|
大家呢幾日, 都應該唔會成日再見到我o係網上出現o架啦... 我覺得係時候, o係icq o既世界抽離番出黎... 比d時間我丫~ 因為我發覺到, 我其實上網o既時間, 用黎做其他野, 會做到好多好多野o架~... 同埋, 我諗我仲會睇清楚好多野tim~ |
|
我曾是一個傻瓜... 可是以後都不再傻~ 唔聰明, 但係都唔蠢~ 講得出, 做得到! i promise! 什麼是真的感覺? 我其實很怕孤獨... 其實我的世界很平凡, 和你沒有什麼不一樣 雖然世界充滿痛苦, 但也充滿克服痛苦的喜悅... 一個日子, 一個時間, 一個地點... 你我相識的那刻開始, 已在改變對方的生命... 我們的緣份, 就由此開始了... 一個人, 一個心, 一種心情... 我為自己而活...走在路的盡頭... 發現盡頭的路, 也是另一個新路程的開始... |
|
識我o既人, 都知道我呢度打出黎o既野, 就好似係我o既日記咁, 我每一日都會用floppy save 番低o架~ 不過問心丫, 呢度寫得出黎o既野, 可以有幾多丫~ 就算寫o左出黎, 都只不過係一d 好表面o既野黎o者~ 我知自己好懶o架~日記都懶拎起枝筆黎寫, 不過冇計啦` 因為我發覺打仲快過寫, 所以由尋晚開始, 我就用notepad寫日記! 今日好搞笑呀~粉彩考試~ 個個今日出奇地認真, 好努力咁畫...^_^ 都畫得幾好丫~ 不過我畫o個幅o既影, 真係嚇死人... 因為我落d黑色重手得滯...v_v anyway~ 都實合格o架啦~ 唔鬼理啦~ |
|
Tobey呀Tobey~ 你好煩呀~ 成日諗埋哂d無畏野, 搞到自己煩不單衹, 仲搞到人o地都煩埋, 你話你係咪衰丫~v_v 終於, 我昨晚又明白o左一樣野, 如果o個個人係當你friend o既話, 根本就唔怕你煩...^_^ 今日好乖咁o係屋企畫畫呀~ 畫o左兩張, 一樣就普通啦~ 另一張都滿意o既~ 哎呀~ 昨晚做貞子~ 好驚呀~ 我睇o左開頭o個半個鐘咋~ 始終都係唔敢睇埋落去... 講你o地知丫~ 我未正式睇過貞子系列o既戲o架~ 因為我好細膽o架~ v_v你o地唔好嚇我呀... |
|
今日好開心呀~ 同阿wing行街街, 大家互相做對方o既魔鬼, "買啦買啦~" 就係咁, 個袋由冇咩野, 變成好多野啦~ ^_^ 過o左幾日好開心o既日子, 突然間, 覺得好似暗藏危機咁...有d擔心~v_v 可能又係我杞人憂天o者~ 但係...好似同細佬咁, 我又覺得...開始又冇咩野講lu~ 又怕悶親佢...o'.'o 生活總係太平淡, 冇咩特別野發生...搞到個人都悶哂~ 我想玩多d, 見多d野, 識多d人... 不過...又係主動問題~ 好多野都唔敢做...v_v |
|
今日好開心呀~ 真係開心到難以形容, 開心唔係因為自己~ 而係為o左人o地, 究竟係咩事? 哈哈~ 咪就係我個好醒o既細佬見成o左一份佢好想做o既工囉~ ^_^ 尋晚都幾開心o架~ 又同細佬傾到成4點... 不過佢真係好鬼衰, 傾傾下, 我肚餓, 佢就不斷同我講關於食o既野, 又威脅我唔帶我去食喎~v_v 呢幾日, 我真係開心o左好多呀~ 真係要好多謝細佬教o左我咁多野, 令我改變o左對好多野o既睇法... 咁當然仲有你o地啦~ ^_^ |
|
今日個心, 其實唔係幾開心o架~ 不過同完yan yan, 阿wing 去行街shopping, 買野食, 買下袋咁, 心情又好番d... 其實, 我明白到, 好多野都係逼於無奈... 唔做都做o左, 咁仲可以點呢? 咁既然已成過去, 就算啦~ 以後唔好再犯, 就冇問題啦~ ^_^ 生命原來真係好脆弱o架~ v_v 我好希望每一個人都會好珍惜有生命o既野... 今個星期, 我諗我都食唔落肉o架啦... 食下齋, 當清下腸胃都好丫~ |
|
