 是 在 意 去 sell 同 性 戀，而
係 一 個 浪 漫 故 事，只 不 過 唔 係 女 仔 而 係 男 仔。最
難 忘 的 是 最 尾 段 講 我 同 吳 彥 祖 曖 昧 了 一 陣 後 卒
之 走 埋 一 齊，後 來 記 得 他 在 尾 段 自 殺 死 了，而 舒
淇 給 一 封 他 寫 的 信 予 我，話 佢 其 實 最 鍾 意 我，那
段 感 情 戲 最 令 我 感 到 moving。
你 自 己 本 身 是 浪
漫 嗎？
( 笑 ) ……即 係 要 睇 對 方 付 出 幾 多 來 斷 定，當 然
一 開 始 都 會 幾 浪 漫 o既…但 如 果 個 女 仔 根 本 都 唔
認 真，我 也 不 會 以 認 真 的 態 度 同 佢 一 齊 的。
你 與 其 他 三 男 角
背 景 相 若，同 在 美 國 讀 大 學 出 身，性 格 有 何 不
同？
( 想 了 一 會 ) …例 如 好 像 Jason (曾 仕 賢) ，我 以
前 也 與 他 會 作 過，佢 個 人 好 活 躍，成 日 彈 o下 彈 o下
咁，我 自 己 就 比 他 們 情 緒 化 多 了，有 時 開 心，有
時 無 咁 開 心。
即 係 你 會 睇 得 出 我 邊 日 開 心，邊 日 唔 開
心，開 心 那 日 講 多 些 那 種。
在《 美 少 年 之 戀
》及《 顧 城 別 戀 》中，你 分 別 與 舒 淇 及 李 綺 紅 合
作，二 人 在 演 戲 方 面 及 與 你 合 作 上 有 何 分 別？
其 實 她 們 二 人 做 戲 都 好 好，但 有 唔 同 的 演 繹
方 式。例 如《 顧 》片 裡 綺 紅 要 演 一 個 short short o地 o既
詩 人 的 老 婆，要 由 後 生 演 到 老 ，要 同 長 時 間 去 揣
摩，但 在《 美 》片 舒 淇 只 是 客 串，只 拍 了 兩 日，同
埋 她 的 角 色 係 好 飄 忽，你 會 見 到 她 又 來 又 走 了
的。演 戲 方 面，舒 淇 會 用 佢 的 眼 神 多 一 點，而 綺
紅 就 比 較 是，點 講 呢，好 像 是 method acting 多 一 點，舒
淇 也 很 熟、也 時 常 傾 計，知 道 她 也 多 些，好 像 早
陣 子 她 有 很 多 戲 上 演，好《 行 運 一 條 龍 》、《
古 惑 仔 》、《 碧 血 藍 天 》等 差 不 多 一 齊
上，但 你 會 發 覺 她 演 每 一 個 角 色 都 有 不 同 的。
對 於 外 界 時 常 把
你 與 舒 淇 聯 在 一 起 的 緋 聞，你 有 甚 麼 感 受？
無 感 覺，…( 笑 )。無 感 覺，咪 淨 係 笑 囉！
Dry 到 顧 城
由 一 年 前 未 為 大
眾 熟 悉 的 Dry 樂 隊 成 員 到 現 在 可 以 獨 當 一 面，有
自 己 主 演 的 電 影，有 何 感 受？
感 受 呀？唔 … 我 覺 得 當 然 是 開心 先 啦！有 咁 多
出 名 的 導 演 搵我 拍 片，是 開 心 的，至 少 人 o地
會 用 你 先 啦。我 覺 得 要 好 好 珍 惜 呢個 機 會，要 好
俾 心 機 去 做，譬 如 話《 美 》及《 顧 》片，特 別 是《
顧 》片 有 一 個 好 完 整 的 劇 本，長 遠 來 說 幫 助
我 好 大，因 為 要 用 多 些 時 間 去 了 解，去 做 research 去
揣 摩 角 色。譬 如《 顧 》片 那 個 歷 史 人 物 不 是 古 代
而 是 現 代 的，咁 你 更 加 有 資 料，去 睇 他 寫 的
詩，看 錄 影 帶、演 講 片 段 等 吧！
有 甚 麼 夢 想？
講 真，我 想 我 最 大 的 意 願 就 係 拍 一 齣 真 係 好
滿 意 自 己…即 係，拍 到 好 代 表 自 己 的 戲。好 似 彈
結 他 一 樣，譬 如 彈 一 段 solo，要 彈 到 好 似 Eric Clapton
的 歌 唔 難，但 係 要 彈 到 有 他的 style 就 好 難。所
以，我 希 望 有 自 己 的 style，在 拍 戲 方 面 令 到 別 人
感 覺 得 到，好 似 BB King 彈 結 他，一 聽 大 家 就 知 道 是
他 彈 的 一 樣，有 自 己 的 theme，有 自 己 的 風格 吧！
你 在 音 樂上 的 發
展 如 何？
我 都 會 兼 顧 音 樂，在 十 二 月 會 出 一 張 自 己 個
