war20020127

各國戰士期待已久的世界大戰(全港DOC決賽)於九十幾里外的九龍城衛星展開. 當日自護軍陣容強大, 派出三軍司令King Sir, 空軍上尉江水, 陸軍司令繁殖場主, 及二等戰士阿臣出征. 馬咭佬貴為金威國主帥亦上陣出擊. 地軍民兵則有鯊魚負責強攻. 其他如鑽石山惑星也派出戰士出動. 戰事共有128人參加. 共分16組初賽. 比賽之間唔可退咭. 每場冠軍5分, 第二名4分, 如此類推. 初賽只跑五場,真係連隻馬都未睇真就玩完.每組第一名入準決賽. 準決賽分兩組跑十場,每組頭四名進入總決賽. 總決賽共跑十場.最高分便奪取十億自護幣.

大戰於早上九時左右開始. 馬咭佬負責打第一場戰役. 據戰地記者阿臣所見, 馬咭佬運氣欠佳, 未能配得好戰馬. 第一場更要跑先行. 真係要搵馬不平大師至攪得掂. 最後當然失敗告終.

第二場輪到阿臣出戰跑二月錦標. 小弟當日心緒不寧, 烏雲蓋頂, 都心知不妙. 我當日配到隻不知名馬公+Rosita (江水決賽隻牝馬, 泥地特強). 心想如勝兩場泥地都重有機會. 點知一拉出馬房句評語係xxxx期待. 唉... 第一場又操到跑先行. 心?已經苦惱非常. 出跑道隻馬仔12番人氣,再加上兩部機同時出閘 (相差唔超過半秒). 啪啪..啪啪.. 我居然跑先行出閘脫腳, 唯有舉手投降. 信心已降到40%. 第二場跑泥地, 心諗如果勝出都重有D計. 點知隻馬仔唔知係唔係食滯, 打落一滴都冇, 最後直路比人話過就過. 跑完呢場後我知我隻垃圾係泥草不宜, 唯有投降後把隻馬碎屍萬段!!

第三場輪到三軍司令出戰, 自護全体出動打氣. King Sir 配到隻NAR代表馬 + 不知名牝馬. 道理一樣係想勝出兩場泥地. 點知結果都係一樣, 兩場泥地隻馬仔一滴都冇, 反而草地可以有相影. 我現在非常懷疑電腦馬泥地適性係唔係Random. 結果三軍司令也無功而還.

及後繁殖場主出戰亦失利. 自護軍只餘下空軍上尉江水一人. 大家都唔再抱有希望. 因全日未有人打大逃能勝出的. 自護軍唯有轉移陣地到地下機舖與眾失落戰士玩大蝦細, 迴轉等等來泄憤.

其中一場初賽有一名女戰士出擊, 大家都眼前一亮. 當佢勝出第一場比賽時全場拍掌歡呼. 令佢信心大增. 及後全場都為佢打氣, 可憐的就係陪佢玩果七名男仕, 完全係配角一樣. 最後也不負眾望, 以四勝一第2入準決賽.