哎呀~~細佬好鬼衰o架~ 昨晚同我講食野, 有邊d邊d好好味~ 引到我留哂口水~ 正一衰人黎o架~ 你話現在點算好? 有得諗, 冇得食~ 好慘呀~~v_v" 其實都好耐冇食過一餐好o架啦~ 我o既意思係...食得開懷o個隻~ 開開心心咁食... 唔知幾時先有d咁o既機會呢? 好開心呀~~ 我遲d可以換電腦啦~~^_^ 我現在真係好頂我唔順部電腦...慢到死~ 哈哈~終於講掂o左daddy~ 好快就有新電腦用lu~ |
|
講出事實的真相, 係需要好大勇氣o架~ 我昨晚, 終於拎出最大o既勇氣, 講o左出黎... 係時候有個好o既交代, 對我黎講, 可以鬆o左一口氣, 而呢件事, 如無意外, 亦都告一段落...好開心呀~ 屈住o左咁耐, 終於都講o左個事實出黎...^_^ 同細佬傾開朋友問題, 突然間, 我好掛住Athena呀~都好耐冇見佢lu! 好多野都想同佢講o架~ 仲有...又唔知佢搵到工未呢? 哎呀~ 發覺自己好衰, 去書展搵o左佢一次, 搵唔到就冇再搵佢. 唔得, 下個星期得閒d, 再搵下佢先~^_^ 累了, 只想好好休息...v_v |
|
呢排都習慣o左夜訓... 咁當然唔夠訓啦~ 於是咪搞到頭痛囉~ 不過夜訓都係值得o既~ 最主要做人開心o者~ 哈哈~ 同細佬晚晚都好好傾呀~ 傾到唔想訓~ 今日去o左睇書展~ 都係無無聊聊, 冇咩收穫, 年年都知道係得個行字, 不過我點都會去, 因為睇書展係我每年必同athena一齊去o既節目之一, 好可惜~ 今年冇同佢去, 同o左我班同學去~ 好慘呀~ 今日比阿yan 折磨~ 佢成日都"唐唐" "龍龍" ~ 救命呀~ 鐘意唐文龍鐘意到傻o左~~~ 人黎, 快d送佢入青山~ ^_^ 今日係三哥Dennis生日呀~ o係度祝佢生日快樂~ |
|
估唔到, 昨晚同細佬傾下傾下, 都傾到4點... 之後諗o左好多野, 成5點先訓得著. 做人要拎得起, 放得低... 我大個女啦嘛~ 我為o左表示我o既決心, 我將所有野都搵哂出黎, 將佢o地放哂o係一個箱度, 電話上o既顯示屏唔會再出現match all the time, 電腦o既screen saver都唔會再有match o既字樣出現, 買比佢o既野食, 我都會食哂佢. o係呢一年黎, 我擁有過, 失去過, 呢d都係過程, 而明知結果係點, 都沉淪落去o既話, 呢d叫傻,叫白痴, 低b... 放心啦~ 我掂o架~ 就算咩都冇, 我都仲有d阿哥同埋細佬雀仔丫嘛...^_^ |
|
情傷後, 先是失落, 繼而憤怒, 再之而來的則是隱隱作痛. 苦澀的感覺彷彿在心的底部, 就像地球核心的熔岩; 表面上一切很好, 然而每一天卻需要過得特別用力. 內在的痛在無形間影響著一個人; 世界觀, 信念甚至有突如其來不能解釋的行為. 有人因為這樣而變得懶散失落, 有人因此而變得對一切冷漠, 有人變得極端, 有人變得自愛~ 唔知我係屬於邊種呢? 懶散失落? 我唔情傷,平時都係咁o架啦~ 變得對一切冷漠, 但係我知我冇可能做到. 變得極端-->咁成日出街玩, 飲酒食煙算唔算o架? 變得自愛.我諗我做到o既~ |
|
o係呢年幾以來, 我的感情生活都一塌糊塗... 終於今日開始, 我會做番一個自由人...過著冇感情的生活. 我曾經以為, 所有野, 兩個人一齊做先會開心, 其實都唔係o既... 一個人都可以好開心o既o者~ 我好想從新開始, 我唔想再依靠其他人而生活... o係我仲未搵到其他寄託之前, 我好希望大家會支持我... 留o係我身邊... 我會好記住對我好o既人o架~ ^_^ |
|
尋晚真係好邪o架~ 我同至靚至型仔o既細佬 - 雀仔... 竟然齊齊玩發燒...真係黑仔...v_v 我訓o左好多覺呀~~搞到成個人wing wing o地咁... 最慘係...我又亂諗野, 搞到自己o既心情好down... 真係唔死都冇用... 每一次病o個陣, 我都會睇清楚多一d 野... 就係邊個先係friend, 邊個識得o係我需要o既時候, 安慰下我, 比番d 溫暖我...好感激大家~~^_^ 其實兩個人同一個人o既分別都唔大... 一個人咪仲好...right?! |
