Fréttir frá PLAYCHESS.COM

ÍSLENSKAR VIKUR Á FRITZ-SKÁKÞJÓNINUM

Í tilefni af útgáfu Fritz 8 þann 22. nóvember og vegna úrslita í bikarkeppni ÍAV mun verða haldið upp á “íslenskar vikur” á skákþjóninum. “Íslenskar vikur” er samstarfsverkefni eins fremsta taflfélags Íslands, Taflfélags Garðabæjar, Chessbase og þýska unglingasambandsins. “Íslenskar vikur” byrja 16. nóvember og enda 8. desember. Þessar vikur verða mörg auka mót með áhugaverðum verðlaunum. “THULE-TROPHY” mótið verður sérstaklega áhugavert fyrir meðlimi skákþjónsins ekki síst vegna verðlaunanna sem munu nema um 1250 evrum. Skákmönnum frá Íslandi verður einnig boðið upp á sérstakar trakteringar til kynningar á þjóninum.

En fyrst stutt kynning á mótunum:

• Laugardaginn 16. nóvember 2002 kl. 16 verður undankeppni fyrir “THULE-THROPHY” sem markar upphafið á “Íslenskum vikum”. Tefld verður hraðskák annaðhvort 11 eða 13 umferðir eftir fjölda þátttakenda.
• Næsta laugardag, 23. nóvember 2002 verður hápunktur “Íslenskra daga”. Kl. 16 verður Bláa-lóns mótið. Þetta er liðakeppni milli unglingaliða 20 ára og yngri frá Íslandi, Þýskalandi, Frakklandi og Svíþjóð. Skáksambönd landanna hafa tilnefnt sterk lið þar sem meðal Fide stig eru í kringum 2300.
• Kl. 18.30 verður “THULE-THROPHY” mótið haldið. Þetta er lokað hraðskákmót með áhugaverðum verðlaunum þar sem þátttakendur úr liðakeppninni taka þátt auk sex klassaskákmanna frá Íslandi auk sex skákmanna sem komust upp úr liðakeppninni.
• Sunnudaginn 1. desember 2002 kl. 16 verður “Welcome Iceland- Tournament” þar sem íslenskum skákmönnum verður sérstaklega fagnað og þeir boðnir velkomnir.
• Næsta sunnudag eða 8. desember kl. 16 býður þýska unglingasambandið íslensk börn og unglinga sérstaklega velkomin og verður haldið þar opið hraðskákmót sérstaklega fyrir íslensk og þýsk börn og unglinga.

Nánari lýsing um öll mótin má sjá neðar í þessu skjali.

En þetta er ekki allt: Að auki fá allir skákmenn frá Íslandi sérstakt tilboð. Chessbase hefur mikinn áhuga á að kynna og efla skákáhuga á Íslandi. Þessvegna er öllum meðlimum taflfélaga á Íslandi boðið eftirfarandi:

• Allir meðlimir taflfélaga á Íslandi og þar með meðlimum Skáksambands Íslands munu geta teflt í eitt ár frítt á Fritz skákþjóninum. (www.playchess.com)
• Hvert einasta barn og unglingur 16 ára og yngri á Íslandi geta einnig fengið eitt ár frítt á skákþjóninum.

Hvað þurfa íslenskir skákmenn að gera til að njóta þessa tilboðs?

Fyrst þarf að hlaða niður ókeypis viðmóti (tilraunaútgáfu) af http://www.playchess.com. Eftir að búið er að tengjast þjóninum, þá er útbúinn nýr reikningur fyrir notanda(account). Valið er notandanafn að eigin vali. Mikilvægt er þó eftirfarandi:

• Íslenski fáninn er valinn.
• Rétt nafn er sett í notendaupplýsingar.
• Ef viðkomandi er félagi í taflfélagi þá skal þess getið.

Þegar búið er að skrá notandann í kerfið þá er hægt að skrá sig á síðu hjá Chessbase. Allir skákmenn frá Íslandi þurfa, til að fá eitt ár frítt, að fylla út skráningarform og senda inn.

Fljótlega verður reikningurinn virkur og gildir áskriftin til 15. desember 2003. Íslenskir skákmenn fá stöðuna “Knight” eða “Riddari” sem leyfir viðkomandi þannig að taka þátt í öllum viðburðum og mótum á skákþjóninum. Reglulegar uppfærslur verða á honum á næsta ári og verða allir látnir vita af þeim þannig hægt er að uppfæra án þess að það hafi á nokkurn hátt áhrif fyrir íslenska notendur.

Atburðir á skákþjóninum á meðan “íslenskum vikum” stendur.

23. nóvember 2002:

Hápunkturinn verður þennan dag. Bláa Lóns mótið verður fyrst og síðan strax á eftir verður “THULE-THROPHY” mótið. Á sama tíma verður úrslitaleikurinn í bikarkeppni ÍAV í húsnæði Skáksambands Íslands. Þetta allt er hluti af skákhátið sem er skipulögð af taflfélagi Garðabæjar. Skákirnar á báðum mótunum verða sýndar á hátíðinni og líklega tefldar þar líka.

