diyang kantoi
KD
nilasakunta
ba
tinjau
ba.ra.nga
kupiah
tinjau
dangsanak
UR
Banjarharat
diang kuntum
marinaan kalingau
sahang
putrilimaupurut
dangsanak2
pang5 sindu
nilasakunta2
D'jambak
panchau
lunta
TT Wa
Nj
DsASALa@DSS
Diang Inchum
diang kuntum
TT Wa
ujik jabis
Nj
Pupudak Matai
ba.ra.nga
lunta
dangsanak
......
diyang kantoi
KANTOI
Mon Aug 5 21:43:12 2002
202.184.23.246
Ni carita diyang kantoi jaman baharikala, kira kira masa darjah lima dan
anam.
Diyang kantoi ni pa macal jua urangnya, katuju malacong lacong, mun bagusti
wan sapaadingan tu kira biasa la tu. Napakada abang 2 ikung , ading
lalaki pulang nang dibawah diyang balima, mun diyang aur bawadu adu
ka ayah gen kada baguna, tulak haja ayah bagawi, siap la diyang kana tinjak
wan abang nang 2 ikung tu, kada buleh jadi ni, diyang gen kana la jadi
macal jua.Ummai ai muyak nya ai, mun bakalahi sapa'adingan bagumpal gumpal...batumbuk..batampar
, bahalulong bahintaung..cah !!! kada hingkat diyang madahkan lagi
kiyaapa gigirnya kami, mun warek dalam Zoo nireng kami sapaadingan..maupang
dikuyanya kami...tabalik warek nang manonton kami hehhehehhehe.
Alkisah dalam kaadan diyang nang macal, pawanian , gancang pulang tuh..bila
diadakan pamilihan wakil "bula jaring" disakulah, diyang diantara
murid nang tapilih, bukan sambarangan pulang tuh..diyang diandak dibahagian
"depender"....kira urang kuat dan urang harapan la tu (masuk bakul
angkut saurang hihihi), wayah itu diyang dalam darjah lima.
Awan gaya macho diyang gen bahabar nu uma ayah barita nang ma'araikan
ninto. Ayah ni kira OK la, kada kisah. Uma tarus bamamai "ikam tu Yang ai,
bulik sakulah banyak lagi gawian dirumah ni, bamasak, basisimpun, ingo ading,
ulahkan susu ading, ikam ni kira nasib baik...nyamannnnnn haja disakulah
dudukan , ako nih hulu kada suah kasakulah tumat halus lagi...bangun pukul
ampat pagi tarus manyiang ikan puyu, kali, haruan,sapat hagan diulah ikan
karing...ba bisin bisin banyaknya...Siang pulang ako nih kana basisimpun
bamasak hagan ading ading, uma ayah bagawi mananam padi. Ikam tu taho lah
Yang...pa badusa taho lah malacong lacong ditireng urang, lintuhut pulang
mambangal kaya tihang jamban, praya...praya..gani'e uma ulah gawian dirumah
ni...badusa taho lah...badusa". Ummai ai punya lah hibat mamaian uma, satumat
irama tinggi, satumat randah irama padang pasir uma tuh, kaya urang rahat
mangaji Quran..siap wan panjang handap nya...kaya batajuid pang. Napalagi
kantoi la harapan diyang, tuhuk Diyang mamikirakan kayaapa handak mahabari
barita sadih ni nu Ciggok.
Baisukan nya Ciggok gen mahiau sunyaan murid nang tapilih tadih hagan
balatih barang sa jam dua. "Ciggok, diyang kada hingkat umpat la dalam pasukan
bula jaring nih, uma kada mambariakan, uma nyuroh diyang jaga ading, mun
patang (latihan waktu patang) diyang kada hingkat kaluar rumah", jer Diyang
bawadu nu Ciggok. Napakada mancileng Ciggok Ramlee wan Ciggok Maimunah, "alasan
jaga ading daida, ikam musti datang balatih, mun kada datang kina
ciggok denda ikam".
Apa buleh buat, tiap pagi Diyang kana mama'e wan ciggok sabab kada datang
balatih waktu patang, balatih waktu pagi haja. Waktu handak balawan
wan sakulah lain (paringkat daerah) dah parak dah.
Diyang kantoi ungut ungut handak ma'akalani kiyaapa handak mamintare uma
ayah, balatih waktu patang. Tabaraung pulang masa tuh darjah lima
ada "papariksaan panilaian" , jadi Diyang gen badusta la nu uma (shhhtttt
Diyang dah minta maaf dah) , jer Diyang patang ada "kalas tambahan".
Bila uma ayah dah katuju diyang ka sakulah waktu patang, Diyang kantoi
gen bapiragah lah mawa buku, pinsil dalam beg. Diyang mamuruk baju kurung
batapih (shhhtttt dalam baju kurung tu Diyang puruk T'shirt...dalam tapih
Diyang puruk salawar handap. Sampai haja ka Padang sakulah, diyang timbai
baju kurung wan tapih, taros malacong kasukaan dapat mandusta'e uma dan
dapat bamain bula jaring.
Tujuh hari lagi parlawanan ka sakulah Kuala Kubu Bharu, ummai ai bapaluh
paluh Diyang mancari akal pulang kiyaapa handak mahabari uma ayah
handak tulak ka parlawanan tuh. Tujuh hari tujuh malam pulang Diyang
inda kada karuan rasa, maklum haja ah handak naik mutukah ciggok tulakan
ka KKB tuh. Ciggok dah mahabari, pamain nang kira hibat, dapat naik
mutukah Ciggok nang paling ganal, nang lain lain naik mutukah Ciggok
nang halui, Diyang nih wan dua pamain sooter tamasuk dalam sanarai naik
kurita ganal....hmmmm..kada sabar rasanya. DiCardap kan carita wan campur
tangan Ciggok, dapat la Diyang tulakan ka KKB...Manang.
NI kisah uma pulang nang tulak bagawi "manabur baja", di Felda Sungai
Dusun wan Sungai Tangi, pahadangan puhun gatah hingkat di toreh. Uma ni tulak
bagawi susubuhan badarau wan urang sakampung naik LURI, bulik pulang dah
jauh patang hanyar cangol karumah. Biasa la banyak haja kawan uma nang anak
dara. Bila masa makan tangahari, maka bacarita lah kawan kawan uma pahadangan
mahabisi nasi ditangan. Salah saikung anak dara tu bangaran Rusmah, inya
nih aktip dalam "BELIA" di kampung, inya gen bacarita nu uma. "Ano Cik ai
ulon ni mun patang sasakali pasukan Belia karap balatih bula jaring wan kakanakan
sakulah Gadangsa, ummai ai walaupun kakanakan lagi tagal pintar wan hibat
bangat pasukan tu. Ada saikung Diyang tuh, walaupun awaknya agak lamak saikit
tagal ummaiiiii ai kada hingkat malawan ulon...hibat babanar"."Ooohhh kah,
sipa jer ngaran nya Diyang tuh???" uma nakuni Rusmah. "Diyang kantoi" jer
Rusmah.
"Hah?????....kiyaapa urang nya jer", uma nakuni panuh saspen.
"Urangnya lamak saikit, bakulit hirang (sshhhhh tapi manis U), rambut
nya kariting, mun kuriheng ada lasung pipit dihujung bibirnya". Uma
diam haja.
Bulik karumah rahat Diyang bamasak disapur, uma gen mahiau Diyang, karas
haja bunginya....Bah napa lagi Diyang gadibak gadibuk bungi dalam
dada Diyang, ni musti ada nang kada kana nih, dalam hati Diyang kantoi.
"Kasia ikam Yang...caam ikam bapadah bujur bujur, salawasan ni ikam
bapadah handak tulak umpat "sakulah tambahan" tu bujur ka kada, bapadah
bujur bujur, mun ako taho ikam badusta...kada mayo tanah ikam ku kapongi..ku
pupuhi". Di handapkan carita patang tu jua Diyang gen KANTOI...ripu awak
Diyang kana pupuhi uma, dasar uma kada magan diwaluhi, pantang banar
inya, kaya inya bapantang tatamo tahun pang...pantang tatamo tahun baru,
makaam baanak saikung inya...kada gen tahun hadapnya musti uma bapantang.
Tagal Diyang Basukur Banyak Banyak nu Allah s.a t, nang bagus babanar,
sunyaan anak uma "manjadi", kada manyusahkan uma ayah.
Barkat Diyang nang mawaluhi uma...kaputusan papariksaan Diyang darjah
lima tuh, kada baik, Kantoi...ciggok mahadiahkan Diyang "bukah sakuliling
padang" hagan satiap matapalajaran nang kantoi.
Sakian haja carita Diyang Kantoi nang KANTOI sebab mandustai uma ayahnya.
Haaaa...mun ada kakanakn nang maca carita diyang ni, jangan sasakali
mawaluhi kawitan..badusa taho lah!!!.
KD
MANYALAYA
Wed Aug 7 18:33:17 2002
202.188.10.109
MANYALAYA
Upal batakun ka nenek bini wan atuk laki. Takakana bagamat manyuuk, bakidip
bapatak mamaraki handak manyuari ka nang tuha-tuha bahari, napa ‘pandinding’
ilmu panyangga diri ? Huhunyanyang, kalawasan mangiciki. Tapaning
surangan batapuk dahi, bagintas jari, gagarunum bilang parak satangah
lali. ”Napa jua pang tuntutan andika bahari ?” Bubuhan nang anum takarumus
muha, tagicing gigi, garujutan kaning, kujub-kujub, takijim tabincalak
umpat mahawasi, magun kada jua maharati. Gawian nang disambat turang
MANYALAYA .Wasi tuha batagar nang jabuk di haragu, ‘barang’ tahagaan rahat
mangukut bulanak manambak tungkaran. Dikariup, dipundut awan kain kuning
bakasumba bungur. Napa ka inahulnya ?
Kucing marau laki, hirang mantuala saikungan nang pina katuju diingu.
Babatis handap, batalinga capang, hidung mingar, sisingut labat. Mata bulat
nyarak bila maningas, kada bakirip, habang mancirau ilah tataguk. Amun mangiau,
mamburinjing cagat bulu awak mandangar. Kada magan di galah, dihanyakan
haja, jauh sakali amun di pupuh awan sasapo, ngintu kucing ‘inguan’,
jangan dihirani. Amun digalah gin, mancungkung, manyadin mambu-u haja.
Kada bisa basisimban, dasar ‘binatang inguan’. Kada cagar ba-ugah, kada
bukah mancicing ilah kucing-kucing lain. Kaina malam ada nang baulihan,
ada nang bahilangan, ada nang kamalingan. Sarumahan sunyi suung kana
pukau, janak guringan kada sing garakan. Si Maling umpat makan pahadangan
mahungkar barang cuntanan. Kaina satuyuk tahi ditinggalakan. Gawian
bilang baliwatan….. sapala intuh babanar ….
Urang bahari banyak nang katuju ‘manuntut’. Nang lalaki handak taguh,
handak kuat, handak kabal. Gancang basahanan, tung banih dijujung di kapala
awan layarnya, banih saguni bapangup dikilik maringgung kiwa kanan. Tugul
manajak, talah satangah long sapagian. Batulang wasi baurat dawai, bahati
karing, batalinga rinjing.
Takajut tasimpurut duktur, takuciak misi, injik dibahu, malitak patah
jarum, kada lanjam. Ada nang handak baisi ‘Ilmu Panunduk’ bagawi nyaman aci
tunjuk, ricuk-ricuk. Urang takutan, napa kahandak diturutakan. Akal mamilanduk.
Napa jar sidin satuju tantan, ilah karabau di cucuk hidung.
Nang bibini handak, “Ilmu Pangasih” bapamanis disayangi laki. Napa jar
bini kada kawa ditangati. Babahum saurang manurut sakahandak hati,
nang laki karap dikalihumi, lalu nasi di padu sapariukan ‘ditangasi’.
Bacari, manuntut satayuhnya ilmu nang kada karuan. Basusuk jarum amas
gasan mamarunai pipi, putih mampilak kadada bakunat. Licin kaya hintalo
bakupas, arai bangat amun disaro “Si Diang Bungas”. Di tangah kaning
susuk bahalang, manghias alis nang lantik. Bagalung, basanggul tinggi
pesen ‘aneka gorondo’
Di bawah dagu susuk malintang, kakaruncum, muha manis, kada suah marong,
kukurihing tantan, bagigi amas kada bisa basasarik.. Tahi lalat
ulahan ditambahi, talinga disubangi, jari diinai-i. Basusuk di bawah
ilat gasan manyamani suara. Cacaringit bakuriak banyanyian, bilang
sampai tamimpi-mimpi, karindangan. Maigau-igau, malalur kasiangan.
Nang basusuk di awak nyawa liat, ngalih mahadap mati. Ditimbak awan paluru
amas, manjul kada mambari bakas, awan paluru pirak, matan takipai
tapuracak, kada jua batamu ajal. Ditimbak, ditatak, disudat, diudar
magun banyawa. Di gantal disumbalih kada pagat urat mareh. Dirandam
ka sungai, kada kawa lagi maliwa. Paampihan, disudi awan buluh barincung
sumpahan pamuga masa baguru. Sangsara hidup handak bamati. Tuntutan kaitu
gasan dunia nang pana. Kada manyanangkan, kada manyugihkan, imbah ta-ulih
bala, azab sangsara.
Saminggu sakali ‘haraguan’ diunjuki habuan, dibari pamakan saidang bajubung,
sanyiru wawadaian, apam mirah apam putih. Diandak, ditagai di tangah
ruang. Gagarungkap ilun kadangaran. Isuk pagi disingkai di bawah
tudungan, dilihati, tatinggal idang puang, langis kada bakaliungan.
Pinjung rumah ditungkali, baras kunyit dihamburi, bucu rumah dikulilingi
tujuh kali, tihang ibu dipajari. Rumah bahari batihang ‘karas’, di
tarah awan balayung.
Tumbak barajah bangaran Khalifah kana digaduhi. Kapiangan, amun kada diharagu
jurang ‘mamakan’ tuan. Kaina mati nang tuha, kana ada nang manyanggupi
- mahakuni. Amun kada disanggupi kaina bangalihan. Garing manahun, batangah
bulanan kada jua tacabut hinak urang nang maharagu. Awak kurus manjaing,
gigi jalanggaran, pipi limpap, mata calong, batis tatinggal tulang
karing, daging kandal sudah kandur, dada lipir tinggal kurangka, kapala
gipih, suara garut, basurah kada lungkas, kada babuku kada baruas lagi.
Ta-ampar surangan di paguringan. Taganang Orkes El-Suraya Medan wan
lagu “ Salimut Putih “.
Manggayau takamih di tapih, lancun saawakan, hancing saalaman. Magun kada
mada lawan kaluung, mahantos bubur nasi kada maalang. Talah batangah
purtin , mahaup-haup ilah saminggu kada tahaba makanan. Guring balampas
kahangatan.
Ilat tajulur panjang sampai ka barumahan. Guring di padapuran. Disintak
di ulur, sampai tapulilit di rasuk di galagar. Barabah surangan
‘mambarungun’. Bangun mancugat mamandiri ‘inguan’, ilah urang basurah
surangan.
Dirut-dirut ilah ilun itik manyudur
Napa di hirup, napa di kinum ? Urang batakun,
Jar….banyu pucirin.
Muriri, galianan, mandangar
Napa tuntutan ? Napa ulihan ?
Napa maka manyalaya bangat ?
Mata cagat maningadah ka bumbungan.Awak dingin manganyim, kuku biru, palipatan
karas. Nang suah kahantuan kawa malihat ‘Si Iblis’ baatui di alang,
mahadang handak manyakak puhun gulu ‘tuannya’ karana pamakan kada di
bari. Anak cucu takutanan, tajun bacuntan ka barumahan. Mana jalan kaluar
nang ‘diharagu’. Kahulu kahilir sasarudup bacari bumuh, mangasiam minta
ganiie minta tulungi. Bangsul bumuh lalu batakun. Siapa nang hakun
manyanggupi bat kawitan ikam nih ? Anak cucu, ba-uling kada, ba-unggut
gin kada.
Sakalinya bumuh sudah lawas manaho.
Hanyar sampai di muhara lawang,
Luman sawat malangkah watun,
Bau bilang manyalangsang.
“Sidin sudah kadada lagi.” Jar si bumuh.
Kawitan mangaroh ilah karabau kana sumbalih. Hinak habis, tabulaning tajujul
bigi mata manciling. Satangguk mata urang datang maniring. Ada nang
kapidaraan, maigau-igau kada mau taguring samalaman, katakutanan. Kayapa
malaikat manyintak pahinakan ?
Takibar samangat, taungkap tulang bumbungan, tasilak hatap rumbia, takitar
titiwa, mancuhung lubang tambus ka langit – bakas kaluar ‘barang
haraguan’. Kayapa pulang maurus janazah, batakun ka tuan guru ka
tuan Imam. Mapa mamandi, mapa mangapan? Hulat kalatikan, bahamburan,
kaluar dimuntung, bagarak dihidung. Bau haruk sakampungan, saalamanan.
Sambil mamandi sabuyung minyak engsen dikubuyi, bau bangkai magun mandingur.
Satusaini dikapan lalu disumbahayangakan, awak nang tinggal sakaping
papan. Ditangah halaman, bagarak-garak tabala, kakarubut tangan di
dalam kain kapan…Takipik mamarina sapadangsanakan, wani-wani takutan.
Saikung-saikungnya mandam. Mapa handak mambawa ka pakuburan. Balapan
kakanakan nang gancang, tamam-tamam awak manyahan, mausung baumbaian
sampai lantur buluh hauran. Pangusungan maumat-umat……Barat....Barat….Barat…Bawa
bamandak, barantat satumat…takalirut muntung basurah surangan. Dihihingkatakan,
diusung tarus ka tanah pakuburan. Manabuk liang gin batutunjulan, kada
wani, kada hakon kaluko kapuhunan. Takajut sabarataan, tanah liat rumbih
sing ganalan. Liang halui jadi ganal. Musim karing, kamarau panjang,
tagal banyu magun mangkabau. Mapa mamatak tabala timbul. Dijajak dihindik
hanyar mahu tinggalam. Tumbar urang sakampungan.
Tu pang jurang mun ‘ kada ditampan bumi’
Galitiran awak saikungan kadinginan, mancabi-cabi puhun gulu, ganal hinak,
lamahan lintuhut mahadang ari mulai kadap. Sunyaan kada sabar, kulang
kapik handak mantok badadas, badadahuluan maninggalakan pakuburan nang
kada bakatalahan.Talqin handap ancap dibaca-akan pahadangan urang mula
baisur.
Talah sapaju mamangan urang tuha bahari.
Parang kumpang nang disayangi paninian laki, simpak salawi matanya di
asapi tiap malam Jumahat. Baju hirang dipuruk satahun sakali, dijarumati
intang nang rabit. Batu guliga ‘sakti’ kawa bakunyung amun diparahi limau
mipis. ’Batu hidup’ jar nang manaruhi. Karambit dumul ditakutani. Karis basapoh
nang kawa
‘tarabang’ tapacak ka tawing saban minggu disintoki. Pisau lipat dilimaui.
Kaca, papaci sarabanya baturang bahari di taruhi silip di dalam
laci. Lading dumpu dikamiyani. Napa maka kaitu gawian urang tuha
kita bahari ? Kamana tulaknya ilmu ‘kihal’ ? Kadadakah nang mawarisi
gasan kita ari ni…!!!! Napakah ianya munafaat atawa mudharat ?
Pasan paguruan
“ Jangan pati talalo manyalaya batuntut Ilmu Kihal.
” Hati kada mau sanang. Pikiran kada tanang,
Hidup kada mau nyaman,baganangan,
Tuhuk bacari, uyuh bagawi
Ulihan kada dibarakati,
Ngalih mahadap mati.
Nilasakunta
Manyalaya KD
Wed Aug 7 22:44:12 2002
203.106.164.128
Bah! dasar bujur banar napa nang di kisahakan dika tuti orang bahari saja
kakaitu haja pang napa kah leh! aur handak bahaharatan haja tagal
kada mangganang akibat nang dudi.Amun mati nang karap jadi hantu nih
bilang Banjar pang sako ,napang parian nya di kisahakan gin cakadanya
bubuahan Malayo taho angkara nang kalakon tuh napa kah? Panjadian jar!
imbah haja di tanam siang ti habis haja sanja alamat bakukus pang pakuburan,
kada lawas ari makin sasain kadap iya hudah jaajaap pam bulik karumah. Amun
hantu lalakian tak kukurang jua tagal amun nang bibinian saja mambari
marma kapala pina curing kaya kukusan di muntung bajuntaian tanda nang
hudah di untalakan ka laki wayah hidup bahari napa ,basuara pulang tu
........Aku minta ampun ayah nya ai!!!......jar, imbah tu tatawa ........parian
mandangar tantu mamburinjing bulu awak batis gin asa kada bajajak di tanah
lagi ,maka hantu panjadian nih kada kawa di tutulak kaya iblis mun di tantang
saja di dapatinya banaran.Katalaluan tuti ada haja nang wani manakuni
kanu si hantu .........kaya apa di ahirat si anu.......manjawap ai......Ratttt.....ratttt....rattttt
heee heeeee napangada makin hangkui di tatawa akan nya banarai!
Di sasadangi haja parian nya handak manyalaya jua!
ba
Kaganangan Bahari
Wed Aug 7 21:50:14 2002
203.106.72.217
Kaganangan Bahari
Ako ni dilahirakan uma' di Sg Manik.Pt7D.Permatang Halt.
Saingatan ko la,,,,nang taho bahari tu kada lain.Bamacal
pang.Pagi tulak sakulah.Patang bamacal.Rumah ko ni parak awan jalan
kuritapi.Aktiviti harian to kada tanto.Mun musim banyu karingan dibandang,maikan
pang.Mun malam ni,kada tanto jua,takadang to bisa ai mambanjur kali.Mun
imbah mangatam,pahadangan urang handak manampak,(bahari padi tahun
ngah ai....)kami tulakan bagarit burung.Mun kadada aktiviti lain mun
malam ni,ada kakawanan mambawaik maliat talibisin(TV),kamana tulak?.To..ka
Sg Tukang Sidin tu mun handak maliat talibisin.Babiskar haja tu tulakan.Biskar
kada balampu.Mun ada gen sabuting jua nang ada.Mana nang ada balampu kana
jalan dihadap.Mun nang dihadap to pina kada karuan,maupang ada nang tacabur
ka parit 'kong'.Mun ada haja nang tacabur kadalam kong,talah nang dihadap
to kana injing talinga.Napa am,sajanya baamalar pa.Tulakan to kada mun
ramai,antara tujuh ka lapan biskar jua,taga masing-masing naik badua.Mun
maliat talibisin ni kana bayar sakupang(10 sen) saikong urang.Taga nang
tatapnya to ari carita malayo ari Jumahat malam,waktu siaran jam 10:30
malam.Bayangkan mun habis carita pukul barapa.Batangah malaman pang hanyar
hampai karumah.Kakawanan ko bahari to ramai ai.Antaranya Mad Said Yadin,Zamuri
Ladning,Amai,Utuh Haliling(galaran..)ito balah Pt 7D la..mun balah Pt
7C, Pt 7B,Pt 8 awan Pt 9 to,,Usup Ahmad(cucunya Hj Karim)Hakim,Abangnya
Puraca,Atip(Anaknya Asan Tahrip mamarinanya aLLan),A'an,Ali Arshad,tamasuk
lah Tinjau.