|
呢幾日, 我都好累... 我的能源終於都用完了... 我覺得自己好無用, 好軟弱... 一起身, 已經發覺自己發燒...於是落街睇醫生... 當我坐在一角等睇醫生o既時候, 唔知點解, d 眼淚不斷的流下來... 我以最快的速度, 用手抹去面上面o既眼淚... o個一刻, 我完全唔知自己點解會咁... 我只係覺得好辛苦... 醫生話比病假我, 我諗都唔洗諗, 就拒絕o左... 唉....我仲有好多野要做, 得閒死唔得閒病... 最討厭係, 唔忙都唔病... 搞到我都唔知休息好, 定係做hw好... |
|
呢日, 我o既心情都好平伏... 只係個人好累, 成日都唔夠訓...v_v 突然之間, 我諗起流星雨... 雖然我冇睇過, 但我總係希望, 將來我有機會睇一次... 我o既心入面, 下著流星雨... 我o既記憶, 都好似流星雨咁, 一幕幕出現o係我眼前... 我有一包紙巾, 係捐血o個時o既贈品... 可能對於其他人黎講, 只會覺得o個一包係好普通o既紙巾... 不過, 對我黎講, 係好特別... 我唔會用佢, 只係會好好保存佢... 但係, 捐血o個個人唔係我, 而係9/5出世o既人... |
|
今日...我唔開心呀~ 因為我打電話去英國文化協會, 諗住問佢夠人數未, 成唔成團去英國... 點知, 佢答我, 現在只有6個人報o左名... 要等埋星期三先知...v_v 咁即係...好大機會冇得去... 我唔制呀~~ 哎呀~ 昨晚我又受o左好大打擊... 真係好唔掂... 我實在太高估我自己啦~....v_v |
|
由於昨晚"冇王管"的關係, 所以我玩到好夜先訓... 但今朝我10:30就醒o左啦~~ 點解咁早起身? 因為又要做功課囉~ 平時懶到死~ 所以積埋好多hw未做... 終於...今日好乖咁搞掂o左粉彩d功課... 破哂紀錄, 我一日畫o左3張~ 利害呀~~^_^ 不過好慘呀~ 我可能昨夜太夜訓, 冷氣又開得勁得滯, 搞到冷親...v_v 唉... 阿哥今日o係英國返o左黎~~好野~ |
|
哈哈~~我今晚睇完kelly演唱會, 原本諗住番屋企o架啦~ 但係結果比班friend拉o左我去D~~ 去到成點幾~ v_v (差d比daddy mummy 鬧死~v_v) 不過好開心~ 好high呀~ 第一次去見識...好好玩~ 本來都冇咩跳o既~ 點知越跳越high~ 咩煩惱都唔記得~ 我有機會一定會再去過o既~~-^_^ |
|
今天我很不開心...v_v 很多東西我都不明白. 好彩有很多人安慰我... 其中一個朋友同我講, "我唔知點樣可以令自己快樂, 但最少...都不要令自己不開心啊~" 佢講得好岩, 即刻令到我o既心情好番d~ 其實我係知道發生緊d咩~ 好多野, 都要面對, 唔可以逃避~ 所以我希望比d時間自己諗清楚~ 我唔想到最後, 傷害o左人, 又傷害o左自己~ |
|
我出街的時候, 如果明知自己會搭好耐車o既話, 我通常都會帶一本書o係身邊... 近來帶在身邊的, 是"心靈雞湯 - 關於青少年"... 入面其中一個chapter o既開頭, 寫o左d咁o既野~ "每個讓你停下來, 仔細審視臉上驚惶神色的經驗, 都會賜予你力量, 勇氣, 與信心, 你因此可以告訴自己: 我已經歷過這樣難以承受的事, 當然可以勇於面對下次的挑戰~~" 我覺得好有意思, 好想同大家分享... 其實當你o既心靈上有任何創傷, 我絕對會推薦心靈雞湯呢本書... 起碼, 佢會比到你一d安慰, 滋潤你的心靈... |
|
昨晚終於都做o左一個決定... 呢個決定對我黎講係一件好事... 有結束才有開始...或許好多人覺得我呢個決定好自私, 好唔岩... 不過我唔需要你o地去明白, 因為我覺得只有咁先會令大家好過一點. um...我冇咩想講... 要講o既野, 我都講哂... |