Bláa-lóns mótið

Eins og áður hefur verið minnst á þá er þetta liðakeppni með fjórum liðum, þar sem þátt taka landslið 20 ára og yngri frá Þýskalandi, Frakklandi, Íslandi og Svíþjóð. Öll skáksmböndin hafa tilnefnt mjög sterk lið til þátttöku.

	Frakkland	FIDE-ELO
1	Yannick GOZZOLI	2377
2	Sébastian MAZE	2374
3	Arnaud RAINFRAY	2372
4	Anthony WIRIG	2350
V	Fabien LIBISZEWSKI	2308
Liðsstjóri	Stephen BOYD	2343
	Þýskaland
1	IM Jan Michael Sprenger	2430
2	FM Florian Graflspan	2351
3	Christian Seel	2350
4	Ilja Zaragatski	2332
V	Hannes Rau	2325
Liðsstjóri	IM Michael Prusikhin
	Ísland
1	IM Stefan Kristjansson	2431
2	David Kjartansson	2224
3	Sigurdur Pall Steindorsson	2211
4	Halldor B. Halldorsson	2168
V	Bjorn Ivar Karlsson	2132
Liðsstjóri	Ingvar Johannesson
	Svíþjóð
1	Philip Landgren	2222
2	Victor Nilsson	2133
3	Dennis Wallin	2111
4	Kevin Ong	2076
V	Sebastian Nilsson	2111
Liðsstjóri	Baldvin Gislason

Liðinu sem vantar verður bætt inn þegar liðsskipun berst. Þessi fjögur lið munu keppa við hin liðin á 4. borðum þar sem tímamörkin verða 15+3 (15 mínútur + 3 sek á leik). Hægt verður að fylgjast með öllum skákunum beint í “tournament room Offical B” á þjóninum. Tímaáætlun: (íslenskur tími)

16.00	Móttaka þátttakenda og töfluröð tilkynnt. Kynning á liðunum frá liðsstjórum.
16.10	1. umferð hefst.
17.00	2. umferð hefst.
17.50	3. umferð hefst.
18.40	Verðlaunaafhending
19.00	THULE-TROPHY hefst

THULE-TROPHY

THULE-TROPHY er lokað hraðskákmót með um 36 keppendum. Þar taka þátt þátttakendur úr U20 liðakeppninni (Blue Lagoon), tveggja keppenda frá Taflfélagi Garðabæjar. 4. topp skákmenn frá Íslandi munu einnig sýna hvað þeir geta. Að auki koma sex þátttakendur úr undankeppninni sem er viku áður eða 16. nóv. Meira varðandi þetta neðar.

Í THULE-TROPHY verður telfd hraðskák (5+2). Mótið er styrkt af Chessbase. Verðlaun eru eftirfarandi:

1. verðlaun	250,00 evrur
2. verðlaun	200,00 evrur
3. verðlaun	175,00 evrur
4. – 5. verðlaun	ChessBase Megabase 2003
6. – 8. verðlaun	Eins árs áskrift af ChessBase Magazine

16. nóvember 2002, kl. 16.00 að íslenskum tíma, Tournament room Official A:

16. nóvember verður forkeppni fyrir THULE-TROPHY mótið. Mótið er opið fyrir alla á skákþjóninum svo framarlega sem titillinn er amk. “Knight” eða “Riddari”. Hins vegar er nauðsynlegt að skrá sig í mótið fyrirfram. Hægt verður að skrá sig þangað til 2. tímum áður en mótið hefst. Til að skrá sig verður að notast við sérstakt skráningarform. Allir þátttakendur geta notað sitt venjulega notendanafn en nauðsynlegt er að gefa upp fullt nafn og stig þegar skráningin á sér stað. Nafnlausar þátttökutilkynningar verða ekki teknar gildar.

Forkeppnin verður annað hvort 11 eða 13 umferðir eftir fjölda þátttakenda. Tefld verður venjuleg hraðskák með tímamörkunum 5 mín á skák. Þeir sem lenda í 6 efstu sætum munu komast áfram í THULE-TROPHY keppnina en aðrir keppendur eiga einnig möguleika á verðlaunum í stigaflokkum.

01. desember 2002. kl. 16.00 , Tournament room Official B

Þennan sunnudag mun Chessbase halda sérstakt mót “Welcome-Iceland Tournament” til heiðurs íslenskum skákmönnum. Mótið verður venjulegt hraðskáksmót, níu umferðir eftir svissnesku kerfi og er opið fyrir alla. Áhugaverð verðlaun verða fyrir efstu menn og auk þess sérstök verðlaun fyrir íslenska keppendur auk einhverra verðlauna fyrir stigaflokka.

08. desember 2002, kl. 16.00 (íslenskur tími), Tournament room of the DSJ (Deutsche Schachjugend)

Lokapunktur “íslenskra vikna” verður þegar þýska unglingasambandið heldur opið hraðskákmót (5+2) til að bjóða sérstaklega velkomna bæði unglinga og börn frá Íslandi. Mótið verður 9. umferðir og bæði íslenskir og þýskir unglingar fá möguleika á að kynnast innbyrðis með því að skrifast á (chat) og ekki má gleyma því að hægt er líka að vinna verðlaun.