2005 TRIP TO HUBEI 湖北武當山神農架之旅
2005 May 16 ~ 21 (6 days) 香港中旅 領隊: 老黎 同行: 媽咪、Hayley
Travel Diary
May 16 (Monday)
6am 起床，7am船，9am到機場... 好眼訓呀!!!!!!!!!!!!!!
11:35am 起飛，1:15pm 到達武漢
而家湖北正值初春，周圍都係小花小草小蝴蝶，令人心曠神怡，勁有春天氣息~~~
黃鶴樓 -- 為江南三大名樓之一。開始熱熱地啦~~ 樓頂上望到武漢市及長江，景色不俗。
肚仔餓，食mum mum!!
車上望到古琴台，"知音"一詞的發源地。
長途車入宜昌。近郊區有好多外國車dealers，e.g. peugeot, volkswagen, nissan...
郊區房屋都幾靚咖，有d碧桂苑feel，1000呎約廿萬。
到晚上約9pm先到達，呢個時候先有得食晚飯... 餓扁左。入住宜昌國際大飯店。
太眼訓啦，奇積地10:30pm覺覺豬！
May 17 (Tuesday)
6am 起床，早餐食strawberries，豆花好香唔腥喎~~
坐4小時長途車入神農架。途中風景超讚！周圍都係初春的青B綠~~ 勁o岩我啦！
神農架 -- 位於湖北省西部邊陲。在華夏文明的萌芽期，相傳炎帝神農氏在此嚐草採葉、醫藥救民”架木為屋以避風寒、架木為梯以助攀岩、架木為壇跨鶴升天”留下美名”神農架”。“野人”的傳說是神農架最為惹人關注，不過我估係假ge居多。
上山時見到冷杉及紅色脫皮樹(連根部都係紅色的)。入到神農架，超感恩啦，因為風景美得難以形容，周圍滿佈我最鍾意ge綠色，呵呵呵！
有機在手，就更係狂影草草地衣相啦。地衣係生在沒有空氣污染的環境中，而神農架內的地衣可以生到一舊舊ge，可想而知呢個地區生態保護得有幾好！
睇左神農頂風景區(果然係華中第一峰，靚到嘩嘩聲) & 金猴嶺(狂上落樓梯，不過有樓梯行算好咖啦)
在車上眼訓都唔捨得訓，因為d景實在太靚啦~~~~~!!!!!!
神農架裡又有另一個導遊--小張，都幾靚咖，但成日係車上唱山歌，好煩呀...
入住神農架楚林大飯店，係呢區最好的酒店，不過水力不夠用，廁所勁唔通氣... 鳴...
May 18 (Wednesday)
6am 起床，7:30am 出發入神農架的燕天風景區 ~~ 原始森林風光，又係勁勁靚、超超綠~~~~ : )
睇左神農壇風景區(好大個炎帝像，仲有好長ge樓梯啊)、秀溪源風景區(有瀑布同小溪，都幾靚咖)、燕子洞(好多金絲燕吱吱叫)、彩虹橋(嘩，連住兩個山峰，好猛風呀)
落山時見到兩隻豬過馬路... O_o!
係森林及路邊三次見到長尾雀仔，好似白鴿咁大，彩色的，條尾有身體咁長，就好似仙間出現的靈鳥咁樣，都幾特別咖。呢種雀仔只係神農架出現。
午餐後長途車入武當山... 真係好長啊...................................!! 入武當的山路不太好，有些爛，但總比以前入四川黃龍同九寨溝的路好得多。
到武當賓館己經8:30pm。有十堰市旅遊局的局長歡迎我地，賓館門外又有貼歡迎我地ge字句(喂?)
May 19 (Thursday)
6:30am 起床，7:30am 出發。今朝有玉米粥，不過好淡...
