蕭的網頁之講o野王!

-->留言王(新o架... 舊o個個留言版咁快就俾人整走o左喇...) http://www.touch.sh/gb/gbook.php?user=tallent

各位!好呀!唔知有冇人會知道我呢個新o既網頁呢!﹖
萁實我想renew 呢個網頁好耐o架喇,但係一路都冇時間... 本來諗住過O左FYP 就做O架喇,但係真係等唔住... 唯有即刻打番一兩句O黎頂住先啦!因為我有好多O野想講呀... 但係唔想講... 想打... 係O勒,係想打比大家睇至真!

咁今次我呢個網頁呢... 大部份都係字o黎o架咋!大家鍾意就睇啦... 如果大家想睇圖o既... 咁我幫唔到大家喇...

雞之一:開心王.
雞之二:訓唔著王.
雞之三:不懂世事王.
雞之四:睇番日記王(I).
雞之五:不知道王.~new
雞之六:小魔女doremi 王.~new
雞之七:韋斯咸黃蜂王.~new
雞之八:唔想溫書但會/要溫書王.~new

雞之一:開心王.

各位四方友好,咩友好都好,有o的真係好耐冇見喇,有o的真係好想同「你」見o下面,有o的就真係見唔見都得,或者唔見都仲好...(打我啦一係.) 好想同大家一大班人玩o下,傾o下計,真係玩o架咋... 其他咩都唔想做。

有冇人想知點解呢,有冇都好,我都要打o架o勒。事關我上o左大學之後,身旁好多朋友都成日有唔開心o既事喎... 雖然我未必亦都真係唔係好知點解,唔通人大o左就真係好多o野要煩,要去理﹖咁唔通我未大個!﹖一或係我依然係幸運王呢!﹖我咁大個仔,都冇幾多次好唔開心... 真係冇幾多次... 應該一隻手o既手指都數得晒... 呀!越講越離題添!其實我係想話好想大家都開心,所以我成日都想搞o的活動,因為我相信大家一齊o既時候,傾計又好,玩又好,大家真係可以暫時放低心中煩緊or 唔開心o既o野。雖然時間未必一定好長,但係都唔錯o丫!當然,我都有些少私心,係想大家陪我玩啦~

我而家好忙,但係忙得有時間比自己玩... 問你怕未!﹖我就係一個... 諗o野可能唔長遠,冇乜時間觀念(眾說:係人都知啦!),冇乜planning o既人... 但係... 我開心,我成日都開心(至現在是,希望以後也是。)。

大家如果唔介意唔係同我太熟,可以同我講多o的o野o丫,我會好樂意聽,但係我會冇乜feedback... 都唔係,都會有feedback,只係通常都係冇乜用咁o者。(咁講比我聽做乜...)但係我想聽,呢個係原因,如果你應為呢個原因唔錯又或者「ok 啦!」o既話,向我討心聲啦!

請開心!: )

雞之二:訓唔著王.

本來都諗住打o下新o野入o黎,但係個人懶,一路都冇做... 唉~ 咁而家係晨早六點幾咁啦,失眠喎!所以打o下o的想打o既o野先~
講個故仔先啦就...據說有人咁樣問過我...
我:我   人:問我o個個人
人:「你女朋友識唔識煮好多菜呀﹖」
我:「佢好少菜都唔識煮呀,更何況係好多菜呢~」
人:「咁你女朋友精唔精明o架﹖」
我:「佢都唔係好精明o架喎... 仲好易成日俾人"扼" 添呀!... 雖然我都有時係...」
人:「咁你女朋友係咪同你一樣成日話要玩o架﹖」
我:「唔係呀... 佢仲成日唔俾我玩添呀...:(」
人:「咁佢玩o的o野同你個興趣似唔似o丫﹖」
我:「唔似o架,都唔係好似多... 都有似o既~」
人:「咁樣...」
我:「就係好多o野都唔識,先至要我幫,我先會成為佢o既另一半。」
人:「(都唔知你講乜...)咁點解鍾意佢呀﹖」
我:「就係因為佢係凱怡,我點解鍾意佢,咁樣一個理由仲唔足夠﹖」

就係想講呢個故仔喇,冇為o的咩想寫,只是想寫,但係都寫唔出我所諗o既...
希望世人懂珍惜.
講完一個講完都唔知講乜o既故仔之後呢,又發o下「up 瘋」先~~~
曾幾何時為自己的「沒有長處」而煩惱,但在剛才失眠的時候已想通了!(其實一向都冇咩「耿耿於懷」o個o的o野,只係咁o岩諗到o者頭先...)

答案是:如果世上有至少一個人因為自己而不是現在的那個他的話。
就是這樣.