Ako ni bukanya apa,saja kaganangan kakawanan bahari narai.Asa
mustahil sunyaan nya to baulang baasa.Mana sunyaan nya to wayah ni?.Kada
taho.Nang ko taho Tinjau awan Abangnya Puraca jua nang ada.Tu gen
parak maniga puluh tahon kada batamuan.Suah mamandir di Internet awan
manalipon banarai.Tu gen Tinjau jua nang karap manalipon.Kakawanan nang
lain to kada suah batahabaan lagi dah.
Dikampong bahari kada kaya wayah ni.Bahari tulak kasakulah
bajalan batis.Tangah dua batu jauh nya rumah awan sakulah.Taga handak
jadi urang,tapaksa la sakulah.Mun tida,jadi hanto pang.Sakulah bahari
mula balajar jam 8:30 pagi.Napa am mun mahadang kakanakan nang jauh,ada
nang dari Pt 10 gen ada.Nang ada bahari sakulah kada banyak.Tu pang satu-satunya
Sekolah Kebangsaan Permatang.Sakulah ni kada mun harat banar.Sakulah
paninggalan British.Cuma ada dua haja bangunan.Kacuali di akhir tahon
1967 hanyar diulah bangunan hanyar,hagan bangunan tambahan.Bahari sakulah
to kadada bakantin.Nang ada dua buah kadai ganti kantin.Antaranya,subarangan
jalan to,kadai Uteh.Nang sabuting lagi to,kadai Palui.Dua buah kadai
ni pang ganti kantin.Tinjau taho banar kadai Palui ni.
Saat palih sadih ako sakulah disini(Permatang),ialah bila
ayah baandah ka Simpang 4 Semanggol.Masa to rahat cuti Penggal Ke
III.Jar abah ko"Kita baandah ka Spg 4 pulang umanya ai...."Mandirau
darah ko,napa am tapaksa maninggalakan kakawanan sakulah,Paninian di
Pt 4,Along Mohamad di Pt 6D,Pak Lang Dol di Kg Banjar.Ingui-ingui tangis,ako
kada hakon baandah kalain.Tuhuk uma' mamujuk.Katuhukan nya ako baalah
jua.Asa sadih banar ako maninggalakan kampung saurang awan kakawanan.Ari
handak baandah to hibak rumah awan urang kampung cagar basalaman wan
barelaan jar,ada nang batatangisan.Ako ni bilang kada karuan rasa pang.Kada
sawat batamuan awan kakawanan,ada la batiga baampat nang datangan karumah,nang
lain to kada taho di habar ako handak baandah kalain.Dari tarikh to,hampai
wayah ni kada batamuan lagi dah awan kakawanan bahari.
Patang tu jua sampai di Pt 1 Simpang 4 Semanggol.Mimang
kada jauh antara Pt 7D Permatang Sg Manik awan Pt 1 Spg 4 Semanggol,taga
mun hati saurang mimang di Sg Manik kayapa am rasa.Sayu,sadih,,,,,sapanjang
jalan ako to satumat manangis,satumat baampih manangis mangganangakan
kakawanan.Wayah ni,,,mana kakawanan ko bahari?.............
tinjau
Kaganangan bahari
jua
Thu Aug 8 00:07:15 2002
161.142.2.11
Aku nik di baranakakan di patangahan tahun 50'an di Permatang atawa Parit
7B, Sungai Manik. Arwah ayah ko asalnya urang Parit 6B Sg. Manik,
umako urang Masjid Tinggi, Bagan Serai. Kaduanya bahari basakolah atawa
mangaji pondok di Mesjid Tinggi sampai lah manyambung balajar ugama
di Singapura. Imbahnya tu bulik ka Sg. Manik lalo kadua dua nya maajar
ugama di Sakolah Agama Rakyat di Permatang tu tih sampai lah umur ko
4 tahun, imbah tuk uma ko ampih ma ajar, pasal aku ni ba ading lagi.
Arwah ayah ko gin bagawi pulang di Pejabat Ugama Islam Daerah di Teluk
Anson ( Teluk Intan ), kami bapindah ka Kuala Sungai Manik, damini kampong
tu di ngarani Kampong Bahagia, sampai lah ka akhir hayat nya.
Kaluarga kami ni dari banjar kaluak, tapi, pasal salawasan badiam di Sg.
Manik, aku hingkat basurah kada pilat langsung dalam ka dua dua inguh
nih.
Babulik ka carita masa haloi sabalum basakulah, yang tadi tu mukaddimah
nya banarai. Bahari tu leh, Parmatang tu saja rame', pasal nya kadida
batalibisen lagi, letrik langsung ngai, banyu paip gin kadida. Jadi
bila ada sukan Sakolah Parmatang ( sakulah angah lanjung ) atawa Ehtifal
di sakulah Agama tu maka banyak urang datangan, kira la dari Parit 1
sampai ka Parit 12 urang turunan. Kadai Paloi tu hibak pang, lagi lagi
imbah musim mangatam. Mudirnya bahari Ustat Hj Khalid. Sasakali bila
malam tu tarang wan lampu gaslin, tu yang rame' tu, pasal malam malam
lain nya bagalap haja pang. Mainan ko tu pang mangulung tayar biskar,
mangulung.... napa tu ngaran nya ( tampat jari jari biskar ) kalumpanan
ngaran nya, di gulung dangan kayu, muntung babunyi macam mutu. Bila panat
mangulung, nah mamulur sasiur wan gatah nangka, kada payah basalipar,
bukah budas haja, kada suah pulang tu tajajak papaci, bia di bawa kawitan
ka kadai paloi, nah bapaluang makan es kapal atawa kuaci cap halang. bah,
mun dapat es kapal tu gin bilang arai babangat.
Bibia umor ko dalam lingkungan masuk 5 tahun, kami bapindah ka Kuala Sg.
Manik, di kabun gatah. Tanah arwah paninian. Masa tu jalan Sg. manik
tu gin haloi haja lagi. Bas RIDA warna biru, bas nya gin handap haja.
Arwah ayah hanyar mula bamantukah, Morris Minor, Bia handak manguna,
malacung signal di pinggir lawang ( urang damini kada suah malihat signal
mantukah bahari bisa malacung. Mun betri nya kada kuat, kana ulai dari
hadapan. Aku kadida kawan, bakawan sadangsanakan pang. Sasakali kami di
bawa kawitan ka rumah paninian di Bagan sarai, 2-3 hari. Bakubang pulang
di paparitan, ujar urang Bagan Sarai, Taluk Ayak.
Tahun 60'an, aku mula basakulah di Sekolah Kebangsaan Sungai Tungku ( tungku
dapor ) Basurah malayo gin kada pati ruhui. Mujur jua sakalasan banjar. Bahari
darajah satu hanyar balajar mambaca ` Ali main layang- layang'. Bila mula
basakulah ni lah aku mula bisa bakawan, sampailah ka darajah 6. Ngini lah
jaman yang paling manis mun di ingatakan. Masa tu lah aku mula bisa maunjun,
manangkoi / mahancau, manaut, manimba, mangacal. Taho lah mangacal
? mangacal tu manangkap haruan / kali dangan tangan haja, di caluk lubang
haruan, di tangkap hidup- hidup. Mun musim mambuang banyu, panuh raga
ganal. Talah ma ikan, balumba pulang di kunci air, tajun dari atas ilah
Tarzan. bayang kan lah, punya lah tinggi, wani haja manajuni, tajun tirok
pulang tuh, taga' kami taho dah di mana yang batunggul. sasakali, malam
ada wayang gambar pertanian / ugama. nah, kada mambaca buku pang, dari
patang lagi spekal nya dah hahalulung, kuciakan kakanakan kaaraian. cuti
mangaji malam tu. al maklum lah kada ada talibesen lagi masa tuk.
Bia sampai musim hampalam, di Kuala tu hibak pang wan hampalam, hagan
di jual ka cina. hampalam talok, bamban, putih wan kuinik, tuhuk dah ako
makan hampalam. Kuinik bahari kadida yang bahulat nya. Hayam bahari gin kadida
hayam haraguan bainjek, samua hayam kampong, tu yang jarang makan
hayam.
Hingan di sini mayui luko dah, mun di tarusakan jua kina sampai ka jaman
dah baligh, supan. Dah bisa ma eksen pa, bakasut beatle / A go go,
suak elvis, surui mancungit di paket, tasmak plastik hirang ( 1.50
) bia bajalan di pakan, malining dahi, hapak katiak, bapalohan pa ma
iringi babinian bajalan dari balakang. Duit dalam paket kada sawat dua
ringgit, luko tajajak pinggan cina di kaki lima, pajah kiraan, mapa
mambayari.
Mayu dah.......barilaan lah.
ba.ra.nga
umpat mangganang waktu
bahari...
Thu Aug 8 10:50:00 2002
202.184.41.16
Amun bacarita kisah bahari, sama haja kita ni leh. Tulak sakulah bajalan
batis dua tiga batu, bajinting kasut, bacalumut batis, sampai disakulah
hanyar babasuh, mamuruk kasut. Ako gen kaitu ai jua, kaluar rumah
papagian masih kadap, babaya kaliatan jalan, bakumpulan dipangkal
kampung, hanyar baumbaian tulakan. Salain mambawa kampil buku, bajinjing
tiping sango, nasi awan hantaho basanga bakicap.
Amun diJohor ni bahari, kakanakan mula sakolah agama bila
sakolah Malayu sudah darjah 3 atau 4, sudah bisa mambaca sasaikit,
bajuju. Sakolah Malayu pagi , disambung awan sakolah agama disakolah
yang sama. Sudah baisi biskar, jajarunju mailak licak, mailak akar
kayu. Jalan kada mun kaya wayahini, ada jalan khas, hanya lorong disasala
pohon gatah. Bahanu kana jua turun bairit biskar, napa biskar basumpal
tanah, dikuit awan ranting kayu.
Aktiviti harian, bulik dari sakolah, bamacal pang, main kotak ruku, tutup
botol, main galah, malastik burung, main kalayangan. Bamusim. Kakanakan
bahari memang kreatif: pistol, kalayangan, gasing sunyaannya baulah
saurang. Main biskar naik calok, tajungkang dalam parit suah haja. Biskar
diandaki galumbungan (belon) atawa karatas kandal, babunyi ilah moto
amun dijalanakan. Bah rami nya ai batinjak biskar, balumba ilah Formula
1.
Malam kada ada letrik. Lampu ayan pang. Lampu gaslin ada ai, tapi dipasang
hanya bila ada aruhan. Karap ai jua umpatan maliat talibisen, kana
tulak babiskar, umpat maliat dirumah urang, kira jauh jua lah, ada
sako mandua batu. Bayar kira masok tong, kaya tong derma masjid tu lah,
kada kiralah 5 sen kah 10 sen kah, hagan balanja bateri (generator) tuan
rumah. Banyak jualah yang meniring, ilah panggung wayang. Paling banyak
bila carita Malayo awan carita koboi.
Kaitulah labih kurang. Sama haja dimana-mana sekitar tahun 60an. Jauh
bezanya awan wayahini. Kakanakan wayahini kada dapat marasani nang kaya itu.
Kada dapat dibayangkan. Wayahini bangun haja kada lagi bakadap, kada lagi
mandi disumur. Kalunyuran matokah, kada lagi bajalan batis, babiskar.
Segalanya telah banyak berubah…….
Kupiah
Bakisah bahari jua
kalukok dapat masuk cardap
Thu Aug 8 19:12:22 2002
219.92.222.11
Mun diganang kisah lagi haloi bahari, asa marista ada jua, asa mambari
tatawa ada jua. Kulaan AB nang lawas di AB ni tanto sudah malihat
kisah-kisah jaman kakanakan KupiahSasak bahari. Antaranya : Kisah
KS maulah duit palsu, kisah KS awan kurita tahi, kisah KS tatiring
wayang hindu, kisah KS kakanak sugih (tajumpa sabuntil duit), kish
KS naik biskar ganal kayoh bacalok, dll. kada kawa maingatakan.
Tagal ada sauting lagi nang kada dicaritaakan, supan kaina pacah rasia.
Hari ini kada apa ulun mancaritaakan. Napangnya handak disupanakan
awan kulaan leh. Kamungkinan parkara ini jua ada dialami kulaan nang
lain. Parkaranya ialah KS ni mampunyai satu 'phobia' iaitu asa takutan
yang
keterlaluan.
Nang ditakutani tu bukannya hanto atawa ular, tatapi polis awan saikung
hindu pamanjat nyiur. Bayangkanlah, rumah kami tu bujur-bujur basubarangan
awan balai pulis. Balai pulis Changkat Jaring tu pang. Kami diam
di rumah kadai, lumor 12. Wayahini balai pulis tu tinggal tapaknya
haja lagi. Kawasan tu dah dibangunkan sebagai kawasan gerai/restoran.
Jadi mun kaluar rumah kada wani kada jalan hadap; jalan balakang rumah
tu pang. Mun ada apa-apa hal nang parlu dilakukan di bahagian hadapan,
dangsanak nang saikung tu pang jadi urang suruhan. Tagal mandakannya
kawasan balakang rumah tu luas haja. Disitu pang tampat bamain. Nang
herannya pulang, dah lapas ka balakang tu, kawa haja layau ke mana-mana
sampai pulis gin kada kaingatan lagi dah !
Nang manjadi punca takutan pulis tu pasal kes makan di bulan Ramadan !
Pada suatu patang tu macam biasa la ulun ni bamain di hadapan kadai.
Muntung tu sambil ingap-ingap makan wadai hagan kawitan babuka kaina.
Tiba-tiba talihat saikung pulis tu manyubarang jalan saolah-olah manuju
ka arah ulun. Bah dalam hati, aku ni kada puasa ni, habis ditangkapnya
ni kaina. Napang pada bukah ha lagi tarus ka dalam rumah. Ranai samiut
di pinjung dapur. Tu pang mulaannya.
Badi takutan tu baluman habis, tarjadi pulang kes kedua. Kali ini malibatkan
hindu pamanjat nyiur. Di balakang kadai ada banyak rapon nyiur.
Labat-labat buahnya. Hindu pamanjat nyiur tu datang kira-kira salang
sabulan sakali maambil buahnya. Mancuntan kah, disuruh nang ampun nya
kah, tahuam ulun kurang pariksa. Kami kakanakan karap mahuhuluti hindu
tu. Mun talihat inya daripada jauh, lalu dikiyau ' Wakkrok boohh '. Lalu
sarik ai hindu tu. Maka tatawaan kami sambil bukahan. Sakalinya hanyar
katahuan makna wakkrok bohh tu ialah maliwat kalimut lambu ! Han, dimapa
kada sarek sidin. Mun saurang gin amon dihuhuluti kaya itu, tahan batimpasan.
Bapala banar !
Jadi suatu hari rahat bamain-main di balakang rumah (kada bapagar yaa
am) kada parasan hindu datang. Dah parak maka hanyar tatireng ka hindu napang
pada bukah mancicing ha. Dimapa kada takutan malihat awaknya nang
hirang kaya burit rinjing sulih kada babaju. Salawar handapnya nang
gubih di ikat awan talipinggang ganal. Pisau cakuk sing ganalan basisip
dipinggang. Jar ko dalam hati ni misti handak disumbalihnya kah ako ni
pasal mahuhuluti inya harito.
Bah parah mun kaya ini. Ka hadap takutan di pulis, ka balakang takutan
di hindu. Masalah ganal. Tumat hari tu maka ulun jarang kaluar jauh
dari rumah, takutan bahagaan hindu tu napa. Tagal caradik haja tih
utak ni mamikirakan. Hindu tu datang sabulan sakali haja. Jadi pahadangan
tu 'the coast is clear' jar urang wayahni.
Itulah saraba sadikit pangalaman masa haloi nang ngaleh dilupakan. Tagal
mandakannya apabila ulun mula basakulah darjah sato, phobia nginto
hilang dengan sandirinya.
tinjau
CARDAP - RAYA TAHUN
60'AN
Fri Aug 9 16:09:34 2002
161.142.2.11
Dari ambin ku liat hibak di tungkaran kakanakan saumuran ko babawa rantang.
Ako nangguh tanto gulai hayam. Kakanakan tu halam mangaji nu uma
ko, damini banyak yang dah tuntong. Yang babinian nya ku liat mina
babungas dah, halam masa haloian nginto bahingusan. Bahadangan kawan
lagi luko, hanyar baumbaian singgah. Bahari kakanakan ngaji mailangi
paguruan hulu, hanyar bajalanan ka lain.
Ku itihi di halaman hibak wan ratik marcun, damaran gin magunai ada lagi
yang manyala. Mariam cuntang kada ta hirani lagi. Fazidah Junid bagagantian
ngan Saloma di radio balagu raya. Baju patihah yang ku puruk ni
pugaan nam makai pagi ni, imbah di lubi kada suah di gagatuk, di taruhi
dalam lamari, ada haja lagi bau ubat gagat. Halam imbah di tukar,
di tapas uma hulu wan kanji, bah, tajam sait nya, mun tagatuk maui
luka.
Di atas mija mancunggul Kapala Idang baandak dalam talam haja, di tutup
awan tanggoi / sangai babunga bunga ulahan uma, rajinan bangat uma
baulah tanggoi. Wadai nya, halua miskat, bahulu,wajik, putu, taho
jua, napa napa kah lagi. Bahulu tu matan subuh imbah sahur rajin uma
mamukul hintalo sampai pagi, kaito pang sarajinan tu parak raya.
Kami halam bia bajalanan ka rumah hurang, kada suah bainta duit, urang
gin kada mambagie duit. Di paket marcun wan bunga api jua ada. Kami
bajalanan saja bujur bujur bailangan, kada tapikir bacari duit raya.
Yang tuhanya gin bujur bujur arai bila di ilangi, damini sapalih tu
magunai manunggui talibisin ari raya, macam macam carita pang, tu yang
asa kulir tulak ka rumah hurang patang raya.
Malam nya imbah haja maghrib bajurut pulang biskar ampah ka pakan, tulak
maniring wayang. Di Teluk Anson tu ada 4 panggung wayang. Yang sabuting
tu di galari urang panggung suku. Tiket nya 25 sen haja, di hadapan
kah di balakang kah, sama haja., makai bangku kayu panjang haja. Carita
nya 007, Tarzan awan koboi. Mun di panggung lain tu maka hibak urang
aanuman bahadangan di higa lawang. carita Pendekar Bujang Lapuk pa.
Amun di panggung sauting lagi tu carita Mat Sentul, Mat Bond. Yang babiskar
babawa bini sambil mahambin anak haloi gin ada.
Ako kada di bagiakan kawitan uumpatan babiskar ka pakan manireng wayang,
di hati tu bilang asa handak bangat umpatan urang. Tapi dua tiga
hari raya, kawitan kada manyuruh mambaca buku, ayuha malam tu mambanam
bunga api wan main marioam buluh. Masa tu kada suah tadangar urang
masuk supital pasal mariam buluh pacah. Kami baulah mariam sing ganalan,
kada suah pacah gin, sing hangkoian bunyi nya. Galaguian samalaman balawanan
hangkoi, kalu yang bamarcun tu, di sambungi panjang panjang, parak
10 minit kalatuian hanyar ampih. Tumbar pang warik di kabun gatah.
Han damini kada tahaba lagi dah, hanyar mamagang marcun gin di tangati
kawitan, panyudahnya kawitan yang main marcun.
Jadiam hulu....kina maulah pulang cardap 2
dangsanak
Banjar Wani
Mon Aug 12 18:03:07 2002
203.121.0.15
Kisah nani kisah bahari, urang Banjar handak tulak bahaji ka Makah, bahari
mana ada kapal tarbang, kapal laut tu pang nang dinaiki. Jadi nya
rumbungan nih dakatuhaie ulih si Haji Palui, nang paling harat, wani,
alim awan pahandelnya lah.
Di pajalanan nantu, ialah bahari laut nih rame awan lanun nang marumpak
kapal nang badagang nih. Hunyaan urang takutan, tu am sampai ka
wayah hini, urang bejejal ma-atar kulaan nang tulak haji, begagerung
pisin handak ma-atar urang mati ka kubur. Napa tu bahari banyak urang
tulak kada bulik lagi.
"Bajage-jage kita nih" je Haji Palui ka jumaah sambil mambujurakan parang
kumpang di pinggang di sini nih banyal lanun.
Kada kalawasan nya bahalulong saikung jumaah "lanun! lanun!" gigitiran
takutan hunyaan jumaah nang lain kabila malihat sauting kapal lanun
makin beparak.
"Ka-ipa nih Katuan?" batakun si Utoh Nyaring nang bahalulong tadi.
"Napa kawo ni burisit bangat, ce ambilakan ako baju ku nang
habang dalam kampil di hige ranjang" ujar Haji Palui
Imbah mamuruk baju nang habang nantu, tarus situsaini Haji Palui cakah
besamangat bekuriak "Allahhuakbar! ayo kita timpas lanun nang calutak
nih"
Alhamdulillah jumaah Haji Palui manang, mangalahakan lanun kada saikung
tatinggal, hunyaan mati ditimpas.
Kamisuknya bahalulong lagi si Utoh Nyaring "lanun! lanun!"
Nah ham gigilitiran pulang ngai hunyaan urang takutanan
maka awak magunnai uyuh imbah batimpasan sumalam.
"Ka-ipa ni Katuan?, nani mandua buting kapal lanun" Utoh Nyaring betakun
sambil takamih dalam salawar.
"Ceh! napang nang ditakutani, ajal di tangan Allah, ambilakan ako baju
ku nang habang di hige ranjang" jer Haji Palui.
Sakali lagi Haji Palui sabarataan manang betimpasan awan lanun, kada ide
nang tatinggal, hunyaan lanun mati ditimpasi Haji Palui awan jumaah
nang lain.
Utoh Nyaring nang duduk di hige Haji Palui kaingatan kawanian awan taguhnya
Haji Palui manimpas lanun, tarus batakun "O! Katuan, napa tang andika
mainta baju habang amun handak bakalahian? patua panya nanih?".
"Oh, nantukah, ka ini tuhai, amun ako luka batimpasan, darah kada kalihatan
di baju nang habang, amun ako makai baju lain darah kalihatan, tanto
kawo hunyaan takutan bakalahian awan lanun" jer Haji Palui bewarah.
Hanyar tapikir Utoh Nyaring "Bujur jua, ndasar harat hidin nani" si Utoh
besurah surangan.
Kamisuknya, takipik lagi jumaah sabaratan kabila tadangar si Utoh bahalulong
"lanun! lanun!"
Hunyaan jumaah sabarataan takamih kada behinip kabila malihat sapuluh
kapal lanun beparak, sumaan malihat ka Haji Palui, napanya pulang akal hidin.
Dengan tenang Haji Palui betata ka Utoh Nyaring "Toh ambilakan salawar
ko nang kuning di bawah ranjang"
TAMMAT....
dangsanak
Tinjau Besurah
Tue Aug 13 01:23:05 2002
61.6.143.239
Alkisah bahari ade tinjau nang bisa besurah, nang katuju mahuhulut urang
lalu di hadapan rumah tuan ampunya.
Inya paling katuju mahuhulut bibinian nang lalu-lalang.
Taga bepadaan kada tahu napanya maksud nang disambat si
tinjau nani. Nang disambat si tinjau ni warna ndarai.
