స్త్రీ జీవితం

కదిలింది బండి జరిగింది జనం, కిటికీలో కనబడింది విలపించే వధువు

బదులు చెప్పలేక కన్నీరుగార్చే, ఆత్మీయులు బంధువులు ప్లాట్ ఫారంపై

మొదలైంది మరో అధ్యాయం, మగువ జీవితంలో ఒక ముఖ్యమైన కాలఘట్టం

అత్తారింటికి బయలుదేరేటప్పుడు, విలపించని స్త్రీ ఉందా?

ఈ అధ్యాయం మొదలే ఇటులైతే మరి మిగిలిన అధ్యాయాలు? అన్నీ ఇలాంటివే!

మొదటి అధ్యాయం - అమ్మాయి పుట్టినప్పుడు

అయ్యో అమ్మాయే పుట్టిందా? అన్న వ్యాఖ్యానం

రెండోది- వయస్సుకొచ్చినప్పుడు, అయ్యో అప్పుడే కూర్చుందా?

మూడోదే పైన చెప్పిన సంగతి, ఇక నాల్గోది -అమ్మాయి కనినప్పుడు

దీని అదృష్టమే ఇంతేనన్న కఠోర మాటలు, తుది అధ్యాయం వితంతు అయినప్పుడు

ప్రేమానురాగాలు (ప)పెంచుకొన్న స్త్రీకి, జీవిత పర్యంతం దుఖమేనా?

ఒంటరిగా జీవించడమే విముక్తినిస్తుందా?

కాదు, ఇన్ని వ్యధలున్న- ఒక స్వర్ణదశ ఉందీ జీవితం లో

సుమంగళిగా పోతే వచ్చే ప్రశంసలు

పచ్చని సంసారం నడిపింది మాఇంటి మహాలక్ష్మిలా

పసుపుకుంకుమతో పోయింది పండు ముత్తైదువులా.