 |
 |
| 世界盃冠軍誰屬（一） －Jimmy 四年一度既世界杯又到喇, 不論大人還是小朋友, 甚至親愛的女士們, 都會被這股世界盃熱潮所感染, 以不同的形式參與, 純粹欣賞賽場啦, 追捧靚仔球星啦, 甚至賭波啦, 總會找到大家參與的空間. 廢話講到這裡, 06年德國世界盃, 唔知大家又會估邊隊, 能夠捧走象徵世界冠軍的國際足協金盃呢, 相信大家都有不同的心水, 一於趁住這個機會, 同大家分享下各大強隊的機會. 先講主辦國德國, 雖然這支球隊近幾年的成績, 真係慘不忍睹, 球員青黃不接, 失去以往強隊的霸氣, 70至90年代的西德, 人才輩出, 轟炸機梅拿, 大帝碧根鮑華, 路明尼嘉, 到90年代的德國三劍俠, 馬圖斯, 布林美, 禾拉, 還有現時德國國家隊領隊奇連士文, 粒粒皆星, 依家依隊德國隊, 牌面上真係好似差d. 但係大家認真d留意下德國隊的正選陣容, 其實人腳 真係唔係咁弱, 前鋒球員, 有科隆王子普度斯基, 仲有雲 達不來梅的高路斯, 依兩條友係今屆得甲, 真係可以話入 球停不了, 雖然科隆要降班, 但係普度斯基, 都入到成12 球, 成為球隊既神射手, 主場客場各入6球, 都咪話唔堅, 今年德國隊要數糊, 都要靠佢, 仲要佢同舒偉恩史迪加, 極之合拍, 依個攻擊組合, 唔講得少, 仲要對方後防, 通常 都係集中睇住高路斯, 反而做就普度斯基多左空位. 至於真正既殺手, 梗係高路斯啦, 佢今季入左成25球, 貴為德甲神射手, 證明把握力, 冠超德甲啦, 有波歷克同芬 寧斯係後面供應, 係雲達不來梅, 都夾慣夾熟啦, 高路斯同 芬寧斯. 不過德國既後防, 真係令人擔心左d喇, 無個後防係世界級, 好在龍門方面, 列文近兩季在阿仙奴, 已經無咁多神經刀野, 唔會輸d大意波, 希望德國作為主辦國, 可以打得好好睇睇啦. 係線路方面, 德國要以a組首名出組, 絕對無問題啦, 同組對手太弱, 但出線要對b組次名, 哈, 依個名次, 我睇好有機會係英格蘭, 點睇英國佬, 都係打唔贏瑞典, 一個唔鐘意輸埋比瑞典, 保得住次名已經好彩, 德 國十六強, 如果咁唔好彩, 要對英格蘭, 真係唔易打, 反而對瑞典既話, 就實食無痴牙. 不過去到八強, 要對c組首名同d組次名既勝方, c組出得線既, 都係強隊, d組d球隊真係超弱雞, 無 可能殺到c組既球隊, c組首名, 荷蘭, 阿根廷, 科特迪 瓦都有機會, 真係唔敢講, 如果德國要面對依3隊野, 睇泥, 最易殺都應該係科突迪瓦, 對住荷, 阿都應該 無運行o架喇, 攻強守弱既德國隊, 相信今屆都係八 強止步.（待續） |
 |
| Copyright: Reuters / Reuters |
 |