Amun bebini lalu, "merah jambu" je nya, kaina ada nang lain lalu sambatnya
warna nang lain pulang. Habang kah Hijau kah, macam-macam warna
lah.
Di kampung si tinjau ada bibini betiga nang paharatnya nang karap malalui
rumah tuan ampunya, beumbaian tulak-bulik bagawi.
Kabila bibini batiga nani lalu, si tinjau beigal mahuhulut "habang!, hirang!,
kuning".
Esoknya kaitu pulangai, bibini batiga ni lalu haje, besurah pulang si
tinjau "coklat!, putih!, biru" jer
Napa tu bibini nih minik bapikir napanya nang disambat si tinjau. Hari-hari
lalu, hari-harilah besurah si tinjau manyambati warna nang nga nga
pang.
Kalawasannya bibini ni tapikir, napa to sakalinya si tinjau ni manyambati
warna sutung karing si diyang batiga nih.
"Merah jambu!, hijau!, ungu!" jer tinjau kabila bibinian batiga nanto
lalu.
Bewarah si diyang ka kawanannya "amun kaini esuk kita beistilah kada payah
basalawar halui"
Esuknya lalu lah si diyang batiga di hadapan si tinjau kaya rajin.
Napatia papalingau si tinjau kada hingkat besurah lagi, kurihingan si
diyang kamanangan.
Satumatan to, beiigal sitinjau salajur besurah "karinting!, lurus!, gundul!"
"Bepala kao tinjau" sarik si diyang sabarataan.
TAMMAT
UR
Cardap - Kagana
ngan... .
RANJAU SAPANJANG JALAN
Tue Aug 13 22:33:14 2002
161.142.178.4
KU dungak ka langit…….hari asa muru di hilir, tagal dihuluk
syuruk matahari tapancar habang. Asa dingin angin nang batiup di
pagi tutih, baalun lambut bagiut manggugurakan ambun laki di hahujung
daun. Ku dangar koro’okan hayam di kurungan handak kaluaran. Hayam
pupuh (hayam jagau hagan saungan ) ingunan ku bakakuak gancang ilah
suara panglima baawau bakuriak . Burung tinjau kuci’ikan bakicauan kaya
dirintak bulu……. kada sing ampihan babunyi. Kaito pang amun hari mamadar
siang unggas bakaciakan satiap pagi. Tagal pagi nih asa balainan sikit……
Umai…..kadadak rajakikah aku ari nih sakok,….dalam hatiku
bapadah …..layau, jinton kadak manjadi baras. Macamana pun aku kadak
mahirani parasaan ku…… Badadadas ku ambil pensil nang hanyar baasah
tajam mancaronong taandak intang tawing japuk dihiga pamandian. Sauting
timbak ganal baatal wan gatah ku bawa jua…… Aku tarus ka bawah rumah
maambil biskar tuha paninggalan aruah padatuan nang tugel kaya kakanakan
bakubang dalam parit tasandar ditihang rumah. Aduh!……….maladuk kapala
ku tahantok kagalagar rumah. Nasib baik kadak bincol……tu pang amun kadak
bahati-hati.
‘Kadak basarapankah huluk ikam Toh’,……ujar paninian ku.
Bahiyau intang juruk dapor. ‘Nih, siap dah hubi bajarang wan sambal
bilis padas…..lakasi naik cu ai’…… ‘Paraya ah….kainak singgah satumat
dikadai angah Kilom’ . Aku tarus mangayuh biskar kadak mahadange lagi.
Amun talalai kainah singgah di kadai angah Kilom…..kapohonan kadak mamakan
nasi lamak wan kuih papudak. ‘Kopi susu sauting ngah!’…..ujar ku babiya
sampai ka dalam kadai angah Kilom. ‘Ai…kada tayus tuyak maajarkah ikam
mai Utoh ejol….anak muyid bahadang to..’ Suara pilat ilonnya tagitir-gitir….Ku
liati cigu tuha wan cugi anum bapalahau basurah sambil mangopian sabarataan.
Balum jua tulak ka tampat gawian. ‘Parut manggururik ngahai….mauntal huluk
nih…bahh, anak murid kadak bukah kadah’….ujar ku. Angah Kilom ni bukan
urang lain, bubuhan jua….tagal imbah kamatina bini, kawin pulang babinik
anum. Tu nang longor kapala to….maniaga aur dihutange urang manjang. Macamana
pun ditahuri urang hajak kainak. Imbah talah nginum wan mahantus kuih,
aku baisur …..Kadak magan bahadang lawas-lawas umpatan maikut nang lain-lain
to bapandiran, kainak kadak talah gawian saurang.
Kaciat kaciut….kaciat kaciut, bunyai rantai basikal nang
kadak tapian baminyak ku naiki. Hagan mahilangkan rasa sadap hatiku
pasal talalo mancaringit bunyinya tutih, aku batinghoi gancang …… Amunlah
tangah kainih manunggang Vespa ilah rambut panyanyi anam puluhan, bajambul
sarang tampua ….basalawar yengki katat……bahhh, tanto sidiyang bungas
intang rumah simpang tiga to takurehing. Ceh!…..taganang jua dalam hati
ku nih.., oh…kadak magan….kadak magan, biskar gin paninggalan aruah padatuan
kaipa handak bamutur Vespa. Saan ku jangankan mangilar…mangilar…mangilar…maliati
gin kadak rigi. Bukannya apa…masa kakanakan karapai bamain galah panjang,
bahulut-hulutan, bakapong-kapongan……..bakubang dalam parit gin suahai
wan kakanakan nang lain-lain sabarataan. Wayahnih……dah baumur tujuh
belas tahun…handak pariksa hujung tahun nih jua. Saja minat ka inya
to….muha kaya palakun Sarimah jar. Siapak nang kadak pinandu awan anak
Haji Acit parut boroi, anak-anak dara bingking bunga baminanto urang ganal
sabarataan. Taingat pasanan paninian….ujar hidin, ‘jangan bapirohot
di dahan nang japuk….Amun kada nahap apa tagalimpas tabarubus ka bawah’.
Krataktaktakkkk!……takipik aku `emergency ‘ mambrek manjajak
tadangsar ka tanah habang……Imbaham, biskar nang ku naiki talimbah
rantainya. Aku baranti satumat, bacungkong mambaiki. Umai ‘ai….asa
marista hatiku mangganang biskar paninggalan aruah padatuan . Aduhai….tayar
dapan balakang….butak, baira-ira, ratak mahadang pacah kaya hintalok
dirandam kadalam banyu tangah panas. Tiub tayar dihadap batampal tiga…..nang
di balakang batampal ampat……Puhh!… amun pacah kada kasampaian sakok….Ni
pang nang jadi kada karu-karuan. Talah mambaiki, aku tarus mangayuh
biskar ka kabun gatah nang jauhnya labih kurang tiga batu satangah dari
rumah ka ampah bukit baapit.
Dari sa pohon ka sapohon gatah ku tureh, langkah ku nang
lingoh liso tasipak ka tunggul nang japuk. Rupoi, kaliatan diuntal
anai-anai……ada can sakok musim nih kulat tumbuhan. Amun tauleh kainak
disanga wan lauk waluh bajarang gin mayu haja diuntal . Tanto paninian
bisa maulahakan. …padahan dalam hati ku …... Paluh awak ku kaluar mambaalaka
baju nang kadak batapas bilang bamingguan….Arum panghor kaya gatah buku
taparam didalam guni baja. Amun puteri bunian bacangol gin takutan mamaraki.
Pencil tajam nang di asah asa tumpul. Aku bamandak, mancalok kadalam kucikan
salawar tureng nang karas kajung,bataal wan gatah bagian pakacil bakas
askar pencen maambil batu asahan. Di banir gatah baduduk…aku maasah manajamankan
pisau tutih. Nyamuk karungungan mahurung awak ku….Maigut babiyal ka pagalangan
ku. Kadak hingkat dihaga-haga….hijahakanlah, amun kaito rajakinya……Sabuting
rokok ku kaluarakan, aku mancacak, kaluar asap bakapul-kapul. Bahh…asa
ilah koboi bamandak taungut kaipa handak manangkap Red Indian manyuntan
kuda …..Nyamuk nang baparak baugah jauh saikit awan awak ku. Kaito pang
……amun manureh gatah. …Kadah hiranlah urang nang manureh gatah lah nang
banyak maisap rokok……..Sasakali ku tireng titikan susu gatah ka dalam
cawan gatah, kadak bamandak ilah banyu hujan dihujung hatap nipah gugur
ka tanah wayah hujan garimis. Parak talah udah manureh gatah, tatinggal
tujuh lapan pohon ……
Ku sangka panas sampai ka patang….rupanya hujan di tangahari.
Mandam aku, memang bujur sangkaan ku hintadi. Saan muru balalu…kuasa
Allah siapak nang tahu. Rauu!….badasau hujan turun labat…mambasahi
disasala daun mangalir, malayau ka ranting, ka dahan, ka pohon ……Susu
gatah likat baubah cair kaya banyu susu….Habis samuan cair…….Asa handak
malilih banyu mataku….tagatuk dalam hatiku. Ya am to….amun nasi manjadi
bubur…..kawa haja diuntal, dihirup…..tagan amun susu gatah cair ……jadi
banyu pang…. Dalam hujan nang labat…..ku kuatakan samangat, ku tarima
hakikat….. Kaito pang kahidupan sapalih panureh gatah. Susah batambah
lagi amun hari sahujan-hujan….kadak baasaplah dapur karing padaringan.
Bayangkan amun nang baanak banyak…..taka hubi bajarang jadi makanan.
Samuanya mauji katabahan hati tagal nang mambari talalu hati marista…….
Sabujurnya aku mangumpulan duit hagan yuran pariksa sijil tinggi palajaran
hujung tahun nih. Ampih sakulah di tingkatan anam atas, awal tahun to….kadak
cukup mudal….kaya mayu handak babali buku…wan balanja harian. Sakulah
jauh. intang kampong nih ada ai kakawanan nang sakulah nang sabayaan. Aku
balajar saurangan…tapintang kakawan nang maras maunjuki nota-nota. Uma
bapa kakawan sapalih sugih,bakabun banyak. Kadadak masaalah pasal duit.
Siapak lagi nang kawak diharapan. Maharapakan kuitan ……ading baading banyak,
tu pang bagana awan paninian. Hijakanlah aku badikari saurang, kadak manyusahkan
urang, kaito pang tumatan umur lapan tahun. Aku kada rigi dipadahakan urang
ilah ‘Bapingkut Dipiluntang.’ Banyak pasoalan bamain dipikiran ku…..macam-macam
ganangan gin padahan hati ku wayah hujan nang labat tih. Bukannya banyak
bangat …..dua puluh lima ringgit hanyar mayu hagan manahuri duit pariksa.
Hari ni kadadak rajaki……….. Awak ku asa kadinginan, dalam hujan nang labat,
basah jinton bajarijihan wan parasaan nang kadak baputus asa aku bulik,
muga baisukan ada harapan hagan ku…..…….
Banjarharat
CARDAP - Raja Kalingau
Wed Aug 14 23:16:23 2002
219.92.48.183
Haratnya Banjar
$$$$$$$$$$$$$$$
Arakian tasurahlah kisah sambungan nang aritu di nagari jauh
bangaran Banua Kalingau( Ingat lei lagik?).Ada gen ngaran rajanya
RajaTungkoJulak(RTJ)lawanan parmaisurinya bangaran ParmaisuriDiangMainggang(PDM).Walau
gen nagarinya subur, rakyatnya makmor taga suman satahunan ni tagak
sunyi saikit. Sababnya dihabarkan bahawa P.DiangMainggang kada pati
mau makan lagi. Napa haja dimasakakan ulih tukang masak istana sunyaanya
pahit lior jarnya.Sunyaanya kada sadap.
Katuhukanya PTungkoJulak bahabar ka rakyat - barangsipa hingkat
maolah masakan nang sadap awan disukai ulih parmaisuri inya akan dibagi
hadiah.Syaratnya sanang haja - sipa sipa gen bulih masuk maulah masakan
maikot 'kreativiti' masing-masing.Tapi amon parmaisuri kada hindak
mamakan? - hukumnya : gulu ikam pagat!Ujar Raja Kalingau.
Mulai aritu banyakkai nang umpat batanding mamasak hagan
parmaisuri.Nang Cina manarai bamasak nasi hayam ,mee sop,bubur hayam,
mee kungfu,tapi parmaisuri kadida salira - hukumnya? Gulu ikam pagat,
mati.Nang Kaleng umpat juak manarai masak nasi bariyani,hayam masala,wadai
maruku - tapi parmaisuri kada hakon juak mamakan. Hukumnya? Pagat gulu
juak,mati.Ada juak nang mamasak burger,ruti John,Hotdog, tapi parmaisuri
kada hakon juak.Nang Jawa umpatan juak mamasak luntong,pacal awan tempe,
kaluko ada rajakian dapat hadiah jahtaga malangnya ParmaisuriDiangMainggang
kada juak talior - nah pagat juak gulu hidin, mati.Sawat maniga bulan
hudah, parmaisuri magun kada pati hakon makan. Awak gen dah jaing kurus,
kapala tukang masak gen banyak dah panggal ditimpas DM.
Sampai bulan kaampat datang saikong utoh tumat Banua Banjar
jah, datang jauh samata mata hagan mangganie Raja Kalingau.Kaluko taparukoi
jar, dapat juak hadiah.Urangnya haloi haja ngarannya gen Utohaloi
El-Banjari.Ujar UtohHaloi, "tuanku, patik taho jer kiapa handak magie
parmaisuri tu makan.Ijinkan patik maolah masakannyak" Ujar Raja Kalingau
" Haa mun dintu ayoha dilakasi.Tapi kawa juak kah ikam.Hakonleh pagat
gulu, amon kada hingkat maolah parmaisuri makan kaina?"
Sampai arinya,Utohaloi gen mula bacari akalan.Dari pagi sampai
tanghari Utohaloi magun kada kaluar dari dapur istana.Ujar RajaKalingau
baamarah" Cehh! Napanya ikam nih Utohaloi, jar mu bisa bamasak.Ni tanghari
dah, lauk balom bangsol lagik.Ni mau haja pagat gulu saikong nih!.
Utohaloi salamba basurah" Basasabar Tungko ai.Hadangi ha
satumat lagik, bangsollai lauknyak.Tanto punya Parmaisuri kacior banyu
lior".Hadangi punya hadangi sampai ari patang parak kadap dah, Utohaloi
magun kada kaluar dari dapor .Raja Kalingau awan parmaisuri asa kada
tahan lagi mahadangi. Parot gen asa garurukan banar tukuhnya, mapa tumat
pagi tadih sampai ka patang balom makannan lagik.
Kalinyak situsaini mandingor bau arrom tahiut ka lubang hidung
ParmaisuriDiangMainggang. " Ummai yai arromnya! bau napa ngini hah?
Sipa nang bamamasak nih?.Bahh gigir urang saistana Kalingau tuh, tacium
bau arom, tumat dapor datangnya.Rupanya Utohaloi nang bamasak.Lakas
haja Parmaisuri batakon," Hai Utohaloi, napanya dimasakmu pina arom
banar baunya.Behh mun kaini kacior ako.Ayoha lakasi napa lauk mu ako
handek banar makan nih!.
Ujarnya Utohaloi" nangini IKAN WADI BARANDANG tuanko ai,
patek ambil tumat di rumah ulahan bini patik.Nang dihiga tu pulang
KALI BABANAM lawanannya banyu santan awan bawang bapicik, dibuati saikit
cabai parawit.Ayuwai ha mun hakon tuanko silakan makan awan PULUT nih.
" Umak ummaaakkk ai! Nyaman nya ai!! Mun kaya ini lima pinggan
gen kada mayo Toh hai" Ujar Parmaisuri sambil baiya mahantos lauk
ulahan Utohaloi.Raja kalingau gen umpatan juak.Nang manteri/hulubalang
balilihan banyu lior maliatakan urang makanan wadi barandang ulahan
Utohaloi.
Malam tuh hanyar pugaan parmaisuri mariga kakanyangan limbah
mahantos lauk ulahan Utohaloi.Limbah makan disurungi pulang lawan
WADAI KIPENG,KALAKATAR lawan BATIL PISANG.Behh tasandar ka taweng
Raja awan Parmaisuri kakanyangan.
" Mun kaya ini lauk ulahan ikam, saja harat ikam nih.Kada
jadi ako manatak gulu ikam Toh hai.Isok papagian ikam datang maambil
hadiah mantukah Proton WAJA indeh ko nih.Mon hingkat ikam taros haja
badiam di sini jadi 'Chef' Istana Kalingau, hakonleh. Suman aritu, Utohaloi
El-Banjari jadi masyhor di saluroh Nagari Kalingau sampai barataan urang
Kaleng bisa makan ikan wadi awan wadai Banjar, sampai kada mayo mayo
ikan sapat hagan diulah ikan wadi.Itu pasal damini halin bangat handak
bacari IKAN WADI di sia lehh.
Han napa haratnya urang Banjar!!
diyang kuntum
Cardap : Putri Sonia
batianan....
Fri Aug 16 12:52:47 2002
202.184.41.16
Arakian tasambatlah kisah Putri Sonia Ammira nang bakantot
arom tuh, imbah bapara 3 bulan wan Raja banjar...tiba tiba tarasa paning
paning baranga inya, stumat tamuntah, stumat inta di jurakkan hampalam
anom hagan mamancok, stumat paning kapala.
Maka Raja Kaling gen mangiau Nujum Istana mahadap inya.
Tuk Moh : Ampun Tungko kanapang maka Tungo baancap ancap mangiau
patik ngini, hamba dah nak takucil nih, tuhuk manahanakan...
Tungo raja Kaling : Kiyaini Tuk Moh ai pamaisuri kasayangan
ko Putri Sonia Ammira ni kada tapi wagas, caam di pariksa kanapang
maka kiya itu,
Tuk Moh gen maasap kamiyan, bakijim mata ...muntong rimut
rimut mambaca mantara, lalo maniup asap ka muah Putri Sonia Ammira.
Tuk Moh: Ampun Tungko adapun dari tilikan patik, Tangko Pamaisuri
ni kana buatan urang, daida ubat Tungko ,tagal Tungko bakal dikaruniakan
saikung putra atau putri.
Ummai ai asa magah pang sang Raja kaling kaungahan wan kasukaan
al maklum hajaah Aruah Pamaisuri nang partama dah mangkat kada maninggalakan
anak, maka hulubalang Buburak gen dikiau Raja Kaling lalo bapadah nu
hulubanlangnya...
Raja Kaling : hai hulubalang, silalah ikam tulak ka saganap
panjuru Nagari, habarakan ka rakyat Beta nang Beta ni kada lawas lagi
handak dapat putra/putri, Pamaisuri Beta rahat kada tapi sigar nih,
inta rakyat gani'e mandoakan kasalamatan Tango Pamaisuri wan bakal anak
nang akan lahir kia.
Sartamarta Mintuha Raja Kaling gen dihabari jua. Ummai ai
Paduka Tangko Julak wan Pamaisuri Diang mainggang gen kasukaan, mainggang
inggang Tangko Pamaisuri bahabar kasana kamari.
Bila ganap 7 bulan Putri Sonia Ammira batianan, maka Raja
Banjar wan Pamaisuri Diyang Mainggang gen tulakan ka Banua Kalingau
handak maitihi kaadaan Putri kasayangannya salajur handak aroh "mainggang
parut" manujuh bulan jer.
Maka Raja Banjar gen manitahkan ka Panglima nya Taweng jabok
agar ancap ancap basasadi handak tulakan ka Nagari Kalingau.
Arakian maka balayarlah rumbungan Raja Banjar, Pamaisuri wan
Panglima dan hulubalang sakalian. Rahat Raja Banjar wan Pamaisuri barihat
rihat , tiba tiba kadangaran Panglima Taweng jabok bakuciak....lanun
...lanun jer. mai ai takipek pang Raja Banjar wan rumbungan Diraja, talawan
juakah Panglima taweng Jabok wan hulubalang nu lanun nang singbanyakan
tuh.
Bila kumpulan lanun dah sasain baparak, maka Panglima Taweng
jabok gen maricok maunjuk karis kamuha katuha lanun, mun kada silap
ngaran katuha lanun tuh Utoh Kidok...sambil bakuciak.
P Taweng J : Hooiiii katuha lanun, walaupun muhamu kada ku
nandu, tagal lubang hidung mu nginto tattap manjadi pujaan hati ko (sambil
manapok napok dadanya garigitan pa).
Katuha lanon UK : hahahhahahahhahahahahahhha....mantang mantang
la lubang hidong ko manchuhong ilah sarombong kapal mu ngini, tagal
aku langsong kada takutan wan ikam. Nih ha caam tireng kunat kunat nang
singbanyakan di muha ko bakas kunat ako balawan, tagal ako kada takutan
kada nu ikam...ni nihhh caam tireng mataku nang tinggal subalah ni,
subalah lagi dah picak kana timbak...ako kada hiran...aku gagah wan gancang
napa...
P Taweng J : manggaru garu kapala mancari akal. OOhhh dinto
kah caritanya, caam ku nireng kunat wan matamu nang picak tu, saja
ikam ni gagah wan hibat urang nya...caam baparak aku handak manireng.
Babiya katuha lanun Utoh Kidok baparak haja lalu maungkai
muha wan matanya nu Panglim Taweng jabok , situsaini disuduk nya mata
Utoh kidok nang subalah lagi...lalo maninjak awak Utok Kidok mancabur
gugur kadalam laut. Napaada imbah malihat katuha dah manggarong gugur
kadalam laut...imbaham bukahan lanun nang lain nya, maka tasalamat
lah rumbungan Raja banjar tadi dari rumpakan lanun (sorry aaa UK...kih
kih kih)
Imbah 7 hari 7 malam sampai la rumbungan DiRaja kanagari Kalingau.
Maka sukacitalah
Marinaan Kalingau
Sambungannyak
Fri Aug 16 15:53:47 2002
219.92.48.177
Sambungan:
Raja Kalingau wan Parmaisuri Diang Mainggang balom lagik sampai
ka palabuhan.Kurang labih 1000 kilo notika tumat palabuhan kapalnya
dihadangi lagi sakumpulan lanon nang hirang-hirang awaqnyak.Ujah panglima
Taweng Jabok : nahh ni kita tapaksa bakalihian lagik nih.Maka hulubalang
Raja Kalingau sunyaan takutanan.banyak nang galitiran lintuhot awan takamihan.Jarijihan
atas lantai kapal .
Ujah PanglimaTawengJabok: Hayo hulubalang! Lakas ambil salawar
kuning ku di bawah ranjang!Imbah parak 4 jam batimpasan maka mananglah
pasukan Raja Kalingau karana kapintaran PanglimaTJabok tadi.
Situsaini pulang tarabang saikong burung Tatagok bahinggap bubujur
intang Raja Kalingau lalo bakuriak : HABANG! BIRU! KUNING! Bahh amarah
bannar RajaKalingau tadi.Hulubalang tatawaan sunyaan.hahahaha PadukaTungkoJulak
makai sapindal habang! Parmaisuri makai sapindal biru! PanglimaTawengJabok
makai sapindal kuning!! Sama awan jalor gamilang!
Merdeka! Merdeka! Merdeka!
