第二十二集
優質教師
觀功的同學們，你們有沒有以下的想法呢？
「若果能把全校的老師都換走，把皇仁書院的老師全部換過來，全校的成績一定會大大改善，而且很快便會變成
band 1的名校！」我不打算評論這種想法，我只是告訴大家一些事實：
香港有
36間官校和一間實用教學中心(就當37間官校啦)，而那些老師，都是政府聘請回來的。除了近年以合約形式聘請的和一些代課老師外，全部都是公務員！原則上，他們不隸屬於任何一間學校，他們會根據教育署的安排，去到指定的學校任教。
換句說話講，他們是有機會任教這
37間學校其中任何一間的。每年學期尾，都有部分老師調職到另一間學校，亦會有老師調來。其中的原因很多：
升職、自己申請
(居住地區、個人問題、特別要求)、學校需求(某些科目沒有老師)、新聘任、進修完畢、調任職位、個人發展、……有一個講法，也很想和大家談談：
「校長唔喜歡呢位老師，所以咪踢走佢囉！
…..」基本上，校長不會用這個理由去調走一位老師。
因為他
/她需說明那位老師如何不濟，什麼原因那麼乞佢憎！如果你說那老師不好，上頭會反問你：「既然咁差，邊間學校嘅校長肯咁笨收佢喎？你唔要就掉俾人！作為上司，你唔係有責任管好下屬嘅咩？教好佢啦！做校長咁高人工，唔係坐响度㗎！」(對不起！以上對白，乃係本校工亂作廿四，我未做過高官，鬼知d高官點講咩？請多多包涵！)邊個做校長會蠢到用呢
d理由呢？不過，要『搞走』一位老師，校長們自然有他們的辦法哩！
乜野辦法？問下你地校長啦！
嚴格來說，上頭要某人走或要某人來，校長不能一口拒絕，但當然亦有商量的餘地。有些情況下，校長是會成功留下某些老師，但亦在某些情況下，校長亦無法留低想要的老師。
同樣道理，就算校長憎到你出汁，亦未必可以一下子踢走你！
(有無人會咁諗：既然咁憎你，不如留低你，慢慢折磨你….嘿嘿！)
「喂！
s校工！你好似又試愈講愈離題囉噃！」「佢係咁㗎啦！仲記唔記得，有個
"路人乙"，話不屑同佢講，憤而離去呀？」「喂！唔夠人講就走人，話乜都得㗎啦
……光榮引退啦、費事啋你啦、唔同你一般見識啦、爛佬怕潑婦啦….；但事實只得一句：消聲匿跡！」「粗人係無乜文化㗎啦，有嗰句講嗰句，總好過有
d人扮哂野，金玉其外，敗絮其中丫！口蜜腹劍、蛇蠍心腸、……」「喂！鍾意鬧人唔止你一個，但咪鬧住先，繼續講啦！」
好！閒話休提，言歸正傳：
有
d學生和家長，成日埋怨學校d老師唔好，問可唔可以搵d質素好嘅嚟教。你地有無讀過【賣柑者言】呀？
你估任教
band 1學校的老師就一定好過任教band 5 學校的老師咩？最諷刺係：佢地原來係同一個老細！今年教
band 1，出年可能教band 5！你估觀功有幾多位老師，以前响
band 1 學校教過呢？如果你問我，觀功
d老師質素如何，我一定話全部都係優質教師！因為佢地同英皇、皇仁、伊利沙伯、庇利羅士、荃灣官中等等的老師一樣，是官校教師！為什麼各間官校的會考成績，有這麼大的差異呀？
當然有許多原因啦！但絕對不能只怪老師！
本校工咁無常識，都要學人嗡下：
地區及人口分佈、以往的歷史、中一收生情況、教育制度及政策
(將觀功成績或操行欠佳的學生全部趕哂出校你估會點？)、管理層的才幹和努力(牛都好勤力耕田㗎！)、教師的質素和職業道德(佢係好叻呀，不過有無心機教你先？)、學習的環境和氣氛……我以前都講過：
d學生唔好淨係賴d老師教得唔好，自己都應該生下性，俾d心機讀多d書，鬧人邊個唔識丫？不如自己檢討一下啦！向上帝懺悔啦！佢會原諒你嘅！(佢唔原諒你我都會原諒你嘅！嘻嘻！)
第二十二集完