由武當山收費入口計，坐一小時車上武當山。到左仲要坐25分鐘的索道上去。
武當山 -- 位於湖北省十堰市。"金頂"比想像中要細，好古舊，成個閣仔咁。山上有好多人買紅色平安帶，邦係頭上... 真老土。睇埋"太和宮"，舊到唔記得係點咖啦...
午餐碟碟都麻辣，只有湯跟麵條不辣。不過因為肚仔餓，乜都食(咁就食出事啦，唉)。周圍都有賣武當神劍和其他東東的舖頭，都唔靚ge... 仲有巨香賣，有成個人咁高...
之後去"南岩宮"及"紫霄宮"，見唔到張無忌，但係紫霄宮見到張三豐。算啦，冇左個橙執番個桔都好。"玉虛宮"(全山規模最大的一宮，市集旁)，因大火得番個殼。以前的宮殿裡都係聖旨碑，超大個，被龍王五太子(龜)背住，是國寶。但係玉虛宮d市民扒上d國寶上乘涼，文化教育水平勁低...
在市集媽咪買了5毛錢的大餅，是咸辣的，幾野味！其他團友都買左好多水果小食啊 ^^
長途車入襄樊市。晚餐是襄樊市的旅遊局局長為我地安排的歡迎餐(嘩，咁大陣仗呀~~)，勁豐富。餐前當然要有歡迎詞同謝詞啦，由我地其中一位團友劉先生做代表。佢係酒店外戰戰兢兢咁讀稿，好認真啊。 d菜色唔錯咖，出得大場面咖。有一味地道特色菜，應該係麻辣魚頭，又係幾好味囉。冬菇雞湯又係好，莧菜皮蛋超讚。我最欣賞係白醋蘿蔔香菜(parsley)，非常清新健康。
係咁e行下襄樊夜街，路過襄陽古城牆，入去睇下，不過得10分鐘。
入住紅寶石大飯店，upgrade左，係4星咖。房裡有生果同水。
May 20 (Friday)
6am 起床，7:30am出發。酒店早餐餐廳又幾靚bor，有點歐洲風情。又有茶葉蛋 ^0^
出發去睇諸葛亮的古居位於古隆中，就係劉備三顧草廬的地方。呢度幾有歷意義，公園環境好清新好靚。外面廁所亞伯baba聲問人拿錢，煩... 未訓醒都變到醒哂。花甫間有好多蝴蝶呀，好靚靚啊 \(^0^)/
長途車入荊州。中午在荊州古城牆南城門邊的餐廳食飯。之後去靚d的東城門，又真係幾古老bor！(下小雨) 買左巴楚鳳凰圖案 T-shirt (哼，無我要的金色！) + 三峽 vcd，共RMB55。
長途車入武漢。今次係湖北省旅遊局局長接待我地(幾有面呀)，係楚王庥食晚飯(間店幾靚咖)。飯餐仲有湖北傳統的唱曲添，我都聽得明咖 ^^ 晚飯勁好味，特別係甜湯(好似酒釀丸子咁)，同紅酒~~ 飲紅酒好呀，幫我洗洗個喉嚨呀，勁勁痛。
入住5星級五月花酒店，掂啦~~~~~ 酒店廁所有兩個浴點，一個企缸、一個浴缸，可以一齊沖涼慳時間。
在酒店旁的小店買了古魯肉味薯片同南乳肉味薯片，RMB24。仲有其他中華口味，澳門無ge，但無手拿啦。媽咪家姐買孝天麻糖，幾好味，不過有d痴牙。
May 21 (Saturday)
5:15am 起床，6:40am 出發去機場。9am 機，10:45am 到HK。之後行街街 ^^
後記:
因為一整星期早睡早起，回到家裡被迫一樣。咁都好，感謝神。
唔知點解湖北d皮蛋會咁香咁好味，仲要隻隻雪花~~~~~~~~~ 正！
我都係途中先知呢個係首發團(即係第一團到當地的香港團)，仲有咁多高官接待。都好，益我地食住得好d！