DSS
Re: Sambungannyak
Fri Aug 16 17:17:58 2002
161.142.178.4
Mandangar surahan nang kaito, mambarik sarik Raja Kalingan...lalu
dihiyau Bumuh Agung Sang Nilasakunta....Maka am Sang Nilasakunta manjampi.......*(&*GJ^RRHJH$@$$%#%$%$^%&^auqw....===
puhhhh....Jadi batulah burung tataguk...to nang intang Kuah langkawi
tu adaing baadingnya....
sahang
cardap - Puteri Sonia
Mangidam
Fri Aug 16 17:12:59 2002
202.184.41.16
Barita Puteri Sonia Ammira batianan sudah dihabarakan kasaluruh
panjuru nagari. Semua orang kampung dah tau. Sakalian rakyat sunyaan
arai babanar, maka taoleh jua Tangku Raja Kaling awan anak. Itu pang
jah, barakat Tangko Raja kaling rajinan mauntal akar tungkat ali, urang
lain manginum banyunya haja, tapi tango raja kaling ni aci runggut haja
pang kaya merunggut hampalam. Labih uajarab kaya itu jar Paduka Tangko.
Arakian caritanya, tagahan Puteri Sonia batianan, tengko puteri
asa masam jar rakungan, mangidam mintaan yang daidalam parut tu pang.
Maninjak-maninjak. Tengku Puteri Sonia, sejak batianan ni maka am gancang
banar makan. Napa pang kanyamanan makan masakan tukang masak istana
si Bajarharat. Hari-hari bilang kada mis wadi barandang, kali babanam
awan wadai-wadaian batil pisang, sarawa waloh, kalakatar, wadai kiping.
Bahanu banjar harat sawat jua maulah tapai pulut hijau. Bah bilang tahambur
liur tangko puteri kicap-kicap kanyamanan. Tapi yang didalam parut masih
masih haja maeninjak-ninjak. Jar Tuk Moh, yang didalam tu tatalu kapingin
handak mamakan ikan terubuk masin Sarawak.
Imbah dihabarakan awan Tangko Raja Banjar, baginda kada balingah
lagi mahabarakan awan Panglima Kucing Marau (penolong Panglima Taweng
jabok) tulak mancari ikan tarubuk tuh. Maka panglima Kucing Marau sibuk
pang bacari belon handak tarabang ka Sarawak handak mencari ikan tarubuk
masin. Tapi jar urang wayahini belon kada dapat tarabang . Jerubu jar.
Jadi dihabarakan pang kasaluruh nagari, mana tahu ada siapasiapa yang dapat
manolong mancariakan iakan tarubuk masin nih.
Dihandapakan carita, maka adalah saorang rakyat, Diang Paruna
yang hanyar bulik dari Sarawak. Jadi dapatlah Puteri Sonia marasani
ikan tarubuk masin Sarawak. Kada lagi dah nang didalam parut ti maninjak-ninjak.
DSS
nyambunge...
Fri Aug 16 17:27:58 2002
161.142.178.4
Magun hajak kakurangan.....'kanapa nih asa kadak padas...'ujar
puteri.....Oh kekanda.....kanaak nih...hiyau pang tukang masak si Utoh
haloi.....to!...Maka am basasarik....Raja Kalingan....bapadan awan Utuh
haloi....Utoh haloi manggalitir...Umai ai...panggal gulu sakok ako nih...dalam
hatinya...Lalu dapatlah Edabul si utuh tih......SAHANG TUANKO.........
xk
Sambung lagi
Fri Aug 16 21:49:38 2002
210.186.138.102
Isoknya Utoh Haloi gen mamasaki gulai iwak haruan bakambuh sahang
sasudu tunik cap gajah.Wayah makan tu Tungko Puteri gen mandirup dirup
mahirup kuah gulai.Oii jar nyamannya ai gulai ulahan Utoh Haloi nih.Talah
lima mangkok licin dimakan nya.
Sakalinya papagian lamisoknya Tungko Putri sakitan parot, awaq
humap tu yaam kaiyaan banyak bangat makan sahang. Bakantot sing kada baranti
kada. Lipuss lipuss bakantot babau sahang.
Putrilimaupurut
Putrilimaupurut
sambungan
nyak...
Sat Aug 17 08:33:26 2002
202.184.41.16
Arakian di panjangakan lagi kisah ngini, maka Diyang Paruna gen
manjulong ikan tarubuk masin matan nagari Sarawak nu Panglima Kucing
Marau hagan disantap olih tangko Pamaisuri nang manangis taisak isak dibilik
paraduan nya, manangis talalo mangidam handak makan ikan tarubuk tadi
la...takutan inya kada dapat santap sabalum mamputrakan kandungan nya
jer.
Alkisah bila dapat haja mahiut bau arom ikan nginto, sigar lah
mata Tango pamaisuri, tabuncalak kaaraian, Tangko Pamaisuri gen batitah
nu tukang masaknya SiBanjarharat. OOohh Toh, ikam mun handak bamasak ikan
masin Tarubuk tu...baimit imit la...masak babaya mayo beta santap haja
lah...
maka Tasabut lah kisah Kucing Marau pulang, spesis Kucing pang..bah
manggarong garong bungi miaw nya...sakalinyaan inya gen taingin babanar
handak umpat marasani kanikmatan ikan masin tarubuk tu jer, mun dasar
kucing , kucing jua...kada magan tahiut bau ikan.
Dicatiterakan olin nang ampunya carita, pada suatu malam nang
kadap, bagagamat Panglima kucing Marau mandatangi Tukang masak si Banjarharat
handak mainta saikit barang ikan masin tuh ...talalo handak marasani napa...mun
arom ikan tuh mandingur dingur kanikmatan, sampai balilihan banyu muntongnya
mangalahkan Tangko Putri pulang tukohnya. Si Banjarharat gen paning
kapala @ minix mikirakan...mun duijulungi jua ka Panglima Kucing marau,
inya kina dituduh kada amanah wan gawian nya, mun kada dijulung...banyu
muntong P. Kucing marau tuh dah bajarijihan dah..habis basah lantai dapur
Istana.
P.Kucing Marau : Tulung la Banjarharat ai..kasian la dihako ngini,
mun kada mambariakan jua, biarlah aku tulak mambawa diri ku ini, jauh
bakalana...bakunyung ka Sarawak...sanggup kah ikam malihat pandaritaan
ko.
Si banjarharat : hmmm kina ako mikirakan...
Akhirnya dicuntan la saikit ikan tarubuk nginto, hanyar bamandak
banyu muntong Panglima Kucing Marau tuh.
Shhhttttttt...bagagamat lah bakisah tuh, takutan katahuan Tunko
Pamaisuri kina...maupang kina inya bahntak hantak batis kina takutan
ancap habis ikan nya tuh, ataupun kina kana balah parut Kucing Marau handak
mambuktikan inya kada manyuntan Ikan tarubuk masin tuh.
Sakian haja untuk kali ini
dangsanak
ngaradau, kada katuju jangan
dikatik
Mon Aug 19 18:08:27 2002
68.33.11.145
CERITA INI HANYA REKAAN SEMATA-MATA, TIADA KENA
MENGENA SAMAADA YANG MASIH HIDUP ATAU YANG TELAH MENINGGAL DUNIA,
NAMA DAN TEMPAT HANYA KEBETULAH SAHAJA.
Alkisah bahari Raja Tengku Antin (kada bekulaan awan Raja Tengko
Julak) nang manjadi Raja
di Banua Kaliwancuhan. Parmaisuri hidin bangaran Ratu Diang Maingkang
(kada bekulaan awan Permaisuri Diang Mainggang).
Banua Kaliwancuhan nih tanahnya subur, rakyatnya makmor, harat-harat
urangnya, taguh, awan cakah padaan.
Kada magen tasalah surah, batamparan bahanu batimpasan.
Sahari to, Parmaisuri jatuh garing, bekuringan saawakan, babau haruk
mandingut-dingut saistana-an.
Hunyaan urang manjelujuk kada hakun beparak awan hidin. Napato ngalih
hai Raja Tengku Antin handak
beparakan awan nang bini. Tuhuk betatamba bumuh istana, kada jua
mau ampih kuring Parmaisuri.
Katuhukannya Raja Tengku Antin gen behabar ka rakyat, sasapa nang
hingkat manambai Parmaisuri,
di ulah hidin Raja nang mawarisis takhta hidin. Taga amun kada mau
ampih kuring Parmaisuri,
urang nang hakun manambai nanto akan ditatak gulunya.
Mandua-tiga minggu dah kada ida nang wani manambai Parmaisuri, napato
takutan pagat gulu, kaluko
kada mau ampih kuring Parmaisuri.
Sampai minggu nang kaampat hanyar ada urang nang wani handak manambai
Parmaisuri.
Urang dari Banua Banjar jeh, harat pisinnya urang nih, wanian napa.
Raja Tengku Antin betakun " Sapa ngaran mo? dari mana kawo datang?
"
"Ngaran ko Haji Palui, dari Banua Banjar" ujar urang nang wani tadi.
"Ako handak mancubai manamba Parmaisuri" ujar nya lagi.
"Ayuhak! diancapi, taga amun kada mau ampih kuring Parmaisuri,
pagat gulu mo ku tatak" Raja Tengku Antin bewarah.
"Tengku, kuring Parmaisuri saawakan nanih hingkat diampihi amun
Tengku maijinkan ako bahira' intang muha Parmaisuri" Haji Palui
besurah.
"Buyuko! kawo Haji Palui, wani kawo handak behira intang muha Parmaisuri
ku" Raja Tengku Antin sarik.
"Besasabar Tengku, nanto haje caranya nang hingkat manamba Parmaisuri,
kada ida cara lain" jer Haji Palui
Imbah dua-tiga minit bepikir, hanyar Raja Tengku Antin maijinnakan
"Ayuhak, kawo
behira intang muha Parmaisuri ko" jer Raja.
Imbah haje Haji Palui bahira intang muha Parmaisuri, situsaini ampih
kuring saawakan hidin kada lagi haruk.
Arai yai Haji Palui napa to hidin hingkat manamba Parmaisuri, takurihing
maingatakan handak jadi Raja napa.
Imbah sigar Parmaisuri, maka bekuriak Raja Tengku Antin ka panglimanya
nang bengaran Tawing Nahap
(kada bekulaan awan Tawing Jabuk)
"Tawing Nahap, tangkap Haji Palui nanto, tatak gulunya, bepala banar"
ujar hidin
"Tengku, napa handak ditatak gulu ko, ako berjasa awan andika manambai
parmaisuri, mana janji andika handak manjadikan ako Raja ?" gugulitiran
Haji Palui betakun.
"Ako, kada mungkir janji kada , ce dipikirakan napanya salah mo?"
ujar Raja Tengku Antin
Pang5 Sindu
parang
banjar
Tue Aug 20 13:52:13 2002
202.184.41.16
Haji Palui marasa mawah banar, napa am handak dipanggal gulu. Ungut-ungut
batupang dagu dipinjung panjara. Sasatumat bangun, galiur-galiur dalam
bilik kurangan nang halus, mamikirakan napa salahnya maka Raja handak jua
mamanggal gulu, kulihal ianya sudah barjasa manambai kureng baginda parmaisuri.
Bahanu babarubuian banyu mata mangganang uma Palui dibanua.
Arakian, kisah palui handak kana panggal gulu, tahabar sampai ka
Banua Banjar. Maka dihabarakan oleh Panglima Taweng Jabuk ka Raja Tengku
Julak. Napa tia Raja Tengko Julak situsaini basasarik, bacakak pinggang,
manciling mata, “ Cis, bah cakahnya pang Raja Tengku Antin wani handak
mamanggal gulu Haji Palui rakyat beta!”. Langsung, mambari parintah “Wahai
Panglima Taweng Jabuk, himpunakan segala hulubalang banjar, ayo kita sarang
Banua Kaliwancuhan”.
Maka bahimpunlah sakalian jagau Banua Banjar, sindo-sindo barataan,
mamanting sisingut. Panglima Taweng Jabuk, Panglima Kucing Marau, Pang5
Tubeng, Utoh Kidok, Utoh Rijol bilang basamangat banar. Kaina Raja Tengku
Antin ai, “ku panggal gulu ikam awan parang kumpang ku ngini” jar panglima
Taweng, “Ku suduk jua awan lading nih” jar Panglima Kucing Marau. Utoh
Kidok yang terkenal awan tampar bakuhupnya kada katinggalan mangaliitir
tangan panuh samangat.
Sasampai di Banua Kaliwancuhan, maka terjadilah paparangan yang
amat dahsyat, bakalahian batimpasan. Banyak ai nang matian, putus tangan,
luka saawakan, tapi kada katampaian badarah kerana sunyaannya mamakai
baju awan salawar habang. Taiga hari tiga malam baadu, basilat hanyar ampih,
itu gin bila Raja Banjar Tengko Julak dapat mangalahakan Raja Tengko Antin,
napa am parang banjar Tengko Julak taandak digulu Tengko Antin, basasadi
handak manyayat ha lagi. “Cis Tengko Antin, bapala banar ikam handak mamanggal
rakyat ko, Hj Palui. Lakasi pang padahakan napa salahnya sidin? Amun kada
ku panggal pang gulu ikam nih. Ayo padahakan!” garatak Tengko Julak.
“Aa …aa…. aa …. kaini Tengko Julak ai.” jawab Tengko Antin mangayumuh
katakutanan kata takaluar aksara.
“AYO PADAHAKAN .. “ ulang Tengko Julak, hangkoi sahahakoinya….
Nilasakunta @ Mosba
Cardap - Manggisit
Wed Aug 21 00:34:27 2002
219.92.48.153
Amun di kikira sapa nang kada taho Lebuh Raya Utara Selatan Plus
napa kah jar.1980an magunai dalam olahan kada sadikit kontraktor nang
ta umpat awan sub-subnya palian banyak pang paloh bubuahan garabakan gugur
ka bumi wayah mangawi projek tuti.
Sudin Paver operator,Sardi pomen jentera Barat kaduduanya magun bujangan
umur tih papantaran haja dalaman 25 tahun wayah itu.Nang badua nih tih
kana bagawi di sektor selatan intang Air Hitam ,Johor.Pabila hudah bagana
sa kabin bagawi sasamaan batambah rapat ai ilah badangsanak tokohnya tu.Ari
ahad cuti jadi bila kada bagawi di pakan Air Hitam tu pang tampat malipak
sambil balilihat tampat urang.Pakan tuti kada mun ganal tagal bila ari
cutian dasar baurang banar papasing nya lah kalo awan urusan sarabanya
ai toha anum samunyaan ada.Si utoh Sudin ni ta macal saikit pada nang saikong
lagi tuh,kada hingat batamuan wan Diyang anum nang pina bunggas basadinan
manatar ha ilah hayam jagau hambil ba u'uko baik jua kada kungkuak lah hai,
kada tahu ai jar tuh kaluko ada nang karindangan matan bapala am maunjun
iwak sapat dasar pangurat! tahu di rami pang canang bisa mangganang panyakit
nang dudi.Ari makin balalu kada karasaan parak dua bulan hudah si utoh badua
tuh bagana di banua urang.Pantang waktu ta luang Sudin karap pang hilang
manyaurangan maninggalakan si Sardi pakaian di liat sasain bingking mandingur
bau minyak arum parak mangalahakan perfume D Rafidah Aziz kaluar papagian
alamat kadap pang hanyar canggol. Sakali di himati leh si utoh Sardi hanyar
bapadah.........Tangah gila cintan wan si Diyang Jar!! "Nanti hari minggu
ni aku bawa lah kau jumpa endut aku tu boleh kenal-kenal" jar Sudin kanu
si Sardi pina arai ha tokohnya.
Ari nang di hadang gin hampai........Ayu ai bacara handak manjaga
hati kawan tih di turutakan ai.Kurang labih satangah jam lah mun naik bas
tumatan di Pakan Air Hitam tuti hampai am ka kampong Si Diyang nang tangah
karindangan lawan si Sudin Malayu selangor. Kanapa Si Utoh Sardi asa kada
sadap hati......"Aku seganlah Din nak singgah kat rumah endut kau tu biar
aku tunggu kau kat kedai kopi tu aja lah" pinta si Sardi nang panyupan
tu kanu nang kawan."Kau tu memang Di,nak jumpa perempuan pun takut apa punya
kaki lah ni" sindir si Sudin sambil badadas pina kada sabar lagi handak badapatan
lawan si jantung hati waloh bajarang.Sabuah kadai kopi kampongan barumbung
pang urang nya tangah nginuman baik jua ada sabuting lagi bangku nang puang
hingat lah si Utoh Sardi baduduk urang tih pina cangngangan nai kada pinandu
napa kalo. Cah napa pang kada manyuntan jua ha .......jar hati si Utoh Sardi.
"Ading nya banyu napa nang di inta tih?" takunan tukih kadai lamah
lambut enguh Amuntai.Nah hikamam ta kapadang Banjar pang aku ni tih bah
hidup am ...fikir si Sardi. "Kopi kaw jadiam abang nya ai" jar pulang.Bunyi
paripisan situ sini basurah Banjar pina karamian banar napa.
" Amun aku kada mahukumakan si Bangsat tu jangan di sambat ngaran
ku Ipin!!!" hingkau saikong umat sambil mahantak meja habis garancaian
sagala napa nang ada di atas meja tuti baik jua kadada nang pacahan saja
sarik banar tokohnya.Barataan tarangngakan manireng muha si Ipin Utoh Sardi
magun ai kakariweh kada tahu dikisah."Banaran tu abang nya ai mun kada
disakiti bilang talalo banar kakanak tu kaina" jar nang lain nya pulang
cagar manambah barau di hati si Ipin.Parian nya ada nang handak ba daing
lawan si Ipin ni balom tantu manang sako.Di kampong tuti sapa nang kada
pinandu awan si Ipin tumat kakanak haloi hampai ka nang toha nya samunyaan
tahu, urang nya ba awak sindo ,umur dalam lingkungan 30an hanyar ba anak
dua ,kada kawa tapasihol saikit panyarikan ,ba samangat ka Banjaran ,lading
balati kada suah pisah cagar bamatian pang!! " Tu nya Tuh......Ayuha handak
hujan....hujan ha ari ai!!" jar Ipin hambil barangkat manatar ba ampah ka
Sudin nang tangah rami bajalan bahampang awan si Diyang kuntum manuju ka
kadai, misra banar di liat tu urang dua laki bini gin cakada daintu saja
cakah wan a arainya mambadaie jadi kamuar urang.Umai parian lambat ba tata
ni alamat lumpi pang si Sudin di karja akan Ipin ta fikir leh Sardi.Badadas
Sardi manunti ........"Bangsat banar ikam nih mun kada di ajar maka am!!!"
jar Ipin mambulinggas ilah sarigala kalaparan.Babaya Ipin handak ma ilai
panampar ka muha Sudin di halat leh Sardi sambil manyangga tangan si polan......."Sabar
Bang ...Sabbbar!!"Jar Sardi ba enguh malayu mamadahi Ipin.Muha si Sudin
basadinan wirai parian nya di toreh gin mau kada badarah lagi katakutanan
napa, Si Diyang Kuntum lagi am takurisit hilang bunggas nya hanyar padan
wan muha." Hoi sapa kau ni ha ?? barani camporrr nak sakit sama ke!!!"
Hangkui hingkau si Ipin kasarikan. "Ako Sardi Banjar kaya andika ai jua!!"
jar Sardi makin bawani ." Nah imbaham manggisit takalahi sapawargaan "
jar si Ipin pulang bamula pina lamahan bila tadangar Banjar jua."Aku babanyak
minta maap abang nya ai.......bacara kada ba pinanduan pang .....mun kada
hudah lawas ku kuya akan kanu andika angkara kakanakan nih......Tagal dika
jangan gaduh ha parian nya si Sudin nih kada jujur wan si Diyang langkar
nih kada sarana andika kaina aku surang nang mahukumakan nya" bah gilir ni
harat Sardi tokohnya." Ikam tumat dimana asal?.......Silangor abang nya
ai......sama ai wan si Sudin nih tagal inya ni Malayo Sg.Ganal.......Amun
damintu pinandulah ikam di Iskandar nang bagana di Tg.Karang tuh?.......Bah
napang kada pinandu pangkat mamarinaan haja jua.........Uma,uma dasar
maggisit banar ari ni ta kalahi sapadangsanakan.......Allahuakabar".
Manjadi ilmu karamput si Sardi ari ni.....Badapatan awan Iskandar
nang di sambat si Ipin tuti gin cakada suah mamarina nangapa kuang.Urang
banyak dalam kadai kopi magun nai tarangngakan papasingnya napa pulang
jar itu maka lain banar si Ipin kada kaya nang masih jarang nang kada marasa
tamparan si polan bila bahantup damia paling kurang dua bakas hinggap ka
muha." Imbahnya dimapa am abang nya si Sudin lawan Diyang nih?..........Amun
hudah jar ikam kaya tuti ayu ai napa pang kita hija akan ai hulu". Badua
dangsanak batarukuian haja tokohnya, hanyar pina basari muha si Diyang
Banjar cagar balaki Malayo bapala banar!!
"Walau kaya apa gin ikam kada ku lapas kada Di ai kita karumahan
hanyar malilit pandiran napa kah?" Jar si Ipin babawaan karumah.Imbah
tuti napangada ah surah malatui-latui malilit ta sandar si Utoh Sardi
kakanyangan kana gangan tongkol wan iwak pupuyu ,sapat karing barandang
palian, talah dua piring bajubong mariga ai lagi napang bilang lawas banar
dandaman kada ta oleh masakan Banjar.Saharianan Sardi balukup di rumah Ipin
parak mahgrib hayar di atar li Ipin wan motor kapcai bulik katampat projek.Sudin
ta pampah bini Banjar si Sardi batambah Kulaan ranai karutok.
Barilaan!
D'jambak
Cardap PM Singapura
vs Raja Siam
Thu Aug 22 16:21:48 2002
161.139.102.110
Satu hari tu PM Singapura tulak ka Siam karana gawian. Imbah tu disubalah
malam di adakan makan malam di Istana Raja Siam. Sambil makan maka bapanderanlah
PM Singapura awan Raja Siam. “Nyamanleh hundang naya, ganal-ganal,manis
lagi. Amun urang Siam apa diulah awan kilit hundang nayak tuanku?” Ujah
PM Singapura (PMS).
“Amun kami disia kulit hundang nayak di buang haja “ ujah Raja Siam
(RS) sambil takurihing. “Oooooo kaitu leh, amun di Singapura kulit hundang
nayak kami recycle dan diulah karupuk, imbah tu diesput ka Siam”sambung
PMS. “Ooooooo” ujah RS sambil tangangak muntung. Imbah mamakan hundang
PMS manguyak buah limau dan batakun . “Amun di Siam kulit limau nayak di
ulah napak tuanku?”. “Kada diulah napa-napa ai, dibuang haja PMS ai” padah
RS. “ Oo amun kami di sana diulah banyuk oring. Imbah tu diikput ka Siam”
piragah PMS.
Imbah makanan kulaan badua tu dihidangkan awan gula-gula gatah sabagai
pancuci muntung. Sambil manguyak kulit gula-gula dangan PMS batakun lagi
kapada RS. “Amun di Siam gula-gula imbah di kiul di ulah napa?”. “Dibuang
haja” ujah RS. “Ooo kami di Singapura gula-gula nayak direcycle di ulah
kondom dan di isput ka Siam” ujah PMS dangan ungahnya. “Karajaan andika
ulah apa awan kondom yang imbah dipakai?” takun RS kapada PMS. Ujah PMS “
kami kada ulah napa-napa ai, dibuang haja”. “Ooooo kaitu leh., amun di Siam
imbah manggunakan kondom kami recycle jadikan gula-gula gatah, imbah tu
di isput ka Singapura” ujah RS sambil takurihing.
