NEWS

Thusday, December 28, 2000

馮 德 倫 李 燦 森 獲 封 為 最 佳 拍 檔
新 一 期 時 代 雜 誌《 Time 》大 讚 馮 德 倫 演 技 出 色

---

甚 少 報 道 娛 樂 消 息 的 美 國《 Time 》（ 時 代 雜 誌 ）， 在 最 新 一 期 中 卻 以 大 半 版 的 篇 幅 介 紹 由 陳 木 勝 執 導 的 新 片《 特 警 新 人 類 II 》， 並 指 該 片 雖 沒 有 預 期 中 的 令 人 驚 嘆 ， 但 確 甚 有 香 港 電 影 的 獨 特 風 格 。

雖 然 在 香 港 市 場 ，《 特 》片 一 直 以 陳 冠 希 作 宣 傳 焦 點 ， 但 可 能 因 他 的 表 現 未 算 突 出 ， 故 報 道 中 沒 有 特 別 提 及 這 位 受 冷 落 的 「新 星 」， 只 是 簡 單 介 紹 他 演 出 的 角 色 。 而 相 反 ， 文 中 大 讚 馮 德 倫 及 李 燦 森 的 演 技 出 色 ， 以 身 體 語 言 製 造 喜 劇 效 果 ， 是 香 港 影 壇 新 一 代 的 「 最 佳 拍 檔 」 。
  

陳 冠 希 受 冷 落

受 到 外 國 雜 誌 讚 揚 ， 記 者 致 電 馮 德 倫 並 恭 喜 他 ， 他 即 笑 謂：「 係 咩 ？ 我 聽 到 都 好 開 心 ， 因 為 我 同 阿 森 都 合 作 過 幾 次 ， 無 形 中 建 立 默 契 ， 希望 遲 有 機 會 同 佢 拍 部 類 似《 咖 喱 辣 椒 》的 電 影 ， 一 定 會 好 好 笑 。」

《 特 》片 上 映 至 今 ， 票 房 已 超 越 千 萬 ， 馮 德 倫 對 這 個 成 績 甚 感 滿 意 ， 他 說 ：「 有 咁 多 個 對 手 ， 依 家 有 咁 好 成 績 都 算 唔 錯 。（ 想 唔 想 再 拍 第 三 集 ？ ）暫 時 唔 好 住 ， 係 拍 都 等 幾 年 後 先 啦 ！ 其 實 陳 木 勝 係 一 個 好 導 演 ， 我 都 好 希 望 同 佢 發 掘 第 二 題 材 ， 相 信 導 演 都 會 咁 諗 。」

李 燦 森 聞 訊 興 奮

至 於 剛 考 到 車 牌 的 李 燦 森 ， 聽 到 這 個 好 消 息 就 更 加 興 奮 ：「 你 講 我 先 知 咋 ！ 等 我 即 刻 買 本 睇 先 ， 不 過 真 係 好 開 心 ， 我 都 係 盡 力 去 做 。 話 時 話 ， 我 都 覺 得 我 同 馮 德 倫 係 最 佳 拍 檔 ， 同 佢 拍 戲 真 係 好 有 默 契 。」