BACUUR
Julaknya
 

Julaknya ni tamasuk nang tuha jualah. Jadi tahulah salasilah bubuhan kita sabarataan. Disini Julaknya handak manarangkan salasilahnya, janganlah kaina ada nang kada batahuan.   Izinkan Julaknya mancuurakan:
Jadi manurut caritanya, bubuhan kita nang Bapander ni baasal dari  keturunan SiDiangBuruk nang kawin awan Siutuh Harat. Anak sidin nang panuhanya amun kada tasilap ingatan Julaknya ialah siMaya, yang lainya Serambi, Allan dan nang paanumnya Busu Acil. Jadi Serambi ni pulang kawin awan Diang Harat dan dapat anak nang bangaran Timpuang. Allan kawin awan urang banua, dapat anak Nanang Ganal. Nanang Ganal ni khabarnya mati selagi haloi, kada sawat bisa mamicik keyboard jadi kada suah umpatan bapander. Jadi kerana kamatian anak, Allan marista bangat, taungut-ungut jadi akhirnya bahijrah ka Malaysia dan baubah ngaran jadi aLLan^ kerana ngaran asalnya tu kada rasi - penggaringan. DiMalaysia aLLan^ kawin pulang, kada ingat siapa ngarannya, baulih anak Luncup. Luncup ni pulang kawin awan Inah, anakamanakan Ruzaina. Angah  Tuhalus tu pulang dua baading awan Nanang Lamak anak Nanang Laki (urang banua).  Kancur nang diestet tu asalnya memang datang dari India, tapi lawas bagana diBanjar, jadi tu am basurah tapulilit ilat. Sudah tu, Timpuang bamaruwai anwan Agah da'Sugih yang basapupu awan tungau dan ba.ra.nga. Bila tungau dikawinakan oleh ayahnya (TaTaGuk) awan ulat bulu, dapatlah Mangaradau Haja awan Mangamput Haja. Kaya itulah salasilah sabujurnya. jadi janganlah ada lagi nang anum-anum ni tasalah tasilap lagi.
Jadi adakah Kancur = Selasih?
 
 

     baranghaja
     Burung gagak warna hirang.
     Kenapa burung tinjau putih awan hirang?
 
 

     Mangikut caritanya, waktu bahari kala, adalah saorang raja (raja palsu) maingun gagak. Suatu hari raja
     tu balalah kasaabiah kampung. Manurut caritanya raja ni tajumpa awak itik angsa warna putih. Itu am
     raja tu mangawin akan gagak ingunan sidin awan itik tadi (macam urang mangawinakan bunga kartas tu
     lah!). Cagaran sidin handak baulih gagak yang paruna kada hirang kada putih, tapi akhirnya baulih tinjau
     balang putih-hirang. Kaitulah caritanya.
 
 

     Yang lamah lambut, yang karas kajung

•      bagamat - badadas
•      baimat - umpah
•      garu - karukut
•      gimit - kuriak
•      pusut – gintas
•     lapai – kubui
•     kiming – kacak
•     manoh – luhau
•     kulir - saing

     Orang bahari barumah kayu, Orang wayahini barumah batu.
     Orang bahari bajalan batis, Orang wayahini makai mercedes.
     Orang bahari manabang hutan, Orang wayahini manimbun hutang.
 

Orang bujang,  Orang kawin

Orang bujang bagawi siang, orang kawin bagawi siang malam
Orang bujang basaung hayam, orang kawin basaung malam
Orang bujang guring surangan, orang kawin guring bagampir
Orang bujang mangimimg hintalu, orang kawin mangiming bintalu
Orang bujang hidup manumpang, orang kawin hidup batumpang.
 
 

Orang anum, orang tuha
Orang anum balumba haram, orang tuha yang rasa seram
Orang anum tulak balalah, orang tuha ngaleh manggalah
Orang anum nampaianakan pusat, orang tuha mata tabalalak
Orang tuha tuhuk mamadahi, orang anum kada paduli.
Orang tuha aur manata, orang anum kada bamata.
Lagi anum lumba haram. sudah tuha maulah anak haram
Lagi anum kada balajar, sudah tuha kurang ajar
 
 

Sudah kawin ngako bujang
Bini dua ngako duda
Rambut bahuban disapu kasumba
 

Sudah janda tapi kaya anak dara
Baju handap manampai dada
Orang maniring tabalak mata