Erkkkk!!! Habang muha PMS karana kasupanan. Bulik haja ka Singapura,
pian tarus mangharamkan gula-gula gatah di Singapura sampai la wayahini.
Dari sia jualah gula-gula gatah di haramkan panjualannya di Singapura.
Bunlerterapongsak
Sambungan
Thu Aug 22 16:34:53 2002
219.92.48.228
Betakun lagik PMS ' ni pakaian di Siam ni lapas dipakai diulah napa?
Ujar Raja Siam , 'kami buang narai. Jar PMS' Oooo amun di S'pura kami
recycle ulah kain diekspot ka Siam.
Jalan punya jalan sampai ka balakang jamban Raja Siam.Dipa badua bakamihan
di situ. Batakun pulang PMS ' napa andika bakamih taros ka lungkang tu.
Banyu tu sayang bangat , mun kami di S'pura kami recycle ulah banyu nginum.
Diekspot kaSiam. Lalu bakuriak Raja Siam ' Cehh luyar burok punya PM S'pura!
Kabila ikam maekspot banyu kamih ka Siam??Kami di sia banyak haja banyu
nginum.Yang kami taho rakyat mo sandiri yang manginum banyu ninto!
Napang ngada pina supan banar PMS.
sahang
buah tangan
RS
Thu Aug 22 17:25:48 2002
202.184.40.125
Imbah talah takuliling melawat Siam, PMS maminta diri handak bulik.
Jadi RS pun maunjuk buah tangan hagan dibawa bulik. "Napanya isinya nang
ngini, asa pina barat banar, bagoncang pulamng tuh?" PMS batakun. "Kada
apa-apa an, ngini pang nang kami dapat mangumpulakan banyu kamih rakyat
Siam. Bawa ha bulik, hagan direcycle diulah banyu Newater" jar RS. "Babanyak
tarima kasihlah " jar PMS.
Tammat.
PANCHAU
CHARITA HANDAP
Thu Aug 22 18:08:13 2002
202.188.130.254
Sambil ba’aangin Mail duduk di bangku bawah pukuk hampalam di halaman.
Asa rami ai ia ma itihi hayam mamatuki umpan jagung awan nasi labihan
nang dihambur.
“Oooo abahnya kabila lagi handak basisiap?, arinya sasain parak nih,”
Aloh managur. Mail kada manyahuti. Aur malihat hayam nang pina bapatukan/barabut
umpan.
“Oooo abahnya,” Aloh mahiyau sakali lagi.
“Napanya?”
“Arinya parak dah nih, kita balum basisiap lagi.”
“Maraha hulu, kada ngalih banar ah, isuk lusa’ bulih haja.”
Hayam makin banyak datangan, bararabut. Banyak mana gin umpan dihambur.
Habis.
“Kuluh banar hayam ni.” Mail baharungut lalu ma’ambil lastik diatas
rasuk.
“Hagan napa tu?’
“Hayam jagau tu saja handak kana”
“Ai,, jangan maulah kada karuan lah. Paa ustat hudah bapasan, dah parak
arinya ni jangan bacari pasal.” Aloh mambantah.
“Bacari pasal napa pulang?” manciling mata Mail. “Ako handak ma’ajar
sijagau tu banarai. Nang lain kada sawat mamatuk diulahnya.” Mail lansung
ha ma’inat lastik maampahakan ka sijagau.
“Kiuuuk!!”
Bakaciuk hayam jagau tu kana lastik Mail. Tajumpipir, kasakitan napa.
“Aii handak kana lagi nih.”
“Kiuuk!!!”
Sunyaan hayam nang talungguk tadi tadiam. Kapala cagat, huhulingang
satumat. Mail kada baranti malastiki jagau tuh sampai ia bukah.
“Hudah hah tu abahnya ai.”
“Cuba itihi hayan urang nang parak rumah kita ni. Dihija’akan balapas,
makan dihalaman urang. Bila wayah manyumbalih hayam, kada ingat handak
basadakah,” Mail manggarunum.
“Niatakan sadakah jadiam abahnya ai”
“Sadakah tu biar batampat Loh ai. Amun batahunan kayani , kalawasan
nya hayam kita kalaparan. Urang lain nang untung.”
Nang dudi-dudi Mail basadia haja wan lastiknya bila maumpani hayam.
Bila datang haja hayam urang , dah tantu kaciukan pang kana lastik Mail.
Ada nang badarah. Mail kada kira. Inya puas. Jer nya kaitu pang cara malajari
hayam awan urang paparakan nang kada tahu di bahasa.
Ari handak tulakan ka Makah sampai. Banyak ai kulaan nang ma’atar Mail
wan nang bini ka airport.
Salawas di Makah kadada na apa2 nang ganjil. Mujur jua Mail kalumpanan
kasukaan nya malastik hayam sabalum ka Makah, mun tida kah mau pang banyak
burung marpati di Masjidilharram tu kana lastik.
Sampai haja waktu baniat haji, Mail tatap barasa lapang, puas awan
barasa kadada bahutang apa-apa. Ia dapat ba doa’ puas-puas , mudah-mudahan
mendapat haji mabrur. Wayah wukuf di Arafah, masalah kahangatan kada tapi
dihirani Mail, kayaitu ai jua jemaah-jemah nang lain. Mail kada hingkat
mangatahuani apa-apa ujian nang dihadapinya.
“Handak maluntar ka toh?” ada saikung kawanan managur Mail wayah di
Mina.
“Heeh.” Mail manyahuti. Asa arai gin ada.
“Surangan haja kah?”
“Kada, awan bini ko.”
“Mudah-mudahan salamat.”
“InsyaAllah…..”
Sampai di Jamrah. Manusia ai maka hibak. Mail wan nang bini bagamatan
nai bajalan manuju ka JamratulAqabah. Salasai maluntar jamrah partama. 7
bigi batu saikung.
Isukan nya Mail wan nang bini tulak maluntar katiga-tiga jamrah. Salasai.
Mudah haja.
Ai…… kada surut-surut manusia ni. Jer Mail dlm hati wayah tulak maluntar
hari katiga. Sadangan nya badiri parak jamrah, Mail ancap maangkat tangan
handak maluntar. Kada disangka wayah tu macam kilat datang batu kaya hintalo
hayam mahantam dahi Mail. Kada tahu siapa mahumbangakan, maklumlah jamrah
tu macam bulatan, bakuliling manusia maluntar. Adui ai sakit nya. Mail
manukup dahi wan talapak tangan. Darah mancurat. Aloh nang badiri di balakang
Mail bilang kapiangan. Lakas ia manarik lakinya tumatan manusia nang bahimpit-himpit.
“Kanapa ni abahnya? Ya Allah ai badarah ni.”
“Aduuuuuuuuui ai..” Mail tarus haja manukup dahi nya.
Ada ai jemaah manulungi tapi Mail lakas barangkat. Malu,
“Kanapa abahnya?”
Mail tarus bajalan ancap. Dalam hati mamikirakan napa lah tulah nang
ko dapat ni. Bukan main barat Mail mamikirakan , karasaan di kapala badinyut-dinyut.
Darah magunai malilih. Sapu tangan bilang hingkat dipulas.
Sambil baduduk Mail mahadapi nang bini. “Astaghfirullah ‘al ‘azimmm,
ako ni banyak banar dusa ka’ anu hayam Loh ai.”
Aloh takatup muntung, balum hingkat mahabarakan napa-apa. Basadinan
tabayang lakinya suka malastik hayam.
Alhamdulillah, alhamdulillah………,” Gamat ha Mail bailun.
“Ayuha bataubat.” Aloh manyahuti, asa handak tatawa gin ada.
“Alhamdulillah…alhamdulillah….” Nintupang di ucapakan Mail sapanjang
jalan bulik.
Sampai di khemah magun ai manyambat alhamdulillah. Kakawanan gin hiran.
“Kanapa toh?” saikung batakun
“Alhamdulillah.”
“Kana batu kah?”
“Heeh, Alhamdulillah.”
“Kana batu gin Alhamdulillah…”
“Ako dapat balasan. Alhamdulillah”
Sebarataan lihum. Musti ada kisah tu. Dahi gin badarah. Dipa handak
tahu caritanya, kaina ha hulu. Mail sakit lagi tu.
Wallahu’alam.
Lunta
CARDAP-ADOL WAN KAKA DIANG
Thu Aug 22 21:27:16 2002
210.186.96.159
Si Adul garing lampuyungan,paha tampiaan,jalan cinkui-cinkui,rakungan
keringitan amun sanja
lalu muriyat.Amun malam ngalih handak guring.Limbah subuh tarus ka
bandang bagawi.Nang bini
tulak dudi,gawian di rumah banyak,manyusui anak,batatapas,marakani
hayam,mananggar nasi,
maulah sanguan cagar bataharian.Kakanakan kuciakan minta dibarakani.Kaini
pang hari-hari
kehidupan Si adul awan nang bini wan sembilan anak.
Parak maniga bulan Si Aduol kada ampih-ampih.Takana arinya tagak babangat.Kusor-kusor
kahulu
ka hilir kadarat kabaru Si Adol tulak bacacarian tataba.Tulak ka kulinik,
Adul kada wani 'kina
dicucuknya ako' jar Si Adol.Batakun ka urang bacarian tatamba.Batakun
ka Julaknya, kawo
taranjah baturang bahari jah.Batakun ka Ahim,kamih pambarangan.Batakun
ka Amuk,takana haraguan
urang.Kauyuhan batakun,batakun pulang ka kaka Diang,jarnya ada kahandakan
ni..,'ada urang
mahandaki kawo dol ai' jar kaka Diang.Nangarkan sambatan kaka Diang
tu Si adul takarumus takurihing
kaaraian.Ujar di hatinya 'Ada jua urang mahandaki ka ako leh'.
Kaka diang diam saurang jua nang laki kada eda lagi,taho am kada mantok-mantok
parak malima
tahun udah.'Kada magan mawah-mawah dol ai ako hingkatai manamba'e'
jar kaka Diang.
Limbah-limbah nginto Si Adul sisutaini bawagas.Eelah kada garing.Awor
racap ka rumah kaka Diang.
Amun sahari tu kada magan kada tulak ka rumah kaka Diang.Babawa banyu
penawar,mayan,papajar.
bah kada hingkat bapadah lagipang.
Urang malonggok ia magun manajak,urang maradih ia hanyar manampak,urang
mananam ia maradih.
Nang bini imbah talah gawian tulak bacari iwak,malihati tempirai di
lohoran.Takana mananggok di puntalan.
Masirta niring,handak dipadahkan kina dipadahkan urang maawor-awor
urang.Si Adol kada eda tarait
awan nako,bakula kada jua dangsanak gin kada jua.Amun masing-masin
maharati dasar "bakulaan"
kada apa.Bapuruk baju nagaras "KULAAN"tapi tupang,bila dirawa saikit
haja nang kada bujur,baammarah.
Lalu sarik,lalu bacacari salah pulang.Amun bacacari cagar baingatan
kada apa.Ya am tukahai "KULAAN!
KULAAN!".
Si Adol makin hari makin ungah.Kaka Diang lagi babingking.Tulak ka
urang aroh,lautan,ka kadai kamana
haja,jalan taunggit-unggit pinggang ilah karangga,bacalak kaning eilah
bulu hayam,bapupur eilah kundur,
basanggul eilah balung hayam jagau.Jalan ilahkan itik nila.Mangkaranan
tukang pangantin pa,Kaka Diang
sajanya harat.Amon tabararung wan Angahnya Panglima,Tawing Jabuk,Tungko
Julak, Ujik, kacawai-cawai
tangan ngawai.Limbah tu mun sawat bapandir eilah tinjau pang.Walau
kaka Diang kaya itu,tapi inya bagus..
Malam malajari kakanakan ngaji,patang bajual wadai.Amun di urang aroh
tu ia pang yg sibuknyamun kada ida
ia kada rami.Bibinian inya pang katuha bahidangan,batukang pangantin,bazanji
sunyaan bulih.Sabarataan
urang pinandu wan kaka Diang.Halam suwah kaka Diang tajurungkup basikar
bahahar bangkit,mantingil dahi,
lantuhut tapalicuk parak sabulan tasandar di rumah.Habis satabukan
urang taho,kada putus urang manjarahi.
Nang tulak manjarahi tu ada yg babawaan wadai kiping,bubur,tuop ada
jua nang babawaan buahan ilah
hampalam,kustila,samangka banyak pang lagi bawaan urang.
T T Wa
RENDAP-Makanan Tradisi-Tapai Banjar
Fri Aug 23 00:01:15 2002
210.186.51.80
Makanan Tradisi - Tapai Banjar
Dalam malihatakan bubuhan kulaan banjar warga AB maulahi cardap, bah
asa rami banar mambaca’einya. Bilang tagulimpas ilat ma’inda-inda akan
sambatan nang sapalih tu bilang kada suah mandangar, nang sapalihnya pulang
bilang kalumpanan ai hudah. Kaya apa kada kalumpanan amon kadada panyaungannya,
kada ai hingkat mandaras surah-surah nang bahari kala, kaya sambatan aruwah
paninian bahari.
Dalam aur takuriheng awan tajiheng mambaca’ei carita ulahan kulaan,
idabol kadada jua taulihi. Bah asa tapakalah ai. Bilang takipek jua ai nih,
nasib balum lagi ka tahap bahintabul mahantak batis. Halam asal ada haja
cardap hanyar nang diposting leh kulaan, lakas haja idabol handak maandaki
cardap ulahan saurang ka AB. Baranghaja idabolnya, janji posting, sapalih
tu’ bilang mangaradau pang. Tahun ni pina ngalih banar tukohnya nih.
Taga ada lah barang saikit idabol dating, tuhuk jua mamikirakan, taga’
kada apa ai luko ah, jar urang wayahini amun hudah kadada barutan lagi,
tali pinggang gin hingkatai dihambatakan. Tu makamam, bilang handak pajah
ai kiraan nya.
Cacarita bahari kala hudah bangsulan, sauting-sauting cangolan, carita
cinta gin dah ada dua talo uting nang bangsul, jadi ulun handak bacarita
pasal makan ha pulang… luko ada nang taliur mambaca’ei, malaran jua.
Makanan tradisi urang kita Banjar nih bilang banyak ai. Wadai kipeng,
Kekicak Wadai Gayam, Tapai Hijau, Cangkarok, Pupudak, Kararaban, Katayap,
Balungan Hayam, Pais Pisang, Kalakatar, Papari, Wadi’ dan banyakai lagi
nang kada suah tatamu (wayahini).
Sauting makanan tradisi Banjar nang miming kada asing lagi, tapai hijau.
Bukan kadada urang lain nang bisa manapai, ada, Malayo gin bisa ai jua
manapai. Taga amon tapai nang bakala hijau nih saja tapaian Banjar pang,
kadada bangsa lain nang bisa maulah tapai hijau, pada urang Banjar haja’ah
nang bisa’. Nang bisa mamakan tapai hijau ni saja banyak. Amon nang suah
marasani atawa mahir mamakan tapai hijau nih, asal tatamu haja, kada bagawar
pang, tapai pang nang dilumu’ sampai talah dua talo bungkus, kada kira Malayo,
Jawa’ atawa Cina’ hajakah.
Urang Banjar nih kada suah manapai kada kakaruan. Amon manapai tantu
sagan baarohan, kada kira aroh ganalkah, manyalamat atawa mahawol haja
kah, tanto pang manapai (bahari la…kiranya gasan sapesel okasyen…., wayahini
kurang ai hudah). Mun tida hagan dibawa kasurau amon ada Mulud (Maulud
Nabi), ba marhabanan, aroh tulak bala’, manyambut Nispu Sya’aban, Ba’asyuraan
atawa pupuloran imbah babacaan di surau.
Manapai nih kana ada timing nang bujur awan tapat. Inya kada talah
atawa siap basadinan. Kana pang mahadangi dalam talo hari hanyar jadi
tapai, hanyar inya manis mancalingit. Amon dua hari ha’ hanyar sampuk ragian,
kada pati nyaman banar lagi, manis-manis buah haja’. Lagi pun amon sampuk
ragian tapainya pa asa karau saikit. Jadi amon handak manapai, parlu ada
parancangan nang kira-kira rapi jua’, sambadaan pulang masa bahari kadada
ba balinder kaya wayahini. Sarabanya kana ulah cara bahari pang, cara tradisional.
Baras pulut urang bahari kada suah manukar, lain wayahini, tulak haja
ka suparmaket bacacari awan batutukar, sadinan pang taulihi. Bahari di rumah
urang Banjar di kawasan bandang, banih pulut ada haja bataruhan dalam saguni
dua’, dalam guni tureng pulang tu’. Jadi amon handak manapai atawa kahabisan
baras pulut, banih tadi dijamor pang barang sahari duak. Imbah dijamor
banih tadi diatar pulang ka kilang banih sagan dikilang. Jadi kana bapadah
pang ka tukang jaga kilang, nang banih nang diatar tu banih pulut. Mun
tida kacau pang banar. Luko tacampur awan baras Jawi, ngalih kayina, silap-silap
tapai kada mau jadi, pajah pang amon kayaito.
Imbah dikilang baras pulut tadih dibasuh dalam bakul jajahan sampai
lingis. Imbah talah dibasuh baras tadi diti’isakan dalam bakul bamban ai
juak. Proses satarusnya mangukus baras pulut tadih. Bahari amon mangukus
baras, kukusan tu makai kawah tuli haja pang, ditanggar atas tungko batang
pisang atawa batang nyior.
Apinya pulang, makai kayu api tradisional pang, kayu api nang mahir
dipakai kaya tampurong nyior, handayang nyior, upong atawa sabut nyior.
Kada kaya wayahini, tungkunya gin siap awan dapur gis. Biasanya amon di
kampong atawa di bandang baistilah pang dikumpulakan sagan baarohan atawa
bila bamasak banyak. Amon nang rajinan ada jua basimpanan kayu bakau. Taga
kayu bakau ni kana jamuri hulo, imbah tu ditungkihi awan kapak dan dijamur
lagi sampai karing. Biasanya kayu bakau nang hudah siap batungkih disusun
di bawah barumahan jadi amon hujan kada basah.
Dalam proses mangukus baras nih ada jua pantang larangnya’. Amon baruko
kada magan malikit ruko’ ka api di tangaran kukusan nih, pamali jar, kayina
tapai kada sampuraka atawa kada mau jadi’. Imbah tu amun handak maungkum
api dipananggaran kana diapiki pang, kada magan ditunjul awan batis, pamali
jua jar, kayina tapai kada jadi’, silap-silap mau pang kukusan kada masak,
bangking atawa karas kaya baras.
Samantara mahadangi kukusan pulut tadi masak, pawarna awan parancah
sagan maulah tapai kana sadia akan jua’ pang. Warna hijau tapai Banjar sabujurnya
datang dari parahan pucuk katu’. Jadi pucuk katu’ ni kanalah diputik badahulu’.
Imbah tu hanyar ditumbuk dalam lasung batu’. Pucuk katu’ nang hudah lanik
imbah tu dicampurakan awan banyu, imbah tu di tapis awan tapisan. Jadi
ambil banyunya haja. Wayanini kada payah kalatoyan lagi manumbuki pucuk
katu’ dalam lasong batu’, buat haja ka dalam balinder, kada sawat lima minit
talah maulah gawiyan nang ngini.
Ragi’ pun sauting lagi rancah utama dalam maulah tapai. Ragi’ nang
ditukar atawa nang hudah lawas ditaruhi, kana dijamur kahangat. Bahari
ragi’ sabuku-sabuku pang, ragi’ nang sarbuk baluman ada lagi diulah, dikadai
maginnya kadada. Jadi ragi ni dihancurakan manggunakan pa’ayakan. Cara
mahancurakan ragi nang sabukuan tu tadi’ nyaman haja, digisangakan haja
ka pa’ayakan tu’ mamparupoi ai nya rupoyan tarus ka pulut nang hudah imbah
bakukus.
Sauting lagi rancahnya nang panting, banyu sahang. Bahan utama sagan
maulah banyu sahang ni makai biji sahang puteh. Nang ngini gin kana tumbuk
ai jua sampai linik. Imbah tu buati kabanyo, laluan ditangarakan nai ka
api sampai manggurak.
Kukusan pulut tadih, amon hudah masak diangkat ai matan tangaran. Pulutnya
dituang ka dalam talam. Imbah tu tuangi ai banyu hijau nang diulah matan
pucuk katu’ tadi. Haru sampai hajaunya rata’.
Talah maharu banyu pucuk katu’ tadi, giliran ragi ai pulang diandaki.
Banyak saikitnya ragi nih saja parlu kapada ka’ahlian urang nang maulah
tapai tadi pang. Mana yang bujur-bujur ahli manapai, bah sambil bakijim gin
bisa dah ma’agak sa’apa-sa’apa ragi nang handak dihamburi ka pulut tadih.
Imbah tu hijaakan pang pulut tadi dingin saikit. Amun kada dihijaakan dingin
luko kada hingkat mangapal banarai, kahangatan napa.
Amon dah asa dingin saikit, paruses satarusnya mangapal pulut tadi
pang. Sabaluman mangapal, talapak tangan diculup ka banyu sahang tadi.
Sababnya supaya nyaman mangapal, pulut kada barikit ka tangan. Nang kaduanya
sahang awan ragi akan balawan, tu pang nang maulah tapai Banjar manis
mancalingit. Matiam kukusan pulut tadi kana hijaakan dingin saikit, mun
tida kahangatan pang. Tangan maginnyai asa mambarangat diculupakan ka
banyu hangat.
Mangapal pulut ni gin kana ba apik-apik, kada magan talalu kuat mangacak,
kayina pisit banar kapalan. Amon pisit banar luko masak sapanggal haja
tapai. Amon kada pisit, kada sampuraka pulang ulahanya, kayina luko aur
diwada’ urang banarai, atawa disambat urang purici’, napaka asal digiming
saikit mamparupoi inya rupoyan, jadi kana apik-apik pang mangapal. Amon nang
dah ahli, kada payah dipadahakanai, baik tantan ai ulahanya. Ganalnya kapalannya
gin bungas, satakat dudua suluman jua sabigi tapai, talah dimakan.
Imbah dikapal jadi babigi-bigi, pulut tadih dipundut. Pamundutan ni
ada nang makai daun pisang ada nang makai daun kaladik. Amun makai daun
pisang, tabungas la saikit, taga amon daun kaladi saja antik tukohnya, nukoh
banar.
Bilangan tapai dalam satiap pundutan ni bagantung ka tukang ulah nang
maulah tapai, ada nang suka mamundut dua bigi haja sapundutan, ampat, anam
atawa lapan bigi sapundutan. Nang mana rajinan maulah dibuati dua bigi sapundutan,
jadi amun pundutan dibuka hingkat ditalahakan sabungkusan, kada la balabihan,
amon asa handak lagi buka lagi sapundutan. Nang takutan tu bukan apa, amon
balabihan,kayina labihan tapai nih pa bari-bari suka’ banar mahurong, tu
am nang alang-alang tuh, amon talah kada la aur disimpuni, taruhi manaruhi,
luko ada nang galianan banarai, tu makamam langsung kada mau manjapai tapai
labihan urang lain.
