退一步好了……可是我實在捱不了茶飯不思，無覺好睏
(因為睏廳)而病倒了………
她見我今早遲遲未醒，便叫醒我 …… 自初一當晚以來她未
跟我說過半句話，可是怎料第一句竟是 …：「死得未呀 ……，
洗唔洗返工呀………」(引號內的省略號是粗俗的口語) 講完之
後就好似薛家燕咁「BONG」一聲閂埋房門……
我當時好病又好暈，梗係無返工啦！咪由屯門出返去九龍我亞媽
屋企再睏跟住睇醫生，宜家都仲o係亞媽屋企上網，至於她一直
無話搵下我，話之我死 ……
我今日睏翻我以前張床，回想以前常在這?諗將來的枕邊人會是誰，
一串串的往事隨即湧現……
首先想奉勸各年青人千萬不要做錯事，因為做錯事是負責呢！……
約在四、五年前，我在公司認識了她，她當年才19歲仲做梗暑期工，
上司安排我教她工作，久而久之日久生情便拍拖了……
可是當全公司的人和我們的親朋也知道此事後，她對我便十分野蠻、
刁難，初時我也忍得就忍，可是她卻要挑戰我的底線，我有諗過離開
她，但再諗深一層這只會令外人覺得我負了她，再加上她精湛的演技，
人人也會幫住她……
她似乎知道距離我的底線不遠了，更離普的是強迫我做一些我暫時不
願意做的事……結果她說有了孕，我便背著奉子成婚的罪名把她娶了
…… 更更離譜的是當我疊埋心水等BB出世做人爸爸之際，她竟然對
我說：「做爸爸？遲下先啦！」原來她從未有孕…… : (
直情好似陳小春首《犯賤》咁：對！我犯賤……
這幾年來的婚姻，如不是靠我心內一個忍字，就跟本維持不了。
直至剛過去的大年初一 …… 富士山是時候爆發了！！！
再加上回看早幾日的文，你們絕大部份人也幫住個衰婆，企晒
o係佢果邊，幾乎無人企我同Twins哩邊，搞到我仲更加傷心，
我知道 Twins 今個星期六會到灣仔英皇集團大廈有簽名會，所
以我已決定當日去一睹阿Gill同阿Sa o既風采，買公仔，簽名……
最緊要向她們表示一下…………嘻嘻！！: )
我好辛苦我食o左藥好眼睏，但我還是要打這篇文，因為我決定
以後唔會再為這Topic打文，因為今個星期六簽名會之後，一切
都可以有一個交代………
我暫時都唔會入屯門住，但倘若這裡有人識得我又識得衰婆的話，
勞煩叫她以後保重！
就此(話題)絕筆
(22-02-2002)
