బాలప్రపంచం

వరదొచ్చిన గోదారిలా ఉరకలతో పరుగెత్తే ఈ వయస్సులోఈ భారమేమిటి?

చేతులు కందేటట్లు కాయకష్టం చేసి జీవించవలసిన అగత్యమేమిటి?

టీ స్టాలుల్లో సైకిల్ షాపుల్లో పొగాకు చుట్టేచోటులో

బండలను పిండి చేసే పనిలో ఇలా అన్ని చోట్లలో పనిచేసే

ఈ బాలబాలికలు బాలకృష్ణునివలె సర్వాంతర్యాములా?

పురిటి గుడ్డల్లోనే కాంట్రాక్టు కివ్వబాడ్డారా ఈ భావి పౌరులు?

ఆర్ధిక స్తోమత లేక కుటుంబ పరిమితి తెలియక

పుట్టిన ప్రతి పసికందుని పనికి పంపే

ఈ పనికిరాని మనుష్యుల తీరు ఎప్పుడు మారుతుంది?

ఈ బాల ప్రపంచానికి స్వతంత్రం ఎప్పుడు దొరుకుతుంది?