Mana-mana nang handak lakas imbah ayuha buatiha sabarapa bigi nang
muat sapundutan. Amon kada talah, nang hudah babuka tu ditaruhi dalam pati’
ais, tahan ai ia’. Wayahini tapai nang dijual dipasar tani atawa pasar malam
kada payah dikapal lagi tukohnya, mimang kada can lagi dah amon handak manamuani’.
Nang ada hudahlah putih, dalam tapawe pulang tuh.
Tapai nang imbah dipunduti, disusun baik-baik dalam ayan (kada kira
ai ayan atawa ayan palastik). Di atas susunan pundutan tapai nih diandaki
cabai karing barang lima anam hular.Imbah tu tukupi hulu awan kain atawa
tapih nang barasih. Sudahnya tukupi pulang awan talam. Imbah tu ambil
kapur makan, calitakan ka ayan awan talam tu tanda pangkah sambil basalawat,
jar uma mananda’ei tapai supaya jangan diharu kuyang awan hantu syaitan,
maklumlah banda pajaan.
Tapai nang diulah akan sadia hagan dimakan dan dihidangakan dalamasa
dua hari satangah ka tiga hari imbah diulah.
Sauting lagi pituha urang bahari, babinian nang cuti sumbahyang kada
magan manapai, kayina tapainya babalang habang, ada suah tajadi tapi wAllahu
aklam napa kah hikmah nang sabujurnya.
Nj
Mandakai Himpalam
Fri Aug 23 09:46:31 2002
161.139.102.110
PANJAT POKOK
Saikong kakanak halui sadang bakayukut mandakai himpalam dihiga rumahnya,
kada lawas imbahtu lalu Sidang kampung dibawahnya sambil maithi kaatas
:
"MasyaAllah" ujah Sidang sambil manyuruh kakanak dinto turun kabawah.Turun
haja kakanak ninto, sidang tarus bamamai . “ Hoi Utuh, kaina amun handak
mandakai puhunan ,puruk sapinda dahulu. Ni mambari supan banar kalihatan
pa***nya. Anuk ni RM5.00,jin tulak manukar sapinda” ujah Sidang.
Imbah bulik karumah, Si Utuh bakuya nu anu umanya pasal Sidang mambari’I
inya duit RM 5. Papagian isonya, umanya utuh sudah mandakai himpalam dihiga
rumah dangan kada mamuruk sapinda sambil bapikir dikapala “ Amun Utuh
yang halui awak di bari’I RM 5 olih Sidang, dimapa awan aku yang ganal
awak naya, paling saikit RM 20”.
Kaya sumalam, Sidang gin lalu dihiga rumah sambil tatiring ka atas,
bah takuciak Sidang sambil takijim bagi mata.
memandang keatas.
"MasyaAllah bungulnya " ujah Sidang dalam hati samnil tajumpipir handak
rabah takajut. “ Oi Galoh lakasi turun”. hiau Sidang
Galoh umanya Utuh barasa rame di dalam hati manangguh jaratnya mangana
dan baulih RM20.00 juak dari Sidang.
Turun haja si Galoh, Sidang tarus haja mancarucus baucap “Andika awan
si Utuh anak andika sama haja bungulnya,amun sudah tahu handak mandakai
puhunan , puruk sapinda hulu, ini kada basapinda lansung…... kada karuan
bangat parangai.
Imbah haja bamamai Sidang tarus manyaluk pakit dan maanu duit sambil
baucap “ Nak 20 kupang, jin tulak kakadai manukar pisau cukur,bulik kaina
cukur anunya,panjang bangat"
Bah si Galoh asa kada bamuha, bukah tajumpipir maninggalkan Sidang
surangan……
Moral:??????? Pikirakanlah surangan
DsASALa@DSS
Cardap - Babinian Banjar
Taakhir.
Fri Aug 23 10:33:19 2002
161.142.178.4
BABINIAN BANJAR TAAKHIR
HUJAN garimisan, hari samakin handak kadap. Sanja kala hahabangan kaliatan
di sasala popohonan.. Utoh Kandar magun hajak lagi kadak baugah tampat,
taungut duduk intang pohon hampalam ganal di hujung bandang. Hatinya marista
….bukan napa kuitannya baiya-iya bangat handak mangawinakan awan anak Haji
Angah Lanting Baah. Hatinya wayahnih balum handak lagi kawin….kadadak nang
sasuai. Tu nang sarik to si Utuh Kandar……..Taganang si Utuh Kandar pasal
pandiran tangahari tih…….”Amun kawin kan sadap”….ujar Alongnya saja manyadapakan
hati si Utoh Kandar. “Bahh…wadi lagi sadap Long ai….amun disanga wan lumbuk
babawamg………..tambahe nasi hangat…..”Garigitan wan suara raat. “Kainak bauleh
anak toh hai…… rami, umak kawak manggganie maingonakan…. Kan kaluarga Haji
Angah Lanting Baah to urang baik-baik……’’. Cheh!…..baingon lambu gin kawa
jua ….kawinakan baanakan,…. amun ganal dijual pang, kadak payah basusah
mak ai….’’ Ujar Utoh Kandar tarus badadas ka luar rumah. Kaito pang macam-macam
alasan…..Tu pang nang mangacau pikirannya sampai kadak tapi karuan..
Tatiba arom panghor masuk ka lubang hidungnya, ilah ada urang mamaraki
ka inya. . Utoh Kandar bapaling ka balakang. Pangitihannya kada bagarak-garak
bangsol saikong babinian nang bungas bingking nang kadak suah diliatinya..
Awaknya nang langsing, rambutnya nang panjang mangurai, kulitnya licin,
putih mampuhak, bibirnya nang habang……mandirau-dirau di dalam hatinya..
Ditambah pulang wan lihuman manis si diyang tutih.. “Umai bungasnya, kadak
suah taliat kainih….Putri Lindungan Bulan juakah atawa putri bunian…”. Tagal
kabungasan si diyang kada purnak, banyu matanya malilih landas imbah lihumannya
dibalas Utoh Kandar.. Utoh Kandar tarus marawanya walaupun asa kadak sadap
hati awan tabangsolnya si diyang tutih baaruman pulang baunya. Asa mamburinjing
bulu gulu si Utoh Kandar. Ujar patua paninian amun bajunggeng maliat,
tanto tahu hanto ka atawa urang kah. Kalokok takantot mancipbrot pulang
amun bajunggeng…..mambari supan pulang amun diitihi si diyang…..rakai ..rakai..kadak
magan luahan hati si Utoh Kandar tutih.
"Siapa ikam ni? Kanaak ikam manangis?"
Si diyang tutih kada sing jawapan tagal tarus inya manatap muha Utoh
Kandar kaya sudah lawas bapinanduan.. Lawas Utoh Kandar mahadange jawapan
akhirnya si diyang tutih basuara.
"Kanapa Din tinggalkan Lis kadaka kabar barita, Bahinip, bapatak kah…...
Lis bujur-bujur karindangan nih wan Din. Napa salah Lis?" ujar si diyang
nang mambasaakan awaknya Lis.
Takajut Utoh Kandar mandangar surahan Lis. Bila masa pulang aku pinandu
awan inya nih?. Ninih sako tahancat akal …….. Hmmm... sayang saribu kali
sayang. Urangnya bingking, tagal ada masalah mental pulang. Wangal napakah…..Ruginya
aku. Amun kadak, tanto aku 'ngurat' , padahan dalam hatinya.
"Err... maap hajalah Lis, aku kadak pinandu wan ikam. Ngaran ku bukan
Din, Sakok ikam nih, tasalah urang napakah. Amun kadak pacaya takunik ha
Sidang Sulaiman to….rumah kadak jauh kadak, parak haja……..
"Maapkan aku. Tagal….. muka mo mahirip ilah tunangan ko, Lawas sudah
mahilangkan diri. Sampai wayahnih kadak tahu dimana bagana….," cerita
Lis. ‘Dimana bagana…?” ujar Utoh Kandar. “To…..intang hujung kampong parak
rumah Angah Sabran Maongel……”. Tamandak tapikir……ujar dalam hati Utoh
Kandar nito rumah kosong, udah kadak batuan lagi, hanyar pindah ….patutlah
kada suah batamuan…..sakok. Utoh Kandar marasa maras wan nasib nang di
tanggung Lis. Si Utoh Kandar maharti masalah nang manimpa Lis, tagal, apakan
dayanya. Awaknya jua mangalami nasib yang sarupa. Sakok ini kah….. judoh
atawa tapintang narai..?
Samingguan balalu. Imbah partamuan pamulaan tutih, pahubungan Utoh
Kandar awan Lis samakin rapat. Bila hari handak sanja si Utoh Kandar wan
Lis batamuan. Si Utoh Kandar marasaakan nang awaknya nih udah jatuh cinta
buat kali pamulaan. Hatinya tarpaut nang pada pangliatannya si diyang
ni pang nang mamahami dirinya. Rupa-rupanya, Utoh Kandar kadak batapuk
sabalah tangan, Lis jua manyimpan parasaan anu Utoh Kandar. Utoh Kandar
hanyar saminggu bapinduan …… tagal, jauh di lubuk hati Utoh Kandar magun
nai ada sauting kamusykilan pasal diri Lis tutih. Ada sauting nang magun
manjadi takunan……. Pada partamuan pamulaannya si diyang Lis bapadah jua
bajanji ka Utoh Kandar, amun batamuan pulang di tampat nang sama, waktu
nang sama haja …Utoh Kandar kadak bulih bapaling ka balakang bila mahadange
si diyang Lis datang wan bulik.dari situ….tu pang syarat Lis hagan Utoh
Kandar bila batamuan. Kaito pang partamuan-partamuan satarusnya……... Suah
Utoh Kandar batakun tagal amun taliat kamurungan di muha Lis kadak jadi
rasa sarba salah . Kaloko marajuk ….kadak batamuan lagi……
Bukan nitu haja, satiap kali Lis bacangol di situ panghor awan bau-bauan
harum. Tapintang ada jua babau haruk kaya bangkai asa kadak kawa bahinak,
padak hidung. Bau harok mangalahakan hintalok tambok. Tagal, saan Utoh
Kandar kalokok bangkai tikus mati diukang kucing marau atawa ular tadong
mati disamar tataguk, gugur mati ka tagah dihadap to. …….Satiap partamuan
biasanya di satiap hari handak sanja, Karap haja Utoh Kandar maliat muha
Lis nang habang ilah manahan sarik bila azan maghrib wan isyak kadangaran
dari masjid nang kada jauh intang tampat partamuan. Timbul di hatinya asa
takutan wan baasan pasal asal-usul si diyang Lis. Sampai suatu hari si Utoh
Kandar banikat mamalingakan muha maliat Lis imbah partamuan pada hari tutih…..Bulan
mangambang panuh…satumat kadap satumat asa tarang di lindungi awan…..
"Salamat tinggal, sayang," ujar Lis sabelum bainsur ……. Babiya Lis
bajalan babarapa langkah, Utoh Kandar tarus mamalingakan muha maliati……..
Utuh Kandar tajakut bangkoi taliat `mancigir’ saikong lambaga nang mangutanakan
bangsol babau bangkai badiri di balakangnya. Matanya mancirat mancorong
habang…..Manggalitir saawakan si Utoh Kandar maliati lambaga tutih mangilai-mgilai
handak maragap ka Utoh Kandar……Hulat-hulat ganal sabasar jari kalingkingan
kaliatan takaluar disasala muntungnya, gugur barabakan ka batisnya.. Batambah
galianan…..manggalitir batis takarucut si Utoh Kandar bainsur ka balakang
mailak hulat-hulat kacipulan kaluar.
"Din, kanaak Din tinggalkan Lis, kadaka kabar barita. Lis bujur-bujur
karindangan rindu nih awan Din. Napa salah Lis?" ujar lambaga tutih mangilai-ngalai
baduom , takamih wan tatangis si Utoh Kandar. Saikit saikit lambaga tutih
batukar muha…….ka muha babinian nang bingking ……Lis..., narankah napa
nang ku liat nih?. “ Saja bujur…….aku lah babinian taakhir……aku kadak
sawat kawin hanya ikam haja nang kawa maliati aku……..’’ Salawasan nih rupanya
si Utoh Kandar bacinta awan hanto?. Kaganangan si Utoh kalainan kaanihan
diri Lis sabalum nih. Lamah saluruh awaknya………….
Bakayukot si Utoh Kandar bagagah, manguatakan samangat…..kada magan
di hadange bukah wan langkah saribu. "Hi hi hi hi.... Hah hah hah hah...,"
kadangaran mangilai tawaan Lis bila Utoh Kandar bukah lintang pukang. Tadangsar,
tabarubus tamasuk kadalam bandang, kadak mahiran ni lagi….bajauh intang
tampat bahanto.
Utoh Kandar kagaringan uyuh. Tohok baubat mamulihakan samangat. Maracau-racau…..Maniga
hari hanyar ampih. Gigir sakampongan urang bacarita Utoh Kandar batamuan
awan hanto…..Memang bujur….ditampat kajadian to bahari ada urang nang mati
babunuh diri. Pasal kada handak dikawinanan awan lalaki pilihan nya….Memang
bujur nang si diyang to bangaran Lisa Amira nang kaya dicaritakan ka Utoh
Kandar..
Satahun tatah balalu, Februari bacangol pulang….asa kaganangan kisah
nang manyaramakan. Wayahnih hanyar si Utoh Kandar kawin mamilih pilihan
saurang hagan pasangan hidup ilah babinian banjar taakhir nang suah batamuan
halam mahirip muhanya……..Baisukannya, Along batakun ka Utoh Kandar…..
“Malam tih di sangalah wadi barian umak……?”. “Sadaplah…..!. “Cheh!….wadi
kadak sadap lagi Long ai….bujur jar andika halam, cakak dari dulu lagi…”
ujar Utoh Kandar. Tatawaan badua ading “Han tiak….kada paasian”. Ha..ha..ha..ha
haaa…..tatawan badua baading………………….Nang si bini takurehing ungah sambil
mangibit si Utoh Kandar.
diyang Inchum
Cinta manyubarang Nagari...
Fri Aug 23 16:25:33 2002
202.184.28.127
Ako ni pa kada suah bacainta matan halus sampailah habis SPM, jer uma
mun inya taho ako bacinta atau manulis surat cinta makaam handak dibarantiakan
sakulahko, manggani'e uma manurih jer. OOohhhhh no no no...kada hakun ako
baranti...kada rigi ako jadi ciggok sakulah di kabun tuh...kada rigi ako.
Dah la muha kada bungas...hirang pulang tuh, mun kada basakulah...kada
bailmu ya'am sain kontrek panurih gatah sampai ka tuha la ako.
Umor ko 18 tahun ,dah rajaki ko murah..dapat jua bagawi gomen, walau
taraf gajih SPM jadiam..hingkat jua aku babakti kapada kaluargaku.
Jeng jeng jeng (muzik pambukaan nih)...
Ini lah Cinta partama ko, ada mamat Malaka tuh nang rajinan maindap indap
ako rahat ako bagawi (opis met la tu...), hari hari inya datang ka tampat
ako bagawi mambawaakan makanan kah....nginnuman kah...mun ako dahindak
maambil...pirrrrrrr ditawaknya kadalam tong sampah. Takajut warek la ako,
ni kes paksa nih jer hati ko. Mun aku dahindak nginum ditimbai'e nya pulang
banyu tuh kadalam sink. bah kaya apa akalan ko nih...ni kes muar nih. Walaupun
mamat nih baik tagal ako asa takongkong, hari hari inya manjagai ako, kada
magan aku bepandir wan lalaki lain. Sakit hati ko, asa handak kutimpas ha.
Handak dating wan ako surry la (sorry la)...ako ada parinsip saurang, mun
kaluar badua duaan ako dahindak, mun handak tulak nireng wayang kami tulakan
ramai ramai wan kawanan sarumah atau kawanan saupis...kada kira lalki babini.
Sabujurnya partama kali ako handak tulak bagawi nih abang ko panuhanya
bapadah ka ako, jer mun handak mancari laki, 3 nagari ni kada magan dijadiakan
laki "Kadah, Kalantan wan tarangganu"...jer abang ko kaum ni hidup kuat
bapuak puak, kada rigi bacampur wan urang luar jer. Mungkin jua pangalaman
hidin nang babiniakan urang Kalantan dan bagawi/bagana disana. Ako mahi'ihakan
haja.
Ako ni daida kaksih urang luar dari kawasan upis ako bagawi, daida masa
handak bakanalan wan urang luar. Jadi paminat ko di kawasan wadah bagawi
haja...tu nang gigir saalaman mun kami bakalahian hihihihihi.
Ako nih bakawan wan sipa sipa haja lalaki babini, jer urang napa??? "peramah????"...labih
kurang kaya itu lah. Ada saikung abang Nagari Sambilan tuh...umur hudah
27 tahun kada kawin lagi, kada taho kanapa maka lambat hanyar kawin. tagl
hari hari ako ndangar inya bakirim atau manukar saurang "numur waweh"...cihhhh
kada magan dijadikan laki urang kiya ini. Kawanan lain aur gigir manuntut
hutang ka hidin, jadi hati diyang dah rijek lalaki kiyaini. Sato hari saikung
kawan lalaki nang sabaya wan diyang jumpa wan diyang mambawa hajat jer.
"Inchum, abang NS tuh dah lawas bakanan wan ikam, lawas dah mambujang ..sampai
masa dah nak kawin jer", napa jawapan mo Chum ai. Aku tamandam satumat...kiyaapa
handak manulak lamaran muntong urang ngini, lalo aku dapat akal. "Caam
ikan takuni hidin adalah basungkuk (songkok) inya tuh...tagal dalam hati
ku handak nyambat "sumbahayang jua kah mamat nih". Imbah nakuni mamat NS
nih bahabar pulang kawan ko ka ako jer "Ada ai sungkuk dirumah jer". Kih
kih kih....tatawa ganal ako, mun satakat nyambat sungkok ada dirumah...labih
baik padahkan sungkuk ada dikadai. Imbah bulik kampung hujung bulan tuh
kupadahkan ka kawan ku tuh, uma kada tapi suka urang NS jer ko maulah hilah.
Diupis ko nih mimanag ada surau, katahuan haja sipa sipa nang janis panyambahayanagn
dan janis kada sumbahayang wan puasa.
Ako nih walaupun kada bungas kada...hirang pulang tuh, tagal aku ada
parinsip saurang. Ako handak lalaki nang basumbayahang 5 waktu sakurang
kurang nya hagan jadi pamimpin rumahtangga kina, kada bajudi, kada marukuk,
bagawi biarlah sataraf wan ako...sababnya mun taraf gawian nya kurang dari
ku, aku takutan laki ku marasa randah diri...,mun talalo tinggi pulang takutan
ako kada bisa bagaul dibawa katangah ka pinggir jer urang...sadarhana haja..itu
lah idabol ko.
Kada lawas saikung kawan pulang nang batamo wan ako handak mambawa hajat
kawan ko nang lain pulang, jer urang ni NS jua...nangini lagi tuha 32 tahun
umurnya...(sunyaan kawan kawan ni bagawi saupis), nangini lagi tarok, awak
babau asap rukuk (dalam hati ko mun ako kawin wan urang ngini maupang asa
maikup rukuk ha tiap malam hihihi), kada suah aku tabaraung wan inya sabalum
masuk surau kami, mun bulan puasa tapintang ada bungkus Maggi dalam tong
sampah...kada mungkin bakul sampah makan maggi, dah la tu aur manikam waweh
haja gawian...ohhhhh..no no no. Mun aku handak kawin awan inya maupang anak
ku kina bangaran mat waweh atau siti nur waweh...kada magan ...kada magan.
Nang saikung lagi nih gen urang NS..nangini urangnya agak hinsem, cara
basurah bagus, batanggungjawab wan tugas nang dibariakan, rajin..hati gen
bilang badabar dabar mun nireng kahinseman nya...tagal satu haja nang mambuat
ako asa takilan, inya ni gen suka manikam waweh. Ako dahindak katurunan
ko makan duit hasil judi..ako kada hakon, biarlah kina anak anak ko makan
makanan halal walaupun kada sugih..itu lah Doaku satiap hari.
Jeng jeng jeng....
Alkisah datang lah satu mamat Kalantan..inya nih bagawi bujur bujur disubalah
bilik ko bagawi. Tagal daida parsamaan langsung wan jiwa ko. Napa haja
nang ku ulah jadi kalahi wan inya. Pakaian ko jadi kritikan...kasukaan
ko basukan gen jadi kritikan nya. Bilang satiap hari kami bakalahian, kada
main main..sampai mahantak hantak batis kasarekan, sampai mahantak hantak
mija punya la muar nireng muha nya. Aku salalu ingat pasanan abang ko...kada
magan kawin wan urang Kalantan, jadi batambah tambah muar aku nireng nuhanya
tuh. Tapi mungkin sudak ditakdirkan Tuhan akhirnya mat Kalantan ni bapadah
ka ako suatu hari, handak manjadikan ako ni pamaisuri diang malacung nya.
Kupikir pikir parak maniga bulan hanyar hati ku tabuka hagan inya ....ako
basumbahayang Istikharah, mimang ngini la lalaki nang handak ku jadikan
laki. Inya nih kada suka basimbang simbang wan babini kada karuan, kada
manikam wawaeh, kada marukuk ...tiap hari aku nireng inya masuk kasurau
bila masuk Waktu...pandiam pulang tuh, walaupun a muntong nya rajinan komplen
ako tagal inya ni lamah lambut basurah...mun ako mahantak batis ka ..bakuriak
kah...inya sabar haja.
Tasabut la kisah mamat Malaka nih (mamat pertama), inya kada mau langsung
baundur diri, nang lain lain tu manarima kanyataan nang ako kada suka nu
inya sunyaan, makaam bilang hari hari inya baamarah ka ako, suah aku diragapnya
dihadapat mamat kalantan nih..jer nya ako nih inya nang pandahulunya mangurat.
Napa lagi basilat kunta la ako kasarekan. Suah jua mat Malaka nih mahampas
duit RM2,000...pandahuluan jer sabagai hantaran, sunyaan ni di ulah nya
dihadapat mat Kalantan ni. Mai ai bilang sakit banar hati ko. Suah jua Mat
malaka ni maumpati ko bulik kakampung, walaupun ako basasarek..diumpati
jua kakampung....gigir urang kampung nireng ada urang lalaki datang karumah,
uma gen sarek jua ka ako..mamaluakan jer. Minix ako...tapaksa jualah mambagiakan
inya bamalam karumah malam to(dah parak sanja masa tuh), kasian pulang...jauh
pang kampung ni. Nang mat kalantan ni pulang bilang manggitir jua kasarekan
sampai managis (hihihi...glamer U), akhirnya inya bulik kakampung inta umanya
masuk maminnag. nang mat malaka gen handak masuk jua maminang...ummaiiii
aiiii, singbanyak kan babini bungas kanapa pang ako jua nnag dirabuti ..kih
kih kih...lawak...lawak.
Satu lagi nang jadi batu panghalang, abang ko baamarah, kada mambariakan
ako kawin wan mat kalantan, jer mun ako handak kawin jua wan mat kalantan
inya dahindak jadi WALI...ummai ummaii aiii..., nang abangko ni katuju
bangat wan mat malaka.
