war20020127b

正當眾自護軍士氣極之低落, 鬱鬱不歡之際. 突然聽到一把聲音在叫 --
江水入到準決賽啦 !! 大家都有點兒不相信, 居然大逃都可以勝出? 由呢一刻開始, 我覺得江水已經可以把大逃既精髓打出來. 原來大逃係可以咁強!

江水在準決賽的表現穩定, 比賽一半左右已經穩奪出線一席位. 這時我地自護軍覺得江水在總決賽一定會入到前三名. 佢正處於顛峰狀態了! 而唯一的女將也不弱, 但表現比初賽差一點, 只以第四名入總決賽.根據消息人士所講, 女將有一點運, 兩場比賽都可以用到特別週配馬仔.而江水準決賽則用NAR代表馬配馬仔, 跑落又幾好前速,同三軍司令果隻完全唔同感覺. 阿King Sir, 真係同人唔同命囉!

準決賽完了後, 江水二話不說, 要抽番支煙定一定經. 而各自護軍團也不作任何打擾. 決賽快將開始, 江水非常緊張. 各人前仆後繼, 希望第一時間知道江水配了什麼馬. 結果都不算太差.
牡馬: Soccor Boy (AOOO@A) 日文: 廿三力一木一人
牝馬: Rosita (OAAOO@). 日文: 口三一夕
仔馬: AOAOOO
但從表能力看隻馬仔係唔適合跑逃馬的. 而決賽係跑日本杯泥地, 只有兩場1600米. 其餘係非常不利逃馬的1400米及2000米. 所以大家都很擔心.

第一場終於開始, 江水操芝單跳大成功, 食埋蘿蔔剛剛好可以跑逃 (真係剛剛好咋, 唔食蘿蔔就大碌變先行). 出跑道第八番人氣, 都算係中上級馬. 可是同場有元朗代表又跑大逃, 更在江水的內檔, 各人都非常擔心, 怕檔位輸, 又怕兩逃馬亙消而益了差馬. 而這一場係唯一的1600草地, 更加不容有失. 一出閘, 兩逃馬應聲彈出, 跑了兩個彎位江水依然有一馬位優勢, 結果江水第一場可順利得到勝利.

第三場係1600米泥地, 氣氛也開始緊張起來. 因為這是最後一場1600米比賽. 眼見江水操完馬後頭擰擰都心知不妙, 原來係操板路得成功. 好在Rosita有泥地適性, 所以可以輕易勝出. (但唔知點解我初賽都係選 Rosita, 但12番人氣而且泥地一適都冇)

正當自護軍團在享受勝利之中, 有一股勢力暗暗開始建立. 女將開始發力, 連續得到幾場第一及第二.而江水只能在第五場跑第一.到中場休息時,江水反而落後一分, 而地球代表鯊魚守第三位.江水形勢十分危險,因有兩場最難逃的1400米及一場負重磅2000米會失分,相反女將跑差馬則可以密食當三番. 所以江水勝出只係四成左右.

一如所料, 江水於第六及第七場失分, 而相反女將則入位置. 到第八場1200 米泥地, 江水雖得第一, 但女將也不甘示弱得第二, 仍領先江水兩分. 現只餘下1400草及1200泥. 如這一場江水再失分就冇得再打. 究竟江水可唔可以逃到最難的1400米呢?一眾自護軍如熱鍋上的螞蟻, 非常焦慮. 唔通就咁敗在女將手上?

大家一味o向度跳求雨舞, 希望爛地可以為Rosita的子嗣一點幫助.
Yeah! 係重地呀. 各人心內終有一絲曙光. 但江水依然全神灌注地等待開跑. 一出閘, 江水的馬彈出, 但到最後直路並非領先很多. 根據各人經驗, 這距離有六成會被差馬追到. 400米, 300米, 200米, 各人都好緊張. 差馬越來越近, 只有四馬位優勢. 全場都為江水打氣. "頂住..頂住..頂住.." 之聲音此起彼落. 到衝線的一刻, 要影相啦! 大家都看得出江水會被追到. 全場屏息以待. 音樂一響, 江水得第二, 而女將未能入位置. 經此一役, 形勢又倒過來有利江水. 因江水反先兩分, 而且最後一場1200米泥地係江水首本路程. 到現在唯一擔心係江水太緊張而漏閘.

最後一場開始, 一出閘真係有人慢閘, 不過係女將, 可能真係太緊張啦. 此時江水已經袋住四皮野陪佢玩, 所以放得好輕鬆. 到最後二百米一眾自護軍團己經亙相擁抱慶祝. 結果江水奪得第一屆全港DOC比賽冠軍. 女將得第二, 而元朗代表得第三. 比賽後江水受各人擁抱祝賀, 而江水一時不能作聲, 在頒獎台上更強忍淚水. 想知道馬王既心裡諗乜, 請到馬主心聲版.