|
今日好”囉”呀~ 唔記得o左帶銀包...v_v 好彩個司機好人o者~ 晨早起身就搭霸王車~ 個心好唔安樂呀~ 但有一件事, 都令我開心o既~ 因為我7月30-8月13, 又可能會去英國呀~ 點解話可能呢? 係因為成唔成團都未知, 現在只得6 7 個人報o左名, 要夠10個人先可以成團... 不過...就好貴囉~ 半個月都成21000... 但係如果真係學到野, 又見識多d, 咁都值o既... 呢一個trip 係關於藝術o架~ 會帶我o地睇好多藝術館... 對於讀design o既我黎講, 真係一個好好o既學習機會. 雖然我有好多野都放唔低...但係半個月好快o既o者~ 乖d啦~~~ ^_^ |
|
今日雖然有好多功課做, 但係我都好開心呀~ ^_^ 我為d咩開心...哈哈~ 估下啦~ 不過睇死你o地都估唔到o架啦~ 心情真係好好... um...今日都冇咩好講~ 都係要繼續做功課先得...v_v |
|
唉~ 好想睇孤男寡女呀...v_v 但係個個都睇哂...冇人陪我... d 功課我已經半放棄狀態, 根本冇可能交得到, 點做呀~ 十幾樣咁多~ 唉~ 都係怪平時自己懶啦~ 丫~ 有人話陪我去買大口仔野, 好開心呀~ ^_^ 希望買到大口仔電話繩啦~ 今日搭van仔返屋企o個陣, 可能架車太局啦~ 搞到我好唔舒服, "蟻"住"蟻"住咁... 好慘~~~ 昨晚我好開心呀~ 大家又估下因為d咩~? |
|
哈哈~~今日係阿wing生日, 當然要o係度同佢講句生日快樂啦~ ^_^ 其實鐘意一個人, 真係冇得解釋o架~ 好似先頭對o個個人冇咩好感, 但慢慢又可能培養到d感情出黎, 所以緣份真係好難講... 我唔知自己鐘意你d咩呀...相信只有時間可以幫我搵出答案~ 死啦~ 好多hw做...都唔知點死~ 人體素描 + 粉彩, 總共起碼有十一二樣... 下午已經好乖咁o係度做o架啦~ 做就實做唔哂o架啦~ 不過我會盡力o既~ 今日除o左係阿wing o既生日之外, 仲有係一個對我黎講幾重要o既日子~ 哈哈~~估下係咩~ |
|
很多日子, 對於我來說, 都是很重要的. 例如自己的生日, 朋友的生日, 情人的生日, 情人節, 聖誕節呀咁... 當然, 有d所謂拍拖的紀念日, 就絕對唔少得啦~ um~~我好欣賞人o地記得同自己識o左幾耐~ 是對我一份誠意, 一份重視... 如果o個個人係對你唔重要o既話, 你根本都費事浪費時間去計下同佢識o左幾耐啦~ 係咪? 有很多東西, 是由欣賞裡產生好感的... 阿wing~ 預祝生日快樂~ ^_^ |
|
昨天基本上係好累o架~ 本來同自己講, 要早d休息~ 但最後都同小玲玲傾電話傾到好夜~ 現在好眼訓呀~ 哈哈~ 不過又幾開心o既~ 唉~ 我今日有dd失望呀~ 因為大口仔出o左新野, 我搵極都買唔到電話繩呀~v_v 如果有人見到, 幫我買丫~ o'.'o 其實呢~ 玩o左icq咁耐, 我好怕見到人o地o係度, 又唔啋我... 咁樣, 我寧願invisible o左佢, 等佢見唔到我仲好... 起碼我可以呃自己, 佢只係見唔到先唔同我chat o者~ 佢見到我一定會同我chat o既~ 我咁諗唔知係咪好傻呢~? 唔知呀~ 唉......自欺欺人~ |
|
哈哈~ 我終於返o左黎啦~ 大家有冇掛住我先~?? ^_^ 如果冇o既話, 我嬲o架...v_v 我好掛住你o地呀~ o'.'o 基本上, 呢個星馬旅行...都不過不失o既... 最可惜係室外熱, 室內凍, 所以一冷一熱, 又病o左...好鬼唔掂o架~ 去到, 最主要都係食野為主, 所以見到我o既人, 應該會覺得我又肥o左... 死~ 咁就大穫囉~ 本身已經肥o架啦~ v_v 所以, 返到黎要齋戒沐浴先得~ 最難忘o既事係`同鸚鵡影相呀~ ^_^ 好得意~ 仲有見到企鵝呀~~~ um...都唔係好熱o者~ 我反而覺得HK仲熱啦~ anyway~ 都係屋企最好~ 還是回家好~ |