Dihandapkan carita satalah uma gen campur tangan hanyar lah sunyaan bajalan
lancar. Jer uma "pasangan saurang...cari'e lah saurang, ako dahindak mancariakan..ako
takutan kina mun kina dudi dudi aur bakalahian atau kada bahagia, ako dahindak
disalahkan "
Walaupun dah salamat ako banikah wan mat kalantan ni, tagal ako salalo
jua katakutan, nang mat Malaka sampai wahine aur managur aku ha...tuhuk
bukah mun tatireng sidin, takutan tabaraung wan ayahnya.
Akhirnya aku gen kawin wan urang subarang Nagari...(kada subarang lautan
kada....)
diyang kuntum
Sambungan carita sonia ammira...
Fri Aug 23 23:20:59 2002
202.184.28.127
Maka tasabut lah kisah putri Sonia Ammira nang manunggu hari handak baranak,
arakian jer nang ampunya caritera, hari hari disubalah patang bauji uji
la sang putri wan Paduka Tungko Julak adanya. Tapintang dudukan di ayunan
didalam taman sambil mancari cari nagaran Putra/putri nang bakal akan dilahirakan
kina. Tungko Julak gen bilang kambang lubang hidung kaungahan handak jadi
Ayahnda jer..maklom la..umur sasain tuha..ni lah hanyar dapat rajaki dapat
anak partama.
Kadangaran sayup sayup badua laki bini tuh mandindangkan lagu Uji Rashid
wan Hail Amir, diantara kata katanya ialah...
....lalaki parampuan...
kita tarima saja...
rahmat dari Tuhan...
itu yang utama...
Sasambil mamikirakan napa ngaran anak nang hagan di bari'e kina.
Tungo Julak : Dinda mun lahir Putra kina, napa jer handak kita julungi
ngaran, mun Putri pulang napa gerangan ngaran nang dinda suka.
Putri : Mun kiyaitu kanda pikirakan ngaran putra, dinda pulang mikirakan
ngaran putri.
Almaklom hajalah...di nagari Banjar tuh daida magun "Ultrasound", harapkan
ninibidan lanjut haja...tu gen tapintang bujur tapintang kada bujur tilikan
hidin, nang didalam parut tu lalaki ka babini.
Pada satu patang nang hanup, udara nang nyaman rahat kacipus kacipus
bahambus, nun di kajauhan kalihatan Burung Tinjau baigal igal kasukaan
nireng 3 diyang rahat mandi di parit 1 sungai Sireh, Burung tatagok pulang
rahat kirip kirip bigi matanya hanyar bangun dari gureng....tiba tiba sang
puti gen bawadu wadu ka Paduka Tungko Julak, jer sakit parut wan pinggang.
Napa lagi bakuciak pang Tungko mahiau Dayang pangasuh lalo mambawa'e Tangko
Pamaisuri kabilik paraduan. Makam ninibidan Lanjut gen di titahkan ancap
mangadap.
Ninibidan : Ampun Tungko manurut tilikan patik , kada sawat Burung Tinjau
bangun isok pagi, InsyAllah lahirlah putra/putri tuanko. jadi kada sawat
la Burung Tinjau tu baigal igal bakuriak kina...
Mai ai bilang kada hingkat duduk pang Tungko Julak, stumat asa handak
tabaherak...stumat asa handak takucil..ju'uk ju'uk bajalan, muha gen takurinsing
ha mamikirakan kasalamatan Tungo Pamaisuri wan nang bakal cangol stumat lagi.
Tangko Pamaisuri gen stumat pingsan..stumat sadar...bilang kauyuhan wan
kasakitan nang amat sangat, bapaluh li'iran saawakan manahan kasakitan, tapurarai
banyu mata mahambur di pipi..mai ai...kasian nya ai. Dengan takdir Allah
cangol la saikung putra nang di hadangi tuh...Tungko putri gen taguringan
satumat kauyuhan pang, kada sawat 10 minit asa handak tabaherak pulang Tungko
Pamaisuri, sakalinyaan cangol lagi saikung putri. Mai ai Tungko Julak gen
punya lah arai....kambang kuncup hidung kasukaan tagak nya, nang diharap harap
saikung, sakalinyaan 2 ikung nang cangolan.
Arakian minix la kapala 2 laki bini tuh handak mambari'e ngaran. Putra
putri ngini muha sarupa, mata gen sama...lentik bulu mata...bibir gen sama
paruna bak limau saulas, hidung gen sama...hidung kaya muntong saludang
jer, nang balain tang tahi lalat haja. nang putra batahilalat di bawah mata....nang
putri pulang batahilalat diatas bibir kiwa. Olih karana rupa nya pina sama,
jadi ngaran gen handak jua paparakan.
"Dinda ...apa kata mun kita ngarankan Putra Halim...putri pulang Putri
halimah atau pun kita ngarankan putra Putra Syafiq..nang putri kita ngarankan
Putri Syafiqah" jer Tungko Julak ba ia ia.
"Dahindak la kanda...ngaran tu kaya ngaran urang kampung haja..biar la
kita ngarankan ngaran nang glamer kaya ngaran putra putri"
Minix la kadua laki bini tu maijas ngaran..akhirnya...
"Dinda apa kata mun kita ngarankan anaknda putra wan panggilan PUTRA
JUNJUNG BUAH dan nang putri kita ngarankan PUTRI JUNJUNGAN BUIH"..kan nagaran
tu saakan akan sama...
Satalah baminix minix kapala akhirnya dipersatujui la oleh tanmgko Pamaisuri
akan ngaran itu.
Arakian jer nang ampunya caritera...hidup lah aman bahagia kadua Raja
wan Pamaisuri itu wan kadua dua ikung putra putri, itu lah haja 2 ikung nang
dapat dilahirakan wan Tungo Pamaisuri, sabab Tungko Julak gen dah kada tapi
gagah lagi dah walaupun Tuinko Pamaisuri masih anom lagi.
sakian haja dimaklumkan
T T Wa
RENDAP-Makanan Tradisi-WADI' SAPAT
Sat Aug 24 00:46:36 2002
210.186.60.245
Makanan Tradisi – Wadi' Sapat
Sumalam hudah manapayan kita leh, dudua hari lagi sadangannya ai dikutil.
Bujur jua jar Diangnya Pupur Dingin, bulihaja disusun dalam palangat atawa
dulang nang dilapiki daun pisang. Amon ada nang handak ayohaja disurungi
dalam pipiringan. Sadia akan haja susudu’ hagan manyulum tapai ka muntung,
tida’ gin banyu kacawan haja gin jadi sakibit sakibit ma anu tapai nang
hudah disurungakan, bah rame pang mamakani tapai.
Jadi imbah manapai, kita maulah wadi ha pulang. Kaya apaam? Bahari wadi
ni macam-macam iwak kai nang hingkat diwadi’, janji iwak darat haja, sunyaan
kawa diwadi’. Ikan Tampakang, Kali, Haruwan, Talapia awan Sapat. Wadi’
nang paling popular kadada lain pada wadi’ sapat pang. Amon disambat pakasam,
bilang barataan ai tahu’, maklumlah di sakulahan gin hudah haja dilajari
alang-alang manyaluk pakasam jar.. biar sampai ka pangkal langan ( kada pagalangan
kada… sampai ka siku pang mancaluki guri wadi’….).
Tagal amun urang banjar ni pakasamnya (wadi’ ti pang) saja pina balain
pang saikit pada urang lain. Sabarmula mawadi’ gin hudah balain dah. Taga
ulun handak ma andiyandikan kayapa handak maulah wadi’ sapat haja di sia’,
amon sarabanya dipadahakan atawa dibuat kasia,luko haja’ah talalo panjang.
Luko ada nang muar pulang mambaca’ei.
Ikan sapat ni dikiyau sapat siam, ganalnya bilang satabah pang. Sapat
siam ni nang banyak di bandang pang bahari, bukannya di lain kadada basapat
siam, kaya di lumbong awan bakas lumbong gin ada ai basapat, taga kada batuyok
kaya di bandang. Taga ngini kisah bahari jua pang, wayahini ngalih bangat
amon handak bacari sapat siam nang ganal-ganal, mun ada gin asa nya kada
nyaman lagi dah. Amon dirandang budas haja gin asa hanyau, a’asa rumput.
Amon taulihi di bandang bah bilang haloi haja saisnya, kakaya sapat runggeng
nang bahari diulah umpan banjur, amon mambanjur haruwan. Amon diulah gariting
hingkatai dipapalar, jangan kadada langsung, takutan kapuhonan banarai aur
kaganangan sapat karing barandang atawa babanam.
Amon bubuhan ulun bahari, sapat habuan mawadi’ nih baistilah pang dipilihi.
Kalas A haja nang dipilihi. Kalas bawah kada aci, nginto gasan diulah garinting
jua pang. Sapat siam kategori A nih nang ganal-ganal pang, biasanya satabah
atawa bilang sapipiringan haloi pang saikong-saikongnya. Imbah tu’ nang
hidup haja nang dipilih gasan di wadi’, amon sapat nang hudah mati’ otomatik
diasingakan gasan diulah garinting.
Iwak sapat ni amon handak maulihi, cakada hingkat di u unjuni. Nang karap
urang maulihi sapat ni awan Timpang, Malunta, Mahanchaw @ Manangkoi, Masang
Lukah, Manampirai, Ma aring @ Mamukat atawa bakacal haja gin baulihi ai
jua’ awan manimba kubang atawa paparitan nang hudah karing banyunya di tangah
bandang.
Sapat siam nang hudah dipilihi imbah tu disiangi atawa diparuti pang.
Amon bubohan kami manyiangi iwak sapat nih baistilah pang bapandalan, maklumlah
banyak iwak nang handak disiangi. Imbah tu kada magan makai pisau, mau
kada taulihi manyiangi/mamaruti iwak. Jadi baistilah pang mamakai parang
duku’.
Amon manyiang atawa mamaruti iwak tadi dibuangi pang sunyaan sisiknya’,
ikongnya awan duri’-duri’ iwak nang tajam gin habis lingis dibuangi. Imbah
tu kapalanya ditatak hingan parak isangnya. Parut iwak tu imbah tu dipicik,
bangsulanai isi parutnya. Amon iwak tu bahintalo, baistilah pang diasingakan
hintalonya, dibuat kawadah nang lain, biasanya ka dalam ayan pang.
Hintalo sapat nang hudah dikumpulakan tadi’ pa sadap amun dirandang budas,
kaya marandang iwak sapat pang, atawa amon ditumpi’ gin sin sadapan. Makan
awan nasi hangat-hangat atawa dikilau kaya ito haja gin sin nyamanan. Salain
dari dirandang awan ditumpi’, dibuat ka gangan pisang anom, gangan tungkol
atawa gangan susupan gin nyaman ai jua’.
Iwak sapat nang hudah lingis diparuti @ disiangi tadi, imbah tu bibasuh
lingis-lingis. Biasanya mau sampai maniga kali mambasuh. Darah iwak kada
magan ada, mana-mana sisek nang tatinggal dibuangi, duri iwak nang tatinggal
gin dibuangi pang sunyaan. Imbah lingis dibasuh, iwak sapat tadi diti’isakan
dalam bakul, bahari dada bakul lain pada bakul bamban, amon bakul rutan tu
bilang kaganalan banar.
Samantara iwak sapat tadi lingis dibasuhi, banyu anggaran manyu gasan
mamaja sunyaan iwak sapat tadi dah ditanggar ka api. Biasanya manjarang banyu
tu di dalam kuantan ganal. Andaki uyah dalam banyu nang ditanggar tadi’.
Hija’akan sampai ia manggurak. Banyu uyah ni salilikatnya pang amon ba’ulah,
sampai uyah kada mau lanah lagi hanyar ampih ma’andaki uyah ka dalam tanggaran
tadi’. Amon dah kaya ito, tapis banyu uyah tadi. Buangi uyah nang kada lanah
awan raki-raki nang ada atawa tabuat ka dalam tanggaran tadi’..
Iwak nang hudah diti’isakan tadi, bila hudah tiis dibuat pulang ka dalam
wadah, biasanya guri pang bahari tu’, amon nang muden saikit adala bubuhan
nang baisi balang kaca bakas wadah kacang tumbok atawa gula batu bintang
bahari. Baistilah pang manukar di kadai Cina. Imbah tu banyu uyah nang hudah
ditapis tadi dituangakan ka dalam wadah nang hudah baisi iwak sapat tadi.
Imbah tu tukupi wadah tadi pisit-pisit. Paruses ni hanyar paringkat pamulaan.
Pajaan iwak dalam banyu uyah ni kikira dalam talo ampat malam la, sampai
daging iwak sapat tadi tasisit karucot kauyahan, kikira dagingnya pisit pang.
Jadi pahadangan daging iwak tadi pisit, kana la bakikira handak baulah
ramuan wadi’ tadi. Ramuannya kada ngalih kada maulahnya’. Ramuan nih dikiyau
SAMU’. Samu’ wadi nih diulah matan baras jawi. Sukatannya makamam bagantung
kapada pangalaman urang nang bisa awan ahli atawa mahir mawadi’. Jadi baras
ni tadi disangak di dalam rinjing sampai babau arom. Arom baras basanga
pang. Kada magan sampai hangit, disanga angka-angka haja.
Imbahitu’ baras basanga ni tadi’ dibuat pulang ka dalam lasong, imbah
tu ditumbuk awan halu’ @ antan. Bahari saban bigian rumah banjar baisi lasung
awan halu’. Banyak ai kagunaannya, manumbuk baras jawi gasan ma’ulah tapung
baras, manumbuk kacang hijau gasan ma’ulah putu’ kacang, manumbuk baras
pulut gasan ma’ulah tapung pulut. Halu’nya tapintang dipakai masa manumbuk
batang purun gasan malipirakan batang purun sabaluman dianyam jadi tikar
purun. Amun kada tapakai gin lasong tu’ ada haja akalan kakanakan bahari,
maambil lasong gasan maulah pambarat (manindihi) mariam tanah bila parak
ari raya’. Halu’nya tapintang diulah panyunduk lawang. Kan ka kareatif urang
bahari.
Baras nang ditumbuk dalam lasung tadi amon hudah lanik dikaut ka dalam
ayakan gasan diayak. Nang tatinggal di dalam ayakan dibuat ai pulang ka
lasong, tumbuki pulangai sampai lanik, kayaito pang parusesnya sampai imbah.
Bila hudah siap samu’ ni tadih, wadah atawa guri pajaan iwak tadi dibuka’ei.
Iwak nang hudah dipaja tadi dikaluarakan, imbah tu diti’isakan pulang sakali
lagi’. Wadahnya (guri’ atawa baling) dibarasihi atawa dibasuh lingis-lingis,
diti’isakan jua, imbah tu di lap kari-karing.
Pajaan sapat nang hudah tiis, taga kada magan talalo karing tadi diipi’i
tunggal ikungan, tiap kali ma ipi’i tadi, iwak sapat nang hudah bapaja’
tadi dibuat kawadah nang baisi samu’ tadi. Rata akan awak sapat bapaja tadi
saikongan awan samu’ tadi. Imbah tu disusun pulang baik-baik awan apik-apik
tunggal ikungan ka dalam guri atawa wadah mamaja’ awak sapat sabalumannya
tadi, nang hudah dibasuh lingis-lingis awan hudah dikaringakan tadi.
Bila hudah talah manyamu’ iwak sapat tadi awan talah manyusun, amon handak
jua dituangi banyu uyah, ayu ha dituangi saikit banyu uyah tadi ka dalam
wadah pajaan iwak tadi. Amon kada handak, tarus ai andaki cabai karing barang
lima anam hular. Imbah tu andaki uyah kasar satuyok kikira hingkat manutup
iwak sapat nang hudah basusun ti tadi atawa muhara guri atawa wadah mamaja
wadi’ tadi’. Imbah tu tukupi ai pulang wadah tutadi pisit-pisit. Amun kada
pisit mau pang wadian andika bahulat, garuwitan pang hulatnya. Amon ada
nang galianan mau pang jara’ mamakan wadi.
Dalam talo minggu bulihai dah dibuka amon asa handak banar marasani wadi’
nang diulah. Taga lagi lawas dipaja atawa ditaruhi, lagi nyaman wadi’ ni
tadi. Baunya bilang mampahur pang amon dirandang atawa ditumpi. Bah saja
tailor mambayangakan wadi’ hangat-hangat dimakan awan baras hanyar, bakuah
waloh bajarang. Banyu pajaan wadi’ ni gin amon diambil, lalapakan cabai parawet
awan bawang dua tiga bigi, bah ai nyaman pang diulah cacapan amon mamancok
hampalam anom. Masya Allah nyamannya ai…
ujik jabis
hintalo bajarang
Sat Aug 24 09:36:13 2002
161.139.165.17
Hintalo bajarang
“Noi, ikam nih saja bapala taholah. Ca am diganangakan urang dihiga”,
ranai garutuk Inoi dimamayi Udot lakinya nang basisingut labat tuh rahat
mantuk ka rumah. “Hudah balinguan aku madahi magun jua kada ma’asi…saja
talinga rinjing ikam nih. Mun urang lain mau batumbi dahi ku dikil”, Udot
magun bamamai. “Inta ampun lah bang ai. Dudi-dudi kada lagi dah”, ilon Inoi
bilang maras banar bunginya. “Cah..mun surahan ikam tu ti kada pacaya ako,”
garunum Udot. “Nanginih babujur bang ai. Kada dusta kada,” ujar Inoi pina
ba'iya banar tukohnya. “Ok..mun ikam babujur handak baampih aku maafkan...lain
kali daham bakantut lagi dalam kurita taholah. Mun kantot ikam arom kada
apa jua nih bilang handak muak aku..handak raum gin ada”, ujar Udot pina
balambut ilonnya. Inoi ranai mandangarakan. Inoi taho itu salahnya. Kada
hingkat bakulim lagi dah. Kali nih Inoi babujur handak baampih..nahap hudah
pandirian. Kada hingkat diugah-ugah lagi dah. Muyak hudah Inoi dibihau awan
lakinya. Bilang sunging talinga.
Nang sabujurnya Inoi nih katuju babanar mahantos hintalu bajarang. Napang
mun tahaga tuh bilang kada hingkat ditangat-tangat lagi dah. Sabigi-sabigi
hintalu disulum ka muntong...kada aci mamah sako...aci taguk tarus. Akibat
katuju mamakan hintalo bajarang ni lah Inoi nih jadi pangantutan banar. Libut-libut
bakantut. Baunya makaam..harok babanar.
Parak malima bulan hudah Inoi kada mamakan hintalu bajarang. Inya gin
ampih hudah pangantutan..mun ada gin kada am karap banar. Mun tulak ka urang
aroh gin kabila dijulungi urang awan hintalo bajarang kada diambil kada.
Dihijakan banar ai di atas meja.
Aritoh Inoi pugaan mambawa kurita surang ka wadah gawian. Kurita kancil
seken nang hanyar ditukarakan lakinya hadiah pasal inya ampih pangantutan.
Maginnya ai banahap azam Inoi. Sayang banar Udot nu Inoi damini. Wayah rahat
Inoi mandaribal kurita handak bulik matan bagawi tarasa lain kurita nya..asa
injin garagaian tukohnya. “Nih kada magan nih. Kana dibawa ka bengkel nih..mun
kayina tamandak tangah jalan hapus muhaku,” ujar Inoi dalam hati. Sampai
haja ka bengkel Inoi gin tarus bapadah nu pomen akan masalah kuritanya. Pomen
ba’iya mamariksa kuritanya.
“Kaka, rakainya nih intang injin ka ai. Taruk nih..hawat gawian nih. Rasanya
lambat nih hanyar talah”, ujar pomen.
“Kada kisah ding ai. Hadangi ku pang sampai talah”, ujar Inoi pulang.
Palingau-palingau Inoi maniring sakaliling. Sakalinya Inoi tatiring ada
warung makan kada jauh matan bengkel tuh.
“Bagus jua nih. Pahadangan kurita talah dibiki’i jaka aku nginum ha hulu..malaran
jua”. Inoi gin bagamat bajalan maampah ka warung tuh. “ Ngah..teh tarik sato”,
Inoi bakuya nu tukeh warung. Inoi gin baistilah mancari meja kusung gasan
baduduk. Duduk haja diitihinya ada hintalu bajarang baandakan diatas meja.
Umai maka kada karuan rasa si Inoi. Tarus taganang lawan kanyamanan inguh
hintalo bajarang. Manciar muntong kacar liur Inoi. Bilang dandaman banar
hudah. Paparutan gin inda galurukan tukohnya inta diisi’i. “hantos ka kada..hantos
ka kada”. “Lakiku bukannya ada disia gin. Mun ako mamakan kada katahuan
kada. Asa kapingin banar nih”. Salawas nih Inoi baparagah banar ai kada
mamakan hintalo bajarang. Pasalnya lakinya ada dihiga. Tu nang kada wani
mamakan tuh. Mangilar jua am. Inoi bagamat manjapai hintalo bajarang tu ti.
Diambilnya..dikuritis kulitnya...umai tarus disulum ka muntong. Bilang gaha’
banar tukohnya. Talah sabigi mamamah sabigi pulang diambilnya. Kada karasanan
parak maanam bigi hudah dihantosnya. “Ergghhh”, Inoi kakanyangan. Puas banar
Inoi. Talah manahuri Inoi gin babulik ka bengkel tuh. Kada saapa imbahtu
basadinan tadangar hanponnya babungi..tritt..tritt..trittt. Hancap Inoi
baucap. “Helo..helo..”. “Helo...Noi...nih abang nih. Ikam dimana nih”, tadangar
suara lakinya di hanpon. “Ako di bengkel kurita bang ai. Tahuam napakah
tadih rahat mandaribal tarasa pina balain banar bunginya..tarus ku antar
ka sia,” ujar Inoi pulang. “Kayini ha..ikam hadangilah disana. Ako datang
ma’ambili ". “Ayu haja”, balas Inoi. Kada saapa imbah tuh bangsol lakinya.
Tarus Inoi manunti’i langsung babuat ka kurita. Pahadangan handak sampai
ka rumah Inoi tarasa sakit di paparutan. Parutnya galuruk-galuruk. Handak
takantut tukohnya. “Umai napa nih..handak takantot banar nih. Mun aku takantot
nih mau tahungkar kisahku mamakan hintalo bajarang tadih. Sunging pang talingaku
dibihau lakiku. Kada magan nih”, bilang tapaluh Inoi manahan kantot. Inoi
tuhuk manahan kalimutnya daham tabuka lawang. Duduk gin kada tapi karuan
lagi dah..kulang kisar tukohnya. Takariut muha Inoi manahan kantot. Parak
sampai ka rumah Udot bakuya “aku nih ada surprise hagan ikam..tagal mata
ikam kana diikat hulu lawan kain hirang nih.” Inoi maangguk haja. Kada kawa
basurah lagi dah..takurihing banar ai. Sampai dirumah imbah maandak kurita
Udot gin ma’irit Inoi masuk ka dalam rumah.
“Sabarlah..kayina mun sampai dirumah hanyar ku buka ikatan nih”, ujar
Udot bakuya. Sampai ka ruang tamu Udot bakuya lagi “Noi aku handak bakamih
satumat..ikam hadangilah disia. Daham dibukalah ikatan tuh .” Udot gin badadas
bajalan ka jamban. “Nih paluang bagus nih. Aku nih handak bakantot banar
nih. Kada hingkat ditahan-tahan lagi dah .Jamban tuh jauh dibalakang. Mun
aku bakantut gin kada inya lakiku tahu”, Inoi bakuya dlm hati. Inoi baiya
mahawasi mandangarakan langkah lakinya. Kabila hudah yakin banar lakinya
hudah babuat ka dalam jamban Inoi gin bahimat malapaskan kantotnya tuh.