今次又發住咁多傻先啦~~~ 益力多都飲完喇...

雞之三:不懂世事王.

以下o的o野唔似係我講... 我都唔知自己講乜... 有咩得罪晒...

自少便不喜歡看報紙的正聞,又不喜歡看電視新聞,從來是,現在也是。對於一個大學生... 甚至乎是中學生來說,是不對的吧!
每逄說到政事之類的東西,強項是人云亦云... 現在也來一個人云亦云吧~(但係有o的係自己云o既都有...)
不喜歡說政府不是的人,也不是所有,大部份吧!朋友中亦有人會罵政府,不懂政治的我會表示不同意他們。
片面的我的原因是:一來叫政府高官下台的人,只懂罵個不是... 但沒有實際的建議... 至少他們喜歡罵特首,但選特首時又不見得有人參選... 平時我做project 時也會遇上這類人,很想打他們,只會說這個不是,那個不是,但不會有建議的時候... deadline 也就到了,也只會「ban ban ban!」... 難不成就是有破壞無建設乎!﹖二來猜想罵政府的人不懂在政府的那一面去想,猜想罷了。
突然間唔知自己想講乜,唔講lu~ 呀... 以上內容並非想含沙(!?) 射影,而且大家也不要回應吧,因為我是講不過大家的... 在時事政治這些方面...

我是中立的.

雞之四:睇番日記王(I).

話說自己o係中六到中七日日都有寫日記咁癲... 咁早幾日拎番出o黎睇... 都仲未睇完,但係有好多o野想拎番o黎講... 就呢件先啦!

曾經有一位同學(唔會講名... 但係可能有人會知~),佢同過我講:「你o地呢班人呀,成日都淨係識得玩,你o地咁樣好快/好易完o架!」.
當然唔係百分百佢係咁講啦,但係都差唔多o架喇~ 當時係咁諗o下:「咦!係咁呀... 咁唔得bor... 要做o下o的o野先得喇...」.
但係好明顯... 我當時真係「係咁諗o下」... 之後就冇o左件事啦...
而家睇番... 又係咁諗o下... 就會覺得... 又或者係知道點解我o地淨係識得玩... 都係未知道住... 嗯,未知道,遲o的知道先再講啦!

雞之五:不知道王.

從來不喜歡做作的人... 但,我是個做作的人?幔?t
從來自以為是... 我是真的自以為是了...

雞之六:小魔女doremi 王.

「小魔女doremi」十分好看. 真的十分好看... 很溫馨,我喜歡溫馨,這卡通很好看.
我大學的同學阿mark 話呢套卡通個導演(定係話個篇劇呢...) 好用心去做這套卡通... 是真的... 真的很好看~~~ (如果我發狂的話,我會去找vcd 哦~)
小魔女們變身時和片尾曲也很好... 很想看哦~~~
我現在是小魔女doremi... 迷.

雞之七:韋斯咸黃蜂王.

這個topic 比較悶... 很多人也不想看吧...(可能不只這個topic 悶... 一向的也悶...) 我會說我喜歡的球隊,悶的人... 請跳起吧!
黃蜂隊是我最喜歡的NBA 籃球隊,自我懂看NBA 以來便是... 隊中沒有超級巨星... 我也不是喜歡那些球員... 我喜歡的球員也不少... 但盡在別的球隊~ 我喜歡的是黃蜂隊,我可能對它的認識也不是極深... 由以往的夏洛特黃蜂到現在的新奧良爾黃蜂(噢!有我的「良」字啊!)我也喜歡... 夏洛特明年或後年會有一支新的隊伍... 但我喜歡的是黃蜂.
韋斯咸... 不知道怎去說這支英格蘭足球隊... 很喜歡... 喜歡球隊,球員,教練... 今季韋斯咸可能要降級,但我依然支持它,我相信它一定可以護級成功的,儘管它降級,我仍會支持它~~~ 女朋友不明我看著這支球隊時為何會這般激動,但這不是我所能控制的... 我也感到驚訝哦~ 坦白說... 如果韋斯咸降班的話... 我的心會沉下來的... 請在那一天也不要找我... 我會down 的,我會使你對我也?的... 強隊的球迷是不會明白的... 但韋斯咸一定會護級成功的!
說了一大堆悶話... 不少人也悶昏過去了... 不說了~ 嘻~
WESTHAM UNITED FOOTBALL CLUB、HORNETS FOREVER!!!

雞之八:唔想溫書但會/要溫書王.

為何會出現了幾篇新的文字﹖這是因為... 我本來是要溫書的... 但不想溫... 未到橋頭... 所以溫唔到!﹖但係要溫喇...
我去溫書了.

1