~餃子與餛飩的對話~

餃子：只要有中國人的地方，就有餃子──我們已經是『國食』了。
餛飩：唔好唔記得我出身比你還早呢！
餃子：咩話？邊個唔知中國人食餃子都至少有一千四百多年的歷史喇──
餛飩：但係好早好早，原本就冇餃子，只有餛飩。兩千多年前，西漢時期已經問世，南北朝十分普遍，一直紅到唐宋元明清……
餃子：你有咩證據？
餛飩：漢代有個叫揚雄的人，係佢的《方言》入面記載：「餅謂之餛……或謂之飩。」
餃子：我仲以為因為你地形狀「混沌」，所以咁叫。
餛飩：我倘名仲有個講法，係《通雅》一書入面《飲食》一節：「由渾氏､屯氏發明，故轉音取名渾沌。」我地形狀亦真係似一團混沌，後來做成一個偃月形，便成為餃子了。
餃子：我地比較統一，餃子就餃子，邊似你地，花名一籮籮。除�鬙s「餛飩」，又叫「弓角兒」､「扁食」､「抄食」､「雲吞」……

餛飩：餃子誕生了，並不代表我地要退位消失，反而花色､名目､地方色彩愈來愈豐富。
餃子：我地係「從一而終」，你地呢？「三心兩意」､「見異思遷」。
餛飩：這亦係變化的好處，怎可原地踏步？你地都係白水煮的，滾一滾就係啦，但係我地，湯用豬骨頭老雞熬的，仲灑上紫菜､冬菜､豌豆苗兒，仲有晶黃香酥的蝦米。鍾意食辣的，除�鷘瑼o麻油陳醋以外，仲可落幾滴辣椒油。「食餛飩」之同時，亦「喝餛飩」呢。
餃子：講得幾好聽丫。但係我地都有江湖地位──我地點解叫「餃子」？因為過年果陣，正月初一，一定以我地代表團圓､吉慶。哩一餐，講究除夕晚上包好，半夜十二點一家圍住食，子時的開始，也邁進新年，「歲更交子」就係咁解。「餃子」亦等於「交子」。
餛飩：……
餃子：連在宮中，大婚也食餃子，好似同治光緒呀這些皇帝，雖是滿族，，亦都學我地漢人交子時食餃子，辭舊迎新。

餛飩：一個好名，就是一片光明前途。唉……
餃子：哎──唔駛咁丫。唔好記係心到。
餛飩：邊有。我地都係同一樣���隉C
餃子：�琚C儘管形狀唔一樣，做法都係一樣。都係一塊皮包住ｄ餡，滾兩滾就食得。
餛飩：都有肉餡同素餡。
餃子：諗唔到兩三千年來成了天下通食。窮布窮的食，富有富的食──都係餡兒在變。
餛飩：唔──菜同肉，就是人生。
餃子：不過你地比較精緻，我地粗陋一點。
餛飩：做乜一時之間咁客氣丫？
餃子：你地臉皮薄，我地臉皮厚。
餛飩：我地餡少。
餃子：講真餃子ｄ餡真係比餛飩大舊，一咬一泡湯。
餛飩：日子過去，自我膨漲些，臉皮變厚些──人亦都係咁成長的。
餃子：都返唔到轉頭。

餛飩：有冇發覺，雖那麼悠久的淵源，但係我倆從來唔會走埋一齊，係永不相會的。
餃子：一個碗入面容不下餛飩同餃子，總是分開來。
餛飩：就是有緣無份。
餃子：真奇怪。
餛飩：唔係丫，你睇塵世間的父母子女､兄弟姊妹､知己好友拍檔夥伴……，甚至最親密的愛侶，一旦反目，不都是「你死我活」嗎？我地就是淵源太深，才不要混濁一體當刎頸之交。各有所長，各自發展，唔係好好咩？
餃子：保持這種關係，大家講「再見」時表示還可以再見──
餛飩：再見。有空再聚。
餃子：再見。下回我請客。