"Buuutttttttt...buutttttt...buttttttt”, umai maka panjang harakatnya. “Aaahhhhhhh..ampih
sakit paparutan”, muha Inoi takurihing kanyamanan.
Kada saapa imbahtuh datang lakinya. Tarus dibuka Udot ikatan dimata Inoi.
Takirip-kirip mata inoi sambil digisang-gisang lawan tangan ma’itihi di sakaliling.
Sakali ditiringnya diruang tamu tuh panuh hibak lawan urang. Masing-masing
ada baisi hadiah. Umai hanyar Inoi taganang nang hari nih harijadinya…..umai
maka kada manggarong ha lagi Inoi kahabangan muha.
Tammat.
Moralnya : Daham katuju mandustai laki kayina dudi-dudi tahungkar jua
am.
Nj
Cardap-Utuh Gadur Drebal Teksi
Sat Aug 24 09:45:20 2002
161.139.102.110
Utuh Gadur Drebal Teksi
Utuh Gadur bagawi sabagai derebar teksi. Inya suka banar mancari duit,
kada mangira masa tatapi rame bangat mambawa teksi di waktu malam. Imbahtu
amun ada pasinjil naik, inya maandaki harga mahal-mahal. Pasinjil kana bayar
juak tambang karana takutan mahadangi teksi lain surangan.
Handak dijadikan carita, di satu malam tu, si Utuh Gadur tangah mahadangi
pasinjil yang handak dijadikan mangsa parak stesen bas di higa suparmarkit.
Si Utuh Gadur ni saja handal, inya akan mahadangi bas espres yang sampai
waktu tangah malam. Tatapi lawas bangat mahadangi pasinjil kada ada juak yang
datang, si Utuh gin asa muyak, ianya manyatat injin hadak bulik, tangah manyatat
injin teksi, datang sabigi bas dari utara singgah , tapi surangan pasinjil
haja turun, galuh bungas pulang. Takurihing Si Utuh Gadur nila tatiring galuh
bungas. Mangsa ujahnya di dalam hati . Si Utuh baancap kaluar dari teksi
dan mamaraki galuh yang bungas lagi bingking tu. Bila parak ujah Utuh Gadur
dalam hati “ Bah bungasnya galuh naya ,sakali itihi macam sidiyang malacung”.
Galuh nintu mambawa kampil halui haja jadi si Utuh Gadur maoper handak
maantar inyak bulik takutan banyak urang macal di situ. Ujar Si Utah “ Oooo
Galuh, handak bulik kamana, ni ulun handak maantar”. “ Ayuhak, ulun handak
bulik kahujung tabuk tu” jawab Galuh. Imbah tu naik lah si galuh kadalam
teksi si Utuh dan duduk dibalakang. Rumah si Galuh ini kada jauh bangat ,mamparak
30 minit haja dari stesen bas tapi jalannya taruk habis, balubang-lubang.
Si Utuh ni asa mangantuk bagi mata, habang sudah. Jadi inyak asa handak
bapandir awan si galoh naya tatapi si galoh ranai haja, supan luku fikir
si Uuh. Masa Galoh bahinip dalam teksi tu, bau teksi arum sa arumnya. Mandi
minyak arum luku si Galoh naya. Sapanjang maantar si Galoh ka hujung tabuk,
kadua-dua ikong ranaian kada bapandir,kada ada garutuk-garutuk.
Labih kurang 15 minit ,teksi yang Utuh driber talah masuk kakawasan hutan,
kadap bangat malam nintu, kada babulan. Jadinya Utuh mandariba bagimit-gimit
takutan talanggar lubang.
Jeng..jeng..jeng….tiba-tiba si Utuh Gadur tacium bau haruk Haruk saharuk-haruknya.
Mulanya si Utuh ni ranai haja tapi makin lawas makin haruk. Si Utuh mula
asa kada nyaman bagana. Si Utuh cuba maitih si Galoh dibalakang awan carmin
hadapan tatapi si galoh tu ranai bahinip haja, tunduk lagi. Bau haruk makin
tarok jadi Utuh mandaribal teksinya makin lajuk. Hati Utuh sudah kada karuan.
Tambah kadap lagi. Kada lawas imbah ninto teksi Utuh sampai dikawasan kubur.
Lapas haja kawas kubur…..tup-tup si galuh manyuru si Utuh baranti. Dari jauh
Utuh maniring ada cahaya lampu macam dari rumah haja. Bapalohan awak si Utuh.
Imbah tu Si Galoh batakun bayaran tambang. “ 3 RM haja” ujah Utuh awan gagap
takutan. Sabujurannya amun jauh kaini Utuh akan mancas sampai RM 20 tapi karana
takutan inya gin tasasul-sasul madahkan harga.
Imbah mambayar, si Galoh ancap bukah kaluar, Si Utuh asa ungah, bau haruk
gin kadada lagi, udah hilang. Tangah Utuh handak baundur,tiba teksinya di
katuk dari balakang…Utuh gin badadas handak mandariba….takutannnnnnn …tiba-tiba
tangan Si Utuh tatakan punat lulungkang teksi…tarus haja kaca lulungkang
turun dan Utuh tatiring pada si Galuh tadi. Si Galuh masih ranai lagi. Tiba-tiba
Si Galuh baucap “ Barealan bang ai,jangan sarik yang bau haruk tadi sabanarnya
ulun takantut sabab handak tabahirak, sakit parut, lagipun siang tadi mamakn
banyak hintalo”. Imbah baucap haja Si Galuh tarus bukah bulik karumah dan
si Utuh tangangak muntung ….lega ada sarik pun ada…
Tamat
Pupudak..Matai
CARDAP- Al-Kisah Kitar Semula
Sun Aug 25 01:20:29 2002
203.106.199.74
Assallamualikum!
Sipa didalam ako dibanturan nih.Lawang cardap udah dikancing ngah,jangan-jangan
udah disunduk.Kada apalah.
................
Wahini bahimat banar gamin bakimpin Kitar Samula(Recycle) jar.Maka kada
-mun ratik bilang hibak dimana-mana haja marusak alam sakitar.Ada jualah
lako bakitar saikit kualiti alam.
Sabujurnya dijaman teknologi moden nih panyumbang ratik satiap urang kababanyakan
banar.
Mun wayah tahun 60an 70an halam kada kaito lako.
Masa tu butul hagan naginum bilang sunyaannyak kaca.Lapas guna ada haja
butul puang tu ditukari oleh apek butul.Mun wahini banyak plastik,kartas
makanyak am sakali pakai haja.Bukan nginto haja,butulnya gin bulih guna hagan
mbawa sanguan banyu kopi,teh kah katampat bagawi,kada kira aii kabunkah sakulah
kah.
Wayah kapasar pulang mun kada manginting bakul kada kapasar jar urang.Jadi
apayang ditukar kada payah dipundut tarus haja dibuat dalam bakul.Mun wayahini
bilang banyak plastiknyak dari tukaran,sampai dirumah hanyar lagi plastiknya
udah ditukun katong ratik.
Mun mambawa sanguan makanan ,bahari dibuat dalam rantang,tapawi,upih.Sunyaannya
kada dibuang.Mun wahini bilang plastik,kartas,polistrin dimana-mana haja
bahamburan panyumbang mambanyaki ratik.
Tu balum lagi baanak halui,guna pampers pakai buang mun sahari sadozen,sabulan
udah banyak takumpul mamanuhi tampat lupusan ratik.Cara sanang lako,mun bahari
lampin kain lagi bagus lagi hygine hingkat dipakai baulang kali.Kada mambazir
lagi ekonomi,tapi handak sainglah saikit,batatapas,manjamur didadaian,malipat
nang lagi saing pulang -malubi.
Halam rajin saputangan bilang jadi kamastian mun urangnyak pambarsih ada
haja didalam paket atawa di kampil bibinian.Imbah mangasat muha nang muring
kah,mangurik hidung kah,mamaus harakan kah bulih dibasuh guna lagi.Harat
lagi dilubi tiap ari.Wayahini bilang guna tisu haja.Mapa pang kada hibak kartas
tisu dimana haja.Makin marakai alam dimana jar pang masra alam.Sambatan kada
kaya disurahkan(Cakap tatak serupa bikin jar kaling kah cina kah)
Jadi kita sunyaan sabujurnyak panyumbang ratik dalam kaadaan wayahini.Sabujurnya
nang bulih diapek,labih ekonomi kada urang mahirani lagi,handak nyaman sudah
sugihan lako udah.Makanyak auran haja maadakan kempin hagan manangani masalah,yang
asal puncanyak kita barataan umpat cara hidup wayahini.Kasimpulanyak Cara
lawas tuh ada baiknyak bulih di praktikkan wayahini pulang.
Sabuting lagi,mun najis urang tu bahari lagi udah diguna samula hagan
mambajai tanaman dipohon gatah.Mun hagan sayuran gin ada,tapi mun katahuna
manjalujuk mau.Newater Singapurak tu kitar samula jua,banyu pucirin,najis
sagalanyak.Tapi Mufti Perak udah manyambat kada suci,bujurlah tu.Kita musti
maasie patua agama.
Kaitolah wahayahini tapaksalah diadakah undang-undang kitar samula.Undang-undang
ratik,undang-undang Salukut dan sabagainyak.
Barilaanlah.
ba.ra.nga
Baah
Tue Aug 27 12:41:58 2002
202.184.40.125
Wayahini aur hujan haja tiap patang. Amun bahari wayah halui, masa dikampung,
amun sawat bamingguan titir hujan hari-hari, baah pang, caram saalaman.
Amun kada tapi dalam, hihinggan lunuk batis rami banar kakanakan, main banyu.
Tapi amun hudah dalam, sampai pinggang, kada dibariakan kawitan lagi bamain
banyu. Amun kada ada baisi sampan , maulah lanteng. Lanteng buluh kah atawa
lanteng batang pisang. Kada mun ngalih maulahnya, digampirakan haja barang
tujuh lapan batang buluh, dihujung awal dipangkalnya digapit awan dau batang
buluh/ kayu, diikat nahap-nahap. Kawa haja dinaiki dua tiga urang. Amun batang
pisang, amun hagan surangan sabatang nang ganal gin jadi, aci tunggang haja,
amun handak bagus lagi, digampirakan tiga ampat batang dicucuk awan batang
gatah/ kayu sasadang ganalnya.
Halam tu, amun baah sampai tiga ampat hari, bisa ai jua nang kana pindah
ka tampat yang labih tinggi. Dibawa bot askar pindah kasakolahkah, ka balai
rayakah yang kada caram. makan nasi kawah 3-4 hari pahadangan baah. Rami
macam baaruhan ganal. Masak gotong royong, guringan balamparan masing-masing
kulawarga bacari wadah paguringan.
Sasadang handak surut, masih hihingan lintuthut, banyu baah mula babau,
rumput awan kayu nang caram mula buruk. Masa tu ikan, nang layau dari sunagi,
banyak nang mauk. Maka am macam pesta pang, urang bacari ikan. Makai tombak
atawa manyauk hajakah. Bilang tumbar sakampung amun bulihi ikan ganal, ikan
tapah 5-6 kilokah, (bahari kira kati, kada kilo kaya wayahini), baung kaya
lunuk batiskah. Amun sudah mula karing, bacari pulang ikan nang taparangkap
dalam lupak-lupak awan paparitan.
Bila baah sudah surut, sibuk pulang mambarasihi kuliling rumah. Banyak
pang, kayu-kayu nang hanyut tatakang dibarumahan, kulilingan rumah. Bahari
rumah urang sunyaannya batihang tinggi, amun dikampung ulun kada mun baah
sampai ka lantai. Amun dilain ada ai, sampai lipus hatap, atawa yang sampai
rumah runtuh dihanyutakan.
Kaya itu pang bahari, tapi wayahini kada suah lagi baah dah.
Lunta
Cardap adol wan kaka diang2
Fri Aug 30 00:00:42 2002
210.187.151.204
Pantun urang bahari pisang awak jatuh ka tahi lawak-lawak jadi kelahi. Tumat
kaka
Diang ampih, urang bapakatan baulah aroh nyalamat. Masing-masing sibuk,
ada nang becari kayu api, bebawa kuantan cagar masak gangan. Ada nang bebawa
gerinting awan wadi,mawa pais, mawa baras, pulut, gula, bah banyak pang keperluan.
Baras haja dapat dikumpol malima guni. Gula dua gadur. Ada nang kada sawat
datang berkirim duit. Si Adol maambil kasawatan dalam kasibokan orang banyak.
Ia pang ilah tuan rumah.
Besaru orang, bakakawut baidang sampai bajarijihan paloh, tapacul-pacul
baju. Kakanakan kada sabar nyaro u..ngah! u..ngah! Minta di barakani.Lagi
di saro lagi Si Adol tagak baungah lagi kuat begawi..Cagaran aroh menyalamat
haja tapi ilah aroh ganal. Ya am tu ka hai ngarannya babarkat.sunyaan datang
awan niat bersih,bujur,badoa cagar kasalamatan. Bantuan kada am pati kaipa,
garinting, wadi, , uyah napa pang. Tapi itulah nilai kebersihan jiwa dapat
bermuafakat seluruh kulaan kampung, kariah, satabukan, sa nagrian sanagaraan.
Limbah doa selamat selesai, Tuan Haji Ijai selaku katuha kampung, Imam Masjid
juga Tuan Guru, dibagi laluan untuk bapadahan kepada orang banyak.
Assalamualaikum wbth, bapak-bapak, kaum ibu dan seluruh anak-anak. Ako sebagai
katuha barasa arai bacampur marista dalam majlis aroh ini. Arai sebab senyaan
bersatu berpakat bagawi dalam urusan baarohan. Bila Tuan Hj Ijai besurah senyaan
teranti, panjang gulu melihat ka arah Hj Ijai maambil perhatian. Dalam papadahannya,
ia sawat jua marawa beberapa perkara nang kada ilok. Ia bapasan ka kakanakan
amun handak berjaya, taat pada 'kuitan' dan pelihara solat lima wakto. Urang
tuha jangan baulah nang kada baik, kaina kakanakan niring ia mengiringi.
Babinian jaga kehormatan diri, jangan bisa manguya’e urang, bebawa muntung.
Muntung lantih caramaiyan. Kaina jadi fitnah.
Musim ngatam jangan bajudi, batikam waweh, kaina kada sing duitan. Kulaan
di jarahi kaina kada nandu, nang sugih melihati nang susah,.nang susah malihati
nang ngalih. Jangan sampai kada nandu paninian, kada nandu mamarina, kada
nandu Si Julak kaluku baulehan ! Kada mau sanang saumuran.
Durhaka pada paninian, pada mamarina pamali. Naran sanang ditiring kurita
ganal,rumah ganal. Kapala minik,sampuk bulan bebayar hutang babunga pulang.
Kada mayu duit.
Ada nang kada ngaku kula pasalnya kula tu susah miskin ka hai. Amun nang
sugih pawarangan gin ilah kawitan. Kawitan jauh di pinjung. Ada nang kada
suwah ka rumah paniniya sampai nang nenek mati. Asap babanar.Lalu ha bauulah.
Nang ada kuasa, bapangkat jangan talalo-lalo, jangan pamalar. Iringinlah resam
padi lagi baisi lagi tunduk. Jangan ilah tambuan bisa manyangat urang.. Bila
dirawa sarik. 'Bahumku hak kawo napanya tahu' aku ketuha. jar Haji Ijai.
Aku kada hindak nang jadi katuha, Imam, amun ada nang ada hingkat mangnganti’e
kada apa aku turun. Kaina padahkan nurang aku handak seumuran. Sambati turang
aku ni 'kararas pisang'. Awak kada pati wagas, bisa garing kadaraan, mata
kada pati hawas talinga kada pati nangar, bisa kalupanan. Surah ta balik-balik.
bilang memari banar. Bila nangar Hj Ijai bapadah kaito Si Usop bangkit, 'Ooo..
kada..,kada magan Pakjinya, kada magan'. Sampai simpak parang di hampok ka
puhon niyur.. Usop naran-naran kada hindak orang lain jadi katuha.'Kaina mun
aku kada ida napa Sop'hakon kauleh ganti’e ako'.jar Hj Ijai ka Usop.
'Naran jar anika, mahakoni.., ako kada' balas si Usop.
Tatawa ganal Tn Hj ijai, nang urang lain mandam malihat si Usop bahampas
parang tadi. Tn Hj Ijai meneruskan ucapan. Kepada urang banyak. Anika-anika,
jangan taksub babangat ka aku salaku katuha. Mun aku kada bujur padahkan.
Aku gen urang jua,kada malaikat.jadi katuha,jadi imam,jadi sidang,jadi tukang
panyunatan fardhu kifayah.Mun ada nang labih baik ako kada payah.Taho kah.
Kada kita batunjul-tunjulan ka hadapan amun handak sembahyang. 'Anika kaha
jadi imam, o.. kada aneka kah jadi imam'. Katuhukan batunjulan ada jua pang
sa ikong ka hadapan jadi imam. Bahari gin kaito ai, Imam Shafie, Hanafi, Hambali,
Ghazali masing-masing batunjulan bapadah, kada pandai.Bujurai ulahannya kada
sama tagal ngintu parkara ranting jua,pukoknya sama ai jua.Ada leh bubuhannya
tu barabutan jadi katuha?
Amun sabarataan mairingi resam kaini Insaallah selamat, bahari damini dan
salawasanya diberkati tuhan .
Salasai haja Hj. Ijai basarah urang sabarataan gin bangkitan basalaman wan
Hj. Ijai.Si Usop maragap-ragap Hj. Ijai sambil sasigan nangis.Sesakali tu
tadangaran ilun di padang jajuhut “hidup Hj. Ijai!!hidup Hj. Ijai!!
dangsanak
lawak 18kadaSX
Fri Aug 30 18:20:36 2002
12.222.245.138
CERITA INI HANYA REKAAN SEMATA-MATA, TIADA KENA MENGENA SAMAADA YANG MASIH
HIDUP ATAU YANG TELAH MENINGGAL DUNIA, NAMA DAN TEMPAT HANYA KEBETULAH SAHAJA.
Alkisah bahari Raja Tengku Antin (kada bekulaan awan Raja Tengko Julak) nang
manjadi Raja
di Banua Kaliwancuhan. Parmaisuri hidin bangaran Ratu Diang Maingkang
(kada bekulaan awan Permaisuri Diang Mainggang). Baginda bedua nih ada beisi
saikung Putri nang bungas, paling rupawan saalaman. Ngarannya Putri Pupur
Hangat (kada bekulaan awan Pupur Dingin). Kabila Putri nih akil baligh, inya
nih takana sumpahan, sumpahan si Haji Palui nang halam ditatak gulunya imbah
manambai Parmaisuri (ingatlah lagi?). Puteri nih kada hingkat manjapai apa-pap
gen, hunyaan lanah kaya iskrim. Napa to hunyaan urang kada wani beparak,
takutan amun tajapai si Putri nani kaluko lanah awak.
Ngalih, minik Raja laki-bini mammikirakan, kaipa Puteri nang saikungan haje
nih, malang nasibnya, hawai, kada ida urang handak mangawani. Kalawasannya
Raja mahiyau Bomoh di Raja mainta pendapat hidin kaipa handak manambai Tuan
Puteri. Jar Bomoh, sumpahan hingkat dihilangngakan amun Puteri hingkat manjapai
barang, imbah dijapai inya kada lanah, taga Bomoh gen kada taho, napanya
barang nya.
Jadi, kaya rajinlah, Raja tarus mahabarakan ka rakyat, mana-mana lalaki nang
hingkat mambawa barang nang kabila dijapai si Puteri kada mau lanah, inya
diulah hidin manatu, jadi pengganti hidin amun hidin mati.
Maka belera urang lalakian hunyaan datangan mambawa barang nang nga nga pang
hagen dijapai Si Puteri, harapan wan angan-angan tinggi hunyaan.
Arakian, kahadapan saikung lalaki nang kada panyabar,
Raja tarus betakun : "Napanya nang kawo bawa tuh?
Lelaki #1: "Ako mambawa batang logam titanium, logam nanih paling karas di
dunia, nih nang diulah urang kayu golf, bateri, kereta kebal, senapang awan
kapal tarbang".
Raja: "Ayuhak bawa kasini, hingkat Puteri manjapai,
Lelaki #1: Silakan,..... imbah Puteri manjapai haje, situsaini lanah. Tatangis
si Utoh, napa to kecewa, Raja awan Puteri gen marung kecewa.
Imbah to datang pulang saikung lagi handak manarai. Raja tarus betakun: "Napanya
nang kawo bawa tuh?
Lelaki # 2: " Ako mambawa batu intan, batu ni nang paling karas di dunia,
batu ni bukan haje diulah perhiasan, taga diulah hagen manatak wasi awan
diulah alat magurik tanah nang karas hagen mancari minyak.
Raja: "Bawa kasini, Puteri handak manjapai"
Lelaki #2: Silakan,..... imbah Puteri manjapai haje, lanah pulang ngai, tatangis
lagi si Utoh nanih, Raja wan Puteri gen marung kecewa.
Kaitulah sahariyanan, imbah saikung, saikung pulang mambawa barang nang hunyaannya
lanah kabila dijapai Tuan Puteri Pupur Hangat.
Akhirnya tinggal saikung lalaki nang datang beinggang kada mbawa apa-apa,
Raja: "Hey, napanya nang kawo bawa nih, pisinnya kada ida apa ditangan, datang
beingang haje"
Lalaki nih ngaranya Utoh Cidok (kada bekulaan awan Utoh Kidok), jer nya :
" Ada ei ako mbawa barang, taga ada dalam pakit salawar ko nih"
Raja: "Amun kaito, kaluarakan, nyaman pang Puteri manjapai"
Utoh Cidok: "Kada magen Tuanku, amun Tuan Puteri handak manarai manjapai,
haharlah pakit salawar ko nih" jer nya.
Raja: "MMMMM, amun kayaito ayuhak.... Tapaksalah Puteri mahahar ka pakit
Utoh Cidok. Puteri papalingau kada taho napanya nang dijapainya dalam pakit
Utoh Cidok. Satumatan tuh Puteri tajapai sesuatu.... takipik, muhanya situsaini
habang manahan supan. Si Utoh Cidok gen tarus takurihing, Puteri tarus manarik
tangannya kaluar, bukah supan.
Raja hairan, tarus betakun ka Puteri: "Oh anakanda, dapat lah kawo manjapai
barang nanto?"
Puteri: "Dapatai..."
Raja: "Lanah lah?"
Puteri: "Kada, Karas...."
Raja: "Amun kaito ako maistiharkan Utuh Cidok nih jadi manantu ko, isok ku
nikahakan awan Puteri Pupur Hangat"
Utoh Cidok: "heheheheheh"
Napa yo Utoh Cidok gulihikan tatawa? napa barang di pakitnya kada lanah?
tangguhi napanya nang dijapai Tuan Puteri, panya nang andika pikirakan.........hehehehehehehe.
Barang to ------ coklat M&M "Lanah di muntung, kada lanah di tangan"
(Melts in your mouth not in your hands)
Merdeka! malam ni bulik kampung mailangi kawitan.