| 叻高之男 － Gary 問：聽講你彈琴好叻架喎？ 答：麻麻地啦，自己琴技仲有待改進。 問：好似謙左ｄ喎？ 答：講真架，相比其他人真係好差。不過我真係好鍾意彈琴。 問：彈琴俾到ｄ咩你？ 答：俾我幻想的空間，彈緊琴時，腦裡面有一幅畫，同埋會唔記得哂平時ｄ野。 問：即係唔記得ｄ咩野？ 答：做野ｄ唔開心囉。不過我以前個女朋友就唔會唔記得。 問：做其他野可否達同相同效果？ 答：可以，打籃球。鍾意自己一個人打籃球，打三、四個鐘都得。 問：但籃球係隊制運動唻喎！ 答：但練習係一個人，因為練習得多，就可以將自己的技術應用響比賽上，你練多一粒鐘， 球技就會更加好。所以我落街打籃球唔鍾意鬥波，同埋揀ｄ冇人既時間先落去練、射幾百球。 問：你好似鍾意自己一個人，多過身邊有個人。 答：咁又唔係，我都想有個女朋友。但一個人有一個好， 平時工作裡面已接觸太多人，千奇百怪。 問：佢地對你唔好咩？ 答：好，非常好，但有時真係想自己靜下，所以我好鍾意放工時自己搭巴士既感覺。 問：邊個對你特別好？ 答：我阿媽對我特別好，簡直無微不至。呢個亦都係我租左屋都成日返屋企既原因。 問：怕唔怕被人話你係裙腳仔？ 答：「裙腳」唔係唔好，我反而覺得呢ｄ叫做孝順。媽都五十歲， 可能得番廿、三十年時間同佢地一齊，我覺得應該珍惜ｄ時間。 問：除左家人對你好，外面呢？ 答：其實好多人都對我好好。但有時我覺係朋友上對我好好，特別關心我， 但至於有冇機會發展到果ｄ呢，其實我自己都唔知自己鍾意咩類型女仔。我拍過好多次拖， 但大部分都係太唔適合。反而係想遇到個適合既先拍拖，不過唔知要等幾多年。 問：會唔會係你太過鍾意自己一個，令到缺乏時間空間去了解你身邊對你好既人？ 答：呢個亦都係一個原因，其實心裡面好怕浪費時間，所以每逢放假，都將時間編得密麻麻， 唔係教琴就學樂理，唔係打波就玩LEGO，所以可能忽略左身邊ｄ人。 問：可否抽走頭先其中一樣，將可能對你好既人代替？ 答：鋼琴我一定唔會放棄，因為係由細到大既興趣，咁可能我會玩少ｄ LEGO，如果我真係有個對象，而我又有膽追既話。好多時真係唔夠膽追。 問：因為自己出左名？ 答：唔關事，可能怕失敗。 問：你對彈琴打波咁專心、咁想做好，你唔似係一個怕失敗的人。 答：我回顧廿幾年人，過得都算順利。所以其實真係有ｄ怕失敗，所以情願唔去做。 問：有女仔曾經同我講：『如果陳偉利唻追我，我實制。』 答：但都要我覺得0岩先得架！其實我覺得自己有ｄ等運到，都唔知響度等乜。 問：你使唔使你個女朋友都識得彈琴打波砌LEGO？ 答：唔使。最緊要唔好食煙，斯斯文文就得架啦。當晚要樣貌端正啦。 問：講左咁耐，都唔聽見你提及工作既野。 答：因為工作冇乜滿足感咪唔提囉，咁簡單！ 問：咁點先叫做有滿足感？ 答：要見到前面有ｄ方向。但而家有ｄ迷惘，唔知自己想點。 問：係咪你唔知足？ 答：有ｄ人覺得我做得好，但其實覺得自己未夠班。我有懷疑自己唔係做記者既料子。 問：做人點可以對自己咁多唔清楚架？ 答：我就係咁架啦，呢個就係我既特色。 |
 |
 |
 |
 |