人 大 碟，都 會 擺 時 間 落 去。演 戲 與 音 樂是 同
樣 重 要 囉。我 好 希 望 發 展 到 自 己 一 個 style，人 o地
會 感 受 得 到，出 鏡 有 幾 多 分 鐘 唔 緊 要，最 緊 要 令
到 人 記 得 你。好 像《 墜 落 天 使 》裡 的 莫 文 蔚 也 不
是 出 了 很 多 鏡，但 人 o地 也 會 記 得 好 是 有 份 演 出
過 的。
甚 麼 電 影 人 最 影
響 你？
我 最 欣 賞 Gary Oldman，我 好 鍾 意 佢 拍 的 戲，雖 然
他 近 排 演的 大 都 是 癲 佬，但 他 以 前 也演 不 同 類 型
的 角 色，例 如《 貝 多 芬 傳 》等 戲，即 係 我 覺 得佢
是個 好 versatile 的 演 員。當 然 還 有 Robert De Niro。在 香 港
呢 我 最 欣 賞 梁 朝 偉 與 莫 文 蔚。
影 響？我 覺 得 反 而 導 演 對 我 影 響 係 好 大，有
些 係 我 識 得、成 日 與 他 們 傾 計，好 得 益，例 如 關
錦 鵬，攝 影 的 潘 恆 生，他 們 識 得 好 多 o野，所 以 我
有 興 趣 從 他 們 身 上 知 多 些 演 戲 的 知 識、點 樣 可
以 演 好 o的，我 成 日 同 佢 o地 兩 個 人 傾 計 的。
另 外，如 果 話 拍 出 來 作 品 好 影 響 我 的，我 會
說 是 Martin Scorsese，佢 拍 的《 Taxi Driver 》係 好 寫 真，俾 人
感 覺 好 勁、好 有 impact ( 好 excited 的 樣 子 ) ，即 係 對 你
來 會 說「嘩！好 勁」，如 果 我 有 這 些 東 西 就 好 啦…
從 影 以 來 演 戲 上
遇 到 的 困 難 或 場 面 是？
場 面？其 實 嘴 男 人 對 我 來 講 ( 笑 ) 是 很 難
的，因 為 自 己 未 試 過，我 真 係 都 諗 o左 好 耐 ( 笑 )，咁
… 這 是 幾 tough 的，做 了 decision 決 定 咁 就 去 做 了。
真 明 星 要 low-profile
你 認 為 怎 樣 為 之
有 明 星 風 采？
明 星 風 采 呀？… 我 諗 明 星 應 該 要 有 少 少 保 留
的，本 身 唔 需 要 日 日 見 報，應 該 要 有 些 神
秘 感。
一 個 好 好 的 例 子，一 個 好 creative 的 人，就 係 王
家 衛。佢 落 到 街 未 必人 人 會 認 識，但 會 知 道 佢
係 好 勁，有 種 神 秘 感 —— 或 許 是 時 常 戴 黑 超
吧？但 係 佢 沒 有 刻 意 去 標 榜 甚 麼 明 星 樣，而 令 到
你 看 到 佢 會 話「嘩 …」咁——尤 其 是 一 些 女 artists，著
到 特 登 露 個 波 出 來，係 呀 第 日 係 有 好 大 篇 幅，但
代 表 乜 先？咪 代 表 你 得 個 大 波，咩 都 無，好 空、好
淺 囉。真 正 明 星 係 著 T 恤 牛 仔 褲 都 令 好 多 人 尊 敬
你。好 怕 o的 o野 太 刻 意 去 做 出 來 的。
你 自 己 是 否 低 調
的 人？
我 都 會 係。例 如 我 唔 鍾 意 花 好 多 時 間 去 打
扮，因 為 我 覺 得 好 煩，即 係 我 覺 得 係 要睇 情 形。應
當 做 的 事，就 要 有 個 尊 重，例 如 參 加 電 影 節 或 者
頒 獎 典 禮，要 視 乎 場 合 的 隆 重 打 呔 著 西 裝。但 係
平 時 唱 歌 影 o下 相，我 就 怕 點 解 要 咁 著，即 係 映 得
好 靚 我 又 唔 會 特 別 開 心 o既，我 又 唔 會 覺 得 係 o的
乜 o黎。
會 否 覺 得 over-exposed
不 是 好 事？
我 覺 得 over-exposed 絕 對 唔 係 一 件 好 事。因 為 這 個
圈 子係 好 容 易 俾 第 二 o的 人 取 代，好 似 我 第 一 次
Dry 成 員 出 來——之 前 我 做 過 好 多 次 茄 喱 啡 唔 算——好
多 人 覺 得 你 好 fresh 呀 狂 影 咁，但 自 然 後 面 有 一 班
fresh 過 你、靚 仔 過 你、後 生 過 你 的，咁 你 點 呀？無
一 o的 o野 去 承 住 你 好 快 會 消 失——事 實 上 亦 有 好
