สรีสวัสดีสิทธิกระกอรบอวอรละหะภิเสกอติเหลกกะเตโชมโหลาหลีกอธึกอธาอตุละเตโชไชยยะมังคลานี้ค่เปนวันดีเปนวันนิโรษสิบ ๔ปลากหมออ้าม ๓๐ ปลากหมออ้ายมีทังหมอซ้ายแลหมอขวาค่ดีมีทังหมอใต้ช้างถีบบ่วงค้องเชิงธวงจาช้างหลายหมู่จังไรมีทังช้างโทนไฟหลวงจับหน้าผากปากอ้าแลอมฝอยหางกุดฟอยแลอมถ้านล้นกานขวยตูมขุมผีตีนกานปองท้อง ๓ หราวหมอเถ้าว่าบ่ดีแล บัดนี้ข้าจักร้องขวัรช้างอยู่ปล่าไม้ดงหนาปล่าคาดงกว้างขวัรแม่ช้างตัวเผือกแลงางามขาวขวัรสาวช้างกั้งงามงาวขวัรบ่าวช้างตัวเผือกแลงางามค่ให้มาเนอให้มาเปนช้างแก้วคู่คุรโรงค่ให้มากินอ้อยยอดหวานมากินตานยอดอ่อรจิ่มควานเจ้าเนอ บัดนี้ข้ามีพร่ำพร้อมเถ้าแก่พ่อแม่แลนารีมีทังเงินคำดียังยายหลายเตมชะโตกอมริสสโชกคู่คุรคนมีทังเหล้าแลยาเข้าของมีหลายยิ่งถ้วนทุกสิ่งข้าเชินขวัรช้างแก้วมิ่งมาโรงข้าจักเชินขวัรช้างแม่ค่ให้มาท่อขวัรช้างซะดอค่ให้มาเถ้าขวัรช้างเอกค่ให้มาหลายขวัรช้างภินารายพรึกพร้อมเอกเอรางวันค่ให้มาทันอยู่ร่วมเจ้ามีทังเลาแลหย้าปองหย้าคาข้าค่ขอดไว้พอกลำมือมีทังเงินแลคำใส่ขันเรียงกันยายส้อยร้อยมีทังขอดอ้อยไว้เปนธันเจ้ามักยอดใดหื้อเจ้าบ่ายเอายอดนั้นจิ่มควานเจ้าเนอ เจ้ามักยอดใดหื้อถอดเอาจิ่มควานเจ้าเนอผูกเชือกฝ้ายเจ้าอย่ารุดแล่นหนีผูกเชือกรีเจ้าอย่ารุดแล่นเหล้รหื้อมาเปนช้างเอกเอ้ตัวรางวันให้มาเปนช้างสะทันตัวองอสฝนตกเจ้าอย่าว่าจักคึดเทิงปล่าฟ้าร้องอย่าว่าคึดเทิงไพรขวัรหัวเจ้าว่าจักไพอยู่ในไพรเขียวต่างด้าวหื้อมาอยู่เที่ยงเท้าเมืองคนข้าสะระวัณด้วยสังสักสิ่งข้าจักเลี้ยงเจ้าไว้ยเปนช้างแก้วมิ่งมงคนข้าเลี้ยงเจ้าไว้ยหลายปลีหลายเดือรหลายขวบเข้าหื้อได้ลูกเต้าอุทามพราบ ๒ พราบ ๓ เปี่ยรหนาเทอะเจ้าหื้อได้พราบ ๔ พราบ ๕ เจ้าอย่าว่าจักลืมควานข้ายังบ่ใช้เจ้าหลายกานหื้ออายุเจ้ากว้างหื้ออยู่กับเจ้าช้างแลนายตนเทิะ ไชยยะตุภะวังไชยยะมังคลังจุ่งจักมีดีหลีเทอะ