| 猴年財息兼收 － Andson 問：做財經記者令你地學到Ｄ咩？ 答：做財經記者可以知道Ｄ奸商有幾奸、同埋學到點樣買股票。 做財經記者仲可以學到點樣圓滑Ｄ。 問：奸商有幾奸？ 答：我唔答。一時點奸我就諗唔起，我淨起諗起股市一旺，就出現泡沫， 明明有Ｄ公司擺明呃人，都仲有咁多茂利「鐘」埋去。 問：你有冇試過當面話佢地奸？ 答：咁又冇喎。因為我驚會被人炒。 問：咁有咩建議俾Ｄ茂利？ 答：咁我又唔會提點佢地，因為係佢地既錢，唔係我既錢。佢要被人呃就被人呃。 被人呃左咪當交學費囉。 問：聽你咁講，你投資咪好醒？ 答：醒個屁，我投資都蝕錢架。我只係理論派，實戰我都有輸。 問：咁你會點揀股票？ 答：其實揀股票就好似揀老婆咁。而家時代唔同，以往呢，可能係女仔想個男人有樓有車， 而家男人都想女人有樓有車，可以養埋自己。咁所以呢無論揀股票同揀老婆， 都係一個長線投資，最好就係藍籌股，貪佢平平穩穩。 細價股雖然回報大，但風險都高。咁你炒細價股過程會好開心，但係呢Ｄ玩得多會傷身。 問：如果「藍籌股女人」叫你「供股」，你會點？ 答：都好難答，咁睇下前景點啦，如果前景好，好似匯豐咁，供左有前景咪供囉。 如果好似新世界咁，供左得個吉，不如煲過第二隻好過，費事0徒精神時間。 問：咁如果佢要私有化，囉番哂你手上Ｄ股份，你又會點呢？會唔會好似 David Webb 咁去股東會玩野呢？ 答：咁我付出咁多精神時間響呢隻股票上，又點可以一聲話私有化就私有化， 點都要有個合理解釋。不過提得出私有化，十居其九都會被通過。唔好蝕咁多離場咪算囉。 問：咁請問你手上有幾多隻股票。 答：剛剛放左一隻。無一隻值得我擺感情入去。 問：今年有咩投資大計？ 答：今年唔會買藍籌，因為買藍籌，令人覺得好疲累，今年想買多Ｄ三四線股玩下算。 問：中資股有冇興趣？ 答：小弟係土生土長香港人，接受西方教育，亦都去過日本作短暫留學。所以都係比較崇洋崇日。 雖然內地經濟相當秀麗，請恕小弟無福消受。我寧願做港資企業既股東算啦。 問：有冇港資企業向你招股？ 答：呢排冇。（咁早排呢？）早幾個月有，不過我覺得果隻股無藍籌特質， 又無三四線股「炒上炒落」既快感，所以無認購呀。 問：咁你認為自己係咩股？ 答：我覺得自己係一隻優質既可換股債券(Convertible Bonds)。www |
 |
 |
 |
 |