多 人 就 咁 消 失 o左。所 以，最 重 要 係 一 技 傍 身
囉，係 一 技 人 o地 會 覺 得 你 係 掂 o既，唱 歌 又 好 乜
都 好。
咁 你 自 己 有 甚 麼
特 別 之 處？
呢 樣 o野 唔 可 以 話 我 自 己 去 講 的，要 等 別 人 去
覺 得 自 己 掂，你 掂 o個 樣 唔 需 要 同 人 o地 講，o的 人
自 然 會 知 。
講 自 己 ……
咁 試 o下 用 一 句 說
話 來 形 容 自 己？
形 容 自 己…… ( 想 了 良 久 ) … 好 難 講 呀，要 一
句 說 話 ( 有 點 痛 苦 ) …… 我 諗 係「飄 忽」呱 …
點 解？
點 解 係 因 為，唔 知 呢？個 人 係 咁，( 笑 ) 即 係…
由 細 到 大 都 係？
係 呀。( 靦 腆 )
是 情 緒 上…
唔！
那 麼 這 種 性 格 是
否 適 合 這 一 行？
咁 我 唔 覺 得。性 格 飄 忽 唔 代 表 做 事 不 認
真，即 係 我 可 以 話 演 每一 個 角 色 都 好 認 真。好
比《 愈 墮 落 愈 英 雄 》我 演 的 一 part 也 很 少，但 要 令
到 人記 得 你 —— 唔 好 話 演 得 好 或 不 好 o丫，我 就 演
一 個 好 憨 直 的 人，你 可 以 就，咁 講 對 白、好 易 o者！但
點 樣 令 到 角 色 interesting 些 呢？咪 要 令 到 個 角 色 陽
光 o的 囉。例 如 有 場 講 人 o地 問 我 入 唔 入 黑 社
會，我 會 用 比 較 憨 直 的 態 度 話「唔 入！」，又 例 如
我 同 一 個 古 惑 仔 以 前 有 過 節，佢 唔 知 我 做 o左 差
人，我 同 佢 講 自 己 跟 了 許 淇 安 了，咪 自 己 加 插 些
東 西，例 如 拿 張 相 俾 他 看 時，我 自 己 加 o左 對 張
相「嗄！」一 聲 再 擦 o下 的 動 作。有 些 片，例 如 王 晶
那 些 比 較 趕 時 間 拍 攝 的，無 時 間 給 你 NG 諗 過 再 做
的！
迄 今 你 有 沒 有 完
成 甚 麼 事 令 自 己 引 以 為 榮 的？
唔 …… 暫 時 無 咩 喎 ( 笑 )，但 係 演《 顧 城 之 戀
》是 我 暫 時 o黎 講 演 得 最 好 同 最 滿 意 的 電 影，當
然 睇 番 亦 覺 得 可 以 演 得 好 些 吧！
無 咩 覺 得 係 特 別 好 滿 意 的，我 覺 得 目 標 呢 樣
o野 無 乜 好 實 際，例 如 細 個 時 諗 如 果 有一 日 可 以
到 紅 館 彈結 他 就 好 了，到 真 係 可 以 時，又 無 乜 感
覺，因 為 你 已 經 邁 向 那 樣 東 西，目 標 到 那 時 都 已
經 提 升 了，唔 會 話「我 終 於 彈 完 了，可 以 死
了」的，又 例 如 想 簽 唱 片、擔 正 演 主 角，到 可 以 做
時 又 會 想 其 他，又 唔 會 覺 得 係 特 別 開 心 的。
後 記
Stephen 大 學 畢 業
後 要 重 新 由 低 做 起 多 套 片 的 茄 喱 啡 是 很 慘 很 辛
苦 的 一 件 事，而 且 仲 好 risky，本 住 呢 個 就 是 唯 一
途 徑、而 且 世 上 無 乜 邊 樣 唔 risky、想 做 演 員 就 要
落 實 去 做 的 心 態，他 決 定 都 要 試 o下 走 呢 條 路。所
以 唔 鍾 意 淨 渣 咪 唱 歌，因 為「無 癮，唱 來 唱 去 唱
MMO 咁，有 乜 好？」，所 以 寧 願 自 彈 自 唱，下 張 碟 也
是 全 部 親 自 作 曲，這 才 夠 過 癮，因 為 對 他 來 說 音
樂 與 演 戲 同 是 個 人 發 洩 的 途 徑。
「做 呢 行，外 面 人 講 又 複 雜 呀 又 乜 呀，其 實 做 番
自 己 份 內 事 係 無 乜 問 題 的。」講 到 自 己 的 長
處，他 認 為 自 己 算 是 幾 有 人 緣，起 碼 不 會 乞 人 憎——「我
覺 得 人 緣 係 好 緊 要 的。」
o黎 緊 9 月 中 會 參 演 陳 木 勝 執 導 的《 特 警
新 人 類 》，Stephen 好 期 待 與 這 位 動 作 片 名 導 演 合 作；文
藝 片 笑 文 都 拍 過 了，現 在 要 做 的 是 keep fit 吧？——「係
呀！要 開